Tag: տույժ և տուգանք

Գրանցման հայտը չի ներկայացվել

Տաթև․

Բարև Ձեզ, խնդրում եմ ասեք՝ եթե քաղաքացիաիրավական պայմանագրով աշխատակցի պայմանագիրը մինչև 29/12/2023թ․ է գործել, բայց գրանցման հայտը չի ներկայացվել, ի՞նչ կարելի է անել։ Եթե հայտը հիմա ներկայացնեմ, ի՞նչ կարող է լինել։

Վարչական տուգանք հաշվետվությունը չներկայացնելու համար

Աստղիկ․

Բարև բոլորին։ Այսպիսի հարց ունեմ։ Ես պետք է տարեկան հաշվետվություն ներկայացնեմ, սակայն ներկայացնելու համար նախատեսված ժամկետը անցել է։ Խոսքը այս հաշվետվության մասին է` «ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ, որի ներկայացման ժամկետը մինչև փետրվարի 25-ն է, ընդ որում վաղն ենք (28) ներկայացնելու, ուզում էի իմանալ՝ վարչական տուգա՞նք է գալու դրա համար և եթե այո, կգա, ապա որքա՞ն գումարի սահմանում։

Վարչական տուգանք

Աննա․

Բարև ձեզ, վարչական իրավախախտման համար կալանք է դրվել ՍՊԸ տնօրենի քարտին։ Այսինքն՝ միասնական հաշվից տուգանքը չի քաշել։

Ի՞նչ պետք է անել տվյալ դեպքում։

Ֆիզ. անձանց եկամուտների հայտարարագրում

Եվա․

Բարև Ձեզ։ Կասե՞ք՝ ֆիզ․ անձանց եկամտի հայտարարագրման մասով ի՞նչ հաշվետվություն պետք է ուղարկել։ Ի՞նչ ժամկետում։ Եվ չներկայացնելը ի՞նչ հետևանքներ կունենա։ Եվ ֆիզ․ անձանց ՀՎՀՀ ինչպե՞ս կարող ենք վերցնել, եթե ֆիզ անձը ՀՀ-ում չէ։

Ազատման գրանցման հայտը չի ներկայացվել

Նարեկ․

Բարև Ձեզ։ Ընկերության աշխատակիցը դուրս է եկել աշխատանքից 3 ամիս առաջ, բայց աշխատանքի ազատման հայտ չենք ներկայացրել։ Կասե՞ք՝ ի՞նչ անել, որ մինիմալ ռիսկային լինել։ Ազատման հայտ ուղարկեմ 3 օր հետին ամսաթվով և ճշգրտեմ եկամտային հարկի հաշվետվությունները աշխատակցի աշխատավարձը զրո գրելով, թե՞ երեք ամիս հետին ամսաթվով ազատեմ աշխատակցին՝ ճշգրտելով նաև եկամտային հարկի հաշվետվությունները՝ աշխատակցի աշխատավարձը զրո գրելով։

Տույժի արտացոլում էլեկտրոնային համակարգում

Արթուր․

Բարև ձեզ։ Յուրաքանչյուր անգամ եռամսյակային հաշվետվությունը ներակայացնլուց հետո, ՊԵԿ հաշվետվությունների ներկայացման էլեկտրոնային համակարգի «Հարկային պարտավորություններ» բաժնի «ԱՀՔ դիտում» ենթաբաժնի «ՀԱՇՎԱՐԿՎԱԾ ՏՈՒՅԺ» սյունակում ձևավորվում է տույժ։ Ամեն անգամ տարբեր թվային արտահայտմամբ։ Նման փորձառություն ունեցե՞լ եք, ի՞նչն է պատճառը։ Շնորհակալ եմ։

ԱՁ գործունեություն չի իրականացրել

Բարև Ձեզ։ Ես ՏՏ ոլորտի աշխատող եմ, երեք ամիս առաջ բացել եմ ԱՁ, դրանից հետո այն օգտագործելու կարիք չի եղել, սակայն չեմ հրաժարվել ԱՁ֊ից, ուզում եմ իմանալ, թե այդ դեպքում ի՞նչ պարտավորություններ ունեմ, արդյո՞ք որևէ հարկ վճարելու, հաշվետվություններ ներկայացնելու կարիք կա։ Եթե այո, ապա ի՞նչ գործիքներ կան դրանք իրականացնելու համար, ու ի՞նչ տուգանքներ խախտումների դեպքում, եթե նախորդ ամիսներին որևէ վճարում չեմ իրականացրել։

ԱՁ դադարեցում

Նամի․

Բարև ձեզ, ես ԱՁ եմ բացել մի քանի ամիս առաջ, բայց ընդհանրապես ոչ մի շրջանառություն չեմ ունեցել, հաշվետվություն էլ չեմ ներկայացրել։ Կարո՞ղ եմ սառեցնել, և ունե՞մ արդյոք որևէ տույժ հաշվետվություն չներկայացնելու համար։

ԱՁ անալիտիկ հաշվառում

Կարեն․

Բարև Ձեզ։ ԱԱՀ-ով աշխատող ԱՁ-ն անալիտիկ հաշվառում չվարելու համար ի՞նչ պատասխանատվության է ենթարկվում։

Աշխատավարձի ուշացում

Սոֆյա․

Հարգելի հաշվապահներ, կազմակերպության աշխատակիցների աշխատավարձերի մասով հարկերի վճարումները և եկամտային հաշվետվությունները կատարվել են ժամանակին, սակայն աշխատակիցների աշխատավարձերը ուշացրել ենք երեք ամսով՝ պայմանավորված գրանտային ծրագրով ուշ փոխանցումներին: Ասացեք խնդրեմ՝ ի՞նչ խնդիր կառաջանա, եթե աշխատավարձերը ուշ փոխանցենք և ուշացման համար տույժեր չհաշվենք: Ի դեպ՝ ուշացված աշխատավարձի մասով պայմանագրում էլ չունենք նշված:

Հաշվետվությունները չեն հանձնվել

Արմինե․

Ֆինանսական ճգնաժամի արդյունքում կազմակերպությունը, հրաժարվելով հաշվապահական ծառայությունից, մի քանի ամիս չի հանձնել որևէ հարկային հաշեվություն: Եթե այսօր հաշվետվությունները հանձնվեն, բացի սահմանված տույժերից և տուգանքներից ի՞նչ հավելյալ պատասխանատվություն կարող է առաջանալ:

Արդյո՞ք կլինի տուգանք

Անահիտ․

Բարև ձեզ։ Օգոստոսի 30-ին ԱՁ ենք գրանցել պետռեգիստրում, էլ ոչինչ չի արվել։ Շրջհարկի դիմում չենք տվել, բացի այն, որ ԱԱՀ պիտի աշխատենք, վարչական է՞լ կգա, որ թեկուզ զրոյական, բայց ԱԱՀ հաշվետվություն չենք ներկայացրել օգոստոս ամսվա համար։

Վերո համակարգում գրանցումներ չկատարելու տուգանք

Կարեն․

Բարև Ձեզ։ Վերո համակարգում գրանցումներ չկատարելը ինչքա՞ն տուգանք է առաջացնում։ Կաս՞եք՝ ո՞ր հոդվածը կարդամ։

Փոխառություն արտարժույթով

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

Տնօրենի գրանցման հայտ

Ալլա․

ՍՊԸ հիմնադրվել է 1 տարի առաջ, պետ․ ռեգիստի վկայականում գործադիր մարմնի ղեկավար նշանակված է պաշտոնը՝ տնօրեն (Անուն Ազգանուն), հարկման դաշտը՝ ԱԱՀ (դիմումը տարվա սկզբին այդպես ներկայացվել է), բայց ոչ մի օր գործունեություն չի իրականացվել, պարզապես ամեն ամիս ներկայացվել է 0-ական եկամտային հարկի և ԱԱՀ հաշվետվություն: Քանի որ գործունեություն չի իրականացվել, տնօրենի գրանցման հայտ չի ներկայացվել: Հարցս հետևյալն է՝ արդյո՞ք անհրաժեշտ էր ներկայացնել գրանցման հայտը։ Եթե այո, ապա հիմա ուշացած ներկայացնելու դեպքում ի՞նչ է սպասվում։

Վարչական տուգանք կսահմանվի՞

Անահիտ․

Բարև ձեզ, շրջանառության հարկով աշխատող ՍՊԸ-ն ԵՏՄ ներմուծում է արել, որի հայտարարագիրը տրվել ժամանակին, իսկ հայտարարությունը ավելի ուշ, վարչական տուգանք կսահմանվի՞։

Գրանցման հայտ հետին ամսաթվով

Դիանա․

Բարև Ձեզ, հարգելի հաշվապահներ։ Կարո՞ղ եք ասել՝ ի՞նչ հետևանքներ կլինեն, եթե աշխատողի ազատման հրամանը տրվել է ապրիլին, սակայն հարկային հայտ ուղարկվել է հունիսի 21-ին, որի հետ միաժամանակ հունիսից հուլիս կնքվել է ծառայությունների մատուցման մասին պայմանագիր 21.06.2023-10.07.2023, ազատման հայտը այդ ժամանակ ենք նշել, բայց հետին ամսաթվով։

Ինչու՞ է հաշվարկվում տույժ

Աննա․

Բարև Ձեզ, Ա/Ձ- ի մահից հետո հարկայինում ասացին՝ միայն կարող եք աշխատակիցներին ազատել և 97 ձևը հանձնել նոր օգտատեր ավելացնելով լիազոր բաժնից, քանի որ Ա/Ձ-ն մահացել է, իր անունից բանկը աշխատավարձի փոխանցում չկատարեց, հարց՝ կարո՞ղ ենք հանձնել շրջ հարկի հաշվետվությունը և եկամտայինը և մյուս պարտավորությունները, թե ինչպես հարկայինում ասացին չկա Ա/Ձ, չկա պարտավորություն, եթե այդպես է՝ ինչու՞ է տույժ գալիս (մի փոքր գումար է մնացել) պարտավորություն բաժնում։

ՀԴՄ տուգանքի գումարի արտացոլում

Հասմիկ․

Բարև ձեզ, կարո՞ղ է ՀԴՄ տուգանքի վճարը այլևս չի երևալու հարկային պարտավորությունների ԱՀՔ քաղվածք բաժնում, մենք չենք վճարել, բայց հիմա չի երևում, նախկինում երևում էր։

Հաշվետվության ճշգրտում

Արմենուհի.

Բարև Ձեզ։ Խնդրում եմ ինձ օգնեք հասկանալ, եթե շրջհարկով ներկայացված հաշվետվություններում վաճառքից եկամուտը ավել է ցույց տրված ՀԴՄ-ի թվից, կարո՞ղ եմ երկու տարվա կտրվածքով ճշտում տալ և ի՞նչ տույժեր ու տուգանքներ են կիրառվում այս դեպքում: Շնորհակալություն։

“Վերո” ծրագրում ուղղում չի կատարվել

Կարեն․

Բարև Ձեզ։ Ունեմ երկու տեսակ ապրանք՝ 150 գրամանոց և 300 գրամանոց, ու սխալվել եմ վերո ծրագրով սխալ համարի դրոշմապիտակներ եմ վերագրել և ուղղում չեմ կատարել։ Կասե՞ք՝ ինչքա՞ն տուգանք կլինի։

Ձևակերպումներ ծրագրում

Մելինե․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում (նոր եմ ձեռք բերել), օրինակ, տույժերի ծախսերին հաշվեգրումը, կամ ասենք միասնական հաշվում առկա գումարով եկամտային հարկի մարումը ի՞նչ փաստաթղթերով ձևակերպել, հիշարար օրդե՞ր։ Եվ ձեռք բերված կնիքը ի՞նչ փաստաթղթով մուտքագրել՝ հիմնական միջո՞ց, թե՞ արագամաշ առարկա: Շնորհակալություն։

Ակտի վճարում ֆիզ. անձի կողմից

Աննա․

Բարև Ձեզ, հարգելի հաշվապահներ։ Եթե կազմակերպությունն ունի մարդատար մեքենա հիմնական միջոց, վարչական ակտ գալու դեպքում կարո՞ղ է այլ ֆիզիկական անձը վճարել տվյալ ակտը, թե՞ պարտադիր պետք է կազմակերպության բանկային հաշվից կատարել:

Դրոշմապիտակների վերադարձի ժամկետը լրացել է

Գոհար․

Բարև ձեզ, հարգելի մասնագետներ, հարցս հետևյալն է․ եթե ապրիլի 30-ին լրացել է դրոշմապիտակների հետ վերադարձի ժամկետը, կասե՞ք՝ ինչ՞քայլեր պետք է անեմ հիմա տուգանքներից խուսափելու համար։

Ինքնահաշիվ ոչ նյութական ակտիվի ձեռքբերման դեպքում

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

ԱՁ-ն չի ներկայացրել հաշվետվություններ

Մետաքսե․

Բարի օր։ ԱՁ-ն բացվել է անցած տարի նոյեմբերին, և ոչ մի գործողություն չի արվել դրանից հետո (ոչ դիմում, ոչ հաշվետվություն): Հիմա ցանկանում եմ դադարեցնել գործունեությունը։ Խնդրում եմ կօգնե՞ք հասկանալ՝ ի՞նչ տույժեր պետք է վճարեմ, և եթե ID քարտ չունեմ, ի՞նչ տարբերակով է հնարավոր ներկայացնել դադարեցման դիմում։

Տույժերի նվազեցում շահութահարկի հաշվարկի ժամանակ

Գայանե․

Բարև Ձեզ։ Հարկային պարտավորություններից առաջացած տուժերը ներառու՞մ ենք շահութահարկի նվազեցումների մեջ։ Շնորհակալություն։

Տուգանք հարկերի ուշացման համար

Արթուր․

Բարև Ձեզ։ Ուզում եմ իմանալ՝ ձեզ հետ նման դեպք պատահե՞լ է, ու ի՞նչ եք արել։

2023-ի հունվարի 9-ին ՊԵԿ միասնական հաշիվ 2022-ի չորրորդ եռամսյակի շրջանառության հարկի չափով գումար եմ փոխանցել՝ իմ ԱՁ-ի «2022-ի չորրորդ եռամսյակի հարկային պարտավորություն» նպատակով։ Միասնական հաշվից առաջին հերթին 2022-ի սոցվճարի գանձում է կատարվել, իսկ մնացորդից՝ 2022-ի չորրորդ եռամսյակի շրջանառության հարկի մարում է կատարվել, որը բնականաբար ավելի քիչ է եղել, քան իրական գումարը։

Հիմա ՊԵԿ-ը տուգանել է՝ հարկերը ժամանակին չվճարելու համար։ Այնինչ 2022-ի սոցվճարի, շահութահարկի ու դրոշմանիշային վճարի համար մինչև 2023-ի ապրիլի 20-ը կարող ենք փոխանցել։

Հարկերի ուշացման տույժ և տուգանք

Անի․

Բարև Ձեզ։ ԱՁ եմ, աշխատում եմ սոցիալական մեդիա մարքեթինգի ոլորտում։ Այս ամիս պետք է վճարեմ՝

1․ Շրջանառության հարկ,

2․Անհատ ձեռնարկատիրոջ և նոտարի սոցիալական վճար,

3․ՀԱՇՎԱՐԿ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ԵՎ ՄՇՏԱԿԱՆ ՀԱՍՏԱՏՈՒԹՅԱՆ ՄԻՋՈՑՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՈՉ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ՇԱՀՈՒԹԱՀԱՐԿԻ

4․ Դրոշմանիշային վճար

Ցավոք անձնական խնդրների պատճառով չեմ կարողանա վճարել մոտակա 2 ամսվա ընթացքում։ Կասե՞ք խնդրում եմ՝ ի՞նչ տույժ և տուգանք է նախատեսվում յուրաքանչյուրի ուշացման համար։

Կանխավ շնորհակալություն։

Դրոշմապիտակների ուշ վերագրում

Եվա․

Բաև Ձեզ, խնդրում եմ կասե՞ք՝ Vero համակարգով դրոշմապիտակների ուշ վերագրման համար ի՞նչ չափի տույժ և տուգանք է սպասվում կազմակերպությանը։

Դրամարկղի գիրքը չի լրացվել

Թամարա.

Բարև Ձեզ, հարգելի հաշվապահներ։ Ասացեք խնդրեմ, եթե շրջ. հարկով աշխատող Ա/Ձ դեկտեմբերին աահ-ով է աշխատել, շահութահարկի հաշվարկում 8 -րդ բաժինը լրացնու՞մ է, թե՞ ոչ։ Եվ ի՞նչ տուգանք է սահմանված այդ 1 ամիսը դրամարկղի գիրք չվարելը կամ գիրք չունենալը։ Շնորհակալություն։

Տուգանքի մաս-մաս վճարում

Գոհար.

Բարև ձեզ, հաշվապահներ ջան։ Ինձ ո՞վ կարող է ՀԴՄ տուգանքը մաս-մաս վճարելու դիմումի ձև ուղղարկել։

Իրական շահառուհի հայտարարագրի լիազորագիր

Անի․

Բարև Ձեզ։ Իրական շահառուի հայտարարագրի համար լիազորագիրը ուղարկելիս՝ պատասխան ենք ստանում, որ տվյալ էլ․ փոստի հասցեն չի կարող ընդունել նամակ, քանի որ ծանրաբեռնված է։ Ի՞նչ անել նման դեպքում, և արդյո՞ք մինչև մարտի 1-ը հայտարարագիր չուղարկելու դեպքում կնշանակվի տուգանք։ Արդյո՞ք չեն նախատեսում երկարացնել ժամկետը, քանի որ իրենց մոտ առկա են նման տեխնիկական խնդիրներ։

Վիճակագրական հաշվետվությունը ուշ է ներկայացվել

Կարեն․

Բարև Ձեզ։ ԱՁ-ն նոյեմբեր ամսին թվով 5 արտահանում է կատարել ՌԴ։ ԵՏՄ վիճակագրական հաշվետվությունները ժամկետից ուշ է ներկայացրել՝ ներկայացնելով փետրվարի 10-ին։ Վարչական տուգանքը որքա՞ն կկազմի։ 5 արտահանման համար առանձի՞ն պետք է վարչական կիրառեն։ Ո՞ր օրենքը նայեմ այս հարցի հետ կապված։

Տույժ և տուգանքի վճարում

Մանե․

Բարև Ձեզ։ Կարո՞ղ եք նշել, թե որտեղ պետք է վճարվի հսկիչ գնմամբ առաջացած տույժ, տուգանքը։ Միասնական հաշվում պարտավորությունը արտացոլված չէ։

Ստորագրության բացակայություն փաստաթղթի վրա

Հայկ․

Բարև Ձեզ։ Խնդրեմ հուշեք՝ դրամարկղի մուտքի / ելքի օրդերների վրա եթե որոշ ստորագրություններ են բացակայում, օրինակ գանձապահի, դրա համար ի՞նչ պատասխանատվություն է նախատեսված։ Կանխավ շնորհակալություն։

Ակտը ծանուցվել է էլեկտրոնային եղանակով

Արայիկ․

Բարև ձեզ, հարգելի հաշվապահներ: Կազմակերպությունը 2022թ. Հունիս ամսին դիմել է բանկ ՀԴՄ POS տերմինալի ակտիվացման համար: 2022թ. Հոկտեմբերի 6-ին ՊԵԿ տեսուչների կողմից կատարվել է ստուգում, և փաստացի տվյալ պահին դեռ պոսը ակտիվ չի եղել: Անկանխիկի խախտման ակտ է կազմվել 300.000 դրամ: Ակտը ծանուցվել է էլեկտրոնային տարբերակով: Լիազորի գրասենակից նոր ծանուցումների բաժինը, որով երևում են ակտերը, չի ակտիվացվել և փաստացի չի իմացվել ակտի ծանուցման օրը: Ծանուցումից երկու ամիս անց ակտը միասնական հաշվում երևացել է որպես պարտք: Ի՞նչ կարելի է անել տվյալ դեպքում։

Ներմուծում ԵՏՄ-ից

Մարիաննա․

Բարև ձեզ, հարգելի հաշվապահներ։

Եթե ԵՏՄ երկրներից մեկից ՍՊԸ-ի տնօրենը ներմուծող կազմակերպության միջոցով ապրանք է գնել որպես ֆիզիկական անձը և վճարել ապրանքի գինը ռուբլիով, ինչու՞ են հիմա կանչում այդ մարդուն վարչական իրավախախտման համար և ասում, որ ապրանքի գնի 20%-ը պետք է վճարի։

Ազատման հայտ չի ներկայացվել

Բարև Ձեզ, հարգելի հաշվապահներ։ Խնդրում եմ ասեք՝ 2 օր ուշացումով ազատման հայտի գրանցման համար վարչական տույժ սահմանվու՞մ է, կամ ինչպե՞ս ճիշտ գրանցել, եթե ազատման հրամանը տրված է 20.10.2022թ. և մինչև այսօր հայտն ուղարկված չէ։

Կարգապահական տույժ հաշվապահին

Անի.

Բարև ձեզ։ ՓԲԸ-ին հարկայինը տուգանում է ժամանակին հաշվետվությունը չներկայացնելու համար, հաշվապահը արդարանում է, որ վերջին երկու շաբաթը եղել է բյուլետենում (ամբուլատոր) և իր մեղավորությունը չկա, սակայն հրամանով հաշվապահի պարտականությունները տվյալ ժ|հատվածի համար չեն վերցվել, քանի որ այլ հաշվապահ ընկերությունը չունի: Այս դեպքում գործատուն կարո՞ղ է կարգապահական տույժի ենթարկել հաշվապահին:

Տույժ աշխատավարձի ուշացման համար

Արամ.

Բարև ձեզ: Հարցս վերաբերվում է աշխատավարձի ուշացման դեպքում առաջացած տուժին: Հարց 1. Եթե սեպտեմբեր ամսվա աշխատավարձի վճարման վերջնաժամկետը, այսինքն՝ հոկտեմբերի 15-ը ոչ աշխատանքային օր է, արդյո՞ք կարելի է աշխատավարձ վճարել աշատանքային օրը, տվյալ դեպքում հոկտեմբերի 17-ին։ Արդյոք տույժ պետք է հաշվարկել, թե՞ ոչ։
Եվ հաջորդ հարցը. եթե աշխատավարձը փոխանցվել է հոկտեմբերի 6-ին, բայց գումարը աշխատողի հաշվին նստել է հոկտեմբերի 20-ին, տվյալ դեպքում որքա՞ն տույժ կառաջանա։

Շահութահարկի հաշվարկ չի ներկայացվել

Լուսինե.

Բարև ձեզ։
Ես աշխատում եմ ՀՈԱԿ-ում որպես հաշվապահ։
Նոր եմ աշխատում և տարեկան շահութահարկը չեմ ներկայացրել էլեկտրոնային հաշվետվությունում, միայն զրոյականն ա լինելու։ Դրանից հնարավո՞ր է տնօրենի աշխատավարձից գումար պահվի որպես տույժ։
Կանխավ շնորհակալություն։

Փոխառության մարման տույժ

Իզաբելլա.

Բարև ձեզ։ Հարցս վերաբերում է տույժերի կիրառմանը։ Եթե պայամանգրով սահմանված է տույժ փոխառության մարման յուրաքանչյուր ուշացրած օրվա համար, ամեն ամիս ուշացնելու դեպքում պետք է ամեն անգամ գրավոր ծանուցվի՞ տույժի կիրառման մասին, թե՞ պարտադիր չէ ծանուցել, քանի որ տույժի մասին նշված է պայմանագրի մեջ։
Նախապես շնորհակալություն։

Ֆիզ. անձը որպես միջնորդ

Գևորգ.

Հարգելի Հաշվապահներ,

Անձը 2020 թվականին հանդիսացել է միջնորդ։ Նա ֆիզիկական անձից (բնակվում է ՀՀ-ում) ստացել է 1,000,000 դրամ ՀՀ բանկային հաշվին, որից 100,000 դրամը վերցրել է որպես միջնորդավճար և 900,000 դրամին համարժեք արտարժույթը սեփական արտասահմանյան բանկային հաշվից փոխանցել է Ա/Ձ-ին (բնակվում է արտերկրում), որպեսզի վերջինս ֆիզիկական անձին մատակարարի ապրանքներ։ Մաքսազերծման հետ կապված բոլոր աշխատանքները կատարում է ֆիզիկական անձը և ոչ թե միջնորդը։

Եթե միջնորդի համար առաջացել են հարկային պարտավորություններ, ապա այս հարկային տարում 2020 թ. պարտավորությունը կատարելու համար հարկերը և հաշվարկվող տուգանքը մոտավոր ինչքա՞ն են կազմելու, եթե անձը Ա/Ձ-ից ձեռքբերած ապրանքների վերաբերյալ ունի համապատասխան փաստաթղթեր։

Շնորհակալություն

Աշխատավարձի ուշացման դեպքում

Յանա.

Բարև Ձեզ։ Խնդրում եմ պատասխանեք. համաձայն աշխատանքային պայմանագրի՝ նշված ժամկետում աշխատավարձի չվճարման դեպքում գործատուն ժամկետանց յուրաքանչյուր օրվա համար վճարում է տույժ հասանելիք աշխատավարձի 0,02 % չափով։ Ճի՞շտ է։
Կանխավ շնորհակալություն։

Աշխատավարձի ուշացման դեպքում

Կարեն.

Բարև ձեզ, հարգելի հաշվապահներ: Աշխատողի աշխատավարձը՝ մաքուր վճարման ենթակա գումարը կազմել է 73 550 դրամ, սակայն վճարվել է 5 օր ուշ: Հարց. արդյո՞ք տույժը ենթակա է հարկման, եթե այո, ապա ինչպե՞ս հաշվարկել՝ հաշվարկված 95 000 դրամ աշխատավարձին գումարել 5 օրվա 95000*0.15% և հարկել։

Աուդիտ չիրականացնելու հետ կապված

Մանե.

Բարև Ձեզ։ Կարող եք օգնել այս հարցում. որտե՞ղ կարող եմ գտնել՝ աուդիտ չիրականացվելու դեպքում տույժ, տուգանք առաջանու՞մ է, թե՞ ոչ։