Էմիլյա.
Բարև ձեզ: Ես գրանցված աշխատող եմ եղել, բայց դիմում եմ ներկայացրել, որ հունիսի 1-ից դուրս գամ, բայց ազատվել եմ ամսի 15-ից: Հիմա ուզում եմ աշխատել, բայց իմ անվան տակ ցույց է տալիս, որ գրանցված աշխատող եմ, իսկ նոր աշխատատեղից չեն կարող գրանցել դրա պատճառով: Իրենք էլ ասում են, թե ազատել են, բայց 3 ամիս հետո նոր կմաքրվի իմ անունից: Կօգնե՞ք ինձ:
Կարող եք զանգահարել թեժ գիծ և ճշտումներ անել, դա այս պահին ամենաարագ ձևը կլինի։ Հնարավոր է՝ Ձեր նախկին գործատուն ուշ է ազատել Ձեզ աշխատանքից, այդ պատճառով խնդիր է առաջացել:
Լավ:
Հնարավո՞ր է բայց նման բան՝ ազատեն աշխատողին, բայց նրա անունից մաքրվի ուշ:
Աշխատողին աշխատանքից ազատելու օրվանից երեք օրվա ընթացքում հարկային գործակալը հայտ է ներկայացնում ազատման մասին, այսինքն՝ եթե Ձեզ աշխատանքից ազատել են ամսի 15-ից, ապա 18-ից հետո երկրորդ գործատուի մոտ պետք է հստակ երևա։
Եթե նախորդ գործատուն ճշտում կատարի և գրանցման հայտ տա մայիսի 31-ով, որը հնարավոր է, համապատասխանաբար ճշտելով մայիս և հունիս ամիսների ամփոփ եկամտային հարկի հաշվետվությունները, հարցին լուծում կտրվի:
Իմ կարծիքով՝ Ձեր գործատուներից մեկը կամ երկուսը միաժամանակ ինչ-որ բան ճիշտ չեն ասում: Ի՞նչ է նշանակում՝ «3 ամիս հետո նոր կմաքրվի», Դուք դիմումը գրել եք, գնացել, դա նրա խնդիրն է՝ սահմանված ժամկետում կազատի, թե ոչ, իսկ երկրորդ գործատուն չի կարող տեսնել՝ Դուք այլ տեղ աշխատում եք, թե ոչ, նա էլ իր հերթին պետք է Ձեզ գրանցի աշխատանքը սկսելու նախորդ օրվանից ոչ ուշ:
Ցանկանում եմ իմանալ՝ ես գրանցված աշխատող եմ, թե՞ ոչ։ Կա՞ արդյոք որևէ կայք ստուգելու համար։
Տվյալ խնդիրը ունի տեխնիկական բնույթ, տվյալ խնդիրը կարգավորելու համար առավել հարմար եղանակ է նախկին աշխատանքի վայրից տանել տեղեկանք ազատված լինելու վերաբերյալ, ինչպես նաև անհրաժեշտության դեպքում նոր աշխատանքի վայր ներկայացնել գրանցման հայտը իր ստացականով (ազատված լինելու մասին):