Արդյո՞ք գործատուն պարտավոր է տրամադրել աշխատանքային գրքույկ

237

Անդրանիկ.

Բարև Ձեզ:
Խնդրում եմ պատասխանել հետևյալ հարցերին՝
– Գործատուն պարտավոր է սկսնակ աշխատողի համար լրացնել աշխատանքային գրքույկ, սա նշանակու՞մ է, որ նաև պիտի տրամադրի աշխատանքային գրքույկը:
– Որոշակի ժամկետով պայմանագիր կնքվում է միայն հատո՞ւկ կատեգորիայի պաշտոնների դեպքում, թե նաև կարելի է, օրինակ, խոհարար կամ գանձապահ հաստիքի դեպքում ևս կնքել որոշակի ժամկետով աշխատանքային պայմանագիր:
Կանխավ` շնորհակալություն:

0

Ֆեյսբուքյան մեկնաբանություններ

Accountant.am
Author: Accountant.am

3 thoughts on “Արդյո՞ք գործատուն պարտավոր է տրամադրել աշխատանքային գրքույկ

  1. Բարև Ձեզ, հարգելի Անդրանիկ:
    Գործատուն հիմնական աշխատավայրում աշխատող բոլոր աշխատողների համար վարում է աշխատանքային գրքույկ անկախ այն հանգամանքից` սկսնակ է աշխատողը, թե փորձառու:

    Ինչ վերաբերում է Ձեր 2-րդ հարցին, ապա համաձայն ՀՀ ԱՕ 95-րդ հոդվածի, որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները:
    Այսինքն, եթե Դուք գիտեք, որ Ձեր կազմակերպությանը խոհարար կամ գանձապահ միշտ էլ անհրաժեշտ է լինելու, ապա այդ հաստիքների համար որոշակի ժամկետով պայմանագիր կնքելը թույլատրելի չէ:

    0
    1. Հարգելի Աննա, առաջին հարցումս ելակետային հարցը տրամադրելու հետ է կապված: Շնորհակալ եմ:

      0
  2. Եթե նկատի ունեք, թե աշխատանքային գրքույկը գործատուն պետք է տրամադրի, թե աշխատակիցը ինքը դատարկ գրքույկը ներկայացնի, ապա դա որոշվում է գործատուի և աշխատողի փոխադարձ համաձայնությամբ և յուրաքանչյուր կազմակերպությունում գործող կարգերից:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *