Արձակուրդայինի հաշվարկ

Srbuhy.

Բարև ձեզ, հարգելի հաշվապահներ, խնդրում եմ օգնեք ճիշտ հաշվարկել արձակուրդային.
աշխատողը աշխատանքի է ընդունվել 2012թ. հուլիսի 1-ից, աշխատում է 6-օրյա գրաֆիկով, աշխատավարձը 2012թ.-ին պայմանագրով եղել է 70 000 դրամ, 2013 թ.-ից վերահաշվարկելուց հետո 86 000 դրամ է, աշխատողին օգոստոսի 1-ից օգոստոսի 24 ամենամյա արձակուրդ սխալ եմ հաշվարկել, խնդրում եմ կհաշվե՞ք, թե ինչքան է կազմում իր արձակուրդային գումարը, եթե կարելի է քայլերով գրեք հաշվելիս, և գրեք, թե արձակուրդային գումարը երբ է վճարվում:
Կանխավ շնորհակալ եմ:

0

Ֆեյսբուքյան մեկնաբանություններ

Accountant.am
Author: Accountant.am

2 thoughts on “Արձակուրդայինի հաշվարկ

  1. 2012թ. բաժին ընկնող ամիսները պետք է հաշվարկել.
    «5. 2013 թվականին պահանջն առաջանալու դեպքում միջին ամսական աշխատավարձ հաշվարկելիս աշխատողի տվյալ ամսվա աշխատավարձի չափին ավելացվում է սույն հոդվածի 6-րդ մասով սահմանված կարգով որոշվող մեծությունը, եթե տվյալ ամիսը 2012 թվականի ամիս է:
    6. Սույն օրենսգրքի 195-րդ հոդվածի 5-րդ մասով նախատեսված մեծությունը որոշվում է`
    1) մինչև 20 000 դրամ աշխատավարձի դեպքում` 7 000 դրամ.
    2) 20 000 դրամից մինչև 100 000 դրամ աշխատավարձի դեպքում` 7 000 դրամ` գումարած 20 000 դրամը գերազանցող գումարի 15 տոկոսը.
    3) 100 000 դրամից ավելի աշխատավարձի դեպքում` 19 000 դրամ` գումարած 100 000 դրամը գերազանցող գումարի 5 տոկոսը:»:

    Ձեր դեպքում
    1024500/12=85375/25=3415*24=81960դր

    Ինչ վերաբերում է արձակուրդային 24 օրերին, հաշվարկեք օգոստոս ամսվա միայն աշխատանքային օրերը, արձակուրդային օրերը օրացուցային օրերով չեն հաշվում (ձեր աշխատողը արձակուրդի մեջ պետք է լիներ օգոստոսի 1-29):

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *