Արձակուրդայինի հաշվարկ

Մելինե.

Հարգելի հաշվապահներ խնդրում եմ պատասխանեք, ինչպե՞ս վարվել ամենամյա տրամադրվող արձակուրդի հետ, եթե այն չի ընկնում մեկ ամսվա մեջ։
Ենթադրենք աշխատողը գնացել է արձակուրդ հուլիսի 20-ին և պետք է վերադառնա արձակուրդից օգոստոսի 18-ին, այսինքն հուլիս ամսում 11 օր կլինի արձակուրդում, իսկ օգոստոսին 17 և ենթադրենք ընդհանուր արձակուրդայինը հաշվարկվել է 80000 դրամ։
Ըստ ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ Հրահանգի 33-րդ կետի Հուլիսի 11 օրվա արձակուրդայինը կկազմի 31430դրամ (80000/28*11, իսկ օգոստոս ամսվա համար 48570(80000/28*17)։ Սոց վճարները համապատասխանաբար կկազմեն հուլիս ամսվա համար՝ 8715 դրամ, օգոստոս ամսվա համար՝ 11285դրամ։
Բայց քանի որ ամբողջ արձակուրդայինի գումարը պետք է տրվի աշխատողին հուլիսի 17-ին այդ դեպքում պետք է եկամտահարկը և անհատական սոց վճարը՝ 3%-ը հաշվարկվի հուլիսին։ Խնդրում ենք ասել ինչպես վարվենք ԱՎՈՒՄ-ի հետ, մի դեպքում կիսվում է արձակուրդայինը, մյուս դեպքում ոչ։
Նախապես Շնորհակալություն:

0

Ֆեյսբուքյան մեկնաբանություններ

Accountant.am
Author: Accountant.am

5 thoughts on “Արձակուրդայինի հաշվարկ

  1. Դուք պարզապես հուլիսին վճարում եք ամբողջ 80000-ի եկամտահարկը: Հուլիսի ԱՎՈՒՄ-ի մեջ մտնում է 31430 -ը, օգոստոսի ԱՎՈՒՄ-ի մեջ 48750-ը:

    0
  2. Հարգելի Մելինե

    Պետք է հասկանալ հետևյալ սկզբունքը՝ յուրաքանչյուր ամսվա համար ե/հ-ը և սոցվճարը հաշվարկվում են տվյալ ամսվա աշխատանքի վարձատրությանն ուղղված միջոցներից և դրան հավասարեցված եկամուտներից։

    Հուլիսի արձակուրդայինից՝31430 դրամից գործատուի սոցվճարը կկազմի 8715 դրամ, ինչպես Դուք նշել էիք, միայն մի դեպքում, եթե այդ աշխատողը հուլիսին աշխատավարձ չի ստացել։

    Հուլիսի արձակուրդայինը կազմում է 31430 դրամ։ Գումարեք այն հուլիս ամսվա աշխատավարձին, այդ գումարից հաշվարկեք ե/հ և սոցվճար (3% և գործատուի սոցվճարը), ստացված արժեքներից հանեք հուլիս ամսվա աշխատավարձի համար հաշվարկված ե/հ-ը և սոցվճարը, կստանաք հուլիս ամսվա արձակուրդայինի ե/հ-ը և սոցվճարը։
    Օգոստոսի արձակուրդայինը կազմում է 48570 դրամ։ Այդ գումարից ուղղակի հաշվարկեք ե/հ-ը և սոցվճարը (1711-ե/հ, 1457-3%, 11286-գործ.սոցվճար), կստանաք օգոստոս ամսվա արձակուրդայինի ե/հ-ը և սոցվճարը։
    Հետագայում, օգոստոս ամսվա աշխատավարձից ե/հ և սոցվճար հաշվարկելու համար կվարվեք նուն կերպ՝ ինչպես հուլիս ամվա արձակուրդայինի ե/հ և սոցվճար հաշվարկելու ժամանակ։
    Կգումարեք օգոստոս ամսվա աշխատավարձը օգոստոս ամսվա արձակուրդայինին (48750), այդ գումարից հաշվարկեք ե/հ և սոցվճար, ստացված արժեքներից հանեք օգոստոս ամսվա արձակուրդայինի համար հաշվարկված ե/հ-ը և սոցվճարը, կստանաք օգոստոս ամսվա աշխատավարձի ե/հ-ը և սոցվճարը։

    0
  3. Հարգելի Ռաֆիկ, բանն էլ հենց դրանում է, որ յուրաքանչյուր ամսվա համար ե/հ-ը և սոց վճարը հաշվարկվում են տվյալ ամսվա աշխատանքի վարձատրությանն ուղղված միջոցներից և դրան հավասարեցված եկամուտներից։ Հիմա ինձ ասեք, չէ որ աշխատողը իր արձակուրդայինը ստանում է արձակուրդ գնալուց 3 օր առաջ, դա չի նշանակու՞մ, որ պետք է ամբողջ արձակուրդայինի պահումները մինագամից անենք, որպեսզի իմանանք, թե ինչքան առձեռն գումար պետք է նա ստանա։ Իսկ գործատուի սոցի դեպքում կիսենք, յուրաքանչյուր ամսվան ընկնող արձակուրդայինի օրերին համապատասխան։ Եթե ես վերցնեմ եկամտահարկը եվ անհատական սոցը կիսած հաշվեմ, ինչպե՞ս ստանամ մաքուր արձակուրդայինը։

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *