Եթե մարդ աշխատում է 2 կազմակերպությունում միաժամանակ

Ելենա.

Հարգելի հաշվապահներ, հարցս հետևյալն է: Եթե մարդը աշխատում է 2 կազմակերպությունում միաժամանակ՝ հիմնական և համատեղությամբ, նախածննդյան և հետծննդյան արձակուրդը ստանում է միայն հիմնակա՞ն աշխատավայրից, թե՞ 2 տեղից էլ: Իսկ մինչև 2 տարեկան երեխայի խնամքի նպաստը` 18 000 դրամը (այս գումարը փոփոխվե՞լ է 2010թ.-ի համար), կստանա կրկնակի՞, երբ 2 տեղից էլ միաժամանակ դուրս գա:

Սպասում եմ ձեր հուշումներին…

Կիսվել՝

Facebook մեկնաբանություններ

Հետևել այս նյութին
Ստանալ նամակ
guest
7 Մեկնաբանություն
Հները
Նորերը Most Voted
Inline Feedbacks
Դիտել բոլոր մեկնաբանությունները
Աննա

Հարգելի Ելենա, 18 000 դրամ նպաստը այս տարի չի փոխվելու, դա տեղյակ եմ փարոսից, իսկ առաջին հարցը, թերևս համոզված չեմ, բայց կարծում եմ, որ հիմնականից պետք է ստանա:

Նաիրա

Հարգելի Ելենա, անկախ նրանից, թե աշխատողը քանի տեղ է աշխատում նա իրավունք ունի անաշխատունակության նպաստից օգտվելու յուրաքանչյուր աշխատավայրից՝ համաձայն «ժամանակավոր անաշխատունակության դեպքերից պարտադիր սոցիալական ապահովագրության մասին» օրենքի 5-րդ կետի վերջին պարբերության, այսինքն՝ աշխատողը իրավունք ունի ստանալ նախածննդյան և հետծննդյան արձակուրդը 2 աշխատավայրերից միաժամանակ: Համաձայն սույն օրենքի 27-րդ հոդվածի 3-րդ կետի՝ համատեղությամբ աշխատելու դեպքում վարձու աշխատողին ապահովագրական նպաստ նշանակելու համար հիմնական աշխատավայրի գործատուի համար հիմք է համարվում ժամանակավոր անաշխատունակության թերթիկը, իսկ մյուս գործատուի (գործատուների) և տարածքային բաժնի (բաժինների) համար` հիմնական աշխատավայրի գործատուի հաշվապահության կողմից կնքված ժամանակավոր անաշխատունակության թերթիկի լուսապատճենը, այսինքն՝ եթե աշխատողը ներկայացնում է բյուլետենը հիմնական աշխատավայր, այդ դեպքում հիմնական աշխատավայրի հաշվապահությունը վերցնում է բյուլետենի բնօրինակը, պատճենում է բյուլետենը, վրան դնում է իր կազմակերպության կնիքը ու տալիս աշխատողին, որպեսզի նա այդ լուսապատճենած և կնքած բյուլետենը տանի այն աշխատավայր, որտեղ աշխատում է համատեղությամբ:

Նաիրա

Ելենա ջան, ավելացնեմ նաև, որ 18 000 դրամ նպաստը աշխատողը ստանում է պետությունից, և այն տրվում է աշխատողին իր տարածքային սոցապից, այսինքն՝ նա կրկնակի չի ստանալու այդ գումարը՝ համաձայն նպաստների մասին օրենքի: Բայց նախածննդյան և հետծննդյան արձակուրդի գումարը կստանա երկու աշխատավայրերից, քանի որ ժամանակավոր անաշխատունակության բոլոր դեպքերի համար գործատուն վարձու աշխատողներին ապահովագրական նպաստը վճարում է տվյալ ամսվա համար հաշվարկված սոցիալական վճարների հաշվին:

Արթուր

Ելենա ջան, քանի տեղ որ աշխատում է, այդքան տեղից էլ ստանում է: Բյուլետենի լուսապատճենը հիմնական գործատուն կնքում է, որը հիմք է հանդիսանում մյուս գործատուների համար նպաստը հաշվարկելու և վճարելու:

Ելենա

Անչափ շնորհակալ եմ բոլորիցդ 🙂 Դուք ինձ շաաաատ շաաաատ օգնեցիք:

Հայկանուշ

Խնդրում եմ պատասխանել այս հարցի հետ կապված մեկ այլ հարցի: Եթե քաղաքացին հիմնական աշխատավայրում գտնվում է չվճարվող արձակուրդում երեխայի ծնունդից հետո և միևնույն ժամանակ կնքում է քաղաքացիաիրավական պայմանագիր ծառայություն մատուցելու մասին, այսինքն՝ կնքում է ոչ թե աշխատանքային պայմանագիր, այլ քաղաքացիաիրավական, այդ դեպքում ամսական 18 000 դրամը վճարվու՞մ է, թե՞ ոչ:

Նախօրոք շնորհակալություն պատասխանի համար:

Աստղիկ

Բյուլետենի հաշվարկման համար մեկ տարվա եկամուտը հաշվարկելիս (մեկ տարվա ընթացքում ունեցել եմ արձակուրդ, բյուլետեն մի քանի անգամ և աշխատավարձի վճարում ոչ լրիվ օրերի քանակով) բյուլետենների մեկական օրերը չեն վճարվել: Խնդրում եմ ասել` հիմա բյուլետենի հաշվարկման ժամանակ հաշվարկի մեջ արձակուրդի և բյուլետենի ամիսները մտնու՞մ են, թե՞ ոչ: Ինչու՞ բյուլետենի թերթիկի մեջ չի նշվում, որ պետք է մեկ օրը հանվի: Շնորհակալություն: