Մարիամ Մ.
Շնորհակալ կլինեմ, եթե տեղեկատվություն տրամադրեք հետևյալ հարցի շուրջ:
Ընկերության տնօրենի միամսյա բացակայության ընթացքում ժամանակավոր պաշտոնակատար է նշանակվել մինչ այդ 0,5 դրույքաչափով հաշվառված բաժնի ղեկավարը: Ինչպե՞ս պետք է հաշվառվի այդ աշխատակցի նշված ամսվա աշխատավարձը:
Կանխավ շնորհակալ եմ արձագանքի համար:
Հարգելի Մարիամ,
նախ նշեմ, որ 0.5 դրույքաչափ գոյություն չունի: ԱՕ կարգավորվում է, որ աշխատանքային վարձատրության ձևերն են` ժամային, գործավարձային, ամսական դրույքաչափ:
Ձեր հարցի վերաբերյալ.
Հոդված 106.
1. Գործատուն իրավունք ունի աշխատողին մինչև մեկ ամիս ժամկետով նույն աշխատավայրում փոխադրելու աշխատանքային պայմանագրով չնախատեսված այլ աշխատանքի, ինչպես նաև փոփոխելու աշխատանքային պայմանագրի սույն օրենսգրքի 84-րդ հոդվածի 1-ին, 4-րդ և 6-րդ կետերով սահմանված պայմանները:
2. Արգելվում է աշխատողին փոխադրել նրա առողջական վիճակին հակացուցված աշխատանքի:
3. Սույն հոդվածի 1-ին մասով նախատեսված դեպքերում աշխատանքի վարձատրությունը կատարվում է կատարված աշխատանքին համապատասխան: Եթե այլ աշխատանքի փոխադրման դեպքում աշխատողից անկախ պատճառներով նրա աշխատավարձը նվազում է, ապա պահպանվում է նրա նախկին աշխատանքի վերջին ամսվա աշխատավարձի չափը:
Շատ շնորհակալ եմ պատասխանի համար։