Միկրոձեռնարկատիրության սուբյեկտի գրանցած աշխատողը կարո՞ղ է ստանալ մինչև 2 տարեկան երեխայի նպաստ

Բարև Ձեզ։ Միկրոբիզնեսի գրանցված աշխատողը ֆիզ․ արձակուրդ և մինչև 2 տարեկան երեխայի նպաստ կարո՞ղ է ստանալ։

Ֆեյսբուքյան մեկնաբանություններ

Accountant.am
Author: Accountant.am

8 thoughts on “Միկրոձեռնարկատիրության սուբյեկտի գրանցած աշխատողը կարո՞ղ է ստանալ մինչև 2 տարեկան երեխայի նպաստ

  1. Ոչ, չի կարող: Փոխարենը կարող է դիմել սոցապ և ստանալ չաշխատող մամաների համար նախատեսված նպաստը: Իսկ եթե աշխատողը գյուղից է, հուլիսի 1-ից հետո բալիկ ունենալու դեպքում կարող է ստանալ նաև երեխայի խնամքի նպաստ:

  2. Մայրության նպաստի իրավունք ունեն գործատուների հետ աշխատանքային հարաբերությունների մեջ գտնվող ֆիզիկական անձինք, բացառությամբ միկրոձեռնարկատիրության մեջ ներգրավված վարձու աշխատողների։

  3. Ֆիզ․ արձակուրդի գումար կարող է ստանալ, իսկ մինչև 2 տարեկան երեխայի նպաստ չի կարող ստանալ։ Այդպես է գրված օրենքով:

  4. Միկրոձեռնարկատիրական դաշտում աշխատող վարձու աշխատողը մինչև 2 տարեկան երեխայի նպաստ չի կարող ստանալ:

  5. Ոչ, չեն կարող։
    1․ Պետական նպաստների մասին ՀՀ օրենք, հոդված 27, մաս 4․
    Սույն օրենքի 27-րդ, 28-րդ, 28.1-ին հոդվածների դրույթները չեն տարածվում միկրոձեռնարկատիրության վարձու աշխատողների (մինչև 2020 թվականի հունվարի 1-ը ընտանեկան ձեռնարկատիրության մեջ ներգրավված` վարձու աշխատող հանդիսացող ընտանիքի անդամների) վրա:
    2․ Պետական նպաստների մասին ՀՀ օրենք, հոդված 23․1, մաս 1, կետ 3․
    ՀՀ բնակության վայրի հասցեով հաշվառված՝ հղիության և ծննդաբերության արձակուրդի իրավունք ունենալու ժամանակահատվածի առաջին օրվա դրությամբ վարձու աշխատող կամ ինքնուրույնաբար իրեն աշխատանքով ապահոված անձ չհանդիսացող անձը (այսուհետ՝ չաշխատող անձ): Սույն օրենքի 23.1-ին և 23.2-րդ հոդվածների իմաստով՝ չաշխատող անձ է համարվում նաև միկրոձեռնարկատիրության մեջ ներգրավված վարձու աշխատողը (մինչև 2020 թվականի հունվարի 1-ը ընտանեկան ձեռնարկատիրության մեջ ներգրավված` վարձու աշխատող հանդիսացող ընտանիքի անդամը), բացառապես միկրոձեռնարկատիրության սուբյեկտ համարվող` անհատ ձեռնարկատեր չհանդիսացող ֆիզիկական անձը, քաղաքացիաիրավական պայմանագրի հիման վրա աշխատանքների կատարման (ծառայությունների մատուցման) դիմաց գործատուից եկամուտ ստացող անձը:

  6. Այսօր ԱԺ արտահերթ նստաշրջանի օրակարգում է ընդգրկվել «Պետական նպաստների մասին» օրենքում փոփոխություններ կատարելու մասին» նախագիծը: Նախագծի ընդունման դեպքում միկրոձեռնարկատիրության մեջ ներգրավված վարձու աշխատողները ևս երեխայի խնամքի նպաստի, ինչպես նաև ժամանակավոր անաշխատունակության նպաստի իրավունք ձեռք կբերեն:

    Խոսքը վերաբերում է նաև մինչև 2020 թվականի հունվարի 1-ը՝ ընտանեկան ձեռնարկատիրության մեջ ներգրավված, վարձու աշխատող հանդիսացող ընտանիքի անդամին:

    Ընդ որում, նախատեսվում է օրենքի դրույթներին տալ հետադարձ ուժ և կկիրառվի 2020 թ.-ի հունվարի 1-ից հետո ծագած հարաբերությունների հիման վրա: Սա նշանակում է, որ օրինակ՝ խնամքի նպաստ կնշանակվի և կվճարվի խնամքի արձակուրդում գտնվելու՝ 2020 թվականի հունվարի 1-ից հետո մինչև օրենքն ուժի մեջ մտնելն ընկած ժամանակահատվածի համար:

  7. Միկրոձեռնարկատիրության մեջ ներգրավված վարձու աշխատողին ՄԱՅՐՈՒԹՅԱՆ ՆՊԱՍՏ նշանակելու վերաբերյալ դրույթները տարածվում են ՀՕ-361-Ն օրենքն ուժի մեջ մտնելու օրը և դրանից հետո ծագած հարաբերությունների վրա (այն դեպքերի վրա, երբ հղիության և ծննդաբերության արձակուրդի իրավունք ունենալու ժամանակահատվածի առաջին օրը սույն օրենքն ուժի մեջ մտնելու օրն է կամ դրանից հետո է):

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *