Կայք հաշվապահների համար և ոչ միայն…
Անի․
Բարև ձեզ։ Եթե աշխատողը աշխատանքի է ընդունվել այս տարվա հունիսի 20-ին և այսօր տեղեկացրել է, որ չի ցանկանում աշխատել, քանի որ այլ տեղից աշխատանքի հրավեր է ստացել, կարելի է եթե այսօր ազատման դիմում է ներկայացրել, նրան մեկ շաբաթից ազատել աշխատանքից, թե՞ պարտադիր պետք է 30 օրն անցնի, նոր ազատվի:
on ԱՁ-ն համարվել է ԱԱՀ վճարող: “Շնորհակալ եմ շատ, իսկ այսուհետ պետք է արդեն հաշիվ գրեմ չէ՞” Apr 29, 18:33
on Հաշվապահական խնդիր: “վաճառված ապրանքների ինքնարժեքը՝ 80*15000+20000/100*80, ապրանքների ձեռք բերում՝ 100*15000+20000, վաճառքի գործառնությունները՝ 80*21840, ԱԱՀ 80*3640, ԱԱՀ հաշվանցվող մասը 80*3000,” Apr 29, 17:17 on Անցում կես դրույքով աշխատանքի: “դա էական փոփոխություն է ԱՕ հ.105, Ծանուցումը եղել է գործատուի կողմից 3 օր առաջ։ դա սխալ է, 3. Առանց աշխատողի գրավոր…” Apr 29, 17:10 on Արձակուրդ իր հաշվին: “աշխատողին իր հաշվին արձակուրդի դեպքում,չի վճարվում, եթե համաձայնվում է, համաձայնագիր կարող է ստորագրվել, ։” Apr 29, 17:07 on ԱՁ-ն համարվել է ԱԱՀ վճարող: “նախկինում կատարված վաճառքների համար հարկային հաշիվ չեք կարող դուրս գրել Վալդբերիզ ՍՊԸ-ին, հետին թվով մի գրեք ,հաշվետվություններով ներկայացրեք,” Apr 29, 17:04
on Արձակուրդ իր հաշվին: “Այո կարող է։ Համաձայն ԱՕ_ի 176 հոդվածի 《կողմերի համաձայնությամբ նախատեսված դեպքերում աշխատողին կարող է տրամադրվել չվճարվող արձակուրդ` մեկ աշխատանքային տարվա…” Apr 29, 16:14 on Ծանուցում հաշիվ ստանալու վերաբերյալ: “Ոչ, հնարավոր չէ, միակ տարբերակը ծրագիրը բացել և նայելն է” Apr 29, 16:01
Աշխպատակիցը,եթե ազատման դիմում է ներկայացրել այսօր, դուք պարտավոր եք նրան ազատել աշխատանքից,իսկ 30 օր անցնի, նոր ազատվի,այդպիսի բան չկա:
Սահմանափակում չկա, որ օրվանից չի աշխատելու այդ օրով ազատեք։
Պետք է առաջնորդվեք ԱՕ 112 հոդվածով
1. Աշխատողն իրավունք ունի լուծելու անորոշ ժամկետով կնքված աշխատանքային պայմանագիրը, ինչպես նաև որոշակի ժամկետով կնքված աշխատանքային պայմանագիրը նախքան դրա գործողության ժամկետի լրանալը այդ մասին առնվազն երեսուն օր առաջ գրավոր ձևով ծանուցելով գործատուին: Կոլեկտիվ պայմանագրով կարող է նախատեսվել ծանուցման ավելի երկար ժամկետ:
2. Աշխատողն իրավունք ունի լուծելու անորոշ ժամկետով կնքված աշխատանքային պայմանագիրը, ինչպես նաև որոշակի ժամկետով կնքված աշխատանքային պայմանագիրը նախքան դրա գործողության ժամկետի լրանալը այդ մասին առնվազն հինգ օր առաջ գրավոր ձևով ծանուցելով գործատուին, եթե աշխատանքային պայմանագրի լուծումը կապված է իր կատարած աշխատանքը խոչընդոտող հիվանդության կամ աշխատանքային խեղման հետ, կամ կոլեկտիվ պայմանագրով նախատեսված այլ հարգելի պատճառներ կան, կամ եթե գործատուն չի կատարում աշխատանքային պայմանագրով սահմանված պարտականությունները, խախտում է օրենքը կամ կոլեկտիվ պայմանագիրը, ինչպես նաև սույն օրենսգրքով նախատեսված այլ դեպքերում:
2.1. Գործատուի առարկության բացակայության դեպքում աշխատանքային պայմանագիրը կարող է լուծվել աշխատողի ծանուցման մեջ (աշխատանքից ազատվելու մասին դիմումում) նշված այլ ժամկետում՝ չպահպանելով սույն հոդվածի 1-ին և 2-րդ մասերով սահմանված ժամկետները: Աշխատանքային պայմանագիրը աշխատողի ծանուցման մեջ (աշխատանքից ազատվելու մասին դիմումում) նշված այլ ժամկետում լուծելու վերաբերյալ գործատուի առարկության դեպքում աշխատանքային պայմանագիրը լուծվում է սույն հոդվածի 1-ին և 2-րդ մասերով սահմանված ժամկետները լրանալուց հետո:
2.2. Աշխատողի կողմից սույն հոդվածի 1-ին և 2-րդ մասերով նախատեսված ժամկետները չպահպանվելու և աշխատանքային պայմանագիրը աշխատողի ծանուցման մեջ (աշխատանքից ազատվելու մասին դիմումում) նշված այլ ժամկետում լուծելու վերաբերյալ գործատուի առարկության դեպքում աշխատողը պարտավոր է գործատուին վճարել տուժանք ծանուցման յուրաքանչյուր ժամկետանց օրվա համար՝ միջին օրական աշխատավարձի չափով, բայց ոչ ավելի, քան միջին ամսական աշխատավարձը:
3. Աշխատողն իրավունք ունի աշխատանքային պայմանագրի լուծման մասին ծանուցումը հետ վերցնելու ոչ ուշ, քան այն ներկայացվելու օրվանից հետո երեք աշխատանքային օրվա ընթացքում (բացառությամբ այն դեպքի, երբ աշխատողը ցանկանում է աշխատանքից ազատվել աշխատանքային պայմանագրի լուծման մասին ծանուցումը ներկայացնելու օրվանից հետո՝ երեք աշխատանքային օրվա ընթացքում): Նշված ժամկետից հետո նա կարող է ծանուցումը հետ վերցնել միայն գործատուի համաձայնությամբ:
3.1. Սույն հոդվածի 1-ին և 2-րդ մասերով սահմանված ծանուցման ժամկետը լրանալուց հետո աշխատողն իրավունք ունի դադարեցնելու աշխատանքը, իսկ գործատուն պարտավոր է ձևակերպել աշխատանքային պայմանագրի լուծումը և աշխատողի հետ կատարել վերջնահաշվարկ:
3.2. Եթե սույն հոդվածի 1-ին և 2-րդ մասերով սահմանված ծանուցումներում նշված ժամկետը լրանալուց հետո գործատուն չի ընդունում աշխատանքային հարաբերությունները դադարեցնելու մասին համապատասխան անհատական իրավական ակտ, ապա աշխատանքային պայմանագիրը համարվում է լուծված ծանուցմամբ սահմանված ժամկետը լրանալու հաջորդ օրվանից:
Եթե այսօր ազատման դիմում է ներկայացրել, ապա նրան կարող եք ազատել աշխատանքից՝ համաձայն դիմումի, նրանում նշված օրով: