Արդյո՞ք տրվում է վերջնահաշվարկի քաղվածք

Այո, գոյություն ունի նման քաղվածք, եթե հաշվապահական ծրագրով եք վարում հաշվապահությունը, այն դուրս է բերվում ծրագրից, իսկ եթե ոչ, ապա պետք է տաք աշխատողի կողմից պահանջվող՝ իրեն վերաբերող տվյալները, հիմք՝ Աշխատանքային օրենսգրքի հոդվածներ 199, 135:
Հոդված 199. Աշխատողի աշխատավարձի և աշխատանքի այլ պայմանների վերաբերյալ տվյալները տրամադրվում կամ հրապարակվում են միայն Հայաստանի Հանրապետության օրենսդրությամբ նախատեսված դեպքերում կամ աշխատողի համաձայնությամբ:
Հոդված 135. Գործատուի մոտ պահպանվող անձնական տվյալների անվտանգության ապահովման նպատակով աշխատողն իրավունք ունի՝
1) ստանալու ամբողջական տեղեկատվություն իր անձնական տվյալների և դրանց մշակման վերաբերյալ.
2) ազատորեն և անվճար ծանոթանալու իր անձնական տվյալներին, ստանալու անձնական տվյալներ պարունակող յուրաքանչյուր գրառման պատճենը, բացառությամբ օրենքով նախատեսված դեպքերի.
…