Գագիկ.
Հարգելի հաշվապահներ, խնդրում եմ պատասխանել մի հարցի:
Դրամարկղից կանխիկ կարելի՞ է հարկային վճարումներ կատարել: Եթե այո, ապա կա՞ն արդյոք սահմանափակումներ: Եվ ընդհանրապես, բացի աշխատավարձից կանխիկ ի՞նչ այլ վճարումներ կարելի է կատարել դրամարկղից առանց սահմանափակման: Նախապես շնորհակալություն:
Դրամարկղից ելք եք անում, բայց հարկային վճարումները կատարում եք բանկով (բանկային վճարումով), հետևաբար վճարումը համարվում է անկանխիկ, իսկ «Դրամարկղային գործառնությունների մասին» օրենքի համաձայն` կանխիկ գործարքները վերաբերում են ապրանքի, ծառայությունների ձեռքբերմանն ու վաճառքին, երբ այդ ամենը կատարվում է դրամարկղի մուտքի և ելքի օրդերներով: