ՀԿ-ն պե՞տք է ներկայացնի հաշվետվություն, եթե ազատված է ԱԱՀ-ից

Ոչ առևտրային կազմակերպությունները և գյուղատնտեսական արտադրանք արտադրող կազմակերպություններն ու անհատ ձեռնարկատերերը մինչև Օրենսգրքի 254-րդ հոդվածի 2-րդ մասով սահմանված կարգով հաշվարկվող՝ գործունեության բոլոր տեսակների մասով իրացման շրջանառության 115 միլիոն դրամը գերազանցելը Օրենսգրքի 60-րդ հոդվածի 1-ին մասի 1-ին և 2-րդ կետերով սահմանված՝ հարկման օբյեկտ համարվող գործարքներ իրականացնելու դեպքում (բացառությամբ գյուղատնտեսական արտադրանք չհամարվող ապրանքների մատակարարման գործարքների), այդ գործարքներից Օրենսգրքով սահմանված կարգով, չափով և ժամկետներում ԱԱՀ հաշվարկելու և պետական բյուջե վճարելու պարտավորություն չեն կրում:
Այսինքն` հաշվարկներ ներկայացնելու պարտավորություն չունեք, եթե չեք գերազանցել 115 մլն դրամի շրջանառության շեմը:

Ոչ, չեն ներկայացնում, քանի որ ԱԱՀ վճարողները մինչև յուրաքանչյուր հաշվետու ժամանակաշրջանին հաջորդող ամսվա 20-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում ԱԱՀ-ի և ակցիզային հարկի միասնական հաշվարկներ: Իսկ ՀԿ-ների ԱԱՀ վճարող համարվելու դեպքերը նկարագրված են ՀՕ-ի 59-րդ հոդվածի 2-րդ մասում: Այսինքն` միայն այդ երեք կետերից որևէ մեկը տեղի ունենալու պարագայում կներկայացնեն: