Արմինե.
Բարև ձեզ։ Եթե Ա/Ձ-ն գործում է շրջհարկի դաշտում և իրականացնում է ապառիկ վաճառք, այդ դեպքում պե՞տք է դուրս գրել հաշիվ վավերագիր այդ գնորդի տվյալներով, պայմանագրի կնքման օրով։
Կայք հաշվապահների համար և ոչ միայն
Կայք հաշվապահների համար և ոչ միայն
Եթե ֆիզ. անձի մասին է, ապա Դուք կարող եք նրա տվյալներով դուրս գրել հաշիվ վավերագիր, ինվոյսինգը նաև դրա համար է, ոչ մի խնդիր:
Շնորհակալ եմ շատ, իսկ, եթե ապառիկը ձևակերպվել է դեկտեմբերի 24-ին, ինչ որ խնդիր կլինի՞ եթե հաշիվը այս եռամսյակում դուրս գրեմ և’ առաքման ամսաթիվ, և’ պայմանագրի կնքման ամսաթիվ ընտրեմ դեկտեմբեր 24-ը։
Այո, խնդիր է, պետք է հենց դեկտեմբերով գրեիք հաշիվը, չէ որ այն վերաբերում է չորրորդ եռամսյակին, ապրանքը արդեն փաստացի մատակարարել եք չէ, իսկ շրջհարկի գծով հասույթը հաշվառվում է հաշվեգրման եղանակով:
Շնորհակալ եմ շատ, ամեն դեպքում ճիշտը էս պահին հաշիվը դուրս գրելն է չէ՞, միգուցե հետո, եթե խնդիր լինի հաշվի առնեն էն փաստը, որ գումարը բանկը փոխանցել է հունվար ամսին։
Եթե խնդիր լինի հաշվի չեն առնի էն փաստը, որ գումարը բանկը փոխանցել է հունվար ամսին, շրջհարկի գծով հասույթը հաշվառվում է հաշվեգրման եղանակով: Հաշվի առեք, որ ապրանքի մատակարարման պահ է համարվում նշված առավել վաղ առաջացող պահը.
1) այն պահը, երբ ապրանքը հանձնվում է այլ անձի, բացառությամբ այն դեպքերի, երբ ապրանքի նկատմամբ սեփականության իրավունքը, ապրանքի մատակարարման պայմանագրի համաձայն, այլ անձի է անցնում այլ պահի, որի դեպքում ապրանքի մատակարարման պահ է համարվում այդ պահը, կամ
2) այն պահը, երբ առաքված ապրանքն ընդունում է այլ անձը, բացառությամբ այն դեպքերի, երբ ապրանքի նկատմամբ սեփականության իրավունքը, ապրանքի մատակարարման պայմանագրի համաձայն, այլ անձի է անցնում այլ պահի, որի դեպքում ապրանքի մատակարարման պահ է համարվում այդ պահը: