Մարինա.
Հարգելի գործընկերներ, համատիրությունը 2021թ.-ի ընթացքում իր տարածքներից մեկը տվել է վարձակալության, վճարը ստանալու համար ամեն ամիս դուրս է գրել հաշիվ-վավերագիր։ Խնդրում եմ հուշել` ի՞նչ հաշվետվություններ պետք է ուղարկել և ի՞նչ հարկեր վճարել։ Շնորհակալություն:
Ամենամսյա ձեր հաշվետվության մեջ ներառեք վարձավճարի չափը և համապատասխան հարկի գումարը վճարեք։
Եթե գործում եք ԱԱՀ դաշտում ու այդ վարձավճարները չեն գերազանցում 115մլն-ն, ապա միայն շահութահարկ պետք է վճարեք ու ներկայացնեք շահութահարկի հաշվարկ:
Շնորհակալ եմ պատասխանի համար։ Շրջանառությունը չի գերազանցում 115 մլն-ն, ստացվում է՝ մինչև ապրիլ պետք է ուղարկվի շահութահարկի հաշվետվությունն ու համապատասխան հարկը, չէ՞։
Այո, մինչև ապրիլի 20-ը պետք է ուղարկվի շահութահարկի հաշվետվությունը, և վճարվի հարկը: Կարծում եմ` եթե առաջին տարին է, երևի շահութահարկի կանխավճարների հարց չունեք:
Այո, առաջին անգամն է:
Շահութահարկն վճարելուց հետո պետք է սկսեմ վճարել կանխավճա՞րը:
Կանխավճարի հետ կապված նայեք ՀՕ 135 հոդվածը:
Խնդրում եմ պատասխանել,
Համատիրությունը շահույթ չհետապնդող կազմակերպությունէ,արդյոք շահութահարկը զրոյական չենք ուղարկում՞։
Համատիրությունը գործում է ընդհանուր հարկման համակարգում, սակայն մինչև գործունեության բոլոր տեսակների մասով իրացման շրջանառության 115 միլիոն դրամը գերազանցելը հարկման օբյեկտ համարվող գործարքներ իրականացնելու դեպքում, այդ գործարքներից Օրենսգրքով սահմանված կարգով, չափով և ժամկետներում ԱԱՀ հաշվարկելու և պետական բյուջե վճարելու պարտավորություն չի կրում: Դուք պետք է ներկայացնեք մինչև 2022թ ապրիլի 20-ը շահութահարկի հաշվարկ։
Շնորհակալ եմ պատասխանի համար։ Այսինքն՝ ստացվում է տույժեր չկան, եթե ուղարկվի շահութահարկի հաշվետվությունը, և վճարվի համապատասխան հարկը։