Սեյրան․
Բարև ձեզ։ ԱՁ-ում /միկրոձեռնարկատիրություն/ երկրորդ աշխատող եմ ուզում ընդունել, 79 ձևի հաշվետվություն ուղարկելուց բացի ի՞նչ պետք է անել:
Կայք հաշվապահների համար և ոչ միայն
Կայք հաշվապահների համար և ոչ միայն
Բացի գրանցման հայտն ուղարկելուց պետք է տվյալ աշխատողի աշխատանքի ընդունման հետ կապված փաստաթղթերը (աշխատողի դիմում, աշխատանքային պայմանագիր, անձնագրի, սոց քարտի պատճեններ) կազմեք և կարեք գործին։
Կազմեք աշխատանքային պայմանագիր, ուշադիր եղեք աշխատավարձի չափի հաշվով։
Եվ ամենամսյա եկամտային հարկի հաշվարկ՝ 189. ՀԱՇՎԱՐԿ՝ եկամտային հարկի և սոցիալական վճարի ամսական։ Հիշեցնեմ նաև, որ եկամտային հարկը պետք է հաշվարկեք 5 000 դրամ։ Ինչպես նաև միկրոձեռնարկատիրության դեպքում կան հաշվարկներ, որ ընդհանուր կարգով չեն կատարվում, օրինակ՝ նպաստների հաշվարկման դեպքում միկրոձեռնարկատիրության մեջ ներգրավված լինելու ժամանակահատվածի յուրաքանչյուր ամսվա համար որպես տվյալ գործատուի կողմից վարձու աշխատողին վճարված (վճարման ենթակա) եկամուտ ընդունվում է ժամանակավոր անաշխատունակությունն առաջանալու օրվա դրությամբ սահմանված նվազագույն ամսական աշխատավարձի հիսուն տոկոսը:
Ինչ աrաջին աշխատողի դեպքում եք արել, նույնը նաև երկրորդ աշխատողի դեպքում պետք է անեք։
Առաջինին ես չեմ ընդունել։
Ամսական պետք է հանձնեք եկամտային հարկի և սոց․վճարի հաշվարկ Ձև 189։
Եկամտային հարկի և սոց․վճարի ամսական հաշվարկի /Ձև 189/ լրացնելիս անպայման կսեղմեք «V» նշանը վերևի «միկրոձեռնարկություն » մասում։ Ցանկում բերված երկու աշխատողների համար կլրացնեք պայմանագրով նախատեսված աշխատավարձի չափերը և աշխատած ժամերը։ Հարկերը կհաշվարկվեն ավտոմատ։
Շնորհակալ եմ