«

»

Feb 02 2011

Փոխկապակցված անձինք

Հայկ.

Հարգելի կոլեգաներ, բոլորիդ հրավիրում եմ ակտիվորեն կարծիքներ հայտնել, քննարկել ԱԱՀ-ի մասին օերնքի 3-րդ հոդվածի “թ” ենթակետի և հետևաբար նաև Հարկերի մասին օրենքի 11.1 հոդվածի վերաբերյալ: Կա՞ն արդյոք ձեր պրակտիկայում նշված հոդվածներով փոխկապակցված անձինք, որոնք առ այսօր ԱԱՀ վճարող չեն, ի՞նչ տարբերակներ եք մտածում այս խնդրի հետ կապված, ի՞նչ եք կարծում, ինչպե՞ս այն կկիրառվի:

Facebook մեկնաբանություններ

14 մեկնաբանություն

Skip to մեկնաբանություն form

  1. Avatar
    Մերի

    Շատ կարևոր հարց է, այն պետք է կիրառվի այնպես, ինչպես գրված է օրենքում, իսկ օրենքում պարզ գրված է, որ փոխկապակցված անձինք պետք է աշխատեն ԱԱՀ-ով: Բայց չի բացառվում, որ Արմեն Ալավերդյանը, ինչպես պարզեցված հարկի դեպքում, այն ժամանակ, այնպես էլ հիմա, մի պարզաբանում անի և ասի, որ փոխկապակցված անձինք դրանք ուրիշ մարդիկ են, և այդ օրենքը Ձեզ չի վերաբերվում: Դա թեև կհակասի օրենքին, բայց կբավարարի շատերին:

  2. Avatar
    Լիլիանա

    Հարգելի Հայկ, ճիշտ է, 11.1 հոդվածը սահմանում է թե ովքեր են համարվում փոխկապակցված, սակայն որպեսզի կազմակերպությունը այս հոդվածի հիման վրա դառնա ԱԱՀ վճարող, պարտադիր է, որ այդ կազմակերպությունը ստանա ԿԱ ՊԵԿ նախագահի որոշումը, այս շաբաթ կստանաք պարզաբանում, որտեղ հստակ նշված կլինեն Ձեզ հուզող բոլոր հարցերի պատասխանները:

  3. Avatar
    Հայկ

    Հարգելի Մերի, բոլարիս էլ պարզ է, որ ներկայումս Հայաստանում շատերն են կիսում իրենց բիզնեսը հասկանալի պատճառներով: Հուսանք, որ Ձեր նշած անձնավորությունը կտա փոքի և միջին բիզնեսի շահերից բխող պարզաբանում: Ինչ վերաբերվում է հոդվածի պարզությանը, ապա ես դրա հետ համաձայն չեմ, այս դեպքում ակնհայտ է բավական լուրջ ենթատեքստ: Այդ հոդվածը հզոր զենք է դառնում պետության ձեռքում:

  4. Avatar
    Հայկ

    Հարգելի Լիլիանա, դա արդյո՞ք կարող է նշանակել, որ այս հոդվածի կիրառման դեպքում կգործի հայկական ծանոթ-բարեկամի սկզբունքը և դա չի կիրառվի այն անձանց նկատմամբ, որոնց ՊԵԿ նախագահը չի ցանկանա: Դուք որոշակի ժամկետ եք նշում, թե երբ է դուրս գալու պարզաբանումը, դա հավաստի՞ աղբյուրներց սկացված ինֆորմացիա է, թե՞ Դուք ՊԵԿ աշխատակից եք:
    hh_poghosyan շնիկ mail.ru

  5. Avatar
    Lida

    Բարև բոլորին:
    Իմ կարծիքով այդ հոդվածի մասին պարզաբանումը շատ վաղուց պետք է լիներ, մինչև 2011թ: Չէ՞ որ մարդիք արդեն սկսել են աշխատել այս տարի, իսկ օրենի 11.1 հոդվածը շատ անհասկանալի և աղավաղված է գրված: Եվ շատ հնարավոր է, որ շատ կազմակերպություններ արդեն ԱԱՀ վճարվող են համարվում, բայց չեն էլ իմանում այդ մասին: Իմիջիայլոց, հարկային մարմնի մեթոդաբանները նույնիսկ չեն կարողանում հստակ պատասխանել այս կամ այն կազմակերպության ԱԱՀ վճարող լինելու կամ չլինելու հարցին:

  6. Avatar
    Մերի

    Լիաննա, իսկ ո՞ր օրենսդրական ակտի պահանջով եք ղեկավարվում, որ ասում եք պետք է այն ձևակերպվի ՊԵԿ-ի նախագահի որոշումով, օրեքում նման հասկացողություն չկա, իսկ որ պարզաբանում կլինի շուտով` ճիշտ է:

  7. Avatar
    Հայի

    Բարև Լիդա, Դուք իրավացի եք, բազմաթիվ կազմակերպություններ և Ա/Ձ – ներ արդեն համարվում են ԱԱՀ վճարող` համաձայն 11.1 հոդվածի, սակայն հարցն այն է, թե ինչպես այն կկիրառվի, իմ կարծիքվ անհնար է, որ դա կիրառվի համատարած, այլապես փոքր բիզնեսը Հայաստանում կվերանա:
    Հարգելի կոլեգաներ, կա՞ն արդյոք ձեր պրակտիկայում նման փոխկապակցված անձինք, ինչ տարբերակներ եք դուք նրանց առաջարկել:

  8. Avatar
    Լիլիանա

    Հարգելի Մերի, օրենքում ԿԱ ՊԵԿ նախագահի որոշման մասին ոչինչ նշված չէ, սակայն այդ մասին նշված կլինի պարզաբանման մեջ:

  9. Avatar
    Մերի

    Հարգելի Լիանա, համաձայն իրավական մասին ՀՀ օրենքի 86-րդ հոդվածի, իրավական ակտը պետք է մեկնաբանվի դրանում պարունակվող բառերի և արտահայտությունների տառացի նշանակությամբ` հաշվի առնելով օրենքի պահանջները և, որ ակտի մեկնաբանությամբ չպետք է փոփոխվի դրա իմաստը: Հակառակ դեպքում պարզաբանումը կհակասի օրենքին և օրինական ուժ չի ունենա: Բայց և այնպես սպասենք պարզաբանմանը:

  10. Avatar
    Արա

    1.Անձանց փոխկապակցված լինելու հանգամանքը որոշում է ՊԵԿ նախագահը
    2.Քանի դեռ չկա վերոհիշյալ որոշումը, կազմակերպությունը / Ա/Ձ-ն ԱԱՀ վճարող համարվել չի կարող
    3.Կազմակերպությունը / Ա/Ձ-ն ԱԱՀ վճարող է համարվում որոշումը ստանալու պահից հետո

  11. Avatar
    Հայի

    Հարգելի կոլեգաներ, իսկ եթե ՊԵԿ նախագահը որոշի, որ այս կամ այն հարկատուն արդեն ԱԱՀ վճարող է 01.01.11թ.-ից, քանի որ օրենքը ոևժի մեջ է հունվարի 1-ից: Ի՞նչ եք կարծում:

  12. Avatar
    Lida

    Սույն օրենքի, հարկային հարաբերությունները կարգավորող այլ օրենքների և այլ իրավական ակտերի իմաստով իրավաբանական և (կամ) ֆիզիկական անձանց` ընդհանուր տնտեսական շահերից ելնելով համաձայնեցված գործելու, ինչպես նաև սույն հոդվածի 2-րդ մասի երկրորդ, հինգերորդ պարբերություններով, 3-րդ մասի առաջին պարբերությամբ, 4-րդ մասի առաջին և երկրորդ պարբերություններով սահմանված դեպքերում հարկ վճարողները ճանաչվում են փոխկապակցված հարկային մարմնի ղեկավարի որոշմամբ` հիմք ընդունելով երրորդ անձանցից (այդ թվում` պետական մարմիններից) ստացված կամ օպերատիվ-հետախուզական գործողությունների արդյունքում ձեռք բերված տեղեկությունները: Սույն հոդվածով սահմանված հիմքերով ընդունված հարկային մարմնի ղեկավարի որոշումը չեղյալ կարող է համարվել միայն դատարանի վճռով:

  13. Avatar
    Ռոբերտ

    Քանի դեռ չկա ՊԵԿ ղեկավարի որոշումը, կազմակերպությունը / Ա/Ձ-ն ԱԱՀ վճարող համարվել չի կարող: Ընդ որում, մինչ այդ որոշում ստանալը եթե տնտեսավարող սուբյեկտը կատարված ձեռքբերումներից ԱԱՀ դեբետ հաշվարկի, ՊԵԿ-ը կկիրառի համապատասխան մոտեցում` ավել դեբետագրված ԱԱՀ` 26 հոդվածի պահանջների չկատարման համար:

  14. Avatar
    Արտակ

    Ես հաշվապահ չեմ ու գտնում եմ, որ օրենքը շատ բարդ է շարադրված (համենայն դեպս ինձ համար): Խնդրում եմ պարզաբանել, եթե եղբայրս ԱՁ է (ԱԱՀ չի վճարում), իսկ ես պատրաստում եմ գնել ՍՊԸ, որը ԱԱՀ չի վճարում, արդյո՞ք դրանից հետո երկուսս էլ կդառնանք ԱԱՀ վճարող: Նախօրոք շնորհակալություն:

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *

Loading...