Arus.

Ըստ “Եկամտային հարկի մասին” ՀՀ օրենքի անհատ ձեռնարկատերը 2013թ.-ից վճարելու՞ է ամսական 5000 դրամ սոց. գումար, եթե հաստատագրված կամ արտոնագրված վճարով աշխատող չէ:

Hayk.

Սիրելի հաշվապահներ, ես արդեն խճճվել եմ այս հարկային փոփոխություններից, խնդրում եմ ինձ օգնեք հասկանալ` Ա/Ձ հանդիսացող կազմակերպությունը, որն ունի 3 աշխատող, զբաղվում է առևտրով և 58,35 մլն շեմը չի գերազանցում, անցած տարում վճարում էր եկամտահարկ` 10%, այժմ համարվելու՞ է շրջանառության հարկ վճարող: Ո՞ր կազմակերպություններն են վճարում եկամտահարկ և ո՞ր կազմակերպությունները `շրջանառության հարկ, ուզում եմ հասկանալ դրանց տարբերությունը: Նախապես անչափ շնորհակալ եմ:

Արման.

Հարգելի հաշվապահներ, հանդիսանում եմ ԱՁ և իրականացնում եմ համակարգչային ծառայություններ (ֆոտո, վիդեո մոնտաժ և այլն), չունեմ վարձու աշխատող, տարածք չեմ վարձակալում: Խնդրում եմ օգնեք` 2013թ-ի հունվարի 1-ից ես պե՞տք է ներկայացնեմ էլեկտրոնային հաշվետվություն, թե՞ ոչ, և եթե այո, ապա քարտ կարդացող սարք պե՞տք է ձեռքբերեմ, թե՞ ոչ:

Կանխավ շնորհակալ եմ օգնության համար:

Արմինե.

1. Տարեկան եկամտահարկի հաշվետվության մեջ ո՞րն է համարվում անձնական նվազեցում:
2. Եթե ֆակտուրաները շատ են, քան տարեկան շրջանառությունն է, ինչպե՞ս վարվել:

Աննա.

Կարո՞ղ է արդյոք անհատ ձեռնարկատերը ստանալ մինչև երկու տարեկան երեխայի խնամքի նպաստ: Անհատ ձեռնարկատերը ժամանակավորապես դադարեցրել է գործունեությունը երեխայի խնամքի համար և վճարում է միայն սոց. վճար:

Lilit.

Ա/Ձ-ն իրավունք ունի՞ արդյոք ֆիրմային անուն գրանցելու:

Արթուր.

Բարև ձեզ: ՍՊԸ 58.35մլն շրջանառությունը չի գերազանցել և 2013թ-ից համարվում է 3,5% շրջանառության հարկ վճարող:

1) Ես կարո՞ղ եմ ցանկացած ժամանակ դիմում ներկայացնել ԱԱՀ վճարող համարվելու համար, թե՞ ոչ: Օրինակ 2-րդ, 3-րդ կամ 4-րդ եռ. ես կարո՞ղ եմ դիմում ներկայացնել ԱԱՀ վճարող դառնալու համար:
2) Հունվար ամսում ես հասույթ չեմ ունեցել, իսկ ծախս ունեցել եմ 300.000, իմ շրջանառության հարկը ինչքա՞ն է կազմելու
3) Այս դեպքում հաշիվ դուրս գրելու ժամանակ ես պետք է հին սովորական հաշիվ-ապրանքագիր դուրս գրեմ, թե՞ հատուկ ձև կա

Շնորհակալություն:

Տարոն.

Բարև ձեզ: Հարգելի հաշվապահներ, ես ունեմ Ա/Ձ և զբաղվում եմ տաքսի ծառայությամբ, հետևաբար արտոնագրային վճար վճարող եմ: Արդյո՞ք եկամտային հարկի ներմուծումը ազդում է իմ վճարման վրա և ինչպես՞: Կանխավ շնորհակալ եմ:

Մարիամ.

Ի՞նչ անել, եթե կորել է Ա/Ձ վկայականը:

A.M.

Բարև Ձեզ, հարգելի հաշվապահներ, խճճվել եմ հարկային նոր բարեփոխումների մեջ: Ա/Ձ-ն, որը հանդիսանում է 2012թ-ի օրենքներով ԱԱՀ չվճարող, 2013թ-ում համարվու՞մ է շրջանառության հարկ վճարող, թե՞ ոչ:

Արման.

Հարգելի հաշվապահներ, խնդրում եմ պատասխանել հետևյալ հարցին.
նորաբաց ԱՁ եմ, զբաղվելու եմ ավտոյուղերի մանրածախ վաճառքով (վարձակալված տարածքում, ունենալու եմ 1 կամ 2 աշխատող): Նոր օրենսդրությամբ վճարելու եմ շրջանառության հարկ (3.5 % հասույթից), աշխատողների համար եկամտային հարկ, որպես հարկային գործակալ 10 % եկամտային հարկ վարձավճարից, ինչպես նաև որպես ԱՁ տարեկան եկամտային հարկ (1% նվազագույն եկամտային հարկով): Արդյո՞ք ճիշտ եմ (հատկապես վերջինը):

Լուսինե.

Հարգելի հաշվապահներ, խնդրում եմ ինձ օգնել հետևյալ հարցում:ԱՁ-ն զբաղվում է արտադրությամբ:

1. Եկամտահարկի կանխավճար ո՞ր հաշվեհամարին պետք է փոխանցել` 900005061115, թե՞ 900005006029-ին:
2. Եթե Վիճ. վարչություն հաշվետվություն ներկայացվել է եռամսյակային, ամեն անգամ պետք է ներկայացնել եռամսյակայի՞ն:

Կանխավ շնորհակալ եմ:

Էդմոնդ.

Կարո՞ղ է անհատ ձեռնարկատերը ինքը իր համար լրացնել աշխատանքային գրքույկը:

Հակոբ.

Նոր գրանցված անհատ ձեռներեց եմ, զբաղվելու եմ շին. գործիքների մանրածախ կամ մեծածախ վաճառքով: Ընդհանրապես չեմ պատկերացնում` ինչ կերպով պետք է կազմակերպեմ իմ հարկային պարտավորությունները, ունենալու եմ մեկ աշխատող (վաճառող): Խնդրում եմ հնարավորինս նկարագրեք, թե ինչ և ինչպիսի հարկային ծախսեր եմ ունենալու: Գործունեություն եմ ծավալելու վարձակալած տարածքում:

Անդրանիկ.

Ինձ մի հարց է հետաքրքրում, խնդրում եմ, օգնեք: Ես արդեն 10 ամիս է ժամանակավոր դադարեցրել եմ Ա/Ձ-ի գործունեությունը: Քիչ առաջ իմացա, որ նոր օրենք են ընդունել, և պետք է ամեն ամիս վճարել սոց. վճար: Հարցս հետևյալն է՝ ինչպե՞ս կարող եմ անել, որպեսզի սոց. վճար չմուծեմ:

Լուիզա.

Հարգելի հաշվապահներ, խնդրում եմ օգնեք` ԱՁ-ն տարածք է վարձակալել ֆիզիկական անձից, պայմանագիրը կնքված է նոտարով, վարձավճարի չափը եռամսյակային հաշվետվության 23-րդ տողում գրելու՞ եմ: Եթե նախորդ երկու եռամսյակային հաշվետվության մեջ չեմ ներառել, պե՞տք է ճշգրտված հաշվետվություն ներկայացնեմ: Շնորհակալություն:

Վարդան.

Բարև Ձեզ, ես ցանկանում եմ հագուստի վաճառքով զբաղվել և Ա/Ձ գրանցել մեկ աշխատողով: Կուզեի իմանալ` ինչպե՞ս գրանցել, և տարածքի վարձակալության ի՞նչ փաստաթղթեր են պետք: Կանխավ շնորհակալություն:

Արմեն.

Որտե՞ղ կարելի է սովորել Ա/Ձ- բոլոր գործառույթների և հարկերի մասին:

Լուիզա.

Բարև Ձեզ, խնդրում եմ օգնեք ինձ: Ֆիզ. անձը մեքենաներ է վաճառում առանց հարկային գրանցման: Որպեսզի չտուգանվի, ի՞նչ հարկ է վճարելու իր վաճառքից և ինչպե՞ս է հաշվարկվելու այդ հարկը: Ֆիզ. անձը չի ցանկանում գրանցվել հարկային դաշտում: Կանխավ շնորհակալություն:

Լուիզա.

Հարգելի կոլեգաներ, եթե ԱՁ գործունեությունը դադարեցում եմ ուզում տալ, պարտադիր ամեն ամիս պե՞տք է սոց. վճարը մուծեմ: Ասացեք խնդրեմ, այս փոփոխությունը վերաբերու՞մ է նախորդ դադարեցումներին: Շնորհակալություն:

Lika.

Հարգելի հաշվապահներ, խնդրում եմ օգնեք հետևյալ հարցերում: Երկու օր է, ինչ գրանցվել եմ որպես անհատ ձեռնարկատեր, ցանկանում եմ զբաղվել ծաղկի մանրածախ վաճառքով բացօթյա տարածքում և ունեմ թուլատվություն, ունեմ ՀԴՄ, աշխատող չունեմ: Հարցերս հետևյալն են.
1. ի՞նչ հարկով եմ հարկվելու
2. ի՞նչ պարտադիր վճարներ եմ կատարելու
3. հդմ կտրոնները ի՞նչ եմ անելու
4. հաշվապահական ի՞նչ գիրք պետք է ունենամ
Խնդրում եմ հնարավոր դեպքում շուտ արձագանքել: Նախապես շատ շնորհակալ եմ:

Խաչատուր.

Հարգելի հաշվապահներ, եթե Ա/Ձ 1995թ.-ից գրանցված է հարկային տեսչությունում, ինչի մասին փաստում է հարկային տեսչությունից տրված տեղեկանքը, սակայն չգիտես ինչու մուծումների մասին 1995-ից մինչև 2005թ.-ը տեղեկատվություն չեն տրամադրում` պատճառաբանելով, որ տեղեկատվություն չունեն: Այժմ Ա/Ձ-ն անցնում է թոշակի, և տարածքային կենսաթոշակային հիմնադրամը պահանջում է 1995թ.-ից մինչ թոշակի անցնելու օրը Ա/Ձ-ի կողմից մուծած կտրոնները:

Հարց. Ա/Ձ-ի վկայականը, որը գրանցված է հարկային տարածքային մարմնում, արդյո՞ք չի կարող հիմք հանդիսանալ աշխատանքային ստաժը 1995թ-ից հաշվարկելու համար:

Լուսինե.

Բարև ձեզ: Խնդրում եմ ինձ օգնեք հետևյալ հարցում: 2012թ. հուլիսին գրանցել եմ ԱՁ, որը զբաղվում է արտադրությամբ: Աշխատող համարվում է միայն ԱՁ-ն: Վճարում եմ ամեն ամիս սոց. 5000 դր. և եկամտահարկի կանխավճար 2000դր: Հաշվետվություն վիճ. վարչություն պետք է ներկայացնեմ եռամսյակային: Խնդրում եմ ասեք, եկամտահարկի հաշվետվություն ե՞րբ պետք է ներկայացնեմ: Կանխավ շնորհակալ եմ:

Հարություն.

Հարգելի հաշվապահներ, համաձայն ԱԱՀ մասին օրենքի հոդված 2-ի.
“Անհատ ձեռնարկատեր չհանդիսացող ֆիզիկական անձանցից սույն օրենքով և Հայաստանի Հանրապետության մաքսային օրենսդրությամբ սահմանված կարգով գանձվում է ԱԱՀ Հայաստանի Հանրապետության տարածք ապրանքներ ներմուծելիս, եթե նրանց կողմից ներմուծվող ապրանքների քանակը կամ արժեքը գերազանցում է օրենքով սահմանված չափերը:”

Որո՞նք են այդ չափերը, ո՞ր օրենքով են սահմանված:

Մարինե.

Բարև ձեզ, հարգելի հաշվապահներ: Ես հանդիսանում եմ անհատ ձեռնարկատեր և պատրաստվում եմ գնալ դեկրետային արձակուրդի: Այդ ընթացքում պետք է աշխատանքի ընդունեմ ինձ փոխարինող աշխատողի:

1. Ինձ հետաքրքիր է, թե ինչպես է հաշվարկվելու իմ դեկրետային նպաստը, եթե ես վճարում եմ ամսական սահմանված հարկ և սոց. վճար: Ամսական եկամուտս մոտ 150 հազար է կազմում:

2. Ինչպե՞ս է կատարվելու ինձ փոխարինող աշխատողին ընդունելու պահը` ես նորից մնալու՞ եմ որպես անհատ ձեռներեց և ինձ համար և աշխատողի համար վճարելու՞ եմ հարկերը, թե միայն անշխատողի համար:

Զարուհի.

Ես մեկ հարց ունեմ` կապված ԱՁ-ի սոց. վճարումների հետ: Ինձ սոցապի աշխատակիցը ասել էր, որ տվյալ ամսվա սոց. վճարումը, այսինքն 5000 դրամը, ես կարող եմ կատարել մինչև ամսվա վերջ ընկած ժամանակահատվածում: Արդյո՞ք նա ճիշտ տեղեկություն է տվել ինձ:

Մերի.

Խնդրում եմ, ասեք՝ եթե ես գրանցված եմ որպես ԱՁ և աշխատում եմ որպես պատճենահանող, անաշխատունակության թերթիկը հանձնել եմ մեր հաշվապահություն հուլիսի 16-ին, իսկ մինչ այժմ հաշվապահը չի ներկայացրել հարկային, հարցնելու դեպքում պատասխանում է, որ կարող է ներկայացնել անգամ ծննդաբերությունից հետո, և ոչ մի խնդիր չի լինի, ես կարող եմ ստանալ իմ արձակուրդային գումարը: Իսկ ծննդաբերությունը կլինի սեպտեմբերի վերջ: Խնդրում եմ, ասացեք՝ դա ճի՞շտ է, թե՞ ոչ:

Հարություն.

Հարգելի գործընկերներ, ֆիզ. անձը վարձակալության է տվել տարածք, որի վարձավճարը վճարվել է կանխավճարի տեսքով մի քանի ամսվա համար: Հարցը հետևյալն է` արդյո՞ք հարկային գործակալի մոտ եկամտահարկի պարտավորությունը առաջանում է կանխավճարը վճարելիս, թե՞ կառաջանա յուրաքանչյուր ամսվա վերջում:

Մարինե.

Բարձ Ձեզ, խնդրում եմ օգնեք հետևյալ հարցում. ԱՁ-ի համար երկամտահարկ հաշվարկելիս նվազեցվու՞մ են սոց. վճարները, և արդյո՞ք նվազեցվում է նաև յուրաքանչյուր ամսվա համար 32500 դրամ, չնայած այն բանին, որ վերջին 3 ամիսներին ստացել է 4-8 հազար դրամ եկամուտ: Եկամատահարկը հաշվարկելու համար արդյո՞ք պետք է ամբողջ տարվա ստացած եկամուտը գումարենք իրար, հանենք վճարված սոց. վճարները և յուրաքանչյուր ամսվա համար 32500 դրամ: Շնորհակալություն:

լիլիթ սեդրակյան.

Գրանցված եմ որպես ԱՁ, գործունեություն չեմ ծավալում, գործունեությունը դադարեցված է: Արդյո՞ք դուրս է եկել նոր օրենք, ըստ որի ԱՁ չփակելու դեպքում ամսական սոց. վճարները պետք է վճարվեն:
lilit_sedrakyan շնիկ mail.ru
Կանխավ շնորհակալ եմ:

Khatchatur Melqonyan.

Հարգելի հաշվապահներ, ԱՁ-ն գրանցվել է 1995թ.-ից և աշխատել հաստատագրված վճարով, բարեխիխճ վճարել է վճարները, ինչի մասին փաստում է տարածքային հարկային տեսչության կողմից տրված տեղեկությունը մուծումների մասին: Նշեմ, որ ԱՁ-ի թոշակային տարիքը լրացել է մի քանի օր առաջ, սակայն տարածքային կենսաթոշակային հիմնադրամը պահանջում է ներկայացնել 1995թ.-ից սկսված կենսաթոշակի մասով մուծումների անդորրագրերը, որպեսզի կենսաթոշակի հաշվարկման հիմք հանդիսանա 1995թ.-ը, հակառակ դեպքում տարածքային կենսաթոշակային հիմնադրամը հաշվարկում է թոշակը և հետևաբար աշխատանքային ստաժը 2002թ.-ից` մեկնաբանելով, որ իրենց բազան 2002-ից է: Խնդրում եմ ասել` արդյո՞ք տարածքային կենսաթոշակային հիմնադրամը գործում է օրենքի սահմանում:

Ալլա.

Բարև ձեզ: Կցանկանայի իմանալ` անհատ ձեռներեց գրանցվելու համար ո՞ր պետ. ռեգիստորին պետք է դիմենք: Այսինքն այն տարածաշրջանի պետ. ռեգիստորին, որտեղ որ գրանցված ենք, թե՞ գործունեությունն իրականացվող տարածաշրջանի պետ. ռեգիստորին: Կանխավ շնորհակալություն:

Արտաշես.

Բարև ձեզ: Ես աձ եմ և զբաղվում եմ մարածախ առևտրով: Աշխատող չունեմ: Կարո՞ղ է արդյոք ընտանիքիս անդամը փոխարինել ինձ` խանութում ապրանք վաճառել, եթե ես տեղում չեմ:

Միքայել.

Բարև ձեզ: Ես մոտ 2 ամիս է արդեն գրանցել եմ ԱՁ, սակայն ոչինչ չեմ արել, ոչ մի գործողություն ԱՁ-ն գրանցելուց հետո, միայն վճարել եմ 3 200 դրամ, եթե ճիշտ եմ հիշում, գրանցման համար: Ինձ ասացին, որ եթե գործունեություն չի լինելու դեռ, ավելի լավ է կասեցնել, որպեսզի ավելորդ խնդիրներ չլինեն: Կարո՞ղ եք ասել` ինչպես կասեցնել ԱՁ-ն, և արդյո՞ք ինչ-որ հաշվետվություն պետք է ներկայացնել կամ վճարում կատարել: Նախապես շնորհակալություն:

Ռազ.

Բարև ձեզ, հարգելի հաշվապահներ: Խնդրում եմ, օգնեք ինձ մի հարցով: Ցանկանում եմ խանութ բացել` տնտեսական ապրանքներ, բանջարեղեն ու միրգ վաճառելու նպատակով: ԱԱՀ-ով չեմ աշխատելու: Ցանկանում եմ իմանալ` ի՞նչ հարկատեսակներ եմ վճարելու: Որպես ԱՁ գրանցվե՞մ, թե՞ ՍՊԸ հիմնադրեմ: Այսինքն` որո՞վ է ձեռնտու աշխատել՝ հարկեր քիչ վճարելու առումով: Խնդրում եմ, պարզաբանեք ԱՁ-ի և ՍՊԸ-ի տարբերությունը:

Hayk.

Հարգելի հաշվապահներ, եթե կազմակերպությունը ֆիզ. անձից գույք է գնում պայմանագրով և վճարում նրան հունիս ամսին, իսկ եկամտահարկը վճարվում է հուլիսին, հաշվետվության մեջ ո՞ր ամսով պետք է երևա գործարքի գումարը և ո՞ր հաշվով պետք է փոխանցվի եկամտահարկը:

Արման.

Նոր գրանցել եմ Ա/Ձ, այն դեռևս չի գործում: Մինչև գործունեությունը սկսելը ի՞նչ քայլեր պետք է կատարեմ պետական մարմինների հետ կապված: Ա/Ձ-ն գրանցված է Երևանի Կենտրոն համայնքում, խնդրում եմ, եթե հնարավոր է մանրամասն տեղեկացրեք, թե ուր պետք է գնամ (ցանկալի է` նշելով հասցեն) և ինչ փաստաթղթեր ներկայացնեմ: Ա/Ձ-ի գործունեությունը սկսելուց հետո ես բնականաբար կունենամ հաշվապահ, իսկ մինչ այդ խնդրում եմ Ձեր օգնությունը: Կանխավ շնորհակալ եմ:

Արման.

Ա/Ձ-ն հաշվետու տարում ունեցել է հետևյալ արդյունքը՝ ձեռք է բերել 20 մլն դրամի ապրանք, որից 3 մլն դրամը փաստաթղթավորված չէ, վաճառվել է 15 մլն դրամի, որից ստացված համախառն եկամուտը կազմել է 30 մլն դրամ: Կատարվել է հետևյալ ծախսը` վարձավճար՝ 2.5 մլն դրամ, կոմունալ՝ 800 հազար դրամ, աշխատողի և գործատուի սոց. վճար` 500 հազար դրամ: Որոշել Ա/Ձ-ի կողմից վճարվելիք եկամտահարկի գումարը:

Սասուն.

Հարգելի գործընկերներ, ըստ “Արտոնագրային վճարների մասին” ՀՀ օրենքի 7րդ հոդվածի 2րդ կետի արտոնագրային հարկ վճարողները չեն համարվում հարկային գործակալ: Խնդրում եմ պարզաբանեք` Ա/Ձ-ն, որը արտոնագրային հարկ վճարող է և իր տարածքը ձեռք է բերել վարձակալությամբ ինչ որ ֆիզիկական անձից, արդյո՞ք պետք է վարձակալության համար եկամտահարկ վճարի (որպես հարկային գործակալ նկատի ունեմ), թե՞ ոչ: Իսկ ինչպե՞ս կլինի` իր վարձով աշխատողների համար չպե՞տք է աշխատավարձից եկամտահարկի պահում արվի:

Կանխավ շնորհակալ եմ:

Սոնա.

Բարև Ձեզ: Խնդրում եմ արձագանքել: Ա/Ձ-ն, որն ունեցել է 5 աշխատող, իր գործունեությունը դադարեցրել է 2006թ-ին: Ա/Ձ-ն ցանկացավ վերջնականապես լուծարվել: Հարցման արդյունքում պարզվեց, որ 12500 դրամ պարտք է ունեցել, որը մարվել է արդեն: Լուծարման տեղեկագիրը մեզ մոտ է արդեն: Հարկայինում ասել են, որ պետք է տարեկան հաշվետվություններ ներկայացվի: Խնդրում եմ, կասե՞ք` միայն տարեկան զրոյական հաշվետվություն եմ ներկայացնելու, թե՞ նաև եռամսյակային:

Վահագն.

Բարև ձեզ: Ինձ մի հարց է հետաքրքիր: Սոց. վճարների մասին օրենքում փոփոխություն է կատարվել, որը ուժի մեջ է մտնում հուլիսի 25 ից, ըստ որի.

Պետական գրանցման վկայականը ժամանակավոր լիազորված մարմնին հանձնած և այդ ժամանակահատվածում ձեռնարկատիրական գործունեություն չիրականացրած անհատ ձեռնարկատերը (ձեռներեցը) սույն մասով սահմանված չափով նվազագույն սոցիալական վճարներ չի կատարում` վկայականը հանձնելուն հաջորդող ամսվանից մինչև վկայականը հետ ստանալու ամիսն ընկած ժամանակահատվածի համար:
– կետը ուժը կորցրած է ճանաչվում:

Դա ի՞նչ է նշանակում, որ նախկինում ժամանակավորապես գործունեությունը դադարեցրած և պետ. ռեգիստրի վկայականը հարկային տեսչություն հանձնած ԱՁ-ն, որը արդեն 2 տարի սոց. վճար չի կատարում, հիմա ի՞նչ պետք է անի, և արդո՞ք հնարավոր է, որ ըստ այդ օրենքի նրա նկատմամբ հուլիսի 25-ից հետո հաշվարկվի սոց. վճար 5000-ական դրամով, եթե նա լուծարման դիմում չտա:

Սուրեն.

Բարև ձեզ: Ես ֆիզիկական անձից գնել եմ 600 հազար դրամի ապրանք առանց փաստաթղթի, ինչպե՞ս կարող եմ կազմել դրա գնման ակտը, և արդյո՞ք կարող եմ միանգամից 600 հազար դրամի կանխիկ ապրանք ձեռք բերել, նախապես շնորհակալություն:

Syuzanna.

Բարև ձեզ: Ես գրանցել եմ Ա/Ձ, ձեռք եմ բերում “X” ՍՊԸ-ից աղի ձողիկներ և վերավաճառում եմ խանութներին: Ասացեք խնդրեմ` ո՞ր հարկատեսակով է հարկվում այս գործունեությունը, և նշեք նաև հարկման տոկոսադրույքը: Շնորհակալություն:

Ն.Չոփիկյան.

Եթե անհատ ձեռներեցը այլևս ձեռնարկատիրական գործունեությամբ չի զբաղվում, հարկային պարտավորություններ չունի, սակայն ռեգիստրում չի տվել լուծարման դիմում, կշարունակվի՞ սոց. վճարների մուծման պարտավորությունը: Ա/ձ անփութության պատճառով չի լուծարվել և ոչ մի գործունեություն չի ծավալել: Կարո՞ղ է դատարանում բողոքարկվել հարկայինի որոշումը սոց. վճարները հարկադիր ձևով գանձելու մասին: Եթե ոչ, կարո՞ղ է ա/ձ ճանաչվել անվճարունակ: Շնորհակալություն:

Սիմա.

Անհատ ձեռնարկատերը կարո՞ղ է ունենալ արտաքին գովազդ, ո՞ր պետական մարմինն է զբաղվում դրանով, և որո՞նք կարող են լինել գովազդի արգելքները:

Արման.

Հարգելի կոլեգաներ, ի՞նչ նոր փոփոխություններ են եղել ԱՁ գործունեության դադարեցման / լուծարման հետ կապված:

Գայանե.

Բարև Ձեզ, ցանկանում եմ գրանցել ԱՁ և մատուցել վարսավիրական ծառայությոուններ, կցանկանայի իմանալ` ինչ քայլեր են անհրաժեշտ այն գրանցելու համար: Արդյո՞ք անհրաժեշտ է լիցենզիա, եթե վարսավիրանոցում մատուցելու են կոսմետոլոգիական ծառայություններ Գերմանիայից ներմուծված սարքավորումների միջոցով:

Կարեն.

Հարգելի հաշվապահներ, մի քանի հարց ԱՁ – ների վերաբերյալ:

ԱՁ – ն գրանցվել է և միակ աշխատողը հանդիասում է ԱՁ – ն:

Գրանցվելու համար պե՞տք է անհատական հաշվի բացման հայտ ներկայացնել և ստաժի հաշվետվություն: ԱՁ – ն գրանցվելով` արդեն իսկ չի՞ համարվի գրանցված աշխատող:

ԱՁ – ի եկամատահարկի և սոցի հաշվետվությունը եռամսյակայի՞ն է ներկայացվում, թե՞ տարեկան միայն:

Gohar.

Կարո՞ղ է արդյոք Ա/Ձ-ն հրաժարվել ամսական սոց. վճարները կատարելուց: Եթե այո, ապա ի՞նչ պետք անի Ա/Ձ դրա համար: Եվ արդյո՞ք տվյալ պարագայում խնդիրներ են առաջանում ստաժի հետ կապված: Շնորհակալություն:

Մերի.

Հարգելի կոլեգաներ, խնդրում եմ օգնեք: Նորաբաց ԱՁ-ն զբաղվելու է հագուստի մանրածախ առևտրով: Հագուստը ներկրվում է Հայաստան արտերկրից, որտեղ ինչ որ վճարված գումարը հավաստող կտրոնների նման բաներ են տալիս, բայց դա բնականաբար հիմնավորող փաստաթուղթ չի լինի ձեռքբերված ապրանքի, այսինքն 11% եկամտահարկի հարց կա այստեղ, այնպես չէ՞: Իսկ մնացած մասով սովորական հաշվետվություններ են արդեն` ամսական ՀԴՄ-ի կտրոնների մասին տեղեկանք, սոց. վճար 5000 դրամ, 1% նվազագույն վճար, ինչպես նաև սոց.ապ. ներկայացվող անհատական հաշվի բացման հայտի և ստաժի թղթերը, այնուհետեև արդեն ԱՁ-ի տարեկան եկամուտների պարզեցված հաշվարկ, սոց. վճարների տարեկան հայտարարագիր, և իհարկե վերը նշված 11% չհիմնավորված փաստաթղթերով ձեռքբերման դեպքում եռամսյակաին եկամտահարկի հաշվետվությունները: Ամբողջակա՞ն է արդյոք թվարկածս, թե՞ ինչ-որ բան տվյալ ոլորտին առնչվող հարկային դաշտից դուրս է մնացել: