Category: Հաշվապահական հաշվառում

Արմինե․

Խնդրում եմ հուշել լիզինգի ձևակերպումները սուբսիդիայի դեպքում։

Մարինե․

Բարև Ձեզ։ Խնդրում եմ տրամադրել հաշվապահական հաշվառման քաղաքականության օրինակելի ձև։ Շնորհակալություն։

Արսեն․

Բարև ձեզ։

Խնդրում եմ պարզաբանել հետևյալ հարցը․

Մեր կազմակերպությունում առկա են 2022 թվականից մնացած կրեդիտորական և դեբիտորական պարտքեր (կախված մնացորդներ)։ Դրանք չեմ կարող ճանաչել որպես անհուսալի պարտք, քանի որ գումարները գերազանցում են 300,000 դրամը։

Կարո՞ղ եք հուշել, թե ինչ հաշվապահական թղթակցություններ պետք է տամ, որպեսզի այդ գումարներն արտացոլվեն արտահաշվեկշռային հաշվում կամ պահուստային ֆոնդում։

Ներկայումս մնացորդները կախված են 224 և 5231 հաշիվներում։

Կանխավ շնորհակալություն պատասխանելու համար։

Պահանջվում է կազմել նյութերի վաճառքի գործառնությունների ձևակերպումները, որոշել վաճառքի ֆինանսական արդյունքը: Տվյալներ. «Լույս» ԲԲԸ վաճառել է պահեստում մնացած չօգտագործվող նյութերը 120 000 դրամով, ներառյալ ԱԱՀ: Վաճառված նյութերի դիմաց վճարը մուտքագրվել է հաշվարկային հաշիվ նյութերը առաքելուց 10 օր անց: Վաճառված նյութերի ինքնարժեքը կազմել է 80 000 դրամ: Հաշվետու անձի կողմից վճարվել են նյութերի տեղափոխման ծախսերը` 7 000 դրամ:

Դիտել այլ հաշվապահական խնդիրներ

Արեգնազ․

Հարգելի հաշվապահներ, խնդրում եմ պատասխանել այս հարցին․

USAID –ից ՍՊԸ-ն որպես նվիրատվություն ստացել է հիմնական միջոց 7.0 մլն արժեքով։

1 հարց – Ինչպիսի՞ն կլինեն հաշվապահական ձևակերպումները

2 հարց – Շահութահարկի տարեկան հաշվետվության մեջ սա արտացոլվու՞մ է, թե՞ ոչ

3 հարց – Մաշվածություն հաշվարկվու՞մ է, թե՞ ոչ

4 հարց – Դիտարկվու՞մ է որպես հարկվող եկամուտ, թե՞ ոչ

Կանխավ շնորհակալություն։

Սեդա․

Բարև Ձեզ։ Մեր ՍՊԸ-ն աշխատում է ԱԱՀ-ով և ապրանքներ է ներմուծում ԵՏՄ-ից: Ապրանքը ներմուծելուց հետո տեսել ենք, որ այդ ապրանքը ենթակա չէ օգտագործման, կազմել ենք հանձնաժողով և ԱԿՏ-ով դուրս ենք գրել այդ ապրանքը: Այդ ԱԿՏ-ի մի օրինակը ուղարկել ենք մատակարար կազմակերպությանը, և նրանք հետ են վերադարձրել գումարը: Հիմա այդ վերադարձված գումարին ի՞նչ ձևակերպում պետք է տրվի։

Հասմիկ․

Հարգելի գործընկերներ, 2025-ին ձեռք եմ բերել հիմնական միջոց, շահագործել եմ մոտ 1 տարի, այնուհետև 2026թ-ին հետ եմ վերադարձրել մատակարարին։ Մատակարարը դուրս է գրել ճշգրտող հաշիվ և հետ է փոխանցել գումարը։

1․ Ի՞նչ ձևակերպումներ են անհրաժեշտ

2․ Արդյո՞ք առաջանում է հասույթ

Նարինե․

Բարև Ձեզ։ Կխնդրեմ ասեք՝ ինչպե՞ս ձևակերպել նվեր քարտերի վաճառքը գնորդին։

Քրիստինե․

Բարև բոլորի։ Եթե հնարավոր է՝ այս խնդրի լուծումը տաք։ Ընկերության ֆինարդյունքների հաշվետվության նախագծի համաձայն հաշվետու տարվա շահույթը կազմել է $1.245.000: Սակայն, փորձնական հաշվեկշիռը հաշվեկշռված չէ, և տարբերությունը վերացնելու նպատակով , բացվել է օժանդակ հաշիվ՝ $30.000 կրեդիտային մնացորդով։

Վերլուծությունների արդյունքում բացահայտվել են հետևյալ սխալները․

1. Թողարկվել և տեղաբաշխվել են 150.000 հատ 50 ցենտանոց սովորական բաժնետոմսեր, յուրաքանչյուրը` 70 ցենտով: Գործառնությունը ճիշտ է գրանցվել դրամական միջոցների հաշվում, սակայն կրեդիտագրվել է վաճառքից եկամուտ հաշվին:

2. Վարձակալության դիմաց վճարված $6.000 գումարը ճիշտ է գրանցվել դրամական միջոցների հաշվում, իսկ “վարձակալական ծախսեր” հաշվում դեբետագրվել է $60.000

3. Գնումներից և վաճառքներից վերադարձները սխալ են ձևակերպվել: $ 72.000 գնումներից վերադարձը գրանցվել է վաճառքից հասույթ հաշվի դեբետում, իսկ $96.000 վաճառքից վերադարձը կրեդիտագրվել է գնումների հաշվին

4. Տրամադրված փոխառության դիմաց ստացված $12.000 տոկոսային եկամուտը, ճիշտ է գրանցվել դրամական միջոցների հաշվում, սակայն դեբետագրվել է վճարված տոկոսների հաշվին:

Պահանջվում է ` ա . կատարել սխալների ուղղման համար անհրաժեշտ մատյանային գրանցումներ բ. Հաշվարկել շահույթի ճշգրտված գումարը սխալների ուղղումից հետո:

Շնորհակալ եմ նախապես։

Դիտել այլ հաշվապահական խնդիրներ

Նարինե․

Անձի հետ կնքվել է երկարաժամկետ փոխառության պայմանագիր, համաձայն որի նույն օրը նրա կողմից ընկերության Արարատբանկ ԲԲԸ-ի բանկային հաշվին մուտքագրվել է գումար։ Ի՞նչ ձևակերպումներ պետք է տրվեն։

Գոհար․

Բարև ձեզ, ես ներկայացնում եմ ԱԱՀ-ով աշխատող կազմակերպություն, որը ֆինանսական վարձակալությամբ / լիզինգով ձեռք է բերել տրանսպորտային միջոց։ Խնդրում եմ ներկայացնել լիզինգի ձևակերպումները։ Շնորհակալություն։

Անի․

Բարև Ձեզ։ Ընկերության անունով ներմուծվել է թամբային քարշակ և կցորդ։ Որ խնդրեմ կասե՞ք՝ ի՞նչ ձևակերպումներ պետք է անեմ։ Այս պահին մուտք եմ արել պահեստ և ԲՄՀ եմ նստացրել, բայց 2161 եմ արել։

Անի․

Հարգելի հաշվապահներ, արդյո՞ք նոր փոփոխություններով պարտադիր է, որ ՀԿ գլխավոր հաշվապահը լինի որակավորված և ունենա լիցենզիա։

Կարինե․

Բարև Ձեզ: Այսպիսի իրավիճակում ինչպիսի՞ հաշվապահական ձևակերպումներ պետք է տալ: Մատուցված ծառայության դիմաց մեզ դուրս է գրվել հաշիվ, և փոխանցել ենք ամբողջ գումարը՝ դտ 521 – կտ 252: Ամիսը չավարտված պայմանագիրը խզվել է, և դիմացի կողմը հետ է վերադարձրել գումարի մի մասը: Այդ վերադարձը ինչպե՞ս ձևակերպել: Շնորհակալություն։

Արմինե․

Բարև Ձեզ։ 3-րդ երկրից հիմնական միջոց ենք ներմուծել։ Ես արել ՊՄՕ և ԲՄՀ փաստաթղթերը։ Որ խնդրեմ կասե՞ք՝ դրանից հետո ի՞նչ ձևակերպումներով պետք է պահեստից ելք անեմ և դարձնեմ հիմնական միջոց։

Արմեն․

Բարև Ձեզ։ Ինչպիսի՞ հաշվապահական ձևակերպումներ է անհրաժեշտ տալ Facebook – ի ինքնահաշիվ գրելու դեպքում։ Օրինակ, եթե քարտով վճարում է կատարվել 120 000 դրամի չափով։

Էդ․

Տալ տնտեսական գործառնությունների հաշվապահական ձևակերպումները և կազմել կազմակերպության ֆինանսական վիճակի մասին հաշվետվությունը հաշվետու ժամանակաշրջանի վերջի դրությամբ:

Հաշվետու ժամանակաշրջանի սկզբի դրությամբ կազմակերպության կանոնադրական կապիտալը կազմում էր 16 մլն դրամ, հիմնական միջոցները՝ 10 մլն դրամ, հումք և նյութերը՝ 4 մլն, դրամարկղում կանխիկ դրամը` 1 մլն դրամ, իսկ բանկային միջոցները՝ 3 մլն դրամ, գնումների գծով կազմում էիների պարտավորությունները կազմում էին 2 մլն դրամ: Հաշվետու ժամանակաշրջանի ընթացքում կազմակերպությունը կատարել է հետևյալ տնտեսական գործառնությունները․ հաշվարկել է 210 000 դրամ աշխատավարձ՝ վարչական աշխատողին, որից գործող օրենսդրությամբ կատարվել են պահումներ, և փոխանցումով մարել է պահում աշխատավարձի գծով պարտավորության կեսը, առանց վճարման ձեռք է բերել 240 000 դրամի ապրանքներ (ներ.՝ ԱԱՀ), որոնք վաճառել է 360 000 դրամով (առանց ԱԱՀ):

Դիտել այլ հաշվապահական խնդիրներ

Նարինե․

Բարև ձեզ։ Կասե՞ք տարվա վերջի շահութահարկի վճարման հաշվապահական ձևակերպումը։

Լիլիթ․

Բարև ձեզ: Խնդրում եմ կարող ե՞ք ինձ օգնել հետևյալ գործառույթների ձևակերպումները տալ:

1. Անհատույց՝ որպես շնորհ ստացվել են ոչ նյութական ակտիվներ 200 000 դրամ:

2. Դուրս է գրվել լուծարված շենքի կուտակված մաշվածությունը 1 200 000 դրամ.

3. Հաշվարկային հաշվից վճարվել են շահաբաժիններ բաժնետերերին 3 000 000 դրամ:

4. Դուրս է գրվել լուծարված շենքի հաշվեկշռային արժեքը 3 800 000 դրամ:

5. Նախորդ տարվա շահույթի հաշվին ավելացվել է կանոնադրական կապիտալը 4 000 000 դրամ:

6. Կազմակերպությունում օգտագործվող հեռուստացույցը անհատույց հանձնվել է դպրոցին 70 000 դրամ:

7. Գույքագրման ժամանակ հայտնաբերվել է պատրաստի արտադրանքի պակասորդ 560 000 դրամ:

8. Հաշվարկային հաշվում ստացվել է հասույթը արտադրանքի վաճառքից 40 000 000 դրամ:

9. Պահուստային կապիտալի հաշվին ավելացել է կանոնադրական կապիտալը 3 000 000 դրամ:

10. Գույքագրման ժամանակ հայտնաբերված երկարաժամկետ օգտագործման գործիքների պակասորդը դուրս է գրվել հաշվեկշռային արժեքով 4 800 000 դրամ:

Լիանա․

Ընկերությունը վարձակալել է հողատարածք և վրան շինություն է կառուցել որպես խանութ։ Ստացել է բետոնի և ծառայությունների մատուցման հաշիվներ։ Խնդրում եմ տալ հաշվապահական ձևակերպումներ։

Գևորգ․

Կազմակերպությունը, համաձայն հրապարակային պայմանագրի, իրականացնում է երաշխիքային սպասարկում և անհատույց փոխարինում է շարքից դուրս եկած դետալը։ Խնդրում եմ ասել հաշվապահական ձևակերպումները։

Սերգեյ․

Բարև ձեզ: Հարգելի հաշվապահներ, կազմակերպությունը ամեն տարի համայնքապետարանին վճարում է պետական տուրք գովազդային վահանակի համար: Հաշվապահական ինչպիսի՞ ձևակերպումներ պետք է տալ:

Ալլա․

Բարև Ձեզ, խնդրում եմ պատասխանել․ եթե ունենք դեբիտորական պարտք, և տվյալ կազմակերպությունը սնանկ է ճանաչվել, ինչպե՞ս պետք է դուրս գրել այդ պարտքի գումարը, ի՞նչ փաստաթղթեր են հարկավոր, և ի՞նչ ձևակերպում պետք է տրվի: Նախապես շնորհակալություն։

Անա․

Հարգելի հաշվապահներ, առաջին անգամ եմ կատարում պահուստաֆոնդի մասհանումներ, խնդրում եմ հուշել՝ ինչպե՞ս է հակադարձվում անհուսալի դեբիտորական պարտքի պահուստի գումարը պատրքը մասնակի մարելու դեպքում։ Պարտքի գումար՝ 285 դոլար։ Եթե պարտքի մարումը կատարելու պահին պահուստում առկա կուտակված գումարը կազմել է 143 դոլար (չվճարված պարտքի գումարի 50 տոկոսը), վճարվել է 150 դոլար։ դտ -223 կտ-614 , 143ի չափով։ Եվ շարունակում եմ պահուստի մասհանումը չմարած գումարին ՝ 135 դոլարի նկատմամբ կիրառում եմ 75 տոկոս։ Պահուստում առկա գումար ՝ 102 դոլար։ Եվ ինչպե՞ս եմ հաշվարկում այն 1373 Ն որոշման համաձայն։ 143ը ճանաչվում է համախառն եկամուտ, բնական է դրամով արտահայտված, իսկ 102-ը այլ նվազեցու՞մ։ Նշեմ նաև, որ 143-ը նախորդ տարի շահութահարկի հաշվարկում արտացոլվել է որպես այլ նվազեցում։ Շնորհակալ եմ։

Ալլա․

Բարև Ձեզ, խնդրում եմ օգնել տվյալ պայմանական օրինակի հիման վրա լրացնել հետևյալ աղյուսակը։ Անհատ ձեռնարկատերը զբղվում է տարբեր տեսակի գործունեությամբ։ Առաջին եռամսյակում 2 հսկիչ ՀԴՄ-ով իրացրել է 5մլն շրջանառություն։ Այդ ընթացքում դուրս է գրել հաշիվ վավերագրեր 2 մլն 800 հզր դրամի։ Ձեռք է բերել ապրանք ՀՀ տարածքում 2 մլն դրամի։ Ներմուծել է 3 մլն դրամի ապրանք։ Սահմանին վճարել է մաքսային վճարներ 800 հզր դրամի։ Հյուսիսային պողոտայում ունի հանրային սննդի կետ (սրճարան), որի շրջանառությունը ՀԴՄ-ով կազմել է 6 մլն դրամ։ Ձեռք է բերել 3 մլն 500 հզր դրամի ապրանք, եռամսյակային վարձակալության վճարը կազմել է 500 հզր դրամ, ծախսել է 100 հզր դրամի հոսանք։ Ունեցել է օֆիսի համար 2 ավտոմեքենա, որից մեկը վաճառել է 4 մլն դրամով (նախկինում ձեռք է բերել 3 մլն դրամով)։ ԱՁ-ն փոխառություն է տվել ֆիզիկական անձի և ստացել է 200 հզր դրամի եկամուտ։ Որոշել առաջին եռամսյակում որքա՞ն շրջանառության հարկ պետք է վճարի պետությանը։

ՀԲ․

Կօգնե՞ք լուծել այս խնդիրը։ Ըստ Ստորև բերված տվյալների` որոշել վաճառքների գծով դեբիտորական պարտքերի մնացորդը հաշվետու ժամանակաշրջանի ավարտին:

Տվյալներ․ կազմակերպության վաճառքների գծով դեբիտորական պարտքի մնացորդը 20X1 թ. մարտի 31-ի դրությամբ կազմել է. «Ա» գնորդինը` 50 000 դրամ, «Բ» գնորդինը` 160 000 դրամ, «Գ» գնորդինը` 180 000 դրամ։ Հաշվետու եռամսյակի ընթաց-քում առաքվել է արտադրանք «Ա» գնորդին` 72 000 դրամ, «Բ» գնորդին` 108 000 դրամ, իսկ «Գ» գնորդին՝ 60 000 դրամ արժողությամբ։ «Բ» գնորդի կողմից արտադրանքի մի մասը` 36000 դրամ արժողությամբ, որակի անհամապատասխանության պատճառով վերադարձվել է կազմակերպությանը։ «Գ» գնորդին հաշվետու եռամսյակում առաքված արտադրանքի համար պայմանագրով սահմանված պայմաններով տասնօրյա ժամկետում վճարում կատարելու համար տրվել է գների իջեցման 20% զեղչ: Հաշվետու եռամսյակի ընթացքում գնորդների կողմից կատարվել է վճարում առաքված արտադրանքի դիմաց` «Ա» գնորդի կողմից՝ 80 000 դրամ, «Բ» գնորդի կողմից` 140 000 դրամ, «Գ» գնորդի կողմից` 160 000 դրամ: Բոլոր գումարները ներկայացված են վաճառքի գներով (ներառյալ՝ ԱԱՀ-ն):

Այլ հաշվապահական խնդիրներ

Նարե․

Բարև Ձեզ։ Խնդրում եմ օգնել ձևակերպումների հարցում` ստացվել է դրամաշնորհ, տրվել է դտ 253 կտ541 ձևակերպումը, գումարի փոխարկումը դտ 252 կտ 253, փոխարժեքի տարբերությունը դտ725 կտ 253։ Գիտեմ, որ դրամաշնորհի գումարը ծախսելիս պետք է տրվի դտ 541 կտ 628 ձևակերպումը, իսկ դրամաշնորհից առաջացած ԱԱՀ-ն ինչպե՞ս պետք է ձևակերպել։

Ռոզա․

Հարգելի գործընկերներ, ԱԱՀ հաշվոտվությունում չեմ ներառել ԱԱՀ-ով հաշիվը, որը ճիշտ ժամանակ ստորագրել եմ, մի քանի ամիս անց ուղղել եմ հաշվետվությունը, 226-ի ձևակերպումն ինչպե՞ս կատարեմ։

Հասմիկ․

Չինաստանից ՍՊԸ ներմուծել է էլեկտրամոբիլ որպես հիմնական միջոց: Ինչպե՞ս պետք է ձևակեպեմ նրա ձեռքբերման ինքնարժեքը ըստ հաշիվների՝ մեքենայի բեռնափոխադրման վճարը, ինվոյսը, բնապահպանական վճարը և բրոկերային ծառայությունը։

Մելինե․

Հարգելի հաշվապաներ, հիմնադիրին, ով նաև տնօրենն է, տրամադրել ենք փոխառություն դտ 145 կտ 252, և հաշվել աշխատավարձ՝ դտ 713 կտ 527: Իր գրավոր համաձայնությամբ փոխառությունը մարվելու է նաև աշխատավարձի հաշվին: Ինչպե՞ ս է այս ձևակերպումը տրվելու՝ դտ 527 կտ 145, իսկ ու՞ր մնաց 229 հաշիվը։ Խնդրում եմ պատասխանել: