Շուշանիկ․

Խնդրում եմ պարզաբանել․ ԱՁ-ն, որը աշխատում է շրջանառության հարկով հանրային սննդի ոլորտում և դեռ աշխատող չունի, ի՞նչ հարկային հաշվետվություններ և վճարներ պետք է ներկայացնի։ Եվ արդյո՞ք շրջ. հարկի հաշվետվության ծախսերի տողում պետք է ներառել աշխատավարձը։

Քնարիկ․

Բարև ձեզ, եթե մայիսի 15-ից ՍՊԸ-ն անորոշ ժամկետով դադարեցրել է գործունեությունը, կարո՞ղ է հունիսին մայիսի հաշվետվությունները ուղարկի, ու մայիսի հարկերը վճարի այդ 15-օրվա համար, խոսքը եկամտային հարկի ու սոցի մասին է։

Մանե․

Բարև ձեզ: ԱՁ-ն աշխատում է միկրոյով: Վարձակալել է տարածք ֆիզ. անձից: Եկամտայինի հաշվետվության մեջ համակարգը թույլ չի տալիս որպես այլ եկամուտ լրացնեմ: Արդյո՞ք տեխնիկական խնդիր է, թե՞ միկրոն իրավունք չունի այլ եկամուտ ցույց տալու։

Mary.

Բարև Ձեզ, խնդրեմ կասե՞ք՝ եթե քաղաքացիական պայմանագրով ծառայություն մատուցողին մի ամիս վճարում չենք կատարում, պե՞տք է արդյոք զրոյական եկամտային հարկի հաշվետվություն ուղարկել:

Կարինե․

Բարի օր։

Ես ծանոթ չեմ ՀՀ հարկային օրենսդրությանը, խնդրում եմ պատասխանել․ գրանցվել է կազմակերպություն (ՍՊԸ), որը դեռ չի գործում, բայց սույն տարում կգործի։ Տեղյակ եմ, որ պիտի հայտարարություն տամ ԱԱՀ-ով հարկման մասին և դադարեցման դիմում ներկայացնեմ։ Խնդրում եմ ասել՝ online.taxservice.am ծրագրում որտե՞ղ պետք է արվեն այդ գործողությունները։

Սոֆյա․

Բարև Ձեզ, հարգելի հաշվապահներ։ Խնդրում եմ օգնեք, շտապ է.

2021թ-ին գործունեության ժամանակավոր դադար տված հասարակական կազմակերպության համար 2022թ-ին ուղարկվել է գործունեության հաշվետվությունը (204 ձև): 02.06.2023թ-ին ՊԵԿ-ից ստացել ենք ծանուցում.

1. Հաշվետվության 3-րդ կետում լրացված տվյալները գործունեության առարկային և նպատակին չեն համապատասխանում:
2. Գործադիր մարմնի ղեկավարի պաշտոնը չի համապատասխանում պետական ռեգիստրում առկա տեղեկատվությանը:
   

Առաջինի կետի մասով ասեմ, որ առարկան և նպատակները շատ ծավալուն էին, ամփոփ եմ գրել պահպանելով բուն միտքը, արդյո՞ք դա սխալ է: Երկրորդի մասով նախագահ բառի փոխարեն գրել եմ հիմնադիր նախագահ: Հիմա ուզում եմ իրենց բացատրական նամակ գրեմ, խնդրում եմ հուշեք՝ ինչպե՞ս վարվել ավելորդ բարդություններից խուսափելու համար: Եվ նման դեպքերում ի՞նչ տուգանքներ են նախատեսված: Շնորհակալություն։

Արման․

Բարև բոլորին։ Ես մեկ հարց ունեմ՝ կապված հաշվետվությունների հետ։ Ես բացել եմ ԱՁ, աշխատում եմ շրջհարկով։ Դեռ որոշ պատճառներով հաշվապահի չեմ կարող դիմել, մինչև դիմելս պետք է ինքս հաշվետվությունները ներկայացնեմ։ Խնդիրը նրանում է, որ չեմ հասկանում՝ ինչպե՞ս։ Գիտեմ, որ պետք է մտնեմ file taxservice, մուտքագրեմ հաշվիս եկած գումարը այդ ամսվա։ Որոշել եմ ամեն ամիս վճարեմ, ոչ թե եռամսյակը մեկ։ Կարո՞ղ եք ինձ ասել՝ որտե՞ղ պետք է մուտք անեմ, ի՞նչ լրացնեմ, որ կարողանամ փոխանցում կատարեմ։ Կանխավ շաաատ-շաաատ շնորհակալ եմ։

Գոհար․

Բարև ձեզ, հարգելի հաշվապահներ։ ՍՊԸ-ն ցանկանում է զբաղվել լրագրությամբ և ունի կայք։ Կասե՞ք՝ ո՞ր հարկային դաշտում կարող է գործել, և ամսական ու տարեկան ի՞նչ հաշվետվություններ պետք է ներկայացնեմ։

Ալլա․

Բարև ձեզ, հարգելի հաշվապահներ ջան։ Եթե առաջանում է բացասական ԱԱՀ, ապա ԱԱՀ-ի հաշվետվության մեջ ԴՏ-ում ավելացում պե՞տք է տալ։ Ի՞նչ ձևակերպում պետք է տալ։

Գրիգ․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: ԱՁ-ն շրջհարկի դաշտում է, գործունեության ոլորտն է 62.01.0: Աշխատում է արտասահմանի հետ։ Կասե՞ք՝ ծավալը նկատի ունի ամսական մատուցված ծառայության գումարը, և նշու՞մ եմ արտահանման երկիրը։ Կանխավ շնորհակալություն։

Գարիկ․

Բարև Ձեզ: Եթե կազմակերպությունը մինչև հունիսի 30-ը պետք է հրապարակի իր տարեկան ֆինանսական հաշվետվությունները, պարտադի՞ր է, որ հաշվապահը ունենա որակավորման վկայական:

Լուսինե․

Շնորհակալ կլինեմ, որ պատասխանեք մի հարցի. Հարկային հաշվետվության 165-րդ ձև ֆիզիկական անձի եկամուտը գրվում է կեղտոտ գումարը , այսինքն ՍՊԸ-ն ֆիզ անձից վարձակալել է տարածք 200 000, հարկը վճարում է ՍՊԸ-ն, լրացման կարգով՝ գրում ենք 200 000, թե՞ միայն ֆիզ անձի եկամուտը 180 000, 20 000 առանձին, և շահաբաժինը էլի ընդհանու՞ր, թե՞ հարկերը պահած:

Անահիտ․

Հարգելի հաշվապահներ, ԵՏՄ-ից ներմուծման և արտահանման վիճակագրական հաշվետվությունները կարողանու՞մ եք հանձնել Արտաքին առևտրի Ազգային մեկ պատուհան կայքից։

Արմենուհի.

Բարև Ձեզ։ Խնդրում եմ ինձ օգնեք հասկանալ, եթե շրջհարկով ներկայացված հաշվետվություններում վաճառքից եկամուտը ավել է ցույց տրված ՀԴՄ-ի թվից, կարո՞ղ եմ երկու տարվա կտրվածքով ճշտում տալ և ի՞նչ տույժեր ու տուգանքներ են կիրառվում այս դեպքում: Շնորհակալություն։

Աննա․

Հարգելի հաշվապահներ, կասե՞ք՝ հարկման ընդհանուր համակարգում գրանցված ՍՊԸ, որը դեռ գործունեություն չէր իրականացնում, ապրիլի 20-ին անորոշ ժամանակով դադարեցում է տրվել։ Կասե՞ք՝ մինչև ապրիլի 20-ի համար պետք է ներկայացվի հաշվետվությունները 0-ական: Ներկայացնելու դեպքում չի համարվի չէ՞ գործունեությունը վերսկսված: Կանխավ շնորհակալ եմ։

Աննա․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: Կասե՞ք՝ 0-ական շարժի դեպքում ԲՏԱ նախարարություն հաշվետվություն ներկայացնելու անհրաժեշտություն կա՞: ԱՁ-ն ԱԱՀ դաշտում է, գործունեության ոլորտն է 62.01.0: Սակայն գործունեություն դեռ չեմ իրականացրել և բոլոր հաշվետվությունները հանձնել եմ այս կոդի տակ զրոյական:

Պավել․

Բարև ձեզ: ՍՊԸ-ն գրանցվել է 2023թ. մարտին, աշխատելու է ԱԱՀ-ի դաշտում, բայց գործունեություն դեռ չի իրականացնում: Գրանցված է միայն տնօրենը, որը հանդիսանում է ՌԴ քաղաքացի: Խնդրում եմ պարզաբանեք. 2023թ. I եռամսյակի և 2023թ. մարտ ամսվա համար ի՞նչ հաշվետվություններ են պետք ներկայացնել հարկային մարմին: ԱԱՀ-ի մասով ներկայացվել է 264. Հայտարարություն` ԱԱՀ վճարող համարվելու և որպես ԱԱՀ վճարող հաշվառվելու վերաբերյալ, 260. Ավելացված արժեքի հարկի և ակցիզային հարկի միասնական հաշվարկ (2020 թ․-ից) (զրոյական): Իսկ ին՞չ հաշվետվություն պետք է ներկայացվի տնօրենի համար: Կանխավ շնորհակալություն:

Նարե.

Բարև Ձեզ։ Հարգելի հաշվապահներ, ԵՏՄ անդամ պետությունից կազմակերպությունը անցած տարի հուլիսին ձեռք է բերել համակարգչային ծրագիր, որի ԱԱՀ- 0 է եղել։ ԱԱՀ-ի հաշվետվությունում պե՞տք է արդյոք ձեռք բերումը երևա, և եթե այո, ապա ի՞նչ պետք է անել, ինչպե՞ս ճշգրտել հաշվետվությունը։

Մետաքսե․

Բարի օր։ ԱՁ-ն բացվել է անցած տարի նոյեմբերին, և ոչ մի գործողություն չի արվել դրանից հետո (ոչ դիմում, ոչ հաշվետվություն): Հիմա ցանկանում եմ դադարեցնել գործունեությունը։ Խնդրում եմ կօգնե՞ք հասկանալ՝ ի՞նչ տույժեր պետք է վճարեմ, և եթե ID քարտ չունեմ, ի՞նչ տարբերակով է հնարավոր ներկայացնել դադարեցման դիմում։

Հասմիկ․

Բարև Ձեզ։ Ընկերությունը 2023 -ից ԱԱՀ-ի դաշտից անցել է շրջանառության հարկի դաշտ: Պետությոն կարիքների համար կնքել ենք պայմանագիր, որտեղ նշված է, որ մենք ծառայություն ենք մատուցում տրակտորների վերանորոգման համար՝ դուրս է գրվում ծառ. մատուցման հաշիվ ըստ նրաց պահանջի, որտեղ պահանջում են ծառայությունների կատարումը նշել մի տողով, իսկ օգտագործած պահեստամասերի և նյութերի ցանկը առանձին: Խնդրում եմ պատասխանել՝ ինչպե՞ս լրացնեմ շրջհարկի հաշվետվությունը։

Գոհար․

Բարև ձեզ, հարգելի հաշվապահներ։ Ինձ կօգնե՞ք հասկանամ, թե ի՞նչ անեմ ֆիզ․ անձի կողմից ավտոմեքենայի օտարման ժամանակ առաջացած հարկային պարտավորության համար։ Պետք է ԱՁ բացի, և ներկայացնեմ 163 ձևը ու էլի փակե՞մ։

Գայանե․

Բարև Ձեզ։ Եթե ԱՁ տարվա կեսից դարձել է ԱԱՀ վճարող և պետք է ներկայացնի շահութահարկի հաշվարկ, ընտրում է ԱՁ նոտար բաժինը, թե՞ դա միայն նոտարներին է վերաբերում։

Քրիստինե․

Բարև բոլորին: Մի հարցով կօգնե՞ք. աշխատող պետք է ընդունենք, ում մասնագիտությունը դիպլոմում գրված է Շինարարություն՝ շենքերի նախագծում: Նման մասնագիտություն, պաշտոն ծրագիը չի բերում, ինչպե՞ս գրանցեմ:

Վահագն․

Բարև Ձեզ։ Ֆիզիկական անձը անցած տարի վաճառել է իր մեքենան։ Հարկ առաջանու՞մ է, և հաշվետվության հանձնման անհրաժեշտություն կա՞։

Եվա․

Բաև Ձեզ, խնդրում եմ կասե՞ք՝ Vero համակարգով դրոշմապիտակների ուշ վերագրման համար ի՞նչ չափի տույժ և տուգանք է սպասվում կազմակերպությանը։

Արտավազդ․

Շրջհարկով աշխատող ԱՁ-ը շահութահարկի հաշվետվության մեջ բացի 107 -րդ տողից ի՞նչ տողեր է լրացնում։

Մելինե․

Բարև ձեզ, կհուշե՞ք խնդրում եմ․

1. Եթե կազմակերպությունը ծառայություն է մատուցում կամ ստանում, և գումարը փոխանցվում (ստացվում) է մինչև հաշիվ դուրս գրելը կամ ստանալը, դա պետք է որպես ստացված կամ տրված կանխավճար ձևակերպել, և հետո նո՞ր միայն ծախսագրել կամ եկամուտներում ճամաչել, թե՞ կարելի է միանգամից։

2․ Եթե մեր դուրս գրված հաշիվները դիմացի կողմը չի ստորագրել արդեն 2 ամիս է, ԱԱՀ-ի հաշվարկում ներառվելու՞ է հարկման բազայում, թե՞ ոչ։ Շնորհակալություն։

Նար․

Բարև ձեզ։ Ունեմ մի քանի հարց ԻՇ հայտարարագրի հետ կապված․

1․Կազմակերպության հիմնադիր տնօրենը 100% բաժնեմաս ունի, սակայն որպես տնօրեն գրանցված է այլ անձ։ Իրական Շահառուի հայտարարագրում ու՞մ տվյալները պետք է նշվեն

2․ Եթե պետռեգիստրի համարը նշելուց կազմակերպության տվյալներ չի գտնվում, ինչի՞ց կարող է լինել խնդիրը

3․ Մինչև ապրիլի 1-ը հայտարարագրի չներկայացման դեպքում ի՞նչ պատասխանատվության կենթարկվի ընկերությունը։

Գայանե.

Բարև ձեզ, հարգելի հաշվապահներ։ Խնդրում եմ օգնեք՝ ընկերությունը ՍՊԸ է, շրջ․ հարկով է հարկվում և զբաղվում է զբոսաշրջությամբ։ Հարցս հետևյալն է․ շրջ․ հարկի հաշվետվությունը հանձնելուց եկամուտը (ֆիզ․ անձանց վաճառված փաթեթներ, ավիատոմսեր և այլն, գումարած միջնորդավճար) պետք է նշեմ հաշվետվության 16 կետու՞մ (Այլ գործունեությունից կամ այլ ակտիվների օտարումից ստացվող եկամուտներ)։ Իսկ ծախսերի մասով՝ ձեռք բերված տոմսեր, փաթեթներ և այլն, տող չկա՞, թե՞ պետք է միայն միջնորդավճարի չափը նշեմ 16-րդ տողում։ Խնդրում եմ օգնեք։ Կանխավ շնորհակալություն։

Թամարա.

Բարև Ձեզ, հարգելի հաշվապահներ։ Ասացեք խնդրեմ, եթե շրջ. հարկով աշխատող Ա/Ձ դեկտեմբերին աահ-ով է աշխատել, շահութահարկի հաշվարկում 8 -րդ բաժինը լրացնու՞մ է, թե՞ ոչ։ Եվ ի՞նչ տուգանք է սահմանված այդ 1 ամիսը դրամարկղի գիրք չվարելը կամ գիրք չունենալը։ Շնորհակալություն։

Նանա.

Բարև Ձեզ։ ՍՊԸ-ն մատուցում է ծառայություններ, ունի գրանցված 1 աշխատող: Այնպես է ստացվել, որ փետրվար ամսվա ընթացքում ծառայություն չի մատուցել և եկամուտ չունի, հետևաբար աշխատողին չի վճարելու աշխատավարձ: Հարց. եկամտային հարկի զրոյական հաշվետվություն պե՞տք է ուղարկել, թե՞ ոչ։

Արփինե․

Բարև Ձեզ։ Խնդրեմ հուշեք՝ հացի փուռը, որտեղ բոլոր վառարաններն աշխատում են հոսանքով, բնապահպանական հարկ վճարելու և եռամսյակային հաշվետվություն ներկայացնելու պարտավորություն չունի չէ՞։

Մելինե․

Հարգելի հաշվապահներ, եթե նոյեմբերին մատուցված ծառայության համար հաշիվը դուրս է գրվել հունվարին ՝ մատուցման ամսաթիվ դնելով 31.11.2022, վճարումն էլ ստացել ենք դեկտեմբերին, շրջանառության հարկի ո՞ր եռամսյակում պետք է արտացոլվի այդ գումարը: Շնորհակալություն։

Երվանդ․

Բարև Ձեզ, սիրելի հաշվապահներ: Հարցս հետևյալն է՝ Ա/Ձ-ն 2022 թվականի տարվա սկզբից համարվել է միկրոձեռնարկության աշխատող, սակայն 2022թ հուլիսից գերազանցել եմ 24 միլիոն ՀՀ դրամը և շրջանարության հարկի դիմում չեմ տվել: ՊԵԿ-ից ծանուցում եմ ստացել, որ 2022թ-ի համար ԱԱՀ հաշվետվություն ներկայացնեմ: Ես ուզում եմ հասկանալ՝ ԱԱՀ հաշվետվությունը պետք է ներկայացնել 24 միլոնը գերազանցելուց հետո՞, թե՞ ամբողջ 2022 թ-ի համար:

Արուս․

Վարձու աշխատողին երեխայի խնամքի արձակուրդ ուղարկելու գրանցման հայտը ե՞րբ պետք է ուղարկել, խնդրում եմ պատասխանել։

Էլինա․

Բարև ձեզ։ ԱՁ եմ գրանցել։ Ասեցին՝ հարկային հայտ պետք է ներկայացնեմ հարկատեսակի հետ կապված, բայց ես ID չունեմ դեռ։ Ասեցին, որ կարող եմ լիազորել նրան ով ունի։ Կարո՞ղ եք օգնել, թե դա ինչպես է կատարվում։ Ու ո՞ր հարթակից պետք է ուղարկեմ հայտը։ Շնորհակալ եմ նախապես։

Քրիստինե․

Խնդրում եմ օգնել հետևյալ հարցում՝ կազմակերպությունը փետրվարի 7-ին կատարել է արտահանում, պատվիրատուն ապրանքը ընդունել է, հետո հայտնաբերել է թերություններ և մարտի 10-ին հետ է ուղարկել: Հարցս հետևյալն է՝ կատարոել է արտահանում և պետք է 0-ական հարկով թիվը լրացնել ԱԱՀ-ի փետրվարի հաշվետվության մե՞ջ, և հետ վերադարձը որպես ներմուծում մարտ ամսվա հաշվետվության մե՞ջ, թե՞ ուրիշ բան էլ պետք է արվի (ներմուծման ժամանակ մաքսային վճարներ չեն եղել):

Ելենա․

Բարև ձեզ։ Ֆիզ անձը մեկ տարվա ընթացքում գնել և վաճառել է մեքենա։ Հաշվետվություն տալու համար ՊԵԿ-ում ՀՎՀՀ չեն տրամադրել, քանի որ ֆիզ անձը ունի ԱՁ և համապատասխան ՀՎՀՀ։ Հարցս հետևյալն է՝ հաշվետվությունը ներկայացնելուց հետո ԱՁ-ի մոտ ոչ մի պարտավորություն չի՞ առաջանա։

Կիմա․

2022 թվականին շրջանառության հարկ վճարող համարվելու վերաբերյալ հայտարարություն է ներկայացվել, հիմա տեսնում եմ, որ հաշվապահը ԱԱՀ-ի հաշվետվություն է ներկայացրել, խնդրում եմ կասե՞ք՝ դա արդյոք ինչի հետևանքով կարող է լինել, հնարավո՞ր է արդյոք փոխել դա։

Տիրուհի․

Բարև Ձեզ։ ԱԱՀ-ով աշխատող Ընկերությունը գրել է ինքնահաշիվ ՝ արտերկրից ստացված ծառայության մասով։ ԱԱՀ-ի հաշվետվության 10-րդ կետում լրացվում է ԱԱՀ-ի գծով լրացուցիչ պարտավորություն։ Հարցս հետևյալում է․ իսկ որպես ստացված ծառայություն պետք է լրացնել 18-րդ տողու՞մ և համապատասխան ԱԱՀ-ի դեբետը 18ա-ու՞մ։

Լուսինե․

Բարև ձեզ։ Կազմակերպությունը Թուրքմենստանից ձեռք է բերել ապրանք և արտահանել Ռուսաստան այլ գնով։

Մատակարարման վայրը ՌԴ է։

1․ Այս դեպքում լրացվու՞մ է արդյոք ԵՏՄ հայտարարագիր արտահանման համար։

2․ Տարբերությունը արդյո՞ք արտացոլվում է ԱԱՀ-ի և ակցիզային հարկի միասնական հաշվարկում։

Անի․

Վերջնահաշվարկը եկամտային հարկի հաշվետվության լրացման ժամանակ հաշվեգրման թե՞ դրամարկղային մեթոդն է կիրառվում։

Ռուբեն․

Բարև ձեզ: 240 ձևի աղյուսակ 8-ի կրեդիտորական պարտք բյուջեին դաշտերում շահութահարկի գումարը պե՞տք է ներառել։

Աննա․

Բարև Ձեզ: Եթե շրջանառության հարկի դաշտում աշխատող ՍՊԸ-ն վարկ է վերցրել գործունեության ընդլայնման համար, հարկային առումով ինչ որ պարտավորություններ առաջանու՞մ են՝ հաշվետվությունների մեջ ցույց տալու կամ այլ:

Լուսինե․

Հարգելի հաշվապահներ, խնդրում եմ գրել հետևյալ հաշվետվությունների վերջնաժամկետները․

• 165. Տեղեկություններ՝ ֆիզիկական անձանց եկամուտների և եկամտային հարկի մասին
• 240․ Հաշվարկ՝ ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի
• 244․ Հաշվարկ՝ անհատ ձեռնարկատիրոջ և նոտարի սոցիալական վճարի
• 273. Այլ պետություններում գրանցված կազմակերպություններին վճարված եկամուտների, եկամուտների վճարման ամսաթվի, այդ եկամուտներից հաշվարկված և պահված շահութահարկի վերաբերյալ տեղեկություններ

Նարա․

Բարև Ձեզ։ Ունեմ այսպիսի հարց․ աշխատակցին ընտանիքի անդամի մահվան դեպքով տրվել է միանվագ դրամական օգնություն։ Եկամտային հարկի մասին օրենքի հոդված 6․ կետ 21 համարվում է նվազեցվող եկամուտ։ Եկամտային հարկի հաշվետվության մեջ որտե՞ղ պետք է ցույց տալ այդ գումարը, եթե 1․9 մեջ չի ընդունվում 5% ավել գումարի արտացոլում։ Շնորհակալություն։

Անի․

Բարև Ձեզ։ Իրական շահառուի հայտարարագրի համար լիազորագիրը ուղարկելիս՝ պատասխան ենք ստանում, որ տվյալ էլ․ փոստի հասցեն չի կարող ընդունել նամակ, քանի որ ծանրաբեռնված է։ Ի՞նչ անել նման դեպքում, և արդյո՞ք մինչև մարտի 1-ը հայտարարագիր չուղարկելու դեպքում կնշանակվի տուգանք։ Արդյո՞ք չեն նախատեսում երկարացնել ժամկետը, քանի որ իրենց մոտ առկա են նման տեխնիկական խնդիրներ։

Կարեն․

Բարև Ձեզ։ ԱՁ-ն նոյեմբեր ամսին թվով 5 արտահանում է կատարել ՌԴ։ ԵՏՄ վիճակագրական հաշվետվությունները ժամկետից ուշ է ներկայացրել՝ ներկայացնելով փետրվարի 10-ին։ Վարչական տուգանքը որքա՞ն կկազմի։ 5 արտահանման համար առանձի՞ն պետք է վարչական կիրառեն։ Ո՞ր օրենքը նայեմ այս հարցի հետ կապված։

Սոնա․

Եթե աշխատողը հունվարի 1-ից գտնվել է չվճարվող արձակուրդում, բայց tax-ով չեմ լրացրել, կարո՞ղ եմ հիմա անել ու աշխատանքից ազատել։

Նարինե․

Բարև Ձեզ: Իրական շահառուն օտարերկրացի է: Չի ստացվում ներբեռնել իր անձնագրի պատճենը, որ հայտարարագրի հետ հանձնեմ: Ֆայլը սեղմված է: Ո՞վ ինձ կօգնի։ Շնորհակալություն: