Tag: Wildberries

Գոհար․

Հարգելի հաշվապահներ, Wildberries հաշվապահության հետ կապված հարց ունեմ, եթե տեղյակ եք կխնդրեմ պատասխանել՝ վաճառքի հաշիվը պետք է գրեմ գինը -դետալիզացիայի “К перечислению Продавцу за реализованный Товар” հանած “Услуги по доставке товара покупателю” գումարի չափո՞վ AH-AK, նաև ստանում ենք հաշիվ ՎԲ-ից հանձնակատարի ծառայություն, նշված է որ վճարման ենթկա չէ, այս հաշվի գումարը որևէ ձևով ձևակերպու՞մ ենք (նշեմ, որ շրջ հարկից այս ծախսերը պակասեցրել են), շնորհակալ կլինեմ, որ օգնեք ինչ գին եմ նշում և ՎԲ-ի հաշվի հետ կապված ինչ պետք է անեմ, շնորհակալություն։

Գայանե․

Բարև Ձեզ։ Հարցս վերաբերվում է Wildberries – ին։ Уведомление о выкупе փաստաթուղթը ստանալուց հետո, պետք է դուրս գրվի տեղափոխման բեռնագիր, թե ապրանքների մատակարարման հաշիվ-վավեգիր ԻՄՎԲԱՎ ՍՊԸ-ին։

Լուիզա․

Բարև Ձեզ, ԱՁ գրանցված է Հայաստանում և Wildberries – ում վաճառք է իրականացնում, սակայն ապրանքները Չինաստանից ուղարկում է անմիջապես ՌԴ ՎԲ-ի պահեստ։ ԱՁ-ն հայաստանյան ՎԲ-ի՞ն է հաշիվ գրելու, թե՞ Ռուսաստանի։ Եվ եթե Ռուսաստանի ՎԲ-ին է գրելու, ապա հաշիվ վավերագի՞ր է գրելու, թե՞ մեկ այլ փաստաթուղթ, որտեղ ցույց կտրվի, որ արտահանում է կատարվում։

Ալլա․

Բարև բոլորին, հարգելի հաշվապահներ ջան, մի քանի հարց ունեմ։ 2025թ․ հոկտեմբերին բացել եմ ԱՁ (Wildberries – ով գործունեություն ծավալելու նպատակով), սակայն բացարձակ ոչ մի գործունեություն չեմ իրականացրել։ Բացելուց 20 օրվա ընթացքում հանձնել եմ 201 հաշվետվությունը։ Այս տարի հանձնել եմ 286՝ 0-ական հաշվետվություն, ինչպես նաև նորից 201 ձևի հաշվետվությունը։ Ամսի 17-ին հանձնել եմ նաև 240 և 244 հաշվետվությունները, իսկ վճարումը կատարել եմ ամսի 19-ին, սակայն համակարգում դեռևս 15,000-ական դրամ պարտք է ցույց տալիս։

Սա նորմա՞լ է, որ դեռ պարտք է երևում, թե՞ պետք է ինչ-որ տեղ դիմեմ։ Բացի այդ, արդյո՞ք կան այլ հաշվետվություններ, որոնք բաց եմ թողել և պետք է ներկայացնեմ, քանի որ ցանկանում եմ դադարեցնել գործունեությունս և չեմ ուզում որևէ բան կիսատ մնա։ Գործունեությունը դադարեցնելու համար ո՞ր հաշվետվությամբ պետք է անեմ, ու հստակ ինչեր լրացնեմ: Եվ ևս մեկ հարց, դադարեցնելուց հետո, այս եռամսյակի ավարտին պե՞տք է կրկին 286 հաշվետվություն ներկայացնեմ, թե՞ այլևս կարիք չկա։ Նաև՝ այս 3 ամսվա համար պե՞տք է կրկին 240 և 244 հաշվետվությունները ներկայացնել, թե՞ դա արդեն հաջորդ տարում է արվում։

Նախապես շատ-շատ շնորհակալ եմ։

Մարինե․

Բարև, հարգելի խմբակիցներ։ Մի քանի հարց ունեմ Wildberries – ի վերաբերյալ։ Իրականացնում եմ վաճառք Wildberries հարթակում։ Ստացել եմ Դետալիզացիայի հաշվետվություն, որտեղ ապրանքները ունեն 3 կարգավիճակ՝ 1) Продажа 2) Обработка 3) Логистика

Հարցս հետևյալն է ՝ Հաշիվ վավերագիր դուրս գրելուց պե՞տք է առևտրի շրջանառությունը ներառի միայն վաճառված ապրանքի գինը, այսինքն Продажа կարգավիճակով, թե՞ ամբողջովին։ Եթե այո, ապա շրջ․ հարկի հաշվետվության մեջ այն ապրանքների ծախսերը, որոնք դեռ չունեն Продажа կարգավիճակը, չե՞նք կարող ընդգրկել ծախսերի մեջ, այսինքն շրջանառությունը հաշվարկվում է տվյալ ժամանակաշրջանի համար, իսկ ծախսերը հաշվարկվում են, տեղափոխվում են հաջո՞րդ ժամանակաշրջան։

Անի․

Բարև Ձեզ։ Ես ունեմ գրանցված ԱՁ՝ դիջիթալ մարքեթինգի ոլորտում։ Այժմ ցանկանում եմ նաև Չինաստանից զարդեր ներմուծել և վաճառել Wildberries-ի և Facebook-ի միջոցով։ Կասե՞ք՝ արդյո՞ք պետք է նոր ԱՁ գրանցեմ և ՀԴՄ սարք ձեռք բերեմ։ Շնորհակալություն։

Հայկ․

Բարև ձեզ, ընկերներ։ ԱՁ-ն աշխատում է շրջհարկով, վաճառում է ապրանքներ Օզոն հարթակում։ Կարո՞ղ եք խորհուրդ տալ պարտաճանաչ հաշվապահ կամ ընկերություն, որը կվարի սույն ԱՁ-ի հաշվապահությունը մատչելի գնով։ Շրջանառությունը շատ փոքր է։ Շնորհակալ կլինեմ բոլոր խորհուրդների համար։

Մերի․

Բարև ձեզ, Wildberries հաշվապահության հետ կապված հարցեր ունեմ։ Հաշիվը գրում ենք Уведомление о выкупе տվյալներով, դա ՀՀ-ից դուրս վաճառված ապրանքների համար է ծախսերն էլ հանած, հիմա հարցս՝ իսկ ՀՀ–ում վաճառված ապրանքների համար ինչպե՞ս ենք հաշիվը գրում, եթե ծախսերը հանած չեն դետալիզացիայի մեջ։ К перечислению Продавцу за реализованный Товар տողից հանու՞մ ենք լոգիստիկան։ Մի հարց ևս՝ Wildberries-ը մեզ հաշիվներ է գրում հանձնակատարի ծառայության, դրա մեջ ի՞նչն է ներառված, գովազդի ծախսերն այդտեղ կա՞ն։

Տիգրան Ավետիսյան․

Բարև ձեզ։ Wildberries հարթակում վաճառքների շրջանառությունը կազմվում է ՎԲ ՀՀ-ում ներկայացուցիչ ԻՄՎԲԱՄ-ի կողմից դուրս գրվող շաբաթական уведомления о выкупе հաշիվներով, որտեղ հաստատում է վաճառողից x քանակով և x գնով արանքների գնումը (որտեղից հանված են բոլոր կամիսիաները, պահպանման վճարները և լոգիստիկան), թե՞ ընդհանուր հաշվետվությունը, որտեղ ներառված են այդ բոլոր ծախսերը, և չենք կարող նվազեցում կամ ծախս համարել, որովհետև չկա երկկողմանի հաշիվ-ֆակտուրա և համարվում է զուտ հաշվետվություն: Ցանկանում եմ հասկանալ՝ ո՞ր փասթաթուղթը պետք լինի հիմք շրջանառություն հաշվելու ու շրջհարկ վճարելու համար: Շատ շնորհակալ կլինեմ պատասխանի համար:

Անուշ․

Բարև ձեզ, սիրելի հաշվապահներ։ Խնդրում եմ օգնել։ ԱՁ-ն բացվել է 12.01.2026թ.-ին, իրականացնելու է հիմնական գործունեությունը Wildberries – ում, և բացի դա կա արտել։ Միկրոյի հայտարարության համար ժամկետը անցել է, ի՞նչ լուծում կառաջարկեք։

Անահիտ․

Հարգելի հաշվապահներ, եթե ԱՁ ինքն է կարում/արտադրում պայուսակները, որոնք վաճառում է Wildberries – ում, դա կարո՞ղ է համարվել արտադրություն և գործել միկրոձեռնարկատիրության դաշտում, թե՞ այնուամենայնիվ առևտուր է։

Մարիա․

Բարև Ձեզ, կասե՞ք Wildberries ստացման կետի տնտեսական գործունեության դասակարգիչը ըստ ՀՀ էկոնոմիկայի նախարարության, որպեսզի կարողանա գործունեությունը շարունակել միկրոձեռնարկատիրության շրջանակներում: Նախապես շնորհակալություն:

Մերի․

Բարև ձեզ, խնդրում եմ ասեք՝ Wildberries վաճառողի տնտեսական գործունեության դասակարգիչը ո՞րն է։

Հայկ․

Բարև Ձեզ, հարգելի մասնագետներ։ Շրջհարկով աշխատող ԱՁ եմ։ Առաջին անգամ Ozon-ից ստացել եմ Отчет о реализации դեկտեմբեր ամսվա համար, ունեմ միայն մեկ վաճառք։ Վաճառքի ամսաթիվը 12․12․2025թ է, գումարն էլ ռուբլիով։ Ունեմ մի քանի հարց․

1․ Այդ վաճառքի համար պե՞տք է դուրս գրեմ հաշիվ վավերագիր, և եթե այո, ապա ու՞մ անունով, և ո՞ր ամսաթվով։

2․ Ապրանքների մատակարարման վայրը և նշանակման վայրը որ՞ հասցեները պետք է գրել։

3․ Գինը հաշվել ո՞ր օրվա ռուբլու կուրսով։

4․ Բացի շրջհարկի հաշվետվությունից, որևէ այլ հաշվետվություն ներկայացնելու կարիք կա՞։

Անչափ շնորհակալ կլինեմ օգնելու համար։

Անուշ․

Բարև Ձեզ, հարգելի հաշվապահներ։ Եթե ապրանքը գնում եմ ու վերավաճառում եմ Wildberries – ում, QR կոդ հարկավո՞ր է, ակցիզ հարկավո՞ր է։ Վրան կա նշված “ներմուծված”։

Հայկ․

Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.

Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել

Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա

Հարց 3. Տեղափոխության բեռնագրում նշված գումարները ենթակա՞ են հարկման շրջհարկով

Շնորհակալություն։

Նարեկ․

Բարև Ձեզ: Ցանկանում եմ ապրանք վաճառել Wildberries-ում, բայց ապրանքը գնելու եմ Չինաստանից և ուղարկեմ ՌԴ պահեստ: Ինձ հետաքրքրում է՝ արդյո՞ք կարողանալու եմ Չինական կազմակերպության տրված ինվոյսի հիման վրա կատարել նվազեցումներ, որպես ապրանքի ինքնարժեք։

Բարև Ձեզ, կազմակերպությունը զբաղվում է օնլայն առևտրով (Վայլդբերիս)։ Ապրանքները վաճառվում են և ՀՀ պահեստից և ՌԴ պահեստից։ Խնդրում եմ օգնել` ապրանքի մատակարարման հաշիվները պետք է դուրս գրեմ ըստ դետալիզացիայի վաճառքներ թվի՞ և ապրանքացանկո՞վ։ Երկու պահետներից վաճառքի դեպքում էլ նույն կազմակերպությանը պիտի՞ հաշիվ գրեմ։

Մերի․

Բարև ձեզ, ես ԱՁ եմ, արտադրում եմ ապրանք և վաճառում Wildberries – ում, պետք է վայլդբերիսին հաշիվ գրեմ։ Կարո՞ղ եմ ամիսը մեկ գրել և մեջը ի՞նչ գումար եմ գրում։ Իր փոխանցա՞ծ գումարը։ Եվ մեկ հարց էլ՝ կարո՞ղ եմ արտադրության կոդ գրել հաշվետվության մեջ և միկրոձեռնարկատիրություն համարվել։

Անի․

Բարև Ձեզ։ Խնդրում եմ կօգնե՞ք հաշվապահության հարցում․ Ա/Ձ-ն Wildberries – ում իրականացնում է վաճառք և այդ ապրանքները պահետսավորում են ռուսատանում այնտեղից վաճառվում, այս դեպքում ինչպես ենք իրականացնելու հաշվապահութությունը ինչ տվյալներ են անհրաժեշտ, ինչ հաշվետվություն է հանձնվում ՊԵկ, և արդյոք Ա/Ձ-ից փոխանցված ապրանքների գումարները և փոխադրման ծառայությունները ենթակա են նվազեցման կխնդրեմ մանրամասնել որքան հնարավոր պարզ քայլերի հերթականությունը

Հասմիկ․

Բարև Ձեզ։ Շրջ. հարկով աշխատող հայկական ԱՁ-ն ստանում է ծառայություն Ռուսաստանից։ Վերջինս իրականացնում է փաթեթավորում և ապրանքի տեղափոխում մինչև ռուսաստանյան WB պահեստ։ Հարցս հետևյալն է՝ ինչպե՞ս պետք է Ռուսաստանյան կազմակերպությունը հաշիվ դուրս գրի ԱՁ-ին, որ ԱՁ-ն կարողանա ծախսերը նվազեցնել։

Լիլիթ․

Բարև Ձեզ։ ՀՀ -ում շատ կազմակերպություններ և ԱՁ-ներ շրջհարկով աշխատող, իրականացնում են Wildberries կազմակերպության գործունեություն, այսինքն օնլայն հարթակում վաճառում են ապրանք։ Ըստ Վայլդբերիսի հետ կնքած օֆերտայի, ԱՁ-ն վաճառում է իր ապրանքը Վայլդբերիսին, ինքն էլ իր հերթին վաճառում է իր հարթակում։ Օֆերտայի մեկ այլ կետով Վայլդբերիսը մատուցում էր նաև գովազդի ծառայություն, ու ամեն շաբաթ ուղարկում է ԱՁ-ին փաստաթուղթ, որտեղ երևում էր նախորդ շաբաթվա գովազդի ծախսը ռուբլիով։ Ըստ այս փաստաթղթի, որտեղ նաև մեր տվյալներն են, նաև դիմացի կողմի տվյալներն են, ում հասցեն Ռուսաստանում է ու ունի ՕՕՕ(ՍՊԸ) -ի ՀՎՀՀ-ն։ Հաշվապահը հիմք վերցնելով այդ դակումենտը,առաջացնում էր 290 ձև հաշվետվություն 2-րդ բաժնում, որտեղ հարկ չի առաջացնում։ Կից ներկայացնում եմ այն փասթաթուղթը, որը մեզ ուղարկել է “Վայլդբերիս” ՍՊԸ-ն, այժմ արդեն “ԻՄՎԲԱՄ” ՍՊԸ, այսինքն ներկայացուցիչն, որպես ոչ ռեզիդենտի մասով հավաստում։ Մի քիչ երկար ստացվեց, ասեմ ինչի համար, բոլոր էջերում ու նաև ձեր մոտ սխալ են ներկայացնում հարցը, մինչև այսօր չկա ճիշտ պատասխան, արդյո՞ք ճիշտ ենք աշխատում, թե՞ ոչ։ Հարցս ամփոփեմ՝ ես ճի՞շտ եմ անում, որ ներկայացնում եմ 290 ձևի 2-րդ բաժնում և ծախսագրում եմ եռամսյակային հաշվետվությունում։ Եվ երկրորդ հարցը՝ արդյո՞ք տվյալ հաշվետվությունը տարեկան հարկեր կամ այլ ավել հաշվետվություններ չի առաջացնում։ Ցանկալի է իմանալ՝ կցած փասթաթուղթը բավարար էր, որ հարկ չառաջացնի։ Անչափ շնորհակալ կլինեմ, որ հարցերիս պատասխանը շուտ ստանամ։

Իրինա․

Բարև ձեզ, հարգելիներս։ Ես Ա/Ձ եմ բացել, Wildberries – ով վաճառք եմ իրականացնում շրջհարկի։ Դեռ նոր եմ սկսել, խնդրում եմ մի փոքր ուղղորդեք՝ արդյո՞ք ճիշտ եմ անում։ Ամեն անգամ, երբ уведомление о выкупе եմ ստանում, հաշիվ վավերագիր եմ դուրս գրում։ Եռամսյակային հաշվետվության մեջ եռամսյակի վաճառքի գինը շրջանառության տողում եմ գրում, իսկ լոգիստիկայի և վայլդբերիսի կոմիսիոն գումարը որպես անուղղակի ծախս, ապրանքի ինքնարժեքի համար փաստաթուղթ չունեմ` ուղղակի ծախս չեմ լրացնում։ Խնդրում եմ կպատասխանե՞ք՝ ճի՞շտ եմ անում, թե՞ բացթողում ունեմ։ Կանխավ շնորհակալ եմ։

Անի․

Օզոնով վաճառք իրականացնելու հետ կապված 2 հարց ունեմ․
1․ հաշիվը ու՞մ պետք է դուրս գրվի ՝ ՕՄԱՐՄ ՍՊԸ ին, թե՞ յուրաքանչյուր գնորդի անունով
2․ եթե յուրաքանչյուր վաճառքի համար գնորդի անունով պետք է գրվի, ապա ինչպե՞ս լրացնել անձնագրային տվյալները

Վարդուհի․

Բարի օր բոլորին: Հարցս կապված է Wildberries – ի միջոցով ապրանքների վաճառքի հաշվապահության հետ: Եթե ըստ դետալիզացիայի տվյալների նախորդ շաբաթ հաշիվ է դուրս գրվել, իսկ այս շաբաթ ցույց է տալիս որ վերադարձվել է, դա հարկային հաշիվներով ինչպե՞ս պետք է ձևակերպեմ։ Նախորդ շաբաթվա հաշիվը չեղարկել և նորը գրեմ առանց վերադարձած ապրանքի, թե՞ ճշգրտող հաշիվ դուրս գրեմ։

Եվ մի հարց էլ` ամեն անգամ ապրանքը պահեստ տանելիս պե՞տք է տեղափոխման փաստաթուղթ կազմեմ։

Արևիկ․

Բարև Ձեզ։ Ընկերությունը աշխատում է ԱԱՀ-ով, Հայաստանից վաճառում է ապրանքների Wildberries – ի միջոցով և Հայաստանի ներսում և դուրս։
Երկու երկրների իրացումների համար միայն դուրս է գրվում հաշիվ ապրանքագիր, թե՞ Ռուսաստանի վաճառքների համար գրվում է հաշիվ վավերագիր։

Եվս Մեկ հարց․ եթե նախորդ ամիսներից հայտնաբերվել են պակաս դուրս գրված հաշիվներ, որոնք եղել են Վայդբերրիզ ՍՊԸ-ի ժամանակ, ոչ թե ԻՄՎԲԱՄ-ի, կարո՞ղ եմ հիմա Վայդբերրիզին գրել դրա հաշիվը:

Գևորգ․

Բարև Ձեզ, հարգելի հաշվապահներ։ Ozon և Wildberries ստացման կետը հնարավո՞ր է որպես միկրոձեռնարկատիրություն աշխատացնել, եթե հնարավոր է, խնդրում եմ օրենքին հղում տվեք։ Կանխավ շնորհակալ եմ։

Անի․

Բարև Ձեզ, հարցս վերաբերվում է շրջանառության հարկի հաշվարկին, ԱՁ-ն զբաղվում է Wildberries հարթակում վաճառքով, 2025թ․-ի 1-ին եռամսյակի детализация բաժնում պայմանականորեն 60 000 դրամ է, որից այդ եռամսյակում հաշիվ է գրվել Wildberries-ին 15 000 դրամի չափով, մնացածը ապրիլին է գրվել ապրիլի մատակարարումով։ Այդ դեպքում շրջ․ հարկը լինու՞մ է 60 000 * 10% – 15 000 * 9.5% = 4 575

Գևորգ․

Բարև Ձեզ, հարգելի հաշվապահներ։ Ես Wildberries – ի միջոցով վաճառք եմ իրականացնում և ՌԴ պահեստից, և ՀՀ – ից։ Հաշիվ վավերագիր պետք է դուրս գրեմ միայն ՀՀ -ից վաճառված ապրանքների համա՞ր, թե՞ դա կարևոր չէ։

Մարինե․

Բարև ձեզ։ Ես բացել եմ ԱՁ՝ Wildberries հարթակում վաճառք իրականացնելու համար։ Ապրանքները Չինաստանից միանգամից գնալու են Ռուսաստանի պահեստ, ՀՀ չեն մտնելու։ Նշեմ նաև, որ հաշվապահի մեղքով 20 օրյա ժամկետում չեմ ներկայացրել շրջանառության հարկ վճարող համարվելու հայտարարությունը և ԱԱՀ դաշտում եմ շարունակելու գործունեությունս։ Խնդրում եմ նշել՝ արդյոք պե՞տք է հաշիվ դուրս գրեմ, ո՞ր գումարն եմ նշելու և ի՞նչ հաշվետվություններ ունեմ հանձնելու։ Շնորհակալություն։