Accountant.am

Աստղիկ.

Հարգելի ընկերներ, խնդրում եմ օգնեք ինձ մի հարցում: Աշխատողն ընդունվել է աշխատանքի համատեղության կարգով որպես զոդող: Նա աշխատելու է մեր ընկերությունում ընդամենը 2 ժամ: Խնդրում եմ պատասխանեք: Նրա աշխատանքը համարվու՞մ է արդյոք առողջության համար վնասակար: Կանխավ շնորհակալություն:

Ապրիլի 15 կենտրոնական ամսաթիվ է բոլորիս համար: Երբ այս ապրիլի 15 գա ու անցնի, բոլորս հանգիստ շունչ կքաշենք ու անհամբեր կսպասենք հաջորդ ապրիլի 15-ին` մինչև այդ մի դյուժին ամսի 5 ու 20 ու մի քանի “ճշգրտված” ճանապարհելով: Մանրամասն

aikon.

Ինձ հանձնարարված է գրել կուրսային աշխատանք “Դեբիտորական պարտքերի հաշվառում և դրամական պարտքերի հաշվառում” թեմայով: Նախապես շնորհակալություն:

Ֆլորա.

Խնդրում եմ օգնեք ինձ այս հարցում: 2011թ.-ի փետրվարին կատարել ենք փոխանցում պարտադիր սոց, ինչպես նաև փոխանցել ենք տույժ վճարումն ուշացնելու համար` նպատակը նշվել է փոխանցման ժամանակ: Սակայն այդ հաշվարկը պետք չէր անել և առավելևս փոխանցել: Եթե կարող եք, գրեք խնդրում եմ, ի՞նչ ձևակերպումներ անեմ ճշգրտելու համար, և արդյո՞ք գերավճար կդիտվի այդ փոխանցումը` չնայած նրան, որ նպատակը նշել ենք:

Christina.

Հարգելի հաշվապահներ, խնդրում եմ ասեք, թե ինչ թղթակցություններ ենք տալիս չհաշվանցվող ԱԱՀ-ի մասով /օրենքին համաձայն ԱԱՀ վճարող անձինք, որոնք միաժամանակ իրականացնում են ԱԱՀ-ով հարկվող և ԱԱՀ-ով չհարկվող գործարքներ (ներառյալ` ԱԱՀ-ից ազատված, հարկման օբյեկտ չհամարվող, հաստատագրված վճարներով, պարզեցված հարկով հարկվող գործարքներ, ինչպես նաև այնպիսի գործարքներ, որոնց վրա չի տարածվում սույն օրենքի գործողությունը), կարող են հաշվանցել (պակասեցնել պետական բյուջե վճարման ենթակա ԱԱՀ-ի գումարից) միայն հարկվող գործարքների (գործառնությունների) իրականացման համար ձեռք բերված ապրանքներին և ծառայություններին վերաբերող (այդ թվում` մաքսային մարմինների կողմից գանձված) ԱԱՀ-ի գումարները/իսկ մեր կազմակերպությունը իրականացնում է ԱԱՀ-ով հարկվող և չհարկվող գործարքներ:
Կանխավ շնորհակալություն:

Սասուն.

Հարգելի կոլեգաներ, կարո՞ղ եք պարզաբանել հետևյալը.

Գործատուները սոցիալական հարցերի նախարարության սոցիալական ապահովության պետական ծառայություն են ներկայացնում ընթացիկ անհատական հաշվետվությունները տարեկան մեկ անգամ` մինչև տվյալ տարվան հաջորդող տարվա ապրիլի 1-ը:
1. Այսինքն՝ ապրիլի 1-ը ներառյա՞լ, թե՞ ոչ:
2. Ապրիլի 1-ին ներկայացրած հաշվետվության համար վարչական կտա՞ն, թե՞ ոչ:

Կանխավ շնորհակալ կլինեմ մեկնաբանությունների համար:

Արթուր.

Խնդրում եմ պատասխանել հարցիս: Ես հաշիվներս դուրս եմ գրում բացառապես էլեկտրոնային, բայց ունեմ նաև ազատված շրջանառություն, որի համար դուրս եմ գրում սովորական հաշիվ` առանց ԱԱՀ-ի` համապատասխան օրենքի: Առաքումների գրքում պե՞տք է գրանցեմ բոլորը, թե՞ միայն սովորական հաշիվները:

Վլադիմիր.

Բարև Ձեզ: Խնդրում եմ ինձ օգնեք հետևյալ հարցում.
ինչքա՞ն կկազմի BMW 325i մեքենայի գույքահարկը և տեխ. զննումը, եթե նրա տվյալներն են` 192 ձիաուժ, 2001թ. արտադրության: Եվ խնդրում եմ նաև գրել հաշվարկման մեթոդը:
Շնորհակալություն:

Լուսինե.

Բարև Ձեզ: Խնդրում եմ տալ պարապուրդի հաշվարկման ձևը, եթե աշխատավարձի չափը կազմում է 60 000 ՀՀ դրամ: Կանխավ շնորհակալություն:

Սառա.

Հարգելի կոլեգաներ, խնդրում եմ պատասխանել հետևյալ հարցին. կազմակերպությունը, որը հիմնադրվել է 24.02.2010թ, ԱԱՀ վճարող չի հանդիսացել, արդյո՞ք պետք է կատարի նվազագույն շահութահարկի եռամսյակային վճարումներ: Եթե հնարավոր է, պատասխանը հիմնավորել օրենսդրական հղումով: Շնորհակալություն:

astxik.

Խնդրում եմ պատասխանեք` շահութահարկում ակտի տույժ ու տուգանքները ծախսագրվու՞մ են: Շնորհակալություն:

Շուշանիկ.

Բարև ձեզ:
Մի հարց ունեմ` կապված սոց. վճարների հետ. եթե անցած տարի վճարել եմ ավելին, քան անհրաժեշտ էր, և ունեմ ավելցուկ, այդ ավելցուկը հանվելու՞ է այս տարվա անհրաժեշտ մուծումից, թե՞ հաշվի չի առնվելու:

Ֆլորա.

Հարգելի հաշվապահներ, ինչպիսի՞ ձևակերպումներ պետք է տամ, եթե վճարվել է գույքի նկատմամբ պետ. գրանցման տուրք, վճարումը կատարվել է գործառնական վարձակալության պայմանագիրը նոտարում հաստատելու համար: Կանխավ շնորհակալություն:

Արմեն.

Հարգելի հաշվապահներ, խնդրում եմ պարզաբանել` ԱԱՀ հաշվարկի 16 սյունյակում լրացվող արժեքը լրացվում է ներառյա՞լ ԱԱՀ, թե՞ ոչ: Կանխավ շնորհակալ եմ:

Anna.

Բարև Ձեզ: Շինանյութի ներքին տեղափոխության ժամանակ հաշիվ ֆակտուրայում ԱԱՀ գումարը նշվու՞մ է առանձին տողով, թե՞ նշվում է առանց ԱԱՀ: Շնորհակալություն:

Գուրգեն.

Հարգելի մասնագետներ,
կխնդրեմ պատասխանեք հետևյալ հարցին: Կազմակերպությունը զբաղվում է արտադրությամբ և համաձայն պայմանագրի վարձակալական հիմունքներով զբաղեցնում է ՊՈԱԿ տարածքի մի մասը: Տվյալ ՊՈԱԿ-ը, կադաստրային մարմինների հետ որոշակի խնդիրներից ելնելով, չի կարող կազմակերպությանը տրամադրել սեփականության իրավունքի վկայական, և հետևաբար վարձակալական պայմանագիրը չունի նոտարական վավերացում:

Ինչպե՞ս կվերաբերվեն հարկային մարմինները վերը նշված պայմանագրին, ՊՈԱԿ-ի կողմից ներկայացված հաշիվներին և սույնով պայմանավորված կազմակերպության ծախսերին:

Շնորհակալություն:

Satenik.

Հարգելի հաշվապահներ, խնդրում եմ օգնեք հետևյալ հարցում. մեր ընկերությունը Բ ընկերության հետ պատրաստվում է պայմանագիր կնքի, աշխատանքները կատարելու համար մեր ընկերությունը Գ ընկերությունից պետք է ձեռք բերի նյութեր, սակայն Գ ընկերությունը չի աշխատում ԱԱՀ-ով, իսկ մեր և Բ ընկերությունը աշխատում է ԱԱՀ-ով, մեր ընկերությունը պե՞տք է Բ ընկերությունից այդ նյութերի համար գանձի ԱԱՀ-ի գումար, թե՞ ոչ: Եթե Գ ընկերությունը չի աշխատում ԱԱՀ-ով, մենք պետք է վճարենք ԱԱՀ: Մեր ընկերությունը պետական է: Խնդրում եմ օգնեք, որտեղի՞ց կարող եմ օգտվել: Նախապես շնորհակալություն:

Էմմա.

Եթե աշխատողը 15.11.2010թ. ընդունվել է աշխատանքի, արձակուրդ չի գնացել և 04.04.2011թ. ազատվում է աշխատանքից, նոր օրենքով ինչպե՞ս պետք է տալ վերջնահաշվարկ:

Սաթինե.

Հարգելի հաշվապահներ, ասացեք խնդրում եմ, եթե ՍՊԸ ՓՄՁ է, ԱԱՀ-ով չի աշխատում, շահութահարկի տարեկան հաշվետվությունը պարզեցվածո՞վ ենք հանձնում: Եվ եթե այո, ապա այդ ձևի մեջ չի երևում ապրանքի մնացորդը, իսկ մնացած ապրանքները, որոնք չեն վաճառվել, դա հաջորդ տարում կարո՞ղ ենք ծախս ցույց տալ վաճառելու դեպքում: Նախապես շնորհակալություն:

Կարեն.

Հարգելի գործընկերներ, ընկերությունը զբաղվում է շինարարությամբ: Աշխատողների հետ ցանկանում եմ կնքել անվտանգության կանոններին տեղյակ լինելու հետ կապված թերթիկ (техника безопасности): Արդյո՞ք կա օրինակելի ձև նման թերթիկ լրացնելու, աշխատողների հետ կնքելու վերաբերյալ: Եթե այո, խնդրում եմ նշել, թե որտեղից կարող եմ վերցնել այդ ձևը:

Նախապես շնորհակալություն:

Robert.

Եթե մարտի վերջին լրացել է ավտոտրանսպորտային ելակետայինի ժամկետը, ու եթե չեն ցանկանում ապրիլին շարունակել, իմաստ ունի՞ արդյոք դադարեցում հանձնելու:

Արայիկ.

Եթե բաժնետոմսերի թողարկումից կուտակվել է էմիսիոն եկամուտ, արդյո՞ք թողարկման հետ կապված ծախսերը կատարվում են էմիսիոն եկամտի հաշվին և ինչպե՞ս է դա հիմնավորվում:

Լիաննա.

Բարև Ձեզ: Ես ստանում եմ մաքուր 65 000 դրամ աշխատավարձ, ինձ հետաքրքրում է, թե ինչքան գումար պետք է նշվի աշխատանքային պայմանագրում և ինչպես է այդ հաշվարկը կատարվում:

Վանա.

Հարգելի հաշվապահներ, մեզ բանավոր տեղեկացրել են, որ այս ամսվանից ՀԴՄ-ի տվյալները (շրջանառությունը) մենք ենք ներկայացնելու ՀՏ: Եթե որևէ մեկը գիտի, թե դա ինչ ձևով է արվելու, թող արձագանքի: Կանխավ շնորհակալություն:

Սվետլանա.

Հարգելի հաշվապահներ,
ես նույնպես մինչև այժմ վերջնահաշվարկից սոց. չեմ հաշվարկել, սակայն միշտ անհամապատասխանություն եմ տեսել: Այժմ ես մեկ անգամ ևս մանրամասն կարդացի “Հարկ վճարողի սեղանի գիրքը” և էջ 210-ում` “Աշխատանքային պայմանագիրը լուծվելու դեպքում” պարբերության մեջ վերջին նախադասությունը մանրամասնում է` վարձու աշխատողին վճարվող վերջնահաշվարկի գումարը կազմող աշխատավարձից և դրան հավասարեցված այլ վճարումներից սոցիալական վճարները հաշվարկվում են ընդհանուր սահմանված կարգով: Այսինքն չօգտագործված արձակուրդը, որը աշխատողին աշխատանքից ազատվելիս վճարվում է, դիտվում է որպես աշխատավարձին հավասարեցված վճարում: Դա նպաստ կամ այլ փոխհատուցում չէ: Հարգարժան հաշվապահներ, խնդրում եմ արձագանքել:

Ռուզաննա.

Կարո՞ղ եք պատասխանել հետևյալ հարցին. եթե ես պատրաստում եմ website հայաստանից դուրս գտնվող կազմակերպության համար,
1. Պայմանագիր կնքելու և հաշիվ ֆակտուրա տրամադրելու համար ինձ ի՞նչ է հարկավոր
2. Անհատ Ձեռներեցը կարող է ունենալ այդ լիազորությունները
3. Որտեղի՞ց և ինչպե՞ս պետք է սկսեմ, ու՞ր պետք է գնամ, ի՞նչ պետք է ունենամ:

ԱՆՆԱ Ա..

Շնորհավորում եմ բոլոր կանանց գալիք տոնը: Հարգելիներս, ասացեք խնդրեմ, կարո՞ղ եմ արդյոք աշխատանքի ընդունման և ազատման հրամանների համար տարբերակված համարակալումներ դնեմ, օրինակ աշխատանքի ընդունման հրամանների համար` 001-ԱԸ, 002-ԱԸ, իսկ ազատման հրամանների համար` 001-ԱԱ, 002-ԱԱ: Որտե՞ղ կարող եմ գտնել այս հարցի պատասխանը:

Գրիգոր.

Խնդրում եմ, պատասխանեք՝ Ա/Ձ-ն կարո՞ղ է ունենալ տնօրեն և համասեփականատեր:

Գոհար.

ՀԴՄ կտրոն չտրամադրելու դեպքում առաջին անգամ որքա՞ն է տուգանքի չափը:

ԱՐՄԵՆ.

Հարգելի հաշվապահներ, եթե Ա/Ձ-ն գրանցվել է 4 տարի առաջ, չունի աշխատող, բայց տարեկան անհատական հաշվետվություն տարածքային սոցապ 1 անգամ է ներկայացրել և ամեն տարի էլ չի ներկայացրել, տուգանք կնշանակվի՞ արդյոք դրա համար: