Բնօգտագործման հաշվետվության փաստաթուղթ
Կարինա.
Ինչպե՞ս կարող եմ գտնել բնօգտագործման հաշվետվության փաստաթուղթը:
ՓՄՁ տարեկան շրջանառություն
Արփինե.
Բոլորին ողջույն: Անչափ շնորհակալ եմ կարծիքների համար: Դրանք ինձ շատ են օգնում: Խնդրում եմ պատասխանեք ևս 2 հարցի`
1 դրամարկղի գիրքը քանի օրը մեկ է պետք փակել;
2 որքան պետք է կազմի ՓՄՁ տարեկան շրջանառությունը ԱԱՀ -ի դաշտում գործելու համար:
Դրամարկղային գրքի վարման կարգ
Անահիտ.
Բարև Ձեզ, խնդրում եմ ինձ ծանոթացնել դրամարկղային գրքի վարման կարգը: Նախապես շնորհակալություն:
1ՏԳ հաշվետվության վերաբերյալ
Anaila.
Հարգելի կոլեգաներ ով կարող է ինձ օգնել գտնելու 1ՏԳ հաշվետվության վերաբերյալ մի քանի հարցերի պատասխաններ:
Ա/Ձ սոց. վճարներ
Սաթենիկ.
Բարև ձեզ: Կցանկանայի իմանալ, թե ինչքան է Ա/Ձ-ի համար նախատեսված սոց. վճարը, ես վճարել եմ 5000 դրամ, բայց ինձ ծանոթ մեկը ասում է, որ ավելի լավ է վճարեմ 7000դրամ, բայց ինչու չեմ հասկանում: Նախապես շնորհակալություն պատասխանի համար:
Ա/Ձ-ն աշխատել է պարզեցված ընթացակարգով
Սուսաննա ք. Աբովյան.
Ողջույն բոլոր հաշվապահներին!
Ունեմ այսպիսի հարց,խնդրում եմ օգնեք , ԱՁ,որը աշխատել է ՓՄՁ -ի պարզեցված ընթացակարգով, այս տարվա հուլիսից, իր դիմումի համաձայն աշխատելու է ԱԱՀ-ով: Ստացել է հասույթի և առաքումների գիրք , հաստատված հարկայինի կողմից:
Ի դեպ ԱՁ-ն իրականացնում է ներմուծում,այս դեպքում, հասույթի գրքում պետք է լրացվի ԱԱՀ-ի ժամանակաշրջանում ստացված ապրանքները, թե նաև նախորդ ժամանակաշրջաններում ստացված ապրանքները: Այստեղ հաշվապահություն չի վարվել, այժմ ես փորձում եմ ետ գնալով , ինչ-որ կերպ ստանամ գոնե ապրանքային մնացորդը, որը չգիտեմ հասույթի գրքում լրացնեմ ,թե ոչ, խնդրում եմ,եթե կարող եք օգնեք:
Նախապես շնորհակալ եմ:
Փոխառության տրամադրում
Emil.
Հարգելիներս, կարո՞ղ եք ինձ օգնել մի հարցում: Կարող է արդյոք կազմակերպության հիմնադիրը, որը միևնույն ժամանակ կազմակերպության տնօրենն է, փոխառություն տրամադրել որպես անհատ անձ այդ նույն կազմակերպությանը: Նախապես շնորհակալ եմ:
ՀԿ-ների վերաբերյալ
Ruzanna.
Ես կուզեի իմանալ, արդյոք հասարակական կազմակերպությունները հարկեր վճարում են, եթե այո, ապա ի՞նչ հարկեր:
Ընդմիջման ժամանակահատված
Կարինե.
Բարև Ձեզ,ես աշխատող մայր եմ և ֆիզիոլոգիական արձակուրդից նոր եմ վերադարձել, երեխաս երկու տարեկան է: ՈՒզում եմ իմանալ` իրավունք ունեմ ընդմիջման ժամանակահատվածը երկարացնել:
Կանխավ շնորհակալություն:
Դրամարկղային գրքի վարման կարգ
Manush.
Բարև Ձեզ, խնդրում եմ ինձ ծանոթացնել դրամարկղային գրքի վարման կարգը: Նախապես շնորհակալություն:
Եթե Ա/Ձ-ն վարձակալել է տարածք
Աննա.
Հարգելի հաշվապահներ, խնդրում եմ օգնեք հետևյալ հարցով.
Եթե ԱՁ-ն վարձակալել է տարածք ֆիզ. անձից հունիսի 10-ից, պե՞տք է վճարի ամսական վարձավճար: Մեկ ամիսը լրանում է հուլիսի 10-ին: Ձեր կարծիքով II՞, թե՞ III եռամսյակի եկամտահարկի հաշվետվության մեջ պետք է ներառեմ այդ վարձավճարը:
Անաշխատունակության թերթիկի վերաբերյալ
Աննա.
Եթե դժվար չէ, ասացեք՝ ես սեպտեմբերի 8-ին կստանամ անաշխատունակության թերթիկ դեկրետ գնալու համար: Հուլիս ամսին ես արձակուրդի մեջ եմ եղել: Դա ազդու՞մ է նպաստի գումարի վրա, թե՞ ոչ: Աշխատավարձս 50 000 դրամ է:
Իրավաբանական անձի գործադիր մարմին
Ալինա.
Իրավաբանական անձի (ԻԱ-ի) համար որպես Գործադիր մարմին (տնօրեն, ղեկավար) բացի ֆիզիկական անձից կարող է հանդիսանալ իրավաբանական անձը, եթե ԻԱ-ի կանոնադրությամբ այդպիսի հնարավորություն տրված է:
Ճի՞շտ է այս պնդումը:
Գանձապահի պարտականություններ
Manush.
Բարև Ձեզ, ես ուզում եմ իմանալ ՏԻՄ-ում աշխատող գանձապահի պարտականությունները:Կանխավ շնորհակալություն
Գործուղման վերաբերյալ
Հովհաննես.
Հարցս վերաբերվում է գործուղման ծախսերին:Գործուղման ժամանակ տաքսի սերվիզը տրամադրում է մեքենայի մեջ տեղադրված չափիչ սարքի կտրոնը(օրինակ 10000 դրամի):Բայց չի տալիս հաշիվ ֆակտուրա ,կամ ՀԴՄ:
Կառավարության 525 որոշման համաձայն տաքսի սերվիզի չեկը ծախս հիմնավորող փաստաթուղթ չի: Բայց առկա է գործուղման հրաման, գործուղման վկայական:
Խնդրում եմ ասացեք, ինչպես վարվեմ այս դեպքում, ասեմ, շատերն են այս խնդրի առաջ կանգնած:
Գործուղման ծախսեր
Հովհաննես.
Հարգելիներս ունեմ այսպիսի հարց` արտասահման գործուղման ժամանակ վճարվել է 5 օրվա օրապահիկ (5*76 եվրո)դրամով, աշխատողը ծախսերը կատարել է եվրոյով: Գործուղումից վերադառնալուց չի ներկայացնում փոխարկման անդորրագիր,այդ դեպքում հաշվարկը կատարվում է գումարը տրամադրելու օրվա,թե հաշվետվության օրվա կենտրոնական բանկի կուրսով:
Կանխավ շնորհակալ եմ:
ԱՕ փոփոխություն
Լուսինե.
Բարև Ձեզ.
Ես աշխատում եմ սեզոնային աշխատանքային պայմանագրով, որտեղ նշված է. որ պայմանագիրս լուծելիս ինձ պետք է տրվի հատուցում` յուրաքանչյուր ամսվա համար 2 աշխատանքային օր հաշվարկով: Սակայն ԱՕ-ի նոր փոփոխությամբ այն չի նախատեսվում , քանի որ ԱՕ-ի 100 հոդվածի 3-րդ կետը ուժը կորցրած է ճանաչվել և գործատուն դա ինձ հաստատ չի վճարի: Խնդրում եմ պատասխանեք իրավաբանորեն և հիմնավորված, արդյոք դա իրավացի է, և գործատուն ճիշտ է վարվում թե ոչ, մանավանդ եթե հաշվի առնենք, որ ես աշխատում եմ արդեն 7 ամիս և դեռ աշխատելում եմ 8 ամիսը չգերազանցող որոշակի ժամանակահատված: Դուք հավանություն տալիս եք օրենքի նման փոփոխությանը:
Կանխավ շնորհակալություն :
Գործուղման ծախսի հաշվարկ
Մանուշ.
Բարև ձեզ: Ես ուզում եմ իմանալ, թե ինչպես հաշվարկել գործուղման ծախս Նոյեմբերյան-Երևան ճանապարհածախսը, օրապահիկը, գիշերավարձը, եթե առկա է հյուրանոցի կտրոնը կամ չկա կտրոնը: Կանխավ շնորհակալություն:
ՀԴՄ կտրոնը որպես ծախսի հիմնավորում
Արփինե.
Բարև բոլորին, Ես ուզում եմ հարցնել, ՀԴՄ կտրոնը առանց հաշիվ-ապրանքագրի կարող եմ ծախս համարել թե ոչ, և եթե այո, ապա ծախսի թույլատրելի չափը: Նախապես շնորհակալ եմ:
Առհաշիվ գումարի վերաբերյալ
Սարգիս.
Բարև ձեզ,
Ինձ հետաքրքրում է, հնարավոր է արդյոք կատարել առհաշիվ ծախսեր բանկային հաշվից, առանց դրամարկղային գիրք ունենալու, և եթե այո, ապա հաշվից գումարը հանելուց քանի օրվա մեջ այն պետք է ծախսվի?
Անչափ շնորհակալ եմ…
Հաջողություն բոլորին…
ԱՕ նոր փոփոխություններ
Աստղիկ.
Երբվանի՞ց է ՀՀ Աշխատանքային Օրենսգրքի նոր փոփոխությունները դառնում պարտադիր:
Աշխատանքային պայմանագրի հավելում
Արծրուն.
Բարև Ձեզ, խնդրում եմ պատասխանել իմ հետևյալ հարցին.
արդյոք աշխատանքային պայմանագրի հավելումը ԱՊ-ի գրանցամատյանում գրանցվում է , թե ոչ :
Ո՞ր օրենքն է խախտված
Արմեն.
Հարգելիներ մի հարց…..Ընկերությունը ստեղծվել է 4,11,09-ին դրամարկղի գիրքը հարկայինի կողմից հաստատվել է 2,12,09-ին դրամարկղի գրքում հետին ամսաթվով 10,11,09-ին ցույց է տված փոխառության մուտքագրում…դրամարկղի ո՞ր օրենքն է խախտված, խնդրում եմ հուշեք:
ՍՊԸ հիմնադրում
Արմեն.
Բարև ձեզ,խնդրում եմ ասեք, թե ինչ փաստաթղթեր են պետք սահմանափակ պատասխանատվությամբ ընկերություն բացելու համար ու որտեղից կարող եմ գտնել դրանք,մեկ էլ ուրիշ ինչ է անհրաժեշտ այն բացելու համար:
Եթե հաշիվ-ապրանքագրում ԱԱՀ-ն առանձնացված չէ
Լիլիթ.
Հարգելի հաշվապահներ, եթե հաշիվ-ապրանքագրում ԱԱՀ-ն առանձնացված չէ, և ընդհանուր գումարը գերազանցում է 100000 դրամը, հարկային մարմնին տեղեկանք ներկայացնել պետք է, թե ոչ:
Փորձաշրջանի վերաբերյալ
Հասմիկ.
Բարև Ձեզ: Կխնդրեի պատասխանել հետևյալ հարցիս.
օրենքով քանի ամիս ընկերությունն իրավունք ունի որպես փորձաշրջան նշանակել և արդյոք փորձաշրջանը չի գրանցվում աշխատանքային գրքում ու չի վարձատրվում:
Եվ եթե հնարավոր է խնդրում եմ նշել թե որտեղից կարող եմ ավելի տեղեկանալ ծանոթանալ այդ մասին:
Շնորհակալ եմ:
Եթե ՍՊԸ-ն զբաղվում է թերթերի տպագրությամբ և իրացմամբ
Արմեն.
Խնդրում եմ պատասխանեք իմ հարցին.
Եթե ՍՊԸ-ն զբաղվում է թերթերի տպագրությամբ և իրացմամբ ապա օգտվում է ԱԱՀ արտոնությունից (զրոյական), բայց եթե դրա հետ միասին կատարում է նաև գովազդային ծառայություն մատուցմամբ, ապա 58,35 միլիոն դրամ գերազանցելու դեպքում հարկվելու է միայն գովազդայինի մասով, թե ընդհանուրի (գովազդ + թերթերի իրացում) մասով. Շնորհակալություն:
Արձակուրդի վերաբերյալ
Լիլիթ.
Հարգելի հաշվապահներ, խնդրում եմ պատասխանել հետևյալ հարցին. եթե նոր ընդունված աշխատողը 11 ամիսը լրանալուց հետո արձակուրդ է գնացել, հաջորդ արձակուրդը ե՞րբ իրավունք ունի պահանջելու, մինչև 6 ամիսը լրանալն իրավունք ունի՞ պահանջել:
Հաշվապահների որակավորման քննություններ
Սյուզի.
Եթե կարող եք խնդրում եմ ինձ ուղարկեք հաշվապահների որակավորման քննությունների հարցաշարը syuzanchik շնիկ mail.ru հասցեով, շատ շնորհակալ կլինեմ:
Նվազագույն ժամային դրույքաչափ
Արծրուն.
Խնդրում եմ օգնեք իմանալ 2010թ. նվազագույն ժամային դրույքաչափը: