Tag: արտադրություն

Կամերալ ուսումնասիրություն

Աննա.

Ողջույն բոլորին։ Խնդրում եմ ասեք՝ ինչպե՞ս վարվել հետևյալ իրավիճակում: Ուրեմն, Ա/Ձ-ն զբաղվում է կահույքի արտադրանքով և ունի դպրոցի հետ պայմանագիր: Որպես արտադրող ներկայացրել ենք միկրո համարվելու հաշվետվություն: Այս ընթացքում դուրս ենք գրել 4 հաշիվ Բ-ով: Այսօր ստանում ենք կամերալ, որտեղ նշված է, որ ներկայացված չէ օգոստոս ամսվա համար ԱԱՀ-ի հաշվետվություն: Հարց 1՝ արդյո՞ք կարող ենք չհամաձայնվել հարկային մարմնի կայացրած որոշման հետ և համարվել միկրոձեռնակարատիրության սուբյեկտ, որպես արտադրող: Հարց 2՝ համաձայն լինելով հարկայինի որոշման հետ, ի՞նչ տվյալներ նշել ԱԱՀ-ի հաշվետվության մեջ, եթե դուրս են գրվել հաշվարկային փաստաթղթեր:

Կանխավ շնորհակալ եմ։

Չրի արտադրության հաշվապահ

Բարև բոլորին: Չրի արտադրությունը համարվու՞մ է գյուղատնտեսական արտադրանք։ Ու նման գործի հաշվապահ ունե՞նք՝ Ա/Ձ-ի հաշվապահ կա՞ էջում։

Հողամասի ձեռքբերում

Լիլիթ.

Խնդրում եմ նշել կառուցապատող ընկերության հողամասի ձեռքբերումը ինչպե՞ս է ձևակերպվում: Կառուցվող շենքը համարվում է հիմնական միջոց, թե՞ արտադրություն, թե՞ ծառայության վաճառք։

Արդյո՞ք պարտադիր է ՀԴՄ ունենալը

Կահույք արտադրողը պարտադիր պետք է ունենա՞ ՀԴՄ, եթե վաճառք է իրականացնում նաև ֆիզ. անձանց։

Քանի՞ պահակ պետք է ունենա գործարանը

Արմինե.

Բարև Ձեզ։ Գործարանում աշխատողների թվի հետ է կապված՝ պահակների թիվը, որ խնդրեմ օրենքից հղում կտա՞ք։

Ապրանքների մատակարարման հաշիվ վավերագիր

Շինանյութի առևտրով զբաղվող միկրոձեռնարկատերը՝ բլոկերի արտադրության, եթե ապրանքների մատակարարման հաշիվ դուրս գրի, որպես առևտու՞ր չի դիտվի։

Չրի արտադրությամբ զբաղվելու համար

Արսեն.

Բարև Ձեզ։ Կասե՞ք՝ չրի արտադրություն սկսելու համար Ա/Ձ գրանցվելու դեպքում ի՞նչ հարկեր եմ վճարելու: Միկրո հնարավո՞ր է դառնա: Ա/Ձ գրանցումը պարտադիր է:

ՍՊԸ գործունեության վերաբերյալ

Սոֆյա.

Հարգելի հաշվապահներ, շրջհարկով գործող ՍՊԸ-ն զբաղվում է փայտե իրերի արտադրությամբ: Կարո՞ղ է արդյոք նույն ՍՊԸ-ն զբաղվել լեզուների ուսուցումով, դուրս գրելով հաշիվներ, որպես ծառայության վճար, նշելով ծածկագիրը՝ ուսուցում: Եթե այո, որքա՞ն կկազմի հարկը: Շնորհակալություն:

Ներքին կանոնակարգի օրինակելի ձև

ՍԵդա Հախվերդյան․

Բարև Ձեզ, հարգելի հաշվապահներ։ Ինձ անհրաժեշտ է արտադրության ոլորտի ՍՊԸ-ի ներքին կանոնակարգի օրինակելի ձև, եթե կարող եք օգնել՝ ուղարկեք իմ էլեկտրոնային հասցեին՝ hem.07@mail.ru։

Արտահանում ԵԱՏՄ

Ռոման.

Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում՝ գյուղմթերքի արտադրությամբ, ազատված է ԱԱՀ-ից և շահութահարկից: Իրականացրել է ԵԱՏՄ արտահանման գործարք 2022 թվականի հունվար ամսին, սակայն արտահանման հայտարարագիր չի ներկայացվել: Ի՞նչ խնդիրներ կարող են առաջանալ։ Եթե կազմակերպությունը ԵԱՏՄ երկիր է արտահանել ապրանք, թղթային հաշիվ ապրանքագրից բացի արդյո՞ք պարտադիր է էլէեկտրոնային հ/ա դուրս գրել։

Էլեկտրոնային հաշվի դուրսգրման հետ կապված

Գրիգոր.

Բարև Ձեզ: Հարց 1. եթե կազմակերպությունն աշխատում է շրջանառության հարկով՝ կարո՞ղ է արդյոք դուրս գրել հարկային հաշիվ և վճարել և՛ հարկային հաշվում առանձնացված ԱԱՀ-ն, և՛ շրջանառության հարկը (եթե այո, խնդրում եմ հղում գրեք)։ Հարց 2. կարո՞ղ է արդյոք միկրոձեռնարկատիրություն համարվող կազմակերպությոունը, որի գործունեությունը արտադրությունն է, դուրս գրի հաշիվ վավերագիր (եթե այո, խնդրում եմ հղում գրեք): Շնորհակալություն:

ՀԾ հաշվապահ

Աննա.

Հարգելի հաշվապահներ, արտադրության կազմակերպումը ՀԾ հաշվապահ համակարգում կատարում են հիմնականում կոմպլեկտավորումով, բայց կա նաև այլ մեթոդ, որ նյութերի շարժը պահում են Excel-ի ֆայլերով և ամսվա վերջում հումքի մուտքը և պատրաստի արտադրանքի ելքն են ցույց տալիս, կարծեմ, պահեստի մուտքի փաստաթղթով պատրաստի արտադրանքի մուտքն են ցույց տալիս, որի հիման վրա հավելյալ ծախսերով հումքի ծախսը ավելի ճշգրիտ։ Եթե գիտեք, շատ եմ խնդրում արձագանքել։

Շրջանառության հարկի հաշվարկ

Ռուբ․

Բարև ձեզ։ Իմ ընկերությունը աշխատում է շրջանառության հարկի դաշտում։ Ես գնում եմ գերաններ հարկային հաշիվներով և ունեմ ծառայությունների մատուցման պայմանագիր սղոցարանների հետ, որոնք սղոցում են գերանները և ստանում տախտակ։ Ես այդ տախտակը վաճառում եմ ընկերություններին։ Հիմա ես պետք է շրջանառությունս հարկեմ որպես արտադրություն 3,5%՞ , թե՞ 5%՝ նվազեցնելով ձեռք բերածս փայտանյութի արժեքը:

Աշխատանքի պայմանների վնասակարության աստիճան

Արմինե.

Բարև Ձեզ: Ինչպե՞ս որոշել արտադրամասի աշխատողների վնասակարության աստիճանը: Կառավարման որոշման ցուցակում շատ ընդհանուր է գրված:

Տեղափոխման փաստաթուղթ

Մարգարիտա.

Բարև Ձեզ: Մեր խմորեղենի արտադրամասը և ընդհանուր հումքի պահեստը գտնվում է մեկ հասցեում, իսկ սրճարանը այլ հասցեում: Խնդրում եմ պատասխանեք` ամեն օր թխվածքը արտադրամասից սրճարան տեղափոխելու համար պե՞տք է e-invoicing-ում տեղափոխման փաստաթուղթ լրացնեմ, թե՞ պարտադիր չէ: Կանխավ շնորհակալություն:

Տալ հաշվապահական ձևակերպումներ

Աննա.

Բարև Ձեզ։ Դրամարկղից գումար է հատկացվել արտադրության համար նյութերի ձեռքբերման համար՝ դտ 811 կտ 251-ով կարո՞ղ եմ ձևակերպել։

Մանկական հագուստի արտադրություն

Լիլի․

Բարև Ձեզ։ Ցանկանում եմ մանկական հագուստի բիզնես սկսել։ Գնել եմ կտորները, գտել աշխատող, մտածել անվանումն ու լոգոտիպը, սակայն ցանկանում եմ իմանալ քայլերիս հերթականությունը՝ ինչը որտեղ, ինչպես գրանցել ընթացակարգերը, վճարները և այլն, օրինականության շրջանակում գործունեություն ծավալելու և արտադրանքը շրջանառության մեջ դնելու համար։

Հացաբուլկեղենի արտադրությամբ զբաղվող Ա/Ձ

Արփինե.

Բարև Ձեզ։ Հացաբուլկեղենի, հրուշակեղենի և կիսաֆաբրիկատների արտադրությամբ զբաղվող Ա/Ձ-ն գործում է միկրոբիզնեսի հարկման համակարգում և վաճառք է իրականցնում տեղում։ Այժմ ցանկանում է արտադրամասին կից տարածքը օգտագործել որպես վաճառակետ և արտադրանքը իրացնել այնտեղ, հնարավոր է տեղադրեն նաև 2-ից 3 սեղան տեղում սնվելու համար։ Այդ դեպքում պե՞տք է արդյոք անցնել շրջհարկի դաշտ, և այդ դեպքում հարկվելու՞ են որպես հանրային սնունդ 6%-3%, թե՞ որպես արտադրություն 3,5%: Նախապես շնորհակալ եմ։

Չրի արտադրությամբ զբաղվելու դեպքում

Անահիտ․

Բարև Ձեզ։
Ցանկանում եմ ք. Աբովյանում տարածք վարձակալել և շոկոլադագործությամբ և չրի արտադրությամբ զբաղվել: Կասե՞ք՝ կհամարվի դա միկրոձեռնարկություն: Եթե ոչ, ապա ի՞նչ հարկատեսակով կհարկվի և քանի՞ տոկոս:

Հարկային դաշտի ընտրություն

Էլեն.

Բարև Ձեզ։
Ցանկանում եմ գյուղական համայնքում տարածք վարձակալել և խմորեղենի արտադրությամբ զբաղվել: Կասե՞ք՝ կհամարվի դա միկրոձեռնարկություն: Եթե ոչ, ապա ի՞նչ հարկատեսակով կհարկվի և քանի՞ տոկոս:

Համակցված կերերի արտադրություն իրականացնելու համար

Գրիգոր․

Բարև Ձեզ, հարգելի հաշվապահներ: “Համակցված կերերի արտադրություն” գործունեության համար ի՞նչ առանձնահատկություններ կան: Գործունեությունը լիցենզավորման ենթակա՞ է, թե՞ ոչ: Բացի ԱԱՀ, շահութահարկի, եկամտային հարկի հաշվետվություններից, ուրիշ ի՞նչ հաշվետվություններ կան, և բացի ՍԱՊԾ-ում գրանցվելուց, ուրիշ ի՞նչ պարտավորություններ կան: Խնդրում եմ, եթե կան հաշվապահներ, որոնք վերոնշյալ գործունեությամբ կազմակերպության հաշվապահական հաշվառում են վարում, հնարավորինս մանրամասնեք։ Շնորհակալություն:

Խոտանված արտադրանքի դուրսգրում

Անահիտ․

Հարց 1. Խոտանված արտադրանքի դուրս գրման համար ի՞նչ ձևակերպում պետք է տալ: Մի մասը խոտանվել է արտադրական պրոցեսի ընթացքում, մի մասը վերադարձվել է մատակարարումից հետո: Եվ այդ խոտանված արտադրանքը (քարե բլոկներ) օգտագործվել է արտադրական տարածքի վերանորոգման համար: Հարց 2 – Կհամարվի՞ արդյոք նվազեցվող ծախս շահութահարկի հաշվարկի ժամանակ:

Գործարքից առաջացած ԱԱՀ

Սերգեյ․

Բարև ձեզ։ Գյուղ մթերքներ արտադրող կազմակերպությունը, որը աշխատում է ԱԱՀ-ի դաշտում, բայց ազատված է իր սեփական արտադրանքի համար ԱԱՀ վճարելուց, ցանկանում է գնել սերմացու և վաճառել բարեգործական կազմակերպությանը: Նշված գործարքից ԱԱՀ առաջանու՞մ է։ Եթե ոչ, ապա հարկային օրենսգքրի ո՞ր հոդվածով է ազատվում։

Ներմուծման հետ կապված

Գրիգոր․

Բարև Ձեզ։ մի քանի հարց ունեմ. 1) երկքաղաքացիություն ունեցող անձը (ՌԴ և ՀՀ), որը ՌԴ-ում ունի ԱՁ, կարո՞ղ ՀՀ-ում է բացել ԱՁ: 2) ԵՏՄ-ից ներմուծման դեպքում մաքսային վիճակագրական հաշվեվությունը ներկայացնելու համար որտեղի՞ց ստանանք ծածկանուն և գաղտնաբառ և էլեկտրոնային եղանակով հնարավո՞ր է դա: 3) Ներմուծման դեպքում բացի հայտարարագիր, հայտարարություն և մաքսային վիճ. հաշվետվություն, շրջ. հարկի կամ ԱԱՀ-ի, ուրիշ ի՞նչ հաշվետվություններ պետք է հանձնենք: Խնդրում եմ վիճ. վարչության հաշվետվության մասին մանրամասն գրել (խոսքս լրացման կարգի մասին չէ, այլ թե ինչպե՞ս գրանցվել, ուղարկել): 4) Կարո՞ղ ենք արդյոք արտադրանքը վաճառել միայն հաշիվ դուրս գրելով, այդ թվում ֆիզիկական անձանց և մինչև 300 000 դրամի իրացման դեպքում վճարումը ընդունել դրամարկղով (դրամարկղի մուտքի օրդերով)։ Շնորհակալություն:

Վաճառք ցույց չի տրվել

Վարդուհի․

Բարև ձեզ: Հարգելի հաշվապահներ, խնդրում եմ խորհրդով և փորձով կիսվեք: Մարզում ՍՊԸ-ն աշխատում է միկրոյով, հացի արտադրամաս է, աշխատել են, ձեռքբերումները ցույց են տվել, իսկ վաճառք ոչ մի տեղ չի երևացել։ Ի՞նչ հետևանքներ կառաջանա և ինչպե՞ս կարելի է ինչ-որ կերպ շտկել։

ՍՊԸ զբաղվում է փայտե իրերի արտադրությամբ

Սոֆյա․

Հարգելի հաշվապահներ,
ՍՊԸ-ն զբաղվում է փայտե իրերի արտադրությամբ: Պատվերն իրականացնելիս անհարժեշտություն է առաջացել օգտվել միջնորդ կազմակերպության ծառայություններից մետաղյա կոնստրուկցիաներ և այլ բարդ աշխատանքներ իրականացնելու համար, որը կազմում է ամբողջ աշխատանքի գրեթե 70%: Արդյոք կարո՞ղ է տվյալ ՍՊԸ-ն պատվերի ամբողջ գումարը վերցնել պատվիրատուից և փոխանցել դրա որոշակի մասը միջնորդ կազմակերպությանը: Ի՞նչ հաշվիներ են գրվելու միջնորդ կազմակերպությանը, ինչպիսի՞ հարկեր են առաջանում և արդյոք պարդադի՞ր է պայմանագիր կնքելը, եթե գումարը գերազանցում է 1 000 000դր:

Հաշվապահություն վարելու համար

Անի․

Հարգելի՛ հաշվապահներ, հաշվապահություն վարելու համար ի՞նչ է անհրաժեշտ: Արդյո՞ք պարտադիր է թղթապանակում տպել և կարել մուտքի/ելքի օրդերները համապատասխան հաշիվ ապրանքագրերի հետ: Ուղղություն է պետք: Կազմակերպություններից մեկը զբաղվում է արտադրությամբ, մասնակցում է գնումների հայտարարված մրցույթներին, հիմնականում շահում է, իսկ մյուսը՝ հանրային սնունդ է՝ ռեստորանային համալիր: Շնորհակալություն։

Ա/Ձ ազատված է ԱԱՀ և շահութահարկից

Արամ․

Բարև ձեզ: Անհատ ձեռնարկատերը զբաղվում է գյուղատնտնեսական արտադրանքի արտադրությամբ: Ազատված է ԱԱՀ-ից և շահութահարկից: Հարց․ 1․ Ինչպե՞ս պետք է հաշվարկել Ա/Ձ-ի տարեկան սոց․ վճարը։ 2․ Արդյո՞ք առանց փաստաթուղթ հումքի ձեռքբերման համար պարտավոր է վճարել 20 տոկոս եկամտային հարկ:

Արտահանում վերամշակման համար

Լաուրա․

Բարև ձեզ: ԱՁ-ն իր պատրաստած կավե արձանիկները ուղարկում է ՌԴ՝ արձանիկները ներկելու ու ստեղծագործական այլ աշխատանքներ կատարելու համար: Հաշվառման տեսանկյունից արտահանումը ծառայություն ստանալու համար ի՞նչ ընթացակարգերով է կատարվում։

Հարկային դաշտի ընտրություն

Նարեկ.

Բարև Ձեզ: Պլանավորում ենք բացել պանրի փոքր արտադրամաս, արտադրելու ենք մոցարելա պանիր, սպառումը միայն հանրային սննդի կետերին է լինելու: Մենք կարո՞ղ ենք նույնպես աշխատել հանրային սննդի հարկատեսակով:

Արտադրանքի վաճառքի գին

Գայանե.

Բարև Ձեզ: Խնդրում եմ ասեք` կա՞ որևէ սահմանափակում արտադրանքի վաճառքի գին որոշելու համար, ինքնարժեքին ինչքա՞ն կարող եմ ավելացնել վաճառքի գին ստանալու համար:

Հարկային դաշտի փոփոխություն

Հեղինե.

Բարև ձեզ, հարգելի հաշվապահներ: Մանրածախ առևտրով զբաղվող և շրջհարկով հարկվող ԱՁ հունվար ամսին ներկայացրել է շրջհարկով հարկվելու դիմում-հայտ, սակայն փետրվարից սկսել է արտադրությամբ զբաղվել։ Խնդրում եմ ասեք` արդյոք կարո՞ղ է դադարեցնել իր գործունեությունը և այդ նույն ԱՁ-ով միկրոյի դիմում-հայտ ներկայացնել մինչև փետրվարի 20-ը։

Տալ հաշվապահական ձևակերպումներ

Արթուր.

Բարև Ձեզ: Խնդրում եմ օգնել ձևակերպման պահով։ Ուրեմն` Ավստրիայի կազմակերպության հետ ունենք պայմանգիր, որ հումքը ուղարկում են, մենք պատրաստի արդատրանքը հետ ենք ուղարկում իրենց, այսինքն` վերամշակում, հետ ենք ուղարկում: Բայց, երբ ապրանք ստացանք, մի քանի ապրանքներ ձևակերպվեց մաքսայինով որպես սովորական ներմուծում և առաջացավ ԱԱՀ և մաքսատուրք, որը մուծեցինք, հիմա էն որ որպես սովորական ներմուծում են արել մեր մոտ ո՞նց տանք հաշվապահական ձևակերպումները, որովհետև մենք չենք վճարել իրանց, որի դիմաց իրանք դա մեզ տվել են, ուղղակի այլ տարբերակ չկար, տենց են ձևակերպել։ Ու նաև դեռ մենք հետ չենք ուղարկել պատրաստի արտադրանքը։

Գործունեության դասակարգիչ

Աննա.

Բարև Ձեզ: Եթե միկրոյով աշխատող ԱՁ-ն զբաղվում է սեփական գյուղ. մթերքից /սալոր/ չրերի պատրաստմամբ, դասակարգիչը` C10.39.1 /Մրգերի և բանջարեղենի մշակում և դրանցից սննդամթերքի արտադրություն/, թե՞ A 01.63.0 /Գյուղատնտեսական մշակաբույսերի բերքի մշակում/: Շնորհակալ եմ…

Ա/Ձ, թե՞ ՍՊԸ

Մարինա.

Հարգելի գործընկերներ, պետք է բացվի կազմակերպություն, որը զբաղվելու է արտադրությամբ, որը պետք է արտահանվի (հումքը ձեռք է բերելու ՀՀ-ից): Ճիշտ կլինի ՍՊԸ, թե՞ Ա/Ձ հիմնել, և ի՞նչ հարկեր են առաջանալու։
Շնորհակալություն:

ԱՏԳ ԱԱ ծածկագիր

Ամալյա.

Բարև Ձեզ: Հարցս հետևյալն է. հնարավո՞ր է օղու արտադրամասում օգտագործվող ԱՏԳ ԱԱ կոդ.2208 20 ակցիզները օգտագործել ԱՏԳ ԱԱ2208 90 4800 համար:

Արտադրամասից վաճառք ֆիզ. անձին

Անի.

Բարև Ձեզ: ԱԱՀ-ով աշխատող արտադրամասից պատրաստի արտադրանքը ֆիզ. անձին տեղում կանխիկ վաճառելու համար ի՞նչ գործողություններ պետք է կատարվեն:

Գործունեության դասակարգիչ

Սոֆյա.

Բարև Ձեզ: Կազմակերպությունը աշխատում է շրջանառության հարկով, գործունեության տեսակը փայտի իրերի արտադրություն /պատրաստում և վաճառում է/: Ասացեք խնդրեմ` 232 ձևը լրացնելուց կոնկրետ ո՞ր տողերը պետք է լրացնեմ, և ո՞րն է գործունեության տեսակի կոդը փայտե իրերի արտադրության դեպքում:

Դրոշմանիշային վճար

Դիանա.

Բարև ձեզ, հարգելիներս: Խնդրում եմ ասել` եթե արտադրությամբ զբաղվող ԱՁ-ն գործում է սահմանամերձ շրջանում, (աշխատում է շրջհարկով և ազատված է շրջհարկից), տարեկան դրոշմանիշային վճարը կազմում է 48 000, թե՞ 102 000 դրամ, եթե հարկման բազան 6 000 000-12 000 000 սահմանում է: Շնորհակալ եմ նախապես:

Որոշել վաճառքից ստացված շահույթը

Լիլիթ.

Ողջույն բոլորին: Խնդրում եմ օգնել ձևակերպել հետևյալ գործառնությունները և լուծել խնդիրը:
1. Պահեստից պատրաստի արտադրանքը առաքվել է գնորդներին փաստացի ինքնարժեքով 200.0: Վաճառքից հասույթը կազմել է 250.0 դրամ: Գումարը գնորդից դեռ չի ստացվել: Որոշել վաճառքից ստացված շահույթը կամ վնասը:
2. Լուծարքի համար հաշվարկվել է աշխատավարձ բանվորներին 12.0 դրամ: Որոշել և ձևակերպել հաստոցների լուծարքի հետևանքը:

Տալ հաշվապահական ձևակերպումներ

Լիլիթ.

Ողջույն բոլորին: Խնդրում եմ օգնել ձևակերպել հետևյալ գործառնությունները.
1. Առաքվել է արտադրանք գնորդին 1800դրամ: Գնորդը պարտավորվել է վճարել 30 օրվա ընթացքում 2700.0 դրամ:
2. Պատրաստի արտադրանքը բեռնաթափող բանվորներին հաշվարկվել է աշխատավարձ:
3. Որոշել իրացումից ստացված շահույթը կամ վնասը:
4. Հաշվարկային հաշվում ստացվել է գնորդներից 250.0 դրամ:
5. Հաշվարկված աշխատավարձից պահվել է պակասորդի դիմաց 50.0 դրամ:
6. Լուծարվել է մաշված տնտեսական գույքը: Գույքի սկզբնական արժեքը 200.0 դրամ է, կուտակված մաշվածությունը 180.0 դրամ:
7. Պահեստ է մուտքգրվել գույքի լուծարքից ստացված վառելանյութը:
Եվս մի քանիսը.
1. Հիմնական արտադրությունից ստացված պատրաստի արտադրանքը մուտքագրվել է պահեստ փաստացի ինքնարժեքով:
2. Հաշվարկային հաշվից վճարվել է վարձատուին վարձավճարը գործառնական վարձակալությամբ ստացված շենքի համար:
3. Չօգտագործվող սարքավորումը հանվել է շահագործումից և վերադասակարգվում է որպես վաճառքի համար պահվող: Սարքավորման սկզբնական արժեքը 220.0 դրամ է, կուտակված մաշվածությունը 160.0 դրամ:

Արտահանման հայտարարագիր

Ռոման.

Բարև ձեզ: Գյուղատնտեսական արտադրանք արտադրող կազմակերպությունը աշխատում է ընդհանուր հարկման դաշտում: Արտահանում է կատարել Ռուսաստան: Արտահանման հայտարարագրի ո՞ր կետում պետք է նշել գործարքը` ԱԱՀ-ով հարկվող, թե՞ ԱԱՀ-ից ազատված:

Գործունեության դասակարգիչ

Դիանա.

Բարև Ձեզ։ Ո՞ր տարբերակն է իմ գործունեությունը, եթե ես կարում և վաճառում եմ անկողնային պարագաներ:

256 ձև հաշվետվություն

ԱՆԻ.

Բարև Ձեզ: ԱՁ զբաղվում է խմորեղենի արտադրությամբ, գործունեությունը սկսել է նոյեմբեր ամսին, շրջանառությունը` 50 000, 256 ձևի լրացման կարգը կհուշե՞ք, խնդրում եմ: Շնորհակալություն:

Գործունեության դասակարգիչ

Քրիստինե.

Բարև բոլորին։ Շնորհավորում եմ բոլորի նոր տարին։ Հարցս. Ա/Ձ-ն, որը միկրոձեռնարկատեր է, կարում է հագուստ, պայուսակ/կտորից/, պատրաստում է տարբեր տեսակի կտորից տիկնիկներ, արտադրած ապրանքի վրա ձեռքով նկարում է և ունի մուլտհերոսների ծառայություն։ Խնդրում եմ ասեք` ո՞ր տնտեսական գործունեության դասակարգիչները ընտրեմ։ Նախապես շնորհակալություն։

Տարեկան շրջանառություն

Վարդան.

Բարև Ձեզ, հարգելի հաշվապահներ: Ունեմ 2 հարց․ Ա/Ձ-ն, որը զբաղվում է մրգային (խաղողի) օղու արտադրությամբ, հաշվարկային հաշիվ դուրս գրելիս (միկրո է), ակցիզային հարկի գումար տողում 1լ օղու համար հարկ 824դր. է նշվում, և տարեկան շրջանառության չափը որոշելիս, եթե գործարքները կատարվել են կանխիկ և փոխանցում տարբերակով` կանխիկի համար լրացուցիչ թղթաբանություն հարկավո՞ր է հաշվարկում ներառելու համար։ Կանխավ շնորհակալ եմ։

Գյուղատնտեսական արտադրանքի արտադրություն

Ռոման.

Բարև ձեզ: Գյուղատնտեսական արտադրանք արտադրող կազմակերպությունը, որը ազատված է և’ շահութահարկից, և’ ԱԱՀ-ից, արդյո՞ք ազատվում է նաև հարկային օրենսգրքի 150 հոդվածի 13-րդ կետով սահմանված հարկային գործակալ հանդիսանալու պարտավորությունից:

Տալ հաշվապահական ձևակերպումներ

Լիլիթ.

Բարև ձեզ: Խնդրում եմ օգնել ձևակերպել հետևյալ գործառնությունները.
1. Հաշվետու անձի կողմից վճարվել է վաճառված նյութերի տեղափոխման համար:
2. Հաշվարկային հաշվից բացվել է ակրեդիտիվ մատակարարի հետ հաշվարկներ կատարելու համար:
3. Ձեռք են բերվել ոչ նյութական ակտիվներ փոխանակելով սեփական արտադրության արտադրանքի հետ:

Հաշիվ վավերագիր գրելու համար

Հրանտ.

Բարև ձեզ, հարգելիներս։ Ես ունեմ նոր ԱՁ` հացաբուլկեղենի արտադրում և վաճառք խանութներին։ Ցանկանում եմ անձամբ լրացնել հաշիվ ֆակտուրա, խնդրում եմ հուշել ի՞նչ կերպ, կամ ի՞նչ ծրագրով կարող եմ լրացնել հաշիվ ֆակտուրա։

Որոշել իրացումից ստացված շահույթը կամ վնասը

Կարինե.

Օգնեք ձևակերպել արտադրանքի վաճառքի հետ կապված գործառնությունները, որոշելով իրացումից ստացված շահույթը կամ վնասը: Գնորդներին վաճառվել է պատրաստի արտադրանք: Հասույթը՝ կանխիկ գումարով 250 000դր., գումարած 20% ԱԱՀ, մուտքագրվել են դրամարկղ: Ապառիկ վաճառվել է 1 400 000դրամի արտադրանք՝ գումարած 20% ԱԱՀ: Վաճառված արտադրանքի փաստացի արտադրական ինքնարժեքը կազմել է 1 000 000դրամ: Վաճառքի հետ կապված կատարվել են հետևյալ ծախսումները՝ փաթեթավորման նյութեր՝ 52 000դր., աշխատավարձ փաթեթավորող բանվորներին՝ 150 000, տրանսպորտային կազմակերպությանը հաշվարկային հաշվից փոխանցվել է 96 000դր., ներառյալ` ԱԱՀ, գովազդի համար ստացվել է հաշիվը՝ 60000դր., գումարած` ԱԱՀ: