Բարև բոլորին։ Այսպիսի հարց` արդյո՞ք հյուրանոցային աշխատակիցները հերթափոխով աշխատելու դեպքում պետք է աշխատավարձը հաշվարկել որպես հատուկ ռեժիմով աշխատող բնագավառի աշխատակցի համար։
Ինչպե՞ս և քանի՞ ժամ հավելավճար և գիշերային վճար պետք է հաշվել 100 000 դրամ աշխատավարձի դեպքում, եթե աշխատողն աշխատում է 12 ժամ մեկընդմեջ երեկոյան 7-ից մինչև առավոտյան 7-ը։ Փաստացի ամսական 15 օր՝ 12 ժամ ընդհանուր գրաֆիկով, որից օրական 8 ժամ գիշերային։
Tag: հյուրանոց
Nona.
Բարև Ձեզ, հարգելի հաշվապահներ: Խնդրում եմ ասեք՝ ինչպե՞ս են վարում հյուրանոցի հաշվապահությունը։ Ոնց հասկացա կարող է գործել միկրոյի դաշտում, սնունդի մասը ո՞նց է կազմակերպվում, օգտագործվու՞մ է ՀԴՄ:
Արտո․
Բարև ձեզ։ ԱՁ հանդիսանում է միկրոձեռնարկատիրական գործունեության սուբյեկտ, հանգստյան տների միջոցով մատուցում է հյուրանոցային ծառայություն։ Վարձու աշխատող չկա։ Որն է ՊԱՐՏԱԴԻՐ վճարը և ինչ ժամկետում։ Եվ որպեսզի հյուրատները փոխանցում կատարեն ինձ հասանելիք գումարը, պե՞տք է հաշիվ ամեն անգամ դուրս գրեմ։
Կարինե․
Բարև Ձեզ: Խնդրում եմ ասեք՝ Հայաստանում գործող ցանկացած հյուրանոց և հյուրատուն իրավունք ունի՞ սոց․ փաթեթով հյուր ընդունել: Ի՞նչ թղթավարություն է հարկավոր դրա համար։
Աստղիկ.
Բարև ձեզ: Խնդրում եմ պատասխանել: Կազմակերպությունն աշխատում է միկրոձեռնարկատիրականով, զբաղվում է հյուրատնային ծառայությունների մատուցմամբ։ Կարո՞ղ է արդյոք կազմակերպությունը ոչ թե վարձու աշխատող գրանցել, այլ քաղ․ ծառայության պայմանագրով ֆիզ․ անձից ծառայությունների մատուցում ստանալ և այդ դեպքում ի՞նչ հաշվարկ է ներկայացնում կազմակերպությունը, և ինչպիսի՞ հարկեր են առաջանում:
Արմինե.
Բարև ձեզ: Կխնդրեի ասեք՝ հյուրատնային ոլորտում մատուցվող ծառայության ինքնարժեքը հաշվեկշռում կարո՞ղ ենք որպես արտադրանք ձևակերպել:
Աշոտ.
Զբաղվում եմ հյուրատնային գործով և զբոսաշրջիկներին սնունդով ապահովելով, ինչպես նաև կատարում եմ հուշանվերների վաճառք: Անցած տարի աշխատել եմ որպես ընտանեկան գործունեություն ծավալող ՍՊԸ և չեմ անցել 24 մլն դրամը: Անցած տարի հունվար ամսին դիմել եմ նոր սերնդի դրամարկղային մեքենայի համար, մուծել եմ 60 000 դրամ, մինչ այժմ չեմ ստացել: Կարո՞ղ եմ դիմել միկրոբիզնեսի համար, ինչպե՞ս պետք է աշխատեմ՝ հյուրատունն առանձին, առևտուրն առանձի՞ն, թե՞ միասին: Իմ հին սերնդի դրամարկղային մեքենան չի աշխատում, և չեն վերանորոգում: Ի՞նչ խորհուրդ կտաք:
Մելինե.
Բարև ձեզ: Եթե ԱՁ-ն զբաղվում է հյուրատնային ծառայությունների մատուցմամբ, այժմ ցանկանում է զբաղվել նաև սոց. փաթեթների սպասարկմամբ: Խնդրում եմ նշել քայլերի հաջորդականությունը, ի՞նչ պետք է անեմ, դրա համար լիցենզիա պե՞տք է:
Հասմիկ.
Բարև ձեզ, բոլորիդ ցանկանում եմ խաղաղ երկինք: Խնդրում եմ, շտապ է. եթե ՍՊԸ-ն հանրային սննդով է զբաղվում և մի քանի՝ 5 սենյակ հյուրանոց ունի, շեմը չի անցնում, ՀԴՄ 3 անգամ չի գրվել, շրջ. հարկով աշխատելու դեպքում կասե՞ք՝ որ գործունեությունը քանի % է հարկվում:
Մելինե.
Հյուրատնային ծառայությունը աշխատելու է սոց. փաթեթներով նույնպես, հետևաբար միկրոձեռնարկատիրության հայտ չի կարող ներկայացնել, այսինքն՝ շրջ. հարկի 201 ձևը լրացնի՞, իսկ եթե սնունդ էլ է ուզում մատուցել, ապա ի՞նչ հարկով պետք է հարկվի:
Դավիթ.
Եթե ԱՁ-ն ունի հյուրանոցային 3 սենյակ և ռեստորան միևնույն տարածքում, ի՞նչ հարկատեսակով է հարկվելու:
Արմեն.
Զբոսաշրջային տան և գինու համտեսի կազմակերպումը համարվու՞մ է միկրոբիզնես:
Արմեն.
Հարգելի գործընկերներ, կազմակերպությունը (հյուրանոցային գործունեություն) ձեռք է բերել հեռուստացույցներ, սառնարաններ, կահույք և դռներ հյուրանոցի համար: Արդյո՞ք դրանք ավելացվում են հիմնական միջոցի արժեքին, թե՞ միանգամից դիտարկվում են ծախս:
Շնորհակալություն:
Մոնթե.
ՍՊԸ-ն ունի և՛ հանրային սննդի, և՛ հյուրանոցային գործունեություն, հյուրանոցային գործունեությունը քանի՞ % է հարկվում, ճի՞շտ է, որ 20% – ով, խնդրում եմ շտապ պատասխանել:
Yerevan Hotel.
Բարև ձեզ, օրավարձով տրամադրվող առանձնատան համար կարո՞ղ եմ գրանցվել ԱՁ և որպես ընտանեկան ձենարկատիրություն լինել: Ի՞նչ հարկեր եմ վճարելու:
Աննա.
Հարգելի հաշվապահներ, խնդրում եմ օգնեք, սկսնակ հաշվապահ եմ: Պետք է հոսթելի հաշվապահություն անեմ: Խնդրում եմ ասացեք` ի՞նչ հարկատեսակով պետք է հարկվեմ, ի՞նչ ժամկետներում և ինչքա՞ն տոկոսով: Տարածքը եթե հաշվարկվում է, ասացեք թե ինչպես: Ցանկացած տեղեկություն մեծ օգնություն կլինի: Շնորհակալություն:
Կարեն.
Հարգելի գործընկերներ, ֆիզ. անձը կանխավճար է կատարել հյուրանոցային ծառայության դիմաց, իսկ մնացած գումարը վճարելու է փոխանցումով ծառայությունը ամբողջությամբ մատուցվելուց հետո: Կանխավճարի համար տրամադրվել է ՀԴՄ կտրոն: Հարց. ծառայությունը ամբողջությամբ մատուցվելուց հետո հաշիվը գրվելու է ամբողջ գումարի, թե՞ տարբերության մասով: Շնորհակալություն:
Մհեր.
Բարև ձեզ, խնդրում եմ ինձ օգնել հետևյալ հարցում: Կազմակերպությունը զբաղվում է զբոսաշրջային գործունեությամբ և ստանում է ծառայությունների մատուցման հաշվարկային փաստաթղթեր հյուրանոցներից: Արդյո՞ք ես պետք է դուրս գրեմ հաշվարկային փաստաթուղթ ֆիզիկական անձին, թե՞ միայն ֆիզիկական անձի պահանջի դեպքում:
Կարեն.
Խնդրում եմ պատասխանել.
Հյուրանոցը հարկվում է շրջանառության հարկով և գործակալական պայմանագրերով աշխատում է սոց. փաթեթ սպասարկող տուրիստական ընկերությունների հետ, որոնք հանդես են գալիս որպես գործակալ և ստանում որոշակի միջնորդավճար, օրինակ 10%: Հյուրանոցը գործակալին դուրս է գրում հաշիվ, օրինակ 100 000 դր., բայց լրացում դաշտում նշում է միջնորդավճարի գումար` 10 000, վճարման ենթակա 90 000: Հյուրանոցը ո՞ր գումարից պետք է հաշվարկի իր շրջ. հարկը` 100 000-ից, թե՞ 90 000-ից:
Կարեն.
Հարգելի կոլեգաներ, կազմակերպությունը աշխատում է զբոսաշրջության ոլորտում. հյուրանոցային ծառայությունների մատուցման գործունեություն է իրականացնում, տուրօպերատորների հետ կնքում է գործակալության պայմանագրեր և հարկվում է շրջանառության հարկով: Մի դեպքում տուրօպերատորը հյուրանոցային ծառայությունների արժեքից պահում է իրեն հասանելիք միջնորդավճարը` տարբերությունը փոխանցելով հյուրանոցին, մյուս դեպքում հյուրանոցային ծառայության ողջ արժեքը փոխանցում է հյուրանոցին, իսկ հյուրանոցն էլ տուրօպերատորի միջնորդավճարը փոխանցում է ետ: Այս երկու դեպքերում էլ շրջանառության հարկով աշխատելու դեպքում հյուրանոցի համար ո՞ր գումարն է հարկվելու շրջհարկով` հյուրանոցային ծառայության ո՞ղջ գումարը, թե՞ միայն տարբերության գումարը: Օրինակ` հյուրանոցային ծառայություն արժեքը 100 000 ՀՀ դրամ է, որից տուրօպերատորի միջնորդավճարը կազմում է 10 000 ՀՀ դրամ, հյուրանոցի համար հարկվող շրջանառություն հանդիսանում է 100 000 ՀՀ դրամը, թե՞ 90 000 ՀՀ դրամը: Հյուրանոցը հարկվում է շրջանառության հարկով:
Արթուր.
Հարգելի կոլեգաներ, կազմակերպությունը աշխատում է զբոսաշրջության ոլորտում, պայմանագրեր է կնքում ֆիզ. անձանց հետ, ուղարկում է հանգստանալու տարբեր հյուրանոցներ ՀՀ և ԼՂՀ տարածքում: Ֆիզ. անձը գումարը փոխանցում է տվյալ տուրօպերատորի հաշվարկային հաշվին, այնուհետև տուրօպերատորը պահում է իրեն հասանելիք միջնորդավճարը` տարբերությունը փոխանցելով հյուրանոցին: Հյուրանոցների հետ հանձնարարության պայմանագիր կնքելու դեպքում ԱԱՀ շեմի հաշվարկման համար ո՞ր գումարն է հաշվարկվում` ֆիզ. անձից ստացված ամբո՞ղջ գումարը, թե՞ միայն հանձնակատարին հասանելիքը: Եվ նախքան ԱԱՀ շեմը անցնելը շրջանառության հարկով աշխատելու դեպքում ո՞ր գումարն է հարկվելու շրջհարկով` ֆիզ. անձից ստացված ամբո՞ղջ գումարը, թե՞ միայն հանձնակատարին հասանելիքը:
Լեո Լուսինյան.
Տուրիստական գործակալությունը հարկվում է շրջանառության հարկով: Հյուրանոցների ամրագրման դեպքում երբեմն ստիպված ենք ինքներս ստանալ գումարը հաճախորդից և այնուհետև փոխանցել հյուրանոցին: Գումարը մեծ է, բայց այդ գումարի միայն 5-10 %-ն է մեր շահույթը, որը հյուրանոցը փոխանցում է միայն ամբողջ գումարը ստանալուց և ծառայությունը մատուցելուց հետո: Հետ ստացված շահույթը նույնպես դիտվում է շրջանառություն, և ստացվում է` մենք երկու անգամ նույն գումարից պետք է շրջանառության հարկ տանք, որը գերազանցում է մեր շահույթը: Խնդրում եմ, հուշեք, թե ինչպես կարելի է վարվել նման պարագայում` առանց ԱԱՀ-ի անցնելու: Շնորհակալություն:
Թամարա.
Հարգելիներս,
ինձ անհրաժեշտ է պարզաբանել մի քանի հարց` կապված հյուրանոցների գործունեության և նրանց մատուցած ծառայությունների դիմաց գանձվող հարկերի մասին:
Ինչպես հայտնի է` հյուրանոցային տնտեսության օբյեկտները հարկվում են արտոնագրային վճարով: Այստեղ նշված է` հյուրանոցային տնտեսության օբյեկտներ: Հարց է առաջանում. արդյո՞ք հյուրանոցի տարածքում գործող 20 ք.մ. սննդի տարածքը և հուշանվերների վաճառքի կետը 2 ք.մ. մտնում են հյուրանոցային տնտեսության օբյեկտների մեջ, և դրանցից ստացվող եկամուտը հարկվու՞մ է ըստ արտոնագրային վճարի:
Շնորհակալություն:
Marish.
Սկսնակ հաշվապահ եմ: Հարցս հետևյալն է` հյուրանոցային համալիրը ի՞նչ հարկով է հարկվում և ի՞նչ վճարներ է կատարում: Նախապես շնորհակալություն:
Լիանա.
Ո՞վ կհուշի` որտեղից կարող եմ գտնել “Հյուրանոցային հարկի մասին” օրենքը: Ինչքան գիտեմ` ապրիլի 1-ից է մտնելու ուժի մեջ:
“Փաստաթղթեր” բաժնում ավելացվել են հետևյալ փաստաթղթերը.
- Հայտարարություն հանրային սննդի ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակիցների մասին
- Հայտարարություն հանրային սննդի ոլորտում իրականացվող գործունեության սահմանային չափի ցուցանիշների մասին
- Հայտարարություն բաղնիքների և ցնցուղարանների կազմակերպման ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին
- Հայտարարություն հյուրանոցային տնտեսության օբյեկտների գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին
Անահիտ.
Ունեմ փոքր հյուրանոցատիպ կոտեջներ և ուզում եմ իմանալ` ինչ հարկատեսակ պետք է վճարեմ, կանխավ շնորհակալ եմ:
Անահիտ.
Բարև ձեզ: Ո՞վ կարող է ինձ ասել, թե հյուրանոցի հաշվապահությունը ինչպես է կատարվում: Ցանկացած տեղեկություն կարող է օգտակար լինել: Շնորհակալություն:
Armenuhi.
Բարև ձեզ: Ինձ մի հարց է հետաքրքրում, և ակնկալում եմ ձեր օգնությունը: Կազմակերպությունը հիմնադրվել է հյուրանոցային գործունեություն ծավալելու նպատակով և ստեղծման օրից ի վեր իրականացրել է միայն հյուրանոցային մասնաշենքի կառուցման աշխատանքներ: Շենքն այժմ կիսակառույց է, իսկ աշխատանքները` շուրջ 2 տարի դադարեցված: Սակայն կազմակերպությունը կիսակառույց շենքի համար վարձել է պահակ, որին վճարում է աշխատավարձ: Արդյո՞ք այդ աշխատավարձի գումարը, ինչպես նաև գործատուի սոցիալական վճարը պիտի ճանաչվեն հաշվետու ժամանակաշրջանի ծախս, թե՞ պիտի վերագրվեն կիսակառույցի արժեքին, և ընդհանրապես ինչպե՞ս հստակորեն առանձնացնել` կատարված ծախսերից որն է ավելացվելու շենքի արժեքին: Կանխավ շնորհակալություն:
