Tag: արտարժույթ

Արտարժույթի փոխանցում ԱՁ անձնական հաշվին

Գագիկ․

Բարև Ձեզ։ ԱՁ-ն ծառայության համար ստացել է գումար՝ ԱՄՆ դոլարով, պարտավորությունները կատարելուց հետո ցանկանում եմ օգտագործել մնացած գումարը։ Այլ հաշվեհամարի չեմ կարող փոխանցել (ներառյալ իմ անձնական հաշվին)։ Այսինքն կարող եմ միայն կանխիկացնել, որից առաջանում են լրացուցիչ ծախսեր։

– դոլար կանխիկացնելու դեպքում բանկը պահում է 1%
– իսկ դրամի վերածելուց բանկի տոկոսադրույքը բավականին ցածր է

Գումարը պլանավորում եմ օգտագործել դոլարով՝ արտասահմանից գնումներ կատարելու համար։

– ԱՁ հաշվից դոլարով կանխիկացնելու դեպքում պետք է մուտք անեմ այլ դոլարային հաշվի՝ կորցնելով 1%
– Դրամով կանխիկացնելու դեպքում առաջանում է կրկնակի փոխանակում, երբ մուտք անեմ այլ հաշվի

Կասե՞ք, խնդրում եմ, թե ինչու չեմ կարող ուղղակի փոխանցել իմ անձնական դոլարային հաշվին։

Կանոնադրական կապիտալի համալրում արտարժույթով

Ռազմիկ․

ՀՀ-ում գրանցած կազմակերպության հիմանդիրը հանդիսանում է Գերմանական կազմակերպություն, և այնպես է ստացվել, որ կանոնադրական կապիտալի մուտքը կատարվել է արտարժույթով (ԱՄՆ դոլլարով), բանկային փոխանցման միջոցով, կազմակերպության արտարժույթային հաշվին։ Սա ինչքանո՞վ է խնդիր, և եթե խնդիր է, ինչպե՞ս պետք է փոխանցվեր, որպեսզի ճիշտ լիներ՝ հաշվի առնելով, որ դրսից ՀՀ դրամ չեն կարող փոխանցել։

Անձնական փոխանցումներ

Վազգեն․

Ողջույն, հարգելի հաշվապահներ և օրենքի գիտակներ։ ՊԵԿ -ից չկարողացան կամ չցանկացան պատասխանել իմ հարցին՝ ուղղորդելով ՀՀ հարկային օրենսգրքի 147 հոդվածին։

Ես եկամուտներ եմ ստանում ինչպես ՀՀ դրամով, այնպես էլ ԱՄՆ դոլարով։ Հարկերը վճարում եմ։ Տան ծախսերը հոգում է կինս, դրա համար ամսական (3 000 ԱՄՆ դոլար կամ 1 մլն ՀՀ դրամը չգերազանցող) գումարներ եմ փոխանցում իմ անձնական հաշվից կնոջս անձնական հաշվեհամարին։ Ես նաև օգնում եմ թոշակառու ծնողներիս՝ էլի ամսական գումար փոխանցելով իրենց հաշվեհամարին։

Հիմա հարց․ արդյո՞ք այդ փոխանցումները (ՀՀ դրամով ու ԱՄՆ դոլարով) կարող ե՞ն համարվել եկամուտ ու հետագայում խնդրո առարկա դառնալ։ Փոխանցումները կատարում եմ ՀՀ բանկերի միջև միայն ֆիզիկական հաշվեհամարից դեպի ֆիզիկական հաշվեհամար։ Շնորհակալություն։

ԱՁ աշխատում է ՏՏ ոլորտում

Հայկ․

Բարև ձեզ։ ԱՁ-ն որը զբաղվում ՏՏ-ով, աշխատում է շրջանառության հարկով: ԱՁ-ն ծառայություններ է մատուցում արտասահմանյան ընկերությանը և ստանում աշխատավարձ արտաժույթով: Հիմա ամեն անգամ գումար ստանալուց անհրաժե՞շտ է, որ հաշիվ դուրս գրվի, թե՞ նման իրավիճակում կարիք չկա հաշիվ գրելու, այլ միայն եռամսյակը մեկ հաշվետվություն ներկայացնել։

Ի՞նչ փոխարժեք հիմք վերցնել

Գնել․

ԱՁ-ն մատուցել է խորհրդատվական ծառայություններ արտասահմանյան կազմակերպությանը և վճարվել է արտարժույթով։ Եռամսյակային հաշվետվությունը ներկայացնելիս ի՞նչ փոխարժեքով է անհրաժեշտ հաշվարկել շրջանառությունը։

Փոխանցում այլ անձի

Հարութ․

Հարգելի հաշվապահներ, հարցս հետևյալն է․ ԱՁ-ն կարո՞ղ է իր բանկային հաշվին եղած դրամը կամ արտարժույթը փոխանցել այլ անձի բանկային հաշվին կամ տալ արտարժույթով փոխառություն՝ փոխանցելով օտարերկրյա բանկային հաշվին այդ անձի և հետ ստանալ այդ գումարը կանխիկ մաս մաս։

Արտարժույթի փոխարժեքներ

Արտարժույթի փոխարժեքներ – հաշվիչ

Կարող եք օգտվել հաշվիչից՝ արտարժույթի փոխարժեքներ տեսնելու համար։ Մուտքագրեք գումարը և արժույթը համապատասխան դաշտերում․

Ի՞նչ է նշանակում արտարժույթի փոխարժեքներ

Արտարժույթի փոխարժեքներ – մեկ երկրի արժույթի արժեքն է այլ երկրների արժույթների համեմատ: Այն որոշում է, օրինակ, թե քանի դրամ արժե մեկ դոլարը կամ իենը։

Արտարժույթի փոխարժեքներ – ի՞նչ է արժույթը

Արժույթը պետության դրամական միավորն է։ Սակայն գոյություն ունեն նաև կոլեկտիվ արժույթներ, որոնք օգտագործվում են ոչ թե մի երկրում, այլ մի քանի երկրներում։ Վառ օրինակ է եվրոն։ Այն եվրոպական մի խումբ երկրների վերազգային արժույթն է։

Քչերն են հիշում, որ եվրոյից առաջ եղել է նաև այլ արժույթ՝ ECU-ն։ Այս հավաքական արժույթը օգտագործվել է մի խումբ եվրոպական երկրների կողմից 1979-1998 թվականներին, սակայն այն հիմնականում օգտագործվել է անկանխիկ գործարքների համար: «Ecu» բառը գալիս է անգլերեն European Currency Unit (եվրոպական արժույթի միավոր) և միջնադարյան ֆրանսիական մետաղադրամների անունից։

Կարդալ ավելին “Արտարժույթի փոխարժեքներ”

ԱՁ գործելու է ՏՏ ոլորտում

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Ո՞ր օրվա ԿԲ փոխարժեքը հիմք վերցնել

Կարեն․

Բարև Ձեզ։ ՍՊԸ-ն նոյեմբերի 5-ին ներմուծում է կատարել, որի դիմաց տրանսպորտային կազմակերպությունը հաշիվ է գրել 2 000 ԱՄՆ դոլլարի չափով։ Ինվոյսը տրանսպորտային կազմակերպությունը գրել է նոյեմբերի 8-ին։ Այս դեպքում պե՞տք է նոյեմբերի 8-ի ԿԲ-ի կուրսը հիմք վերցնենք գործարքը դրամի վերածելու համար։

Վճարում արտեկրում գործող ինքնազբաղված անձին

Լիա․

Բարև Ձեզ։ ՀՀ իրավաբանական անձը արդյո՞ք կարող է արտարժույթով վճարում կատարել այլ երկրից իրեն ծառայություն մատուցող ինքնազբաղված անձին (մասնագիտական գործնեությունից եկամուտ ստացողին)։ Ինձ անհանգստացնում է այն, որ դիմացի կողմի կարգավիճակը չեմ հասկանում։ Եթե ԱՁ լիներ, խնդիր չէր լինի։

Արտարժույթի փոխանակման ձևակերպումներ

Աննա․

Բարև ձեզ, հարգելի հաշվապահներ։ Կասե՞ք՝ ինչպե՞ս կատարեմ հաշվապահական ձևակերպումները, ՍՊԸ ունի դրամային և ռուբլու հաշվեհամար, ցանկանում է դրամային հաշվից օրինակ 10 000 դրամի չափով մուտք անի ռուբլու հավեհամարին: Կանխավ շնորհակալ եմ։

Հաստոցի ներմուծման ձևակերպումներ

Նարե․

ԱԱՀ վճարող կազմակերպությունը 2021թ.-ի նոյեմբերին ՀՀ-ում ներմուծում է վարչական նպատակով օգտագործման համար նախատեսված հաստոց 1 500 դոլարով: Գնման օրը ՀՀ Կենտրոնական Բանկում սահմանված 1 դոլարի փոխարժեքը՝ 425 դրամ է:

Մաքսազերծման համար վճարվել է մաքսատուրք 60 000։ Այդ ընթացքում կազմակերպության տարածքում կատարվում էր վերանորոգում, և նոր հաստոցը 1 ամիս պահվել է այլ տեղում, որի համար վճարվել է 30,000 դրամ: Այնուհետև նոր հաստոցը տեղափոխվել է կազմակերպություն և տեղակայվել է 2021 թ.-ի դեկտեմբերի 31-ին, իսկ շահագործումը սկսվել է 2022 թ.-ի մայիսի 4-ին։ Տեղակայման համար ծախսվել է 82,000:

Պահանջվում է տալ համապատասխան ձևակերպումները և հաշվարկել, թե ինչ արժեքով պետք է արտցոլվի հաստոցը 2022 թ. ֆինանսական հաշվետվություններում:

Արդյո՞ք կանխիկի սահմանափակումների խախտում կա

Աննա․

Տնօրենին առհաշիվ տրվել է դրամ, որը ինքը կանխիկացրել է և վերածել արտարժույթի ու բանկում մուտք արել, որպեսզի վճարում կատարի մատակարարին (բանկերը տարբեր են)։ Ինչ որ խախտում կա՞ կանխիկի սահմանափակումների մասով։

Տնօրենը բանկից արտարժույթ է կանխիկացրել

Կարեն․

Բարև Ձեզ։ Ընկերության տնօրենը բանկից արտարժույթ է կանխիկացրել, հետո այդ գումարը փոխանակման կետում դրամի է փոխարկել։ Արդյո՞ք դա կանխիկի խախտում է համարվում։

Ոչ ռեզիդենտի շահութահարկի ձևակերպում

Նարեկ․

Հարգելի հաշվապահներ, խնդրում եմ օգնել տալ հաշվապահական ձևակերպումները ոչ ռեզիդենտից ստացված ծառայությունների մասով, օրինակ՝ 01․09․2023-ին ստացվել է ծառայություն ոչ ռեզիդենտ կազմակերպությունից՝ 100 դոլար արժեքով, վճարվել է քարտով 01․09․2023-ին 100 դոլար, ինքնահաշիվ դուրս է գրվել 07․09․2023-ին, խնդրում եմ տալ հաշվապահական ձևակերպումները և պատասխանել հարցին՝ ո՞ր փոխարժեքով արժեքը հիմք վերցնել ծառայությունը ծախս ճանաչելու համար՝ ինքնահաշվի փոխարժեքը, թե՞ վճարման օրվա փոխարժեքը։

Փոխառություն արտարժույթով

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

Ռուբլու փոխանցում ԱՁ-ի անձնական հաշվին

ԱՁ-ն իր արտարժույթի հաշվին նստած ռուբլին, որը ստացել է ծառայությունների մատուցումից, կարո՞ղ է ելք անել իր ֆիզանձի արտարժույթի հաշվին, և հաշվապահորեն ի՞նչ ձևակերպում տալ:

ԱՁ եկամուտ

Եվա․

Խնդրում եմ կասե՞ք՝ ԱՁ իր ծառայության դիմաց ստացել է դոլլարով գումար, դա որպես անձնական եկամուտ կարո՞ղ է փոխանցել իր անձնական հաշվեհամարին, թե՞ պարտադիր պետք է ՀՀ դրամով փոխանցի, և եթե դժվար չէ՝ հղում կարո՞ղ եք տալ օրենքի կետին։

Касса для обмена валют

Naira.

Как открыть ИП для работы в сфере обмена валют? Именно открыть кассу для обмена валют.

Ինչպե՞ս ձևակերպել 625 և 725 հաշիվները

Քրիստինա․

Շահութահարկ վճարողի համար 725-ը ծախս չէ և 625-ը եկամուտ չէ, ու հաշվարկի մեջ համախառն եկամուտ չի մտնում և չի նվազեցվում, ուստի դրանց մնացորդները ծրագրում ո՞նց ձևակերպեմ։

Վարձավճարի վճարում արտարժույթով

Թինա․

Բարև Ձեզ, ԱԱՀ-ով աշխատող կազմակերպությունը ֆիզ անձից կարո՞ղ է տարածք վարձակալել և պայմանագիրն ու վճարումը արտարժույթով կատարել։

Ո՞ր օրվա փոխարժեքը կիրառել

Քրիստինե․

ԱՁ-ն ծառայություններ է մատուցել արտասահմանյան կազմակերպության, վճարումը ստացել արտարժույթով: Հարց – հաշիվ վավերագիր դուրս գրելիս, եթե ծառայությունը մատուցվել է ամսի 10-ին, իսկ հաշիվը դուրս գրվել 14-ին, կուրսը հաշվում ենք ամսի 10-ի դրությամբ, թե՞ 14-ի։ Շնորհակալ եմ:

Ոչ ռեզիդենտի շահութահարկի ձևակերպում

Աննա․

Կազմակերպութունը աշխատում է ԱԱՀ-ի դաշտում, փետրվար ամսին Պարսկաստանից ներմուծում է իրականացրել, մատուցվել է բեռնափոխադրման ծառայություն ոչ ռեզիդենտի կողմից 1500 դոլլար արժողությամբ, դա ՀՀ տարածքում, ուղարկվել է 209 ձևը, 5 տոկոս հարկվել է դրամային համարժեքը։ Խնդրում եմ ասել՝ ինչպե՞ս ՀԾ-ում ձևակերպել ոչ ռեզիդենտի շահութահարկը: Կանխավ շնորհակալություն։

Ծառայության ստացում ոչ ռեզիդենտից

Աստղ․

Խնդրում եմ պատասխանել՝ ճի՞շտ եմ հասկանում․

ԱԱՀ–ով աշխատող կազմակերպությունը ստացել է ծրագրային ապահոմվան ծառայություններ ոչ ռեզիդենտ ընկերությունից: Այս դեպքում պե՞տք է կատարել հետևյալ քայլերը.

1) դուրս ենք գրում ինքնահաշիվ (հարկային հաշիվ մատակարարի անունից՝ դուրսգրման նախորդ օրվա ՀՀ ԿԲ-ի փոխարժեքով)

2) եթե ունենք կրկնակի հարկման համաձայնագիր, և ներկայացնում է ռեզիդենտության տեղեկանք, ներկայացնում ենք ոչ ռեզիդենտի շահութահարկի հաշվետվություն, սակայն դրանից հարկ չի առաջանում

3) ԱԱՀ-ի հաշվետվության մեջ ինքնահաշվի մասով և դեբետ է առաջանում և կրեդիտ, որը հաշվանցվում է և դառնում 0

Կրիպտոարժույթի առք և վաճառք

Գևորգ Ղահրամանյան․

Բարև ձեզ։ Ես զբաղվում եմ կրիպտոարժույթի առք ու վաճառքով միջազգային կրիպտոարժույթի բորսաներում, կխնդրեի պարզաբանենք՝ առք ու վաճառքից ստացված եկամուտներից ես ինչպե՞ս և ի՞նչ հարկատեսակով պետք է հարկվեմ։ Նախապես շնորհակալ եմ։

Արտարժույթի փոխարկման ծախս

Լաուրա․

Բարի աշխատանքային օր եմ մաղթում։ Հարցս հետևյալն է՝ շահութահարկը հաշվարկելիս 7148 հաշիվը ներառվու՞մ է, խոսքը վերաբերում է փոխարկումից տարբերություններին (օրինակ մեր բանկային եվրո հաշվից փոխարկում եմ դրամի, էտ ժամանակ առաջացող ծախսը)։ Գիտեմ, որ շահութահարկի հաշվարկի մեջ չեն ներառվում արտարժույթի փոխարժեքային տարբերություններից եկամուտներն ու ծախսերը, ուզում եմ ճշտել նաև, թե այս դեպքում փոխարկման ծախսը ներառվու՞մ է, թե՞ ոչ։ Նախապես շնորհակալ եմ։

Ձևակերպումներ ծրագրով

Արտեմ.

Բարև Ձեզ: ՍՊԸ-ն խոհարարական ծառայությունների դիմաց հաշիվ է ստացել արտարժույթով, դուրս է գրվել ինքնահաշիվ: Խնդրում եմ կասեք՝ ինչպիսի՞ ձևակերպում պետք է տալ ծրագրով։

Ձևակերպումներ ծրագրով

Բարև Ձեզ: ՍՊԸ-ն հաշիվ է ստացել դրսից խոհարարական ծառայությունների դիմաց՝ արտարժույթով: Ինքնահաշիվ է դուրս գրվել: Ինչպե՞ս կարող եմ ձևակերպել ծրագրում այս ծառայությունը:

Ծառայությունների արտահանում

Աննա․

Ողջույն, հարգելի հաշվապահներ։ Ա/Ձ-ն աշխատում է ընդհանուր հարկման դաշտում, ծառայություններն արտահանում է (0-ական ԱԱՀ) և պետք է դուրս գրի հաշիվ վավերագիր: Եթե ճիշտ եմ հասկանում՝ հաշիվ վավերագիրն դուրս է գրվում ծառայության մատուցումն ավարտելուց, իսկ հարկերն պետք է հաշվել վավերագիրն դուրս գրելու ԿԲ օրվա փոխարժեքով:

Հարցերս հետևյալն են․

1) Կարելի՞ է հաշիվ վավերագիր դուրս գրել նախորդ ամիսների ծառայությունների համար, եթե վարձատրությունն խմբավորված են փոխանցելու

2) Պե՞տք է մանրամասնել հենց որ ամիսների աշխատանքի համար է, թե՞ բավար է պարզապես նշել ծառայության տեսակն ու գումարի չափն

3) ԱԱՀ հաշվետվությունը ներկայացնելուց փաստաթուղթն դուրս է գրելու՞ օրն է էական, թե՞ գումարն հաշվին նստելու: Օրինակ, եթե հաշիվ վավերագիրն դուրս գրվի ամսվա վերջում, սակայն գումարն հաշվին նստի հաջորդ ամիս:

ՀԴՄ կտրոն հաշվի փոխարեն

Նորայր․

Բարև Ձեզ։ ՀՕ հոդված 16-ի համաձայն՝ եթե ծառայություններ ենք մատուցում ոչ ՀՀ քաղաքացու / ընկերությանը ԱՐՏԱՐԺՈՒՅԹՈՎ, ապա հաշվարկային փաստաթղթում գրում ենք դրամով` հաշվելով տվյալ օրվա ԿԲ փոխարժեքը։ Հարցս հետևյալն է` կարո՞ղ ենք հաշվարկային փաստաթղթի փոխարեն ՀԴՄ կտրոն տրամադրել։ Խնդրում եմ նշեք նաև համապատասխան օրենսդրական կարգավորումը։

6-րդ դասի հաշիվը արտարժույթով

Լիլիթ․

Հարգելի հաշվապահներ, 6-դասի հաշիվը կարո՞ղ է արտահայտվել արտարժույթով և այդպես տեղափոխվել 331 հաշիվ։

Արտարժույթով պարտքի մարում

Կարեն․

Ողջույն։ Խնդրում եմ օգնեք տալ հաշվապահական ձևակերպում հետևյալ հարցում։ 2022թ․ սկզբին ունեցել ենք ձեռքբերում ՌԴ-ից ԱՄՆ դոլարով։ Հետագայում, ՌԴ բանկերի դեմ կիրառվող սանկցիաներից հետո ստիպված էինք փոխանցել այդ ձեռքբերման դիմաց ԱՄՆ դոլարին համարժեք ռուբլով։ Ինչպե՞ս ձևակերպեմ տարբեր արժույթներով պարտքի մարումը։ Կանխավ շնորհակալ եմ։

Արտարժույթով պարտքի մարում

Ռիտա․

Բարև Ձեզ: Միջազգային գործընկերը կարո՞ղ է արտարժույթով մարել դեբիտորական պարտքը՝ կանխիկով։ Խոսքը ԵԱՏՄ երկրի մասին է: Շնորհակալ եմ օգնության համար։

Լիզինգի ձևակերպումներ

Սուրեն․

Բարև Ձեզ։ Հարցս վերաբերում է լիզինգի ձևակերպումներին, խնդրում եմ վրայով անցնենք իրար հետ, նոր ձևակերպեմ։

1- ՀՄ Ձեռքբերման մասով դտ 1119-կտ 413,

2- կանխավճարի ձևակերպման մասով՝ դտ 413-կտ 252,

3-չկրած տոկոսի ծախսի մասով՝ դտ 414-կտ 413 (ընդհանուր տոկոսն եմ գրում) և 12 ամսվա համար դտ 414-կտ 516 ,

4- տոկոսի ծախսագրում՝ դտ 727-կտ 516, 5- մայր գումարի վճարում՝ դտ 413-կտ 252։

Խնդրում եմ տոկոսի սուբսիդավորման մասով ասեք՝ ի՞նչ ձևակերպեմ, և եթե լիզինգի պայմանագիրը արտարժույթով է ու պայմանագրային արժեքի և նախնական արժեքի մեջ կա դրական տարբերություն, դա ի՞նչ ձևակերպում տամ։ Նախապես շնորհակալ եմ։

Հաշվապահական խնդիր

Ella.

Բարև ձեզ, ո՞վ կարող է օգնել լուծել հետևյալ խնդիրը․

Հայկական կազմակերպությունը, որի ֆունկցիոնալ արժույթը ՀՀ դրամն է, ներմուծում է 120,000 ԱՄՆ դոլար արժեքով սարքավորումներ “X” ընկերությունից 2017 թվականի հունիսի 5-ին, որի համար նախօրոք փոխանցել է 100 000 դոլար կանխավճար: Կանխավճարի փոխանցման օրվա 1 ԱՄՆ դոլարի փոխարժեքը 420 դրամ է: Այնուհետև ձեռքբերման մաքսազերծման օրը փոխարժեքը 1 ԱՄՆ դոլարը 435 դրամ է: Դեկտեմբերի 31-ի դրությամբ, երբ փոխանակման փոխարժեքը 1 ԱՄՆ դոլորը 420 դրամ է, մնացած 20 000 ԱՄՆ դոլար պարտքը դեռևս մարված չէր: Վճարումը կատարվել է 1 ամիս հետո, երբ 1 ԱՄՆ դոլարը 460 դրամ է: Պահանջվում է որոշել սարքավորման սկզբնական արժեքը և “X” ընկերության հանդեպ պարտավորության գումարը ֆունկցիոնալ արժույթով առ 31.12.2017 թվականին:

Դիտել այլ հաշվապահական խնդիրներ…

Ո՞ր ամսաթվի փոխարժեքը կիրառել

Արմեն․

Բարև Ձեզ։ ՍՊԸ-ն ՌԴ-ից կատարել է ներմուծում , “транзитная декларация” փաստաթղթի վերևի աջ անկյունում գրված է 04․11․2022, իսկ ներքևում ՊԵԿ արևելյան մաքսային կնիքում նշված է 10․11․2022։

Հարց 1․ ԵՏՄ հայտարարության մեջ պետք է ներկայացնեմ ապրանքի հաշվառման ամսաթիվ 04․11․2022, թե՞ 10․11․2022, և հետևաբար պետք է վերցնեմ 04․11․2022, թե՞ 10․11․2022 ամսաթվերի նախորդ օրվա ԿԲ-ի կուրսը։

Հարց 2․ Հաշվապահական ծրագիր մուտք անելիս ինքնարժեքը ո՞ր ամսաթվի ԿԲ-ի կուրսով պետք է հաշվառվի։ Եթե հնարավոր է՝ այս հարցերիս հետ կապված նշեք, թե որ հոդվածը կարդամ։

Փոխանցում հաշվետու անձին

Աննա․

Բարև Ձեզ, ընկերությունը դրամային հաշվից գումար է առհաշիվ անձին փոխանցել: Հաշվետու անձը կանխիկացրել և տարադրամի փոխանակման կետում կոնվերտացիա է արել, դարձրել է ռուբլի և մուտք է արել ընկերության ռուբլու հաշվին (առհաշիվ գումարի վերադարձ՝ ռուբլով): Խնդրում եմ ասեք՝ խնդիրներ կա՞ն անկանխիկ գործառնությունների մասով։ Ըստ անկանխիկ գործառնությունների մասին օրենքի 3-րդ հոդվածի՝ 1) անկանխիկ ձևով գործառնություն (վճարում)` կանխիկ կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) բանկային հաշվին, կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) էլեկտրոնային փողի հաշվին: Ընդ որում, անկանխիկ եղանակով նախաձեռնած վճարում է համարվում նախաձեռնողի բանկային կամ էլեկտրոնային փողի հաշվից կատարված վճարումը (փոխանցումը). 2) 4) կանխիկ ձևով գործառնություն (վճարում)` սույն օրենքով սահմանված` անկանխիկ չհանդիսացող վճարում. Սա վերաբերու՞մ է արդյոք վերոնշյալ գործարքին։ Կանխավ շնորհակալություն:

ՀԿ ստացել է նվիրատվություններ

Վիգեն.

Հարգելի հաշվապահներ, ՀԿ-ն ստացել է նվիրատվություններ, որոնք փոխանցվել են կազմակերպության դոլորային հաշվին։ ՀԿ-ների տարեկան հաշվետվության ժամանակ հաշվետու տարվա մուտքերը ինչպե՞ս նշել, եթե փոխարժեքը այլ է աղբյուրից ստացման և հետևաբար ինչպե՞ս փոխարժեքը հաշվել ու տարեկան մուտքով ներկայացնել ճիշտ։

Արտարժույթի փոխանակում ՀԾ-ով

Գրիգոր.

նկարագրեք արտարժույթի փոխանակումը ՀԾ-ով (քայլերը), ինչպես նաև հաշվապահական թղթակցությունները (արտարժույթի փոխարկում, հաշվի վերագնահատում): Արտարժույթի փոխարկման դեպքում (արտարժույթի փոխարկում) ԿԲ-ի և մեր բանկի տարբերությունը շահութահարկի հաշվարկի համար արդյո՞ք ծախս է համարվում, եթե այո, կխնդրեմ հոդվածը նշեք:

Ֆիզ. անձը որպես միջնորդ

Գևորգ.

Հարգելի Հաշվապահներ,

Անձը 2020 թվականին հանդիսացել է միջնորդ։ Նա ֆիզիկական անձից (բնակվում է ՀՀ-ում) ստացել է 1,000,000 դրամ ՀՀ բանկային հաշվին, որից 100,000 դրամը վերցրել է որպես միջնորդավճար և 900,000 դրամին համարժեք արտարժույթը սեփական արտասահմանյան բանկային հաշվից փոխանցել է Ա/Ձ-ին (բնակվում է արտերկրում), որպեսզի վերջինս ֆիզիկական անձին մատակարարի ապրանքներ։ Մաքսազերծման հետ կապված բոլոր աշխատանքները կատարում է ֆիզիկական անձը և ոչ թե միջնորդը։

Եթե միջնորդի համար առաջացել են հարկային պարտավորություններ, ապա այս հարկային տարում 2020 թ. պարտավորությունը կատարելու համար հարկերը և հաշվարկվող տուգանքը մոտավոր ինչքա՞ն են կազմելու, եթե անձը Ա/Ձ-ից ձեռքբերած ապրանքների վերաբերյալ ունի համապատասխան փաստաթղթեր։

Շնորհակալություն

Գործուղում արտասահման

Գրիգոր.

Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:

Դրամարկղային գիրք

Անահիտ.

Բարև Ձեզ։ Հարգելի հաշվապահներ, միկրոյի հարկման դաշտում աշխատող ՍՊԸ-ն զբոսաշրջության օպերատորի ծառայություններ է մատուցում, ունի բանկում բացված դրամային, դոլարային և եվրոյով հաշիվներ։ Արդյո՞ք միկրոյի դաշտում աշխատող ՍՊԸ-ի համար պարտադիր է դրամարկղի գրքի վարումը, թե ծառայությունների դիմաց փոխանցումները կատարվում են բանկային հաշվին և արտարժույթը տեղում փոխանակվում է։

Օնլայն բանկինգի հետ կապված

Էլինա.

Հարգելի հաշվապահներ, արդյո՞ք դուք տպում և պահում եք օնլայն բանկով կատարված փոխանցումների վճարման հանձնարարագրերը, արդյո՞ք անհրաժեշտ է արտարժույթի օնլայն փոխանակման դեպքում տպել փաստաթուղթը։ Շնորհակալ եմ։

Փոխառության վերադարձ

Անահիտ.

Բարև ձեզ։ Ընկերությունը տնօրենին RUB-ով փոխառություն է տվել, տնօրենը այն ցանկանում է վերադարձնել AMD-ով, նման բան թույլատրվու՞մ է։

Գործուղում արտասահման

Գրիգոր.

Բարև Ձեզ: Աշխատակիցը գործուղման է մեկնում արտասահման: Վճարումը կատարել եմ համաձայն 2335-Ն որոշման: Հարց 1՝ գիշերավարձի և օրապահիկի համար ի՞նչ-որ հիիմնավորող փաստաթղթեր են պետք, թե՞ միայն գործուղման վկայականը բավական է շահութահարկի գծով ծախս ճանաչելու համար: Հրաց 2՝ վճարումը կարո՞ղ ենք կատարել արտարժույթով, թե՞ միայն ՀՀ դրամով:

Փոխառության հետ կապված

Իզաբելլա.

Բարև ձեզ: Երկու հարց ունեմ.
1. Հնարավո՞ր է փոխառությունը հետ վերադարձնել ԱՄՆ դոլարով։
2. Հնարավո՞ր է փոխանցումը լինի ԱՄՆ բանկային հաշեհամարին։
Նախապես շնորհակալ եմ։

Ներմուծման հետ կապված

Նարինե.

Ա/Ձ֊ն ներմուծում պետք է անի Չինաստանից։ Ապրանքը Հայաստան պետք է մտնի Ղազախստանից։ Այս դեպքում սա համարվու՞մ է ԵՏՄ նորմուծում, թե՞ երրորդ երկրից։
Ա/Ձ֊ն Բելառուսից ներմուծում է փայտ։ Մեքենան, որը բերում է ապրանքը, պատկանում է Հայաստանում գրանցված ընկերությանը։ Հաշվի մեջ առանձնացված տողով գրված է բեռնափոխադրում Բելառուսից ՀՀ սահման։ Արդյո՞ք Ա/Ձ֊ի մոտ առաջանում է հարկային պարտավորություն այդ մասով։
ԱԱՀ֊ով աշխատող Ա/Ձ֊ն Բելառուսից ապրանք է ներմուծում, դիմացի կողմից գնել է դոլարով, սակայն Հայաստանից Բելառուս դոլար չեն կարում փոխանցել։ Ինչպե՞ս վարվել այս դեպքում։

Փոխարժեքի ամսաթիվ

Ռիտա․

Բարև Ձեզ։ Վերագնահատման, արտարժույթի փոխանակման ժամանակ պարտադի՞ր է վերցնել արտարժույթի նախորդ օրվա կուրսը։

Ե՞րբ դուրս գրել հաշիվը

Գևորգ․

Հարգելի հաշվապահներ,

ԱՁ-ն տրամադրում է ծառայություն արտասահմանյան կազմակերպությանը (կազմում է հաշվետվություններ) և եկամուտը ստանում է արտարժույթով։ Կազմակերպությունը յուրաքանչյուր հաշվետվության հաշվարկը իրականացնում է առանձին (օրինակ մեկ օրվա ընթացքում հաստատում է 10 փաստաթուղթ, յուրաքանչյուրը 10 դոլարով), սակայն գումարը փոխանցում է անձի էլեկտրոնային հաշվին ամսվա վերջում։

Արդյո՞ք հաշվարկային փաստաթուղթը պետք է դուրս գրել յուրաքանչյուր հաստատման համար, թե՞ հնարավոր է այն դուրս գրել մեկ անգամ (գումարի փոխանցման օրը):

Արտարժույթով վճարում

Շուշան.

Արդյո՞ք երկու ռեզիդենտ կազմակերպություններ իրավունք ունեն կատարել դոլարային փոխանցումներ՝ կատարված ծառայությունների կամ վաճառված ապրանքների դիմաց: