Tag: գույքագրում

Հաշվապահական խնդիր

Լուսէ․

Խնդիր. Կազմակերպությունը զբաղվում է առևտրական գործունեությամբ, ունի առևտրային սրահ, որի պաշարների գույքագրումը իրականացվել է 01.01.2016թ.ին, գույքագրմամբ պաշարները կազմվել են 15մլն. դրամի, սակայն պաշարների հաշվապահական մնացորդը կազմում էր 15.2մլն. դրամ: Տարվա ընթացքում մատակարարներից կատարվել են ձեռք բերումներ՝ 145մլն. Վաճառքը կազմել է 158մլն Վաճառքից համախառն շահույթը կազմում է 23մլն։ Հայտնի է, որ տվյալ տարում պաշարների պահպանման ծախսերը կազմել են 1մլն: Պահանջվում է որոշել պաշարների մնացորդը առ 31.12.2016թ.ին։

Դիտել այլ հաշվապահական խնդիրներ

Հաշվել եկամուտն ու ծախսերը

Նարինե.

Բարև ձեզ։
Կօգնե՞ք լուծել խնդիրը։

Հաշվեգրել ՊՈԱԿ-ի եկամուտներն ու ծախսերը 2019թվ. հաշվետու տարվա համար։
1. ՊՈԱԿ-ը 2019 թվ. հուլիսի 1-ին 2.4 մլն դրամ է վճարել շենքի ապահովագրման համար: Ապահովագրական պայմանագիրը վերաբերում է 2019 հոլիսի 1 – 2020 հունիսի 30 ժամանակահատվածին:
2. ՊՈԱԿ-ը պետական բյուջեից 2019 թվ. հունվարի 11-ին ստացել է 30 մլն դրամի դրամաշնորհ, երեք տարով ներառական հատուկ կրթության ծախսերի կատարման համար։
3. 2019 թվ. դեպտեմբերին ՊՈԱԿ են մուտքագրվել 5 մլն դրամի կրթավճարներ, աշակերտներին ֆակուլտատիվ կարգով ճապոներեն լեզու սովորեցնելու համար։
4. Բյուջեից պայմանով փոխանցվել են 30 մլն դրամական միջոցներ, մեքենաների և սարքավորումների ձեռք բերման համար, որոնց շահագործման ժամկետը նախատեսվում է 5 տարի։
5. Շահագործման 5 տարի ժամկետով համակարգչային ծրագրերի ձեռքբերման համար 2019 թվ. հունվարին բյուջեից պայմանով ստացված 10 մլն դրամի դրամական միջոցներ։
6. Բյուջեից ֆինանսավորմամբ 2019 թվ կրթական ծառայությունների մատուցման 80 մլն դրամի հասույթ։
7. 2019 թվ. դեկտեմբերին գույքագրմամբ հայտնաբերված ակտիվների գծով 2 մլն դրամի օգուտներ։
8. Բյուջեից ֆինանսավորմամբ 2019 թվ կրթական ծառայությունների մատուցման 80 մլն դրամի ծախսեր։

Դրամարկղի գույքագրում

Էլինա.

Հարգելի հաշվապահներ, խնդրում եմ օգնեք. ՍՊԸ-ի գանձապահի արձակուրդ գնալուց արդյո՞ք պետք է կատարել դրամարկղի գույքագրում, և արդյո՞ք պետք է լրացուցիչ վճարել փոխարինողին։ Խնդրում եմ թողնել օրենքի հղում։ Կանխավ շնորհակալ եմ։

Արդյո՞ք գույքագրումը պարտադիր է

Սաթեն․

Խնդրում եմ պատասխանեք. արդյո՞ք բոլոր կազմակերպությունները պետք է յուրաքանչյուր տարի կատարեն գույքագրում։

Որոշել պաշարների մնացորդը

Գոռ․

Ընկերության հաշվետու տարին ավարտվում է հունիսի 30-ին: 2019թ. հուլիսի 2-ին կատարված գույքագրման արդյունքում ընկերության պաշարների արժեքը կազմել է 483,700 դրամ: Հուլիսի 1-ից 2-ը տեղի են ունեցել հետևյալ գործարքները.
• մատակարարներից ստացվել են 38,400 դրամ արժողությամբ պաշարներ
• 14,800 դրամ արժողությամբ պաշարներ վաճառվել են 20,000
• գնորդներից մեկը վերադարձրել է հունիսին գնված որոշ ապրանքներ՝ գրեթե անփոփոխ վիճակում: Այդ ապրանքների վաճառքի գինը կազմել էր 600 դրամ, իսկ դրանց ինքնարժեքն էր 400 դրամ
• ընկերությունը մատակարարին է վերադարձրել հունիսին գնված 1,800 դրամ արժողությամբ ապրանքներ:
Հաշվի առնելով վերոնշյալը, հաշվարկեք պաշարների մնացորդը ընկերության հաշվեկշռում 2019թ. հունիսի 30-ի դրությամբ:

ՓԲԸ կատարում է գույքագրում

Նարինե․

Բարև Ձեզ։ Խնդրում եմ պատասխանել՝ ՓԲԸ կատարում է գույքագրում, ունի մարզերում գույք: Հարց․ արդյո՞ք առանց գործուղման հնարավոր է այն իրականացնել, եթե մարզի տնօրենը գույքը նկարում, ուղարկում է որպես հիմք: Նշեմ, որ կազմակերպությունը չունի այս պահին միջոցներ գործուղման:
Շնորհակալություն։

Ինչպե՞ս կատարել գույքագրում

Նունե․

Կարող եք ասել՝ ինչպե՞ս կատարել գույքագրում (գույքագրման օրինակ կամ ձև)։

Տալ հաշվապահական ձևակերպումներ

Լիլիթ.

Բարև ձեզ: Կօգնե՞ք ձևակերպել հետևյալ գործառնությունները:
1. Անհատույց ստացվել է ներդումային գույք:
2. Գույքագման ժամանակ հայտնաբեվել է գործիքների պակասորդ՝
Ա) սկզբնական արժեքով,
Բ) կուտակված մաշվածությունը:
3. Վաճառքի ժամանակ դուրս է գրվել հիմնական միջոցների արժեզրկումից կորուստները:

Գույքագրում

Աննա.

Խնդրում եմ օգնեք ճիշտ գույքագրում անցկացնել: Ունենք հիմնական միջոցներ, որոնք ենթակա են դուրս գրման, օգտագործման համար ոչ պիտանի են: Ունենք մասնագիտական ակտ և եզրակացություն: Ինչպե՞ս կատարեմ խոտանում?

Կազմակերպությունը վերանորոգման ընթացքում կորցրել է գույքի մատյանը

Արմինե.

Բարև ձեզ, հարգելի հաշվապահներ: Նման խնդրի առաջ ենք կանգնել. կազմակերպությունը (ՀՈԱԿ) վերանորոգման ընթացքում կորցրել է գույքի մատյանը: Ինչպե՞ս կարող ենք այն վերականգնել՝ հաշվել և սկսել գույքագրել 0-ի՞ց, չգիտենք մինչ վերանորոգումն ունեցած գույքի արժեքները։ Կա՞ արդյոք նման ծառայություն, որ օրիանական ձևով կգույքագրի, և ի՞նչ պատասխանատվության կարող ենք ենթարկվել: Ինչպե՞ս վարվել։

Հանձնման-ընդունման ակտի օրինակելի ձև

Naira.

Բարև ձեզ: Ինձ հարկավոր է գույքագրում անելուց հետո հանձնման-ընդունման ակտի օրինակելի ձև:
Կանխավ շնորհակալ եմ:

Տալ հաշվապահական ձևակերպումներ

Syuzanna.

Բարև Ձեզ:
Խնդրում օգնեք հաշվապահորեն ձևակերպել.
1. Անավարտ արտադրության սկզբնական մնացորդը տեղափոխվել է հիմնական արտադրության հաշվին՝ 495 դրամ։
2. Հիմնական արտադրության համար կատարվել են հետևյալ ծախսերը՝
ա) նյութեր՝ 700 դրամ
բ) հաշվարկային հաշվից փոխանցվել է տեխնոլոգիական նպատակներով ծախսված էլեկտրաէներգիայի արժեքը՝ 70 դրամ (ներառյալ ԱԱՀ)
գ) hաշվարկվել է մաշվածություն արտադրական նշանակության հիմնական միջոցների համար՝ 185 դրամ:
3. Հաշվարկել աշխատավարձ
ա) տնօրենին 120 դրամ
բ) հաշվապահին 100 դրամ
գ) արտադրամասի վարպետին 90 դրամ
դ) 10 բանվորից յուրաքանչյուրին 55 դրամ
ե) արտադրանքի առաքման բաժնի աշխատակցին 60 դրամ:
4. Հաշվարկված աշխատավարձից կատարվել են համապատասխան օրենսդրական ակտերով պահանջվող պարտադիր պահումներ:
5. Հաշվարկային հաշվում ստացվել է աշխատավարձի վճարման համար անհրաժեշտ գումարը:
6. Դրամարկղից վճարվել է աշխատավարձ, բայց մեկ բանվոր հիվանդության պատճառով չի ստացել:
7. Անհատույց ստացել է 100 դրամի բանվորական արտահագուստ, որը բաժանվել է բանվորներին, 6 ամիս անց այն դուրս է գրվել շահագործումից:
8. Հաշվետու ժամանակաշրջանի վերջում գույքագրմամբ որոշել և անավարտ արտադրանքին է վերագրվել հիմնական արտադրությունում կուտակած ծախսումների 20%-ը, 10% դիտվել է խոտան և դուրս է գրվել համապատասխան ձևով:
9. Արտադրությունից ստացվել և պահեստ է մուտքագրվել 130 հատ պատրաստի արտադրանք, փաստացի արտադրական ինքնարժեքով (որոշել ինքնարժեքը):
10. Գնորդին առաքվել է 75 հատ պատրաստի արտադրանք։ Վաճառքի գինը սահմանելիս նախատեսվել է 60% շահույթ (առանց ԱԱՀ-ի):
11. Հաշվարկային հաշվում գնորդներից ստացվել է ապառիկ վաճառքից հասույթը։
12. Կազմակերպությունը հաշվետու ժամանակաշրջանում հաշվարկային հաշվում ստացել է բանկի կարճաժամկետ վարկ, 1 տարի ժամկետով 1 000 դրամ: Տարեկան 18% տոկոսադրույքով։
13. Գործառնական վարձակալության պայմանագրով 5-րդ տարում 500 դրամով տրվել է վարձակալության շենք, որի սկզբնական արժեքը 2 000 դրամ է, պ/ժ 10 տարի, կադաստրային արժեքը 3 000 դրամ:
14. Գույքագրման ժամանակ հայտնաբերվել է 100 դրամի նյութերի պակասորդը, որը վերագրվել է նյութական պատասխանատու անձին: Նյութերի շուկայական արժեքը 115 դրամ է:
15. Հաշվարկային հաշվից վճարվել է առհաշիվ անձին գործուղման նպատակով 170 դրամ։ Գործուղումից վերադառնալով անձը ներկայացրել է կանխավճարային հաշվետվություն, որի համաձայն հիմնավորված ծախսերը կազմել են 210 դրամ։
16. Ձեռք է բերվել ապառիկ համակարգիչ 310 դրամ ներառյալ ԱԱՀ-ն, որի գումարը վճարվել է հաշվարկային հաշվից։ Այն օգտագործվել է վարչական նպատակներով։
17. Հարկային հաշվով վաճառել է մնացորդային արտադրանքը 60% շահույթով։

Կա՞ն արդյոք հատուկ բլանկներ, որոնցով հնարավոր է ապրանքը դուրս գրել

Ամալյա.

Դպրոցի ապրանքանյութական գույքագրման արդյունքում պարզվել է, որ դպրոցին պատկանող որոշ հիմնական ապրանքներ երկարատև օգտագործման արդյունքում դուրս են եկել շարքից և՛ վերանորոգման, և՛ հետագա շահագործման ենթակա չեն: Խնդրում եմ պատասխանել. արդյոք կարո՞ղ ենք այն դուրս գրել: Եթե այո, կամ ոչ՝ ի՞նչ տարբերակ կառաջարկեք: Իսկ կա՞ն հատուկ բլանկներ, որոնցով կարողանանք ապրանք դուրս գրել: Շնորհակալություն:

Դպրոցում նոր նշանակված տնօրենը գույքագրման ընթացքում հայտնաբերել է պակասորդ

Անահիտ․

Բարև Ձեզ: Դպրոցում նոր նշանակված տնօրենը գույքագրման ընթացքում հայտնաբերել է պակասորդ: Նախկին տնօրենը ստորագրել է պակասորդի ակտը, ընդունել իր կողմից թույլ տրված սխալ: Պակասորդ կա և՛ հիմնական գույքի, և՛ ցածրարժեք գույքի մասով: Ի՞նչ պետք է անի նոր տնօրենը, ինչպե՞ս պետք է վերականգնվի դպրոցի վնասը: Խնդրում եմ օգնեք, մատնանշեք օրենքը: Շնորհակալ եմ:

Կազմակերպությունում գույքագրման արդյունքներով հայտաբերվել է ՀՄ-ի պակասորդ

Հայկ․

Բարև Ձեզ։ Կազմակերպությունում գույքագրման արդյունքներով հայտաբերվել է ՀՄ-ի պակասորդ: Ասացեք խնդրեմ ՆՊԱ-ի աշխատավարձից գումարը պահելու ձևակերպումները և ՀՄ-ի դուրս գրման ձևակերպումները: Շնորհակալություն։

Ընկերությունում իրականացվել է գույքագրում

Վարդան.

Բարև ձեզ:

Ընկերությունում իրականացվել է գույքագրում, և հայտնաբերվել են ավելցուկներ և պակասորդներ: Բացակայում է պահեստից մոտ 100 000 դրամի ապրանք: Պակասորդներն ու ավելցուկներն ամենայն հավանականությամբ «պահեստից դուրսգրումները» թղթաբանությանը համապատասխան չեն իրականացվել… փաստաթղթով դուրս է գրվել XY-20, իսկ իրականում պահեստից բաց է թողնվել XY-25, արդյունքում պակասում է XY-25-ը, իսկ XY-20-ը ավելցուկ է:

Ինչպե՞ս վարվել նման պարագայում, որո՞նք են ընկերությունում հաջորդ քայլերը:

Կազմակերպությունը ունի ձեռքբերած ապրանքներ, որոնց ժամկետն անցել է

Արսինե.

Հարգելի հաշվապահներ, խնդրում եմ, օգնեք:
ՍՊԸ-ն աշխատում է ԱԱՀ դաշտում: Ունի ձեռքբերած ապրանքներ, որոնց ժամկետն անցել է, և պիտանի չեն: Ինչպե՞ս վարվել:

1. Կատարել գույքագրում և կազմել արձանագրություն փչացած ապրանքի վերաբերյալ:
2. Փչացած ապրանքի գույքագրմանը արդյո՞ք պարտադիր է Հարկային մարմնի աշխատակցի ներկայությունը:
3. Իսկ այդ փչացած ապրանքը շահութահարկի հաշվարկման ժամանակ հանդիսանու՞մ է որպես ծախս, նվազեցվու՞մ է համախառն եկամտից, թե՞ ոչ:

Կանխավ շնորհակալություն:

Ակտիվների և պարտավորությունների գույքագրում

Արաքսյա.

Խնդրում եմ ասեք` կազմակերպության ակտիվների և պարտավորությունների գույքագրմանը ի՞նչ գործընթաց է հետևում, և որտեղի՞ց կարող եմ օգտվել:

Փոփոխություններ “Շրջանառության հարկի մասին” օրենքում

Աղբյուր` yerkir.am

Կառավարության այսօրվա նիստում հավանություն է տրվել “Շրջանառության հարկի մասին” Հայաստանի Հանրապետության օրենքում փոփոխություններ և լրացումներ կատարելու մասին” Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի նախագծին: Այն սահմանված կարգով կներկայացվի Ազգային ժողով:

Այսպես, “Շրջանառության հարկի մասին” Հայաստանի Հանրապետության օրենքում փոփոխություններ և լրացումներ կատարելու մասին” Հայաստանի Հանրապետության 2014 թվականի հունիսի 21-ի ՀՕ-128-Ն օրենքի 10-րդ հոդվածի վերջին պարբերությունը շարադրվել է հետևյալ խմբագրությամբ.

“Օրենքի 12-րդ հոդվածով սահմանված` ապրանքներ ձեռք բերելու պարտադիր փաստաթղթավորման պահանջը չի տարածվում սույն օրենքն ուժի մեջ մտնելուց հետո մինչև 2015 թվականի հուլիսի 1-ն ընկած ժամանակահատվածում որևէ օրվա դրությամբ առկա ապրանքային մնացորդի վրա, որի մասին հարկ վճարողները մինչև 2015 թվականի հուլիսի 1-ը իրենց հաշվառման վայրի հարկային մարմին են ներկայացնում վերադաս հարկային մարմնի ղեկավարի հաստատած ձևի տեղեկանք:”:

Օրենքն ուժի մեջ է մտնում պաշտոնական հրապարակմանը հաջորդող օրվանից և տարածվում է 2015 թվականի փետրվարի 1-ից ծագած (ծագող) հարաբերությունների վրա:

Մանրամասները` yerkir.am կայքում:

Ավելացվել է փաստաթուղթ

Փաստաթղթեր

“Փաստաթղթեր” բաժնի “Այլ փաստաթղթեր” ենթաբաժնում ավելացվել է հետևյալ փաստաթուղթը.

  • Տեղեկանք առևտրական (առք ու վաճառքի) գործունեություն իրականացնող շրջանառության հարկ վճարողների ապրանքային մնացորդի վերաբերյալ

Պարտադիր գույքագրման պահանջի հետ կապված

219

Արման.

Հարգելի գործընկերներ, հարցս վերաբերում է “Շրջանառության հարկի մասին” օրենքով սահմանված պարտադիր գույքագրման պահանջին: Ասում են, այդ պահանջը հետաձգվել է մինչև 2015թ. փետրվար: Արդյո՞ք դա այդպես է, և ո՞ր օրենսդրական ակտով է այդ հետաձգումը ընդունվել: Շնորհակալություն:

Կառավարությունը հաստատեց. Մինչև փետրվարի մեկը ՓՄՁ ներկայացուցիչները հաշիվ ապրանքագրեր չեն ներկայացնի հարկային մարմիններին

Աղբյուր` lragir.am:

Կառավարությունն այսօրվա նիստում հաստատեց Շրջանառության հարկի մասին օրենքում կատարված փոփոխությունները: Ըստ այդմ՝ մինչև փետրվարի մեկը ՓՄՁ ներկայացուցիչները հաշիվ ապրանքագրեր չեն ներկայացնի հարկային մարմիններին:

Ֆինանսների փոխնախարար Արմեն Ալավերդյանը կառավարության նիստում ասաց, որ քննարկումների արդյունքում պարզվեց, որ փաստաթղթավորման իրացման հետ կապված տեխնիկական խնդիրներ կան: «Մեր տնտեսվարողների մոտ բավական հմտություններ չկային այս պահանջը կատարելու, ժամկետը սուղ էր, խնդիրը լուծում էր պահանջում: Այն ձևանմուշը, որը պետք է տնտեսվարղները ներկայացնեին հարկային մարմնին, դժգոհությունների տեղիք տվեց: Վարչապետի հանձնարարությամբ ֆինանսների նախարարությունն աշխատանքներ է տանում, որպեսզի այդ ձևանմուշը պարզեցվի»,- ասաց Արմեն Ալավերդյանը: Կարդալ ավելին “Կառավարությունը հաստատեց. Մինչև փետրվարի մեկը ՓՄՁ ներկայացուցիչները հաշիվ ապրանքագրեր չեն ներկայացնի հարկային մարմիններին”

Գույքագրման պահանջը կերկարաձգվի մինչեւ 2015թ. փետրվարի 1-ը

Աղբյուր` yerkir.am:

ՓՄՁ շահերը ներկայացնող հասարակական կազմակերպությունների ներկայացուցիչների հետ քննարկումների արդյունքում շրջանառության հարկ վճարողների շրջանում պարտադիր փաստաթղթավորման պահանջի ներդրմամբ ի հայտ են եկել մի շարք տեխնիկական խնդիրներ, որոնք հիմնականում պայմանավորված են մինչև պարտադիր փաստաթղթավորման պահանջի գործողությունը ձեռք բերված ապրանքների գույքագրումը 10-օրյա ժամկետում ավարտելու օրենսդրական պահանջով:

Տնտեսվարողների մտահոգությունները կառավարության կողմից ուսումնասիրվել են և օրենքում առկա ապրանքային մնացորդի գույքագրման կարգավորումները ժամանակային առումով համարվել են խնդրահարույց, մասնավորապես.

1. տնտեսվարողների մոտ առկա բազմաթիվ անուն ապրանքների պարագայում՝ գույքագրման ձևանմուշում լրացման համար պարտադիր մեծ ծավալի տեղեկատվության տրամադրումը,

2. տնտեսվարողների հիմնական մասի մոտ նման ընդգրկուն ձևանմուշների լրացման հմտությունների պակասը:

Հաշվի առնելով վերոնշյալը՝ վարչապետը հանձնարարեց ֆինանսների նախարարին`

ա. Ազգային ժողովի քննարկմանը ներկայացնելու նպատակով 3-օրյա ժամկետում մշակել և կառավարության քննարկմանը ներկայացնել համապատասխան օրենքի նախագիծ, համաձայն որի գույքագրման պահանջը սույն թվականի հոկտեմբերի առաջին տասնօրյակից կերկարաձգվի մինչև 2015 թվականի փետրվարի 1-ը:

բ. Քսանօրյա ժամկետում ներկայացնել առաջարկություններ գույքագրման ձևանմուշը հնարավորինս պարզեցնելու, տնտեսվարողների շրջանում գույքագրման գործընթացի պատշաճ կազմակերմանն ուղղված անհրաժեշտ ուսուցողական դասընթացների անցկացման և այլ անհրաժեշտ վարչարարական քայլերի վերաբերյալ:

Մանրամասները` yerkir.am կայքում:

Ավելացվել է փաստաթուղթ

Փաստաթղթեր

“Փաստաթղթեր” բաժնի “Այլ փաստաթղթեր” ենթաբաժնում ավելացվել է հետևյալ փաստաթուղթը.

  • Տեղեկանք առևտրական (առք ու վաճառքի) գործունեություն իրականացնող շրջանառության հարկ վճարողների կողմից մինչև 2014 թվականի հոկտեմբերի 1-ը ձեռք բերված և 2014 թվականի հոկտեմբերի 1-ի դրությամբ առկա ապրանքային մնացորդի վերաբերյալ

Ապրանքների գույքագրման ցուցակի հաստատված ձև

astxik.

Հարգելիներս!
Որտեղի՞ց գտնեմ 08.09.2014թ. ֆին. նախարարի 588-Ն հրամանը, ապրանքների գույքագրման ցուցակի հաստատված ձևն է: Արլիսում և մի քանի կայքերում ես չկարողացա գտնել, եթե կարող եք, օգնեք: Հարկայիններում կա՞ն, եթե գնել եք, խնդրում եմ սկան տարբերակով ուղարկեք s.arpik շնիկ mail.ru հասցեին, նախապես շնորհակալություն եմ հայտնում:

Պարտադիր գույքագրման հետ կապված

234

laura.

Ընկերությունը գումարային որքա՞ն մնացորդ իրավունք ունի ցույց տալու 2014թ. հոկտեմբերի 01-ի գույքագրման հետ կապված, եթե ընկերությունը դադարեցված է 2010թ.-ից, և գործունեությունը վերսկսել է 2014թ. սեպտեմբերի 01-ից:

Հիմնական միջոցների գույքագրում

Արտակ.

Բարև ձեզ:
Խնդրում եմ պատասխանեք իմ այս հարցին` կազմակերպությունում հիմնական միջոցների գույքագրումն ի՞նչ հաճախականությամբ է անց կացվում:

Ի՞նչ թղթակցություննորով կարելի է ուղղել տարբերությունները

Ռաֆիկ.

Գույքագրման արդյունքում պարզվել է, որ հիմնական միջոցների արժեքները, հաշվեկշռային արժեքները և կուտակված մաշվածությունները տարբերվում են վերջին հաշվետվություններում նշված թվերից (հաշվետվություններում նշված թվերը չեն համապատասխանում իրականությանը): Ի՞նչ թղթակցություննորով կարելի է ուղղել այդ տարբերությունները:

Գույքագրում

Lia.

Սիրելի հաշվապահներ, խնդրում եմ իմ էլ. փոստին ուղարկեք գույքագրման ամբողջ փաթեթը ամենայն մանրամասնությամբ (թե ինչպես է կատարվում գույքագրումը, երբ և այլն) lia.kazaryan շնիկ mail.ru Կանխավ շատ շնորհակալություն:

Արդյո՞ք պարտադիր է գույքագրումը

Վիկտորյա.

Բարև ձեզ, հարգելի կոլեգաներ: Ես խնդրում եմ ինձ ասեք, թե որտեղ կարող եմ կարդալ գույքագրման վերաբերյալ: Ես լսել եմ, որ հիմա էլ պարտադիր չի գույքագրում անցկացնել յուրաքանչյուր տարի: Արդյո՞ք դա ճիշտ է: Եվ որտեղի՞ց կարող եմ դա ճշտել: Շնորհակալություն:

Հիմնական միջոցի ստացում

Հելեն.

Հարգելի հաշվապահներ,
դպրոցին մարզպետը հեռուստացույց է նվիրել: Դա եղել է հունվար ամսում: Որպես հիմնական միջոց պետք է մուտքագրել, բայց չգիտեմ թե ինչ հանձնաժողովով` գնումների՞ (որը կազմվում է ամեն տարվա սկզբում), թե՞ գույքագրման հանձնաժողովով (որը կազմվում է տարվա վերջում` գույքագրման համար):
Իսկ ընդհանրապես` որտեղից կարելի է իմանալ գույքերին և նյութերին վերաբերվող կանոններ:

Գույքագրման արդյունքների արտացոլումը հաշվառման մեջ

Մարիամ.

Բարև ձեզ: Խնդրում եմ գույքագրման արդյունքների արտացոլումը հաշվառման մեջ թեմայով ձեր կայքում տեղադրել տեղեկություններ:Իսկ եթե դա հնարավոր չէ, ապա խնդրում եմ էլ. փոստիս ուղարկեք: Նախապես շնորհակալություն: