Tag: ընդհանուր դաշտ

Լիլիթ․

Բարև Ձեզ։ ՏՏ ոլորտի ԱՁ-ն 2025թ․ աշխատել է ԱԱՀ դաշտում՝ արձանագրելով 20 մլն դրամի հասույթ։ Մյուս կողմից, այդ նույն ԱՁ-ն մեկ այլ կրկին ՏՏ ոլորտի ԱՁ-ի կողմից, որը սակայն աշխատում է շրջհարկով, ստացել է ծառայություն 10 մլն դրամի չափով։ Հարցս հետևյալն է․ արդյո՞ք առաջին ԱՁ-ն կարող է շահութահարկի իմաստով նվազեցնել այդ 10 մլն դրամը, և մյուս ԱՁ- ն պե՞տք է արդյոք այդ 10 մլն ցույց տա 10% տակ շրջհարկի հաշվետվության մեջ, որպեսզի առաջին ԱՁ-ն կարողանա դա ծախս ճանաչել։ Շնորհակալ եմ։

Արթուր․

Եթե ես հանդիսանում եմ մի ՍՊԸ-ի հիմնադիր և տնօրեն, և տվյալ կազմակերպության գործունեությունը դադարեցված է, և նախատեսում եմ գրանցել նոր ՍՊԸ, որտեղ նույնպես հանդես կգամ որպես հիմնադիր և գործադիր տնօրեն։ Այս դեպքում՝ արդյո՞ք կդիտարկվեմ որպես ԱԱՀ վճարող՝ հաշվի առնելով, որ հանդիսանում եմ մեկ այլ ՍՊԸ-ի կանոնադրական կապիտալում մասնակցություն ունեցող անձ, թե՞ դադարեցված կարգավիճակը բավարար է, որպեսզի չհայտնվեմ ԱԱՀ-ի դաշտում։

Հայկ․

Բարև Ձեզ։ Ընդհանուր հարկման դաշտում աշխատող ԱՁ տարեկան սոց վճարը կազմում է 670 000 ՀՀ դրամ, իսկ տարեկան դրոշմանիշային վճարը՝ 120 000 ՀՀ դրամ։ Շահութահարկից կարո՞ղ է նվազեցնել այդ ծախսերը, և կասե՞ք՝ ո՞ր հոդվածով է հիմնավորվում։

Տաթև․

Բարև Ձեզ, հարգելի հաշվապահներ, խնդրում եմ օգնեք հասկանալ, թե ինչ գործողություններ պետք է կատարվեն, երբ Facebook հարթակում կազմակերպությունը գովազդներ է տեղադրում։ Կազմակերպությունը աշխատում է ԱԱՀ-ով, գովազդի համար վճարումը կատարվել է կազմակերպության բիզնես քարտից։ Արդյո՞ք պետք է ինքնահաշիվ գրել։ Եվ ի՞նչ այլ քայլեր են պետք, որպեսզի այդ ծախսը հետագայում կարողանանք նվազեցնել։

Դանիել․

Ես գրանցվել եմ ինչպես ԱՁ (շրջանարության հարկ 1%) 2026 թվի սեպտեմբերին։ Այս տարվա սկզբում չեմ հանձնել 201 ձևը։ Հիմա, երբ փորձում էի հանձնել սովորաբար 286 ձևը, թույլ չտվեց համակարգը։ Ուսումնասիրելուց հետո հասկացա, որ ավտոմատ դարձել եմ ԱԱՀ վճարող։ Խնդրում եմ շտապ օգնել՝ ի՞նչ անել, ու՞մ դիմել։ Ուզում եմ հասկանալ հետևանքները։ Ես ծրագրավորող եմ, ծախսեր չեմ կատարել, աշխատակիցներ չունեմ, այս տարվա առաջին երեգ ամսվա ընթացքում վաստակել եմ ընդհանուր 1 296 376 դրամ։

Աշոտ․

Բարև Ձեզ, կասե՞ք, եթե շրջ. հարկով հարկման հայտարարություն չի տրվել 2026թ-ի համար, ԱՁ-ն ավտոմատ անցել է ԱԱՀ դաշտ, հնարավո՞ր է հետ փոխել հարկման համակարգը։

Տիգրան․

Բարև Ձեզ: Անհատ ձեռնարկատերը 2025թ-հունվարի 01-ից մինչև 2025թ հուլիսի 01-ը գործել է շրջանառության հարկի համակարգում: Խորհրդատվական ծառայությունների մատուցում է իրականացնում: 2025թ հուլիսի 1-ից անցել է ԱԱՀ-ի դաշտ: Հարցս հետևյալում է՝ տարեկան սոց. վճարը և ԱՁ շահութահարկը մինչև 2025թ հուլիսի 1-ը այսինքն շրջանառության հարկով աշխատելու ժամանակահատվածում լինելու և ամսական 5 000 դրամ սոցիալական վճար և շահութահարկ, իսկ հուլիսի 1-ից հետո արդեն կախված շահույթի՞ց։

ԱՁ հարկեր – ի՞նչ հարկեր է վճարում ԱՁ-ն

ԱՁ հարկեր – ի՞նչ հարկեր է վճարում ԱՁ-ն հարցին պատասխանելու համար նախ անհրաժեշտ է հասկանալ, թե ինչ հարկման համակարգեր են գործում Հայաստանի Հանրապետությունում։

Հայաստանի Հանրապետությունում կիրառվում են հարկման երկու հիմնական համակարգեր՝ հատուկ հարկման համակարգերը և ընդհանուր հարկման համակարգը։

Հատուկ հարկման համակարգերը ներառում են միկրոձեռնարկատիրության և շրջանառության հարկի համակարգերը։

Հարկման ընդհանուր համակարգում կազմակերպությունները, անհատ ձեռնարկատերերը և նոտարները հարկվում են ԱԱՀ-ով և շահութահարկով։

Նարինե․

Բարև Ձեզ, ունեմ 2 հարց շահութահարկի հաշվետվության հետ կապված․

1․ ԱԱՀ-ով աշխատող ՍՊԸ-ն 2024 թիվը փակել է հարկային վնասով։ Կարելի՞ է հաջորդ 5 տարիների շահութահարկի հաշվետվության մեջ 76 տողում նշել այդ գումարը և նվազեցնել վճարման ենթակա գումարը

2. 2025 թվականին ընկերության հիմնադրին վճարվել է շահաբաժին։ Արդյո՞ք հաշվետվության 80 տողը դրան վերաբերելի է

Քրիստինե․

Բարև բոլորին։ Կազմակերպությունը, որն աշխատում է ընդհանուր հարկման դաշտում, կարո՞ղ է ձեռք բերել բնակարան, որի համար դիմացի կողմը հաշիվ է դուրս գրելու մեզ։ Ի՞նչ հարկեր են առաջանում։ Հետո կարո՞ղ է այդ բնակարանը վաճառի, այդ դեպքում ի՞նչ հարկեր են առաջանում։ Խնդրում եմ օգնեք հասկանամ։

Վանուհի․

Բարև Ձեզ։ Եթե մինչև փետրվարի 20-ը ԱՁ-ն չի ներկայացրել շրջ․ հարկով աշխատելու դիմում և դարձել է ԱԱՀ-ով աշխատող, արդյո՞ք այն հաշիվ-վավերագրերը, որոնք դուրս են գրվել հունվար և փետրվար ամիսներին, պիտի փոփոխվեն և դուրս գրվեն հարկային հաշիվների տեսքով։ Կանխավ շնորհակալություն։

Նարինե․

Բարև Ձեզ, խնդրում եմ ասեք՝ ԱԱՀ-ով աշխատող ՍՊԸ-ն արդյո՞ք կարող է ծախս ճանաչել գնորդի ՀՎՀՀ-ով ՀԴՄ կտրոնում արտացոլված ապրանքների գումարը։

Արմինե․

Հարգելի մասնագետներ,

ԱԱՀ վճարող կազմակերպությունը ֆիզիկական անձից վարձակալել է տարածք՝ համապատասխան պայմանագրի հիման վրա։ Հարկային հաշվառման տեսանկյունից վարձավճարը որպես ծախս ճանաչելու համար արդյո՞ք բավարար է սովորական պայմանագրի առկայությունը, թե՞ անհրաժեշտ է նաև այն հաստատել նոտարով։ Նախապես շնորհակալություն։

Ավիկ․

Հաշվապահներ ջան, ԱՁ-ն միկրոյի դիմում չի ներկայացրել, այսինքն ընկել է հարկման ընդհանուր դաշտ։ Կասե՞ք՝ ի՞նչ վճարներ ունի վճարելու, եթե անցյալ տարում դեռ չի ունեցել գործունեություն և այս տարում նույնպես։

Արմինե․

Սիրելի հաշվապահներ, ԱԱՀ վճարող համարվող ԱՁ դադարեցման դիմում է ներկայացրել։ Այժմ ցանկանում է գործունեություն ծավալել որպես ֆիզիկական անձ՝ միկրոձեռնարկատիրության համակարգում։ Արդյո՞ք դա հնարավոր է ԱՁ առկայության պայմաններում։ Շնորհակալություն։

Անահիտ․

Բարև Ձեզ: Արդյո՞ք ՀԿ-ի համար ներկայացնում են դիմում հատուկ հարկման համակարգի ընտրման համար մինչև փետրվարի 20-ը:

Լիկա․

Ողջույն։ Հարցս հետևյալն է․ ԱԱՀ հարկման դաշտում գործող ՍՊԸ-ն վարձակալում է տարածքը ֆիզ անձից, միևնույն ժամանակ ցանկանում ենք էլեկտրաէներգիայի մասով ծախսը ցույց տալ, սակայն տարածքի էլեկտրաէներգիան արտադրվում է լիզինգով ստացված արևային կայանով, որը մի ուրիշ ԱՁ-ի անունով է, մի փոքր խճճված է ստացվում, բայց կխնդրեի պարզաբանել իրավիճակը, որպեսզի հետագայում ՍՊԸ-ի համար խնդիրներ չառաջանան, օգտագործված հոսանքի հարցը կարողանանք լուծել, ի՞նչ տարբերակ կա նման տվյալ պարագայում։ Շնորհակալ եմ շատտտտ։

Լակա․

Բարև ձեզ, հարգելի հաշվապահներ, այսպիսի մի հարց ունեմ․ կազմակերպությունը ԱԱՀ վճարող է, ներմուծել է ձեռքի ժամացույցներ և նվիրել իր աշխատակիցներին և գործընկեր կազմակերպությունների ղեկավարներին։ Ինչպե՞ս ծախս ճանաչել, հարկվու՞մ է, թե՞ ոչ, կարո՞ղ եք նշել օրենքի հոդված։ Կանխավ շնորհակալ եմ։

Անի․

Հարգելի հաշվապահներ, խնդրում եմ օգնեք լրացնել շահութահարկի հաշվետվությունը։ Ա/Ձ-ն աշխատում է ԱԱՀ-ի դաշտում և զբաղվում է սանտեխնիկայի արտադրությամբ, շրջանառությունը առանց ԱԱՀ կազմում է 2 330 000 դրամ, չունի աշխատողներ, ունի ստացված հարկային հաշիվ 01․07․2026թ-ով (ԱԱՀ-ով 132 000 դրամ), իսկ 2025թ-ով ունի մեկ գնված ապրանք խանութից, որի ՀԴՄ-ում ներառվել է ՀՎՀՀ-ն, արժեքը 27 090 դրամ։ Խնդրում եմ ասեք՝ համախառն եկամուտ դաշտում ինչ թիվ պետք է լրացնել, և նվազեցումների մեջ կարո՞ղ եմ ներառել 2026թ-ին ստացված հաշվի տվյալները, և եթե ԱԱՀ-ով շրջանառությունը կազմել է 2 796 000 (առանց ԱԱՀ 2 330 000), արդյո՞ք պետք է վճարվի առողջապահության ապահովագրության տարեկան վճար։

Խնդրում եմ նշեք նաև՝ ի՞նչ տոկոսով է հաշվարկվում արտադրությամբ զբաղվող Ա/Ձ-ի շահութահարկը։

Հայկ․

Բարև Ձեզ։ Եռակողմ համաձայնագիր է կազմվել երեք ԱԱՀ-ով հարկվող ընկերությունների միջև։ Կողմ 2-ը պարտք է Կողմ 1-ին 80 000 000 ՀՀ դրամ, Կողմ 1-ը պարտք է Կողմ 3-ին 20 000 000 ՀՀ դրամ։ Համաձայնագրում նշված է, որ Կողմ 2-ի և կողմ 3-ի հիմանդիրները նույն մարդիկ են և համաձայնության են եկել, որպեսզի Կողմ 1-ը ունեցած պարտավորությունը կողմի 3-ի նկատմամբ 20 000 000 դրամը վճարի կողմի 2-ին, ինչի արդյունքնում փոխմարելով կստացվի, որ կողմ 2-ը պարտքի է կողմ 1-ին 60 000 000 ։ Սա արդյո՞ք կհամարվի պարտքի զիջում և ինչ որ կողմի համար կառաջացնի հարկային պարտավորություն։

Արմեն․

Հարգելի գործընկերներ, ընդհանուր հարկման դաշտում գործող կազմակերպությունը վարկ ունի, որի տոկոսի մի մասը սուբսիդավորվում է պետության կողմից։ Արդյո՞ք սուբսիդիան հարկվում է շահութահարկով։

Գոհար․

Եթե անցել եմ միկրոյի 24 միլիոն դրամ շեմը երկար ժամանակ, ինչպե՞ս վարվեմ հունվարից անցնեմ շրջհարկի, և այսքան ժամանակ ավտոմատ անցե՞լ եմ ԱԱՀ-ի։

Վիկա.

Բարև Ձեզ։ Զբոսաշրջության և թարգմանության ոլորտի հետ կապված է հարցս: ԱՁ բացելուց ի՞նչ է անհրաժեշտ, և շրջհարկո՞վ է լինելու, թե՞ ԱԱՀ։ Նախապես շնորհակալություն։

Էլինա․

Հարգելի հաշվապահներ, ինչպե՞ս է ֆիզիկապես դուրս գրվում / ապաճանաչվում 0 ՀՀ դրամ հաշվեկշռային արժեքով և ՕԾԺ լրացած, գույքը ընդհանուր հարկման դաշտում աշխատող ՍՊԸ-ում։ ՀՕ 122-ով կորստի ճանաչումը և N 1261-Ն որոշման դրույթները վերաբերվում են շահութահարկի հարկման բազայի նվազեցումներին, իսկ եթե հարկման բազայի որոշման նպատակ չկա՞։ Կա՞ արդյոք մի որոշում, որը կարգավորում է գույքի դուրս գրման փաստը, և արդյո՞ք վերահսկող մարմնի հետաքրքրության տեսադաշտում է այս հարցը։ Շնորհակալ եմ։

Արազ․

Բարև ձեզ, գրանցված եմ որպես ԱՁ և տարվա սկզբին մոռացել եմ շրջհարկի հետ կապված հայտարարություն ներկայացնեմ: 08.04.2025 ներկայացրե եմ ձև 216 օնլայն հարթակում, իսկ հիմա, երբ ուզում եմ լրացնեմ 286 ձևը 2025 երկրորդ եռամսյակի համար, համակարգը նշում է, որ տվյալ ժամանակահատվածում չեմ համարվել շրջանառության հարկ վճարող: Իսկ ԱԱՀ հաշվետվություն ներկայացնելուց էլ նշվում է՝ այս տարվա համար չեմ գրանցվել որպես ԱԱՀ վճարող: Կասե՞ք՝ ինչ պետք է անեմ:

Նարինե․

Բարև Ձեզ, եթե մի կազմակերպությունը ԱԱՀ-ով հարկվող ՍՊԸ է, ցանկանում է ստեղծել այլ ՍՊԸ, որտեղ ինքը հանդիսանում է որպես 100% բաժնետեր, ապա նոր ստեղծված ՍՊԸ-ն ի՞նչ հարկով է հարկվելու։ Տվյալ նոր ՍՊԸ-ն եթե շահաբաժին է վճարում իր հիմնադիր ընկերությանը, ապա դրանից ի՞նչ հարկեր են առաջանում։ Հիմնադիր ընկերությունը նոր ստեղծած ընկերության ծախսերի համար ներդրումները ի՞նչ ձևով կարող է անել՝ փոխանցման, թե՞ փոխառության ձևով։

Հերմինե․

Բարև Ձեզ։ Շրջանառության հարկով աշխատող ԱՁ-ն կարո՞ղ է դուրս գրել հարկային հաշիվ, հանձնել ԱԱՀ հաշվարկ և վճարել ԱԱՀ, եթե գործընկերը միայն այդ պայմանով է համաձայն համագործակցել։ Շահութահարկի դաշտ անցնելու ռիսկ կա։

Սեդա․

Բարև Ձեզ։ Ընկերությունն ԱԱՀ վճարող է և կատարել է գովազդային ծախսեր: Խնդրում եմ ասեք՝ շահութահարկի գծով ամբողջությամբ ծախս ճանաչվու՞մ է, թե՞ ոչ:

Գայանե․

Բարև Ձեզ, հարգելի հաշվապահներ, խնդրում եմ օգնել հետևյալ հարցում։ ՍՊԸ-ն, որի գործունեությունը արվեստի բնագավառն է, ունի միայն տնօրեն գրանցված, միջոցառումներ է կազմակերպում, մրցույթ փառատոններ, երեխաներն էլ անդամավճար են մուծում կազմակերպության հաշվին։ Նախորդ տարիների աշխատել է շրջհարկով, այս տարի շրջհարկի դիմումը չի ներկայացվել, մոռացել են։ Հիմա արդեն ԱԱՀ-ի դաշտ են ընկել։

Հարց 1․ Հիմա պե՞տք է նորից ԱԱՀ-ի հայտարարություն տալ

Հարց 2․ Կազմակերպությունը մեքենա է գնել, և 451 000 դրամ հարկ է վճարել։ Հիմա որ ԱԱՀ-ի դաշտ է ընկել, հնարավո՞ր է 20 % -ից նվազեցնել, և եթե հնարավոր է, ինչպե՞ս պետք է անել։

Խնդրում եմ օգնել, նախապես շնորհակալ եմ։

Վահե․

Հարգելի հաշվապահներ, կազմակերպությունը աշխատում է ընդհանուր հարկման դաշտում և զբաղվում է սննդամթերքի արտադրությամբ, ժամկետանց իրացված ապրանքի վերադարձի ժամանակ նվազեցնում է այդ ապրանքի արտադրության հետ կապված ԱԱՀ։ Հարց․ Շահութահարկի հաշվարկում այդ չնվազեցված ԱԱՀ կարելի՞ է ծախս ճանաչել, խնդրում եմ հղում տալ օրենքի հոդվածին: