Tag: ոչ ռեզիդենտ

Կրեդիտորական պարտքի փոխանցում երրորդ կողմին

Ժաննա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում․

Եթե ՀՀ ռեզիդենտ ՍՊԸ-ն ունի կրեդիտորական պարտք ոչ ռեզիդենտ ՍՊԸ-ին, և այդ ՍՊԸ-ն զիջում է մեր պարտքը մեկ այլ ոչ ռեզիդենտ ՍՊԸ-ի։ Ասացեք խնդրեմ՝ ի՞նչ հաշվապահական ձևակերպումներ պիտի տամ, և ի՞նչ փաստաթղթեր են անհրաժեշտ, արդյո՞ք պետք է պարտքի փոխանցման եռակողմ համաձայնագիր։

Նկարչական ծառայություններ

Թինա․

Բարև Ձեզ, հարգելի հաշվապահներ։ Ֆիզիկական անձը նկարչական ծառայություններ է մատուցում ՀՀ տարածքից դուրս գտնվող ոչ ռեզիդենտ IT ֆիրմային: Հարցերս հետևյալն են․

1․ Ֆիզ անձի մատուցված ծառայությունները կարո՞ղ են համարվել որպես ստեղծագործական ծառայություններ, և նա կկարողանա աշխատել միկրոձեռնարկատիրության դաշտում

2․ Ֆիզ անձը նախօրո՞ք պիտի ՀՎՀՀ վերցնի 2024թ․ համար և դուրս գրված հաշիվներում այդ ՀՎՀՀ-ն նշի։

Նախապես շնորհակալություն։

Պե՞տք է գրել ինքնահաշիվ

Լիլիթ․

Հարգելի հաշվապահներ, հարցս հետևյալն է․ եթե ՀՀ ռեզիդենտ Ընկերությունը աշխատում է ընդհանուր հարկման դաշտում և ՌԴ ԱՁ-ից ծառայություններ է ստանում, արդյո՞ք պետք է դուրս գրել ինքնահաշիվ և արդյո՞ք ԱՁ ին տրված եկամուտը կհարկվի եկամտային հարկի 20% -ով։ Նշեմ նաև, որ ծառայությունը իրենից ներկայացնում է տեխնիկական փաստաթղթերի ճշգրտում։

Օտարեկրացին ծառայություն է մատուցել կազմակերպությանը

Սերգեյ․

Բարև Ձեզ: Խնդրում եմ օգնել հետևյալ հարցում:

Հայկական ՍՊԸ-ն տեսահոլովակ է պատրաստում և պատվիրում է նկարչական ծառայություններ քաղաքացիաիրավական պայմանագրով այդ տեսահոլովակի համար օտարերկրյա (ոչ ԵԱՏՄ և ԱՊՀ անդամ երկրի) քաղաքացի հանդիսացող ֆիզю անձին, որը չունի ՀՀ կացություն:

1. Կարո՞ղ է հայկական ՍՊԸ-ն վճարել գումար օտարերկրյա քաղաքացուն: Եթե այո, ապա ո՞նց է հարկվում:

2. Եթե չի կարող, ապա ի՞նչ հնարավոր ձևեր կա էդ մարդուն կցել նախագծի աշխատանքներին: Նա պետք է ծառայություն մատուցի և ստանա վճար, սա աշխատավարձ չէ:

Կանխավ շնորհակալություն:

Ինքնահաշիվ

Արեն․

Բարև ձեզ: Ոչ ռեզիդենտ կազմակերպությունը ՀՀ ռեզիդենտ կազմակերպությանը ծառայություն է մատուցել: Պայմանագրի մեջ գործարքի գումարը նշված է 20 000 ԱՄՆ դոլլար, և ՀՀ կազմակերպությունը 20 000 ԱՄՆ դոլլար է փոխանցել:

Հիմա պետք է դուրս գրեմ մատակարարի անունից հարկային հաշիվ: Հաշվի մեջ պե՞տք է նշված լինի 20 000 + 4 000 ԱԱՀ, թե՞ սխալվում եմ։

Հաշվի տեսակը մատակարարի անունից

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Առաջանու՞մ է արդյոք ռոյալթի

Անի․

Կազմակերպությունը գնել է Microsoft-ի Power Pi ծրագրի օգտագործման տարեկան բաժանորդագրություն, ռեզիդենտության սերտիֆիկատը կա, ոչ ռեզիդենտի շահութահարկով չի հակվել, բայց առաջանու՞մ է արդյոք ռոյալթի։

Պե՞տք է գրել ինքնահաշիվ

Նունե․

Հարգելի հաշվապահներ, ԱԱՀ-ով աշխատող կազմակերպությանը ծառայություն է մատուցել Ռուսաստանում գրանցված և հարկեր մուծող կազմակերպությունը, ունեմ invoice։

1. Պե՞տք է գրել ինքնահաշիվ

2. Շահութահարկից նվազեցվու՞մ է այդ ծախսը

Օտարերկրյա ընկերության հաշիվ

Գուրգեն․

Բարև ձեզ։ Ասացեք խնդրեմ՝ կարո՞ղ է եվրոպական արտադրողը հաշիվ դուրս գրել հայկական ընկերության անունով, սակայն ֆրանսիական հասցեով (որտեղ բնակվելու եմ գործուղման ընթացքում), որպեսզի ես այդ հաշվի հիման վրա տեղական բանկից վճարում կատարեմ, սակայն ապրանքը ինձ հետ բերեմ գործուղումից հետ գալուց: Շնորհակալություն։

Booking.com – ից ստացված հաշիվ

Մերի․

Բարև Ձեզ։

Booking – ով ստացած հաշվի համար գրու՞մ եմ ինքնահաշիվ և վճարումից հետո 20 տոկոս ոչ ռեզիդենտի շահութահա՞րկ եմ վճարում։

Հաշվի գումարը 1649,54 եվրո է։

Հարցս հետևյալն է․ 20 տոկոսը պահում եմ booking-ին վճարում եմ 1649,54-20 տոկոսը, թե՞ ամբողջ գումարն եմ փոխանցում, 20 տոկոսը հարկային գործակալի վրա է մնում ու չի ծախսագրվում։

Օտարերկրյա ընկերության գործունեություն ՀՀ-ում

Տիգրան․

Ողջույն։ Կարելի՞ է արտասահմանյան կազմակերպության միջոցով Հայաստանում իրականացնել գործունեություն։ Կազմակերպությունը բրիտանական է, տեսակը LTD (LIMITED)։ Նախապես շնորհակալություն։

Շրջանառության հարկի նվազեցումներ

Լիլիթ.

Բարև ձեզ։ Շրջանառության հարկով աշխատող ընկերությունը ձեռք է բերել բժշկական սարքավորումներ ՀՀ-ում գործող ներմուծող ընկերությունից, ու արտահանում, իրացնում է ոչ ռեզիդենտ կազմակերպության: Շրջհարկի ի՞նչ նվազեցումներ են կատարվելու։

Ոչ ռեզիդենտի շահութահարկի ձևակերպում

Նարեկ․

Հարգելի հաշվապահներ, խնդրում եմ օգնել տալ հաշվապահական ձևակերպումները ոչ ռեզիդենտից ստացված ծառայությունների մասով, օրինակ՝ 01․09․2023-ին ստացվել է ծառայություն ոչ ռեզիդենտ կազմակերպությունից՝ 100 դոլար արժեքով, վճարվել է քարտով 01․09․2023-ին 100 դոլար, ինքնահաշիվ դուրս է գրվել 07․09․2023-ին, խնդրում եմ տալ հաշվապահական ձևակերպումները և պատասխանել հարցին՝ ո՞ր փոխարժեքով արժեքը հիմք վերցնել ծառայությունը ծախս ճանաչելու համար՝ ինքնահաշվի փոխարժեքը, թե՞ վճարման օրվա փոխարժեքը։

Աշխատակցի գրանցում

Հռիփսիմե․

Բարև ձեզ։ Կարո՞ղ եմ թաքսերվիզում ընդունել մի աշխատակցի, ով բնակվում է ոչ ՀՀ-ում և ընդունվում է աշխատանքի քաղիրավական պայմանագրով։

Արդյո՞ք անձը ՀՀ ռեզիդենտ է

Lili.

ՀՀ քաղաքացին, որը բնակվում է ԱՄՆ-ում արդեն 2 տարուց ավելի, ստացել է աշխատանքի առաջարկ այլ երկրում (ոչ ՀՀ-ում) սկսած սույն թվականի հոկտեմբեր ամսից։ ՀՀ-ում լինում է ոչ ավել, քան տարեկան մոտավոր 60 օր։ Քաղաքացին ունի սեփական բնակարան ՀՀ-ում։ Հաշվի առնելով այս տեղեկությունները, խնդրում եմ պարզաբանել հետևյալ հարցերը․

1․ Արդյո՞ք քաղաքացին հանդիսանում է ՀՀ-ի ռեզիդենտ և հետևաբար հարկ վճարող, եթե այո, ապա

2․ ի՞նչ հարկեր են առաջանում, ի՞նչ չափով և ի՞նչ է անհրաժեշտ անել օրենքի շրջանակներում առաջացած հարկերը վճարելու համար

Կանխավ շնորհակալություն։

Բաժնեմասի գնում

Nora.

Բարև Ձեզ։ ՀՀ ռեզիդենտ կազմակերպությունը (ԱԱՀ վճարող) ՌԴ ռեզիդենտ կազմակերպությունում ցանկանում է բաժնեմաս կամ այլ ալտիվներ գնել: ՀՀ կազմակերպությունում ինչ որ հարկային պարտավորութուններ առաջանու՞մ են։

Պայմանագիր ոչ ռեզիդենտի հետ

Ժաննա․

Բարև Ձեզ, հարգելի հաշվապահներ։ Ասացեք խնդրեմ՝ եթե հայկական ՍՊԸ-ն ծառայությունների մատուցման պայմանագիր է կնքում Բրիտանիայի քաղաքացու հետ (բրիտանացին մեզ մատուցելու է խորհրդատվական ծառայություններ), ապա ինչպե՞ս պետք է կատարեմ վճարումը, և ինչպիսի՞ հարկեր են առաջանում։ Շնորհակալություն։

Ո՞ր ամսում հաշվանցել ԱԱՀ-ն

Անի․

Բարև ձեզ, հարգելի մասնագետներ։ Խնդրում եմ օգնել. մեր կազմակերպությունը ԱԱՀ վճարող է, 2023թ. ապրիլին ծառայության ձեռքբերում է ունեցել ոչ ռեզիդենտ կազմակերպությունից: ԱԱՀ-ի ապրիլ ամսվա ԱԱՀ-ի հաշվարկի մեջ ցույց եմ տվել “այլ հարկային պարտավորություն” տողում և վճարել եմ բյուջե, ինքնահաշիվ եմ դուրս գրել մայիսին: Հարցը․ հարկի հաշվանցումը արդյո՞ք կատարվում է մայիս ամսում։

Արդյո՞ք առաջանում է ոչ ռեզիդենտի շահութահարկ

Լուսինե․

Բարև ձեզ։ Օնլայն դպրոցը գումարը փոխանցում է Հայաստանից դուրս գտնվող օնլայն սերվիսին, որ այդ սերվիսը գումարները փոխանցի դասավանդողներին։ Այս դեպքում ոչ ռեզիդենտի շահութահարկ չի առաջանում, ճի՞շտ եմ։

Շահութահարկի նվազեցում

Արեն․

Բարև ձեզ, հարգելի հաշվապահներ: Խնդրում եմ օգնեք հետևյալ հարցում: Կազմակերպությունը հանդիսանում է ԱԱՀ վճարող: Իրականցնում է ՏՏ ոլորտի ծառայությունների մատուցում օտարերկրյա կազմակերպություններին: 2023 թվականին հունիսի 30 ին կատարել է ՏՏ ոլորտի ծառայության մատուցում 45 000 դոլլարի չափով:

ՀՀ կազմակերպությունը այլ ոչ ռեզիդենտ կազմակերպության հետ ունի պայմանագիր և 01.03.2023 թվականից մինչև 2023 թվականի դեկտեմբերի 31 ը ոչ ռեզիդենտ կազմակերպությունը ՀՀ կազմակերպությանը պետք է մատուցի խորհրդատվական, մարկետինգային և վերապատրաստման ծառայություններ ամբողջ արժեքը 30 000 ԱՄՆ դոլլար:

Հարց 2023 թվականի շահութահարկը հաշվարկելիս կարո՞ղ է ՀՀ կազմակերպությունը 45 000 դոլլար համախառն եկամտից նվազեցնել 30 000 ԱՄՆ դոլլար ծախսը։ Կա՞ որևէ սահմանափակում։

Կազմակերպության բաժնետերը ոչ ռեզիդենտ է

Անուշ․

Բարև Ձեզ, խնդրում եմ պարզաբանել, եթե կազմակեպությունը գրանցված է ՀՀ-ում, իսկ 100% բաժնետերը ոչ ռեզիդենտ է, ապա կազմակերպությունը կհամարվի ռեզիդենտ, թե՞ ոչ ռեզիդենտ։ Շնորհակալություն։

Ի՞նչ հարկեր կառաջանան

Հ.

Գերմանիայի ռեզիդենտ ֆիզիկական անձը ծառայություն է մատուցում ՀՀ ռեզիդենտ ՏՏ հավաստագիր ունեցող կազմակերպությանը։ Ի՞նչ հարկեր կառաջանան այս դեպքում։

Ի՞նչ հարկեր են առաջանում

Թ․

Բարև ձեզ։ Կազմակերպությունը օգտվում է Թվիթերից և գովազդ է տեղադրում այնտեղ։ Ի՞նչ հարկեր են առաջանում նշված ծառայության մատուցումից։

Արդյո՞ք առաջանում է ոչ ռեզիդենտի շահութահարկ

Լուսինե․

Բարև ձեզ։ Շրջանառության հարկով աշխատող կազմակերպությունը գումար պետք է փոխանցի Ամերիկայի կազմակերպությանը, որը զբաղվում է մենեջմենթով, արտիստներ է ուղարկելու Հայաստան։ Արդյո՞ք այս դեպքում առաջանում է ոչ ռեզիդենտի շահութահարկ։

Առաջանու՞մ է ոչ ռեզիդենտի շահութահարկ

Լուսինե․

Շրջանառության հարկով աշխատող կազմակերպությունը ոչ ռեզիդենտ ընկերությանը վճարում է ծառայությունների մատուցման համար։ Այս դեպքում առաջանու՞մ է ոչ ռեզիդենտի շահութահարկ։

Վճարում ոչ ռեզիդենտին

Ժաննա․

Բարև Ձեզ, հարգելի հաշվահներ, խնդրում եմ օգնել․ ՍՊԸ-ն վճարում է ոչ ռեզիդենտ ֆիզ․ անձի ZOOM հարթակի օգտագործման համար, այն ամերիկյան է և ՀՀ ԱՄՆ-ի հետ կրկնակի հարկումը բացառելու մասին պայմանագիր չունի։ Խնդրում եմ ասեք, թե ի՞նչ հաշվետվություններ պետք է հանձնել, և ի՞նչ հարկեր պիտի վճարենք։ Ինվոյսի վրա երևում է, որ ԱԱՀ արդեն ներառված է։

Ո՞ր օրվա փոխարժեքը կիրառել

Քրիստինե․

ԱՁ-ն ծառայություններ է մատուցել արտասահմանյան կազմակերպության, վճարումը ստացել արտարժույթով: Հարց – հաշիվ վավերագիր դուրս գրելիս, եթե ծառայությունը մատուցվել է ամսի 10-ին, իսկ հաշիվը դուրս գրվել 14-ին, կուրսը հաշվում ենք ամսի 10-ի դրությամբ, թե՞ 14-ի։ Շնորհակալ եմ:

Համատեղ գործունեություն օտարերկրյա ընկերության հետ

Գրիգոր․

Բարև ձեզ։ Օգնեք հասկանալ սա․ եթե ՏՏ կազմակերպությունը օտարերկրյա կազմակերպությունից ձեռք է բերել օնլայն բազա, ավելի կոնկրետ օտարերկրյա կազմակերպությունը տրամադրել է բազմաֆունկցիոնալ օնլայն հարթակի օգտանուն գաղտնաբառ, կա պայմանագիր, որ տվյալ օնլայն հարթակում և ՀՀ ռեզիդենտ, և օտարերկրյա կազմակերպությունը միասին պետք է մշակեն ծրագրեր և հասցնեն վերջնական մակարդակի, այսինքն առանց օտարերկրյա կազմակերպության մուտքի և գործունեության ՀՀ ֆիրման չի կարող վերջնական պրոդուկտ ստանալ։ Այս գործունեությունը ի՞նչ տեսակի գործունեություն է։ Ի՞նչ հարկեր կարող են առաջանալ։ Պասի՞վ եկամուտ է, թե՞ ոչ։

Կարո՞ղ է դիտվել որպես ռոյալթի

Կառլեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում՝ եթե ոչ ռեզիդենտից ձեռք են բերում համակարգչային ծրագրից օգտվելու իրավունք, այդ համակարգչային ծրագիրը փաստացի սեփականության իրավունքով չի պատկանում ոչ ռեզիդենտին, սա կարո՞ղ է դիտվել որպես ռոյալթի։

Ռեզիդենտությունը հավաստող տեղեկանք

Արեն.

Բարև ձեզ, հարգելի հաշվապահներ: ՀՀ ռեզիդենտ կազմակերպությունը Ղազախստանի Հանրապետության ռեզիդենտ կազմակերպությունից ձեռք է բերել ծրագրի օգտագործման իրավունք: Ղազախստանի Հանրապետության կազմակերպությունից ստացել են ռեզիդենտությունը հավաստող տեղեկանք: Այդ տեղեկանքը բավարա՞ր է արդյոք ոչ ռեզիդենտի շահութահարկից ազատվելու համար։ Նաև հավելյալ հարց, եթե ծրագրի օգտագործման իրավունքը տրամադրվել է 8 ամիս ժամկետով, ոչ ռեզիդնետի ԱԱՀ-ի մասով մատակարարի անունից հաշիվ դուրս գրել և ԱԱՀ վճարել, կարո՞ղ ենք 8 ամսյա ժամկետը, երբ ավարտվի այդ ժամանակ կատարել։

Պե՞տք է գրել ինքնահաշիվ

Աննա․

Բարև Ձեզ, Կրոնական կազմակերպություն ոչ ռեզիդենտ կազմակերպությունից ստացել է ծառայություն (Facebook-ից գովազդ)։ ԿԿ հանդիսանում է հարկային գործակալ, պե՞տք է գրել ինքնահաշիվ այդ դեպքում։

Ի՞նչ հարկեր են առաջանում

Լուսինե․

Բարև ձեզ։ Ռեզիդենտ կազմակերպությունը գումար է ստանում Ղազախստանի ֆիզիկական անձից ծառայության դիմաց։ Այս դեպքում ի՞նչ հարկեր կարող են առաջանալ։

Ինքնահաշիվ ոչ նյութական ակտիվի ձեռքբերման դեպքում

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

Ինքնահաշիվ գրելու պարտավորություն

Ռուբեն․

Բարև ձեզ, հարգելի հաշվապահներ։ ՀՀ ռեզինդենտ կազմակերպությունը Ղրղզստանի կազմակերպությունից ստացել է թույլտվություն ՝ օնլայն հարթակի մուտքի, որի դիմաց վճարվել է գումար։ Տվյալ օնլայն հարթակի մուտքի համար ՀՀ ռեզիդենտ կազմակերպությանը էլ․ փոստով ուղարկվել է կոդեր օնլայն հարթակի մուտքի համար։ ՀՀ ռեզիդենտ կազմակերպությունը տվյալ օնլայն հարթակի միջոցով այլ օտարերկրյա կազմակերպություններին պետք է մատուցի էլեկտրոնային ծառայություններ։ Թույլտվության ժամկետը սահմանված է մեկ տարի։ Խնդրում եմ պատասխանել հետևյալ հարցերի։

Հարց 1․ այս գործարքը կդիտվի՞ որպես ՀՀ-ում մշտական հաստատություն չունեցող ոչ ռեզիդնետ կազմակերպության կողմից ՀՀ կազմակերպությանը ծառայության մատուցում։ Եթե այո, ապա արդյո՞ք պետք է ՀՀ կազմակերպությունը դուրս գրի ինքնահաշիվ

Հարց 2․ Ռեզիդենտության տեղեկանքը պահանջել և ստացել է ՀՀ ռեզիդենտ կազմակերպությունը։ Այս փաստաթուղթը բավարա՞ր է որպես հարկային գործակալ ոչ ռեզիդնետի շահութահարկի վճարումից ազատվելու համար

Հարց 3․ Եթե ծառայության մատուցման ավարտը մեկ տարի հետո է, եթե ինքնահաշիվը գրվի հաջորդ տարի, արդյո՞ք շահութահարկի մասով ծախսագրման խնդիրներ կարող ենք ունենալ։ Նշեմ, որ ՊԵԿ պարզաբանմամբ տվյալ գործարքը շահութահարկի տեսանկյունից դիտվելու է որպես ոչ նյութական ակտիվ

Հարց 4․ ԱԱՀ-ի հաշվետվության մեջ ե՞րբ և ինչպե՞ս արտացոլել տվյալ գործարքը

Ոչ ռեզիդենտի շահութահարկի ձևակերպում

Աննա․

Կազմակերպութունը աշխատում է ԱԱՀ-ի դաշտում, փետրվար ամսին Պարսկաստանից ներմուծում է իրականացրել, մատուցվել է բեռնափոխադրման ծառայություն ոչ ռեզիդենտի կողմից 1500 դոլլար արժողությամբ, դա ՀՀ տարածքում, ուղարկվել է 209 ձևը, 5 տոկոս հարկվել է դրամային համարժեքը։ Խնդրում եմ ասել՝ ինչպե՞ս ՀԾ-ում ձևակերպել ոչ ռեզիդենտի շահութահարկը: Կանխավ շնորհակալություն։

Facebook 2023 տեղեկանք

Ռուզաննա․

2023թ. Facebook-ի կրկնակի հարկումը բացառող համաձայնագիր ունե՞նք։

Ոչ ռեզիդենտի շահութահարկ

Լուսինե․

ԱԱՀ-ով աշխատող ԱՁ-ն ներմուծում է ապրանք ՌԴ-ից։ Բեռնափոխադրումը կատարում է Ռուսական ընկերություն։ Այս դեպքում ոչ ռեզիդենտի շահութահարկ վճարվու՞մ է։

Ծրագրի ձեռքբերում ոչ ռեզիդենտից

Eliza.

Բարև Ձեզ, հարգելի հաշվապահներ։ Խնդրում եմ պատասխանել մի քանի հարցի.

ՀՀ Ընկերությունը ոչ ռեզիդենտ կազմակերպություններից ձեռք է բերում համակարգչային ծրագիր և լիցենզիա: Երկու ձեռքբերումների ընթացքում էլ ոչ ռեզիդենտ կազմակերպությունների կողմից որևէ ծառայություն կամ աշխատանք չի մատուցվում:

1.Տվյալ երկու դեպքերում արդյո՞ք առաջանալու է ոչ ռեզիդենտի շահութահարկի պարտավորություն, թե՞ ոչ

2.Ծրագիր ձեռք բերելու դեպքում ինքնահաշիվ դուրս չի գրվելու, չէ՞։

Ռուսական ընկերության հաշիվ ՀՀ-ում

Գայանե․

Բարև Ձեզ: Ասացեք խնդրեմ՝ ռուսական կազմակերպությունը իրավունք ունի՞ Հայաստանյան որևիցե բանկում բացել հաշիվ: Շնորհակալ եմ։

Էլեկտրական մեքենայի ներմուծում

Լուսինե․

Բարև ձեզ։

ՍՊԸ-ն, որը աշխատում է շրջանառության հարկով, ցանկանում է ներմուծել էլեկտրական մեքենա։ Այս դեպքում կարո՞ղ է օգտվել արտոնությունից, և ի՞նչ հարկեր կառաջանան, եթե ձեռք բերի ոչ ռեզիդենտ ֆիզիկական անձից։

Գտնել բեռնափոխադրող ընկերություն

Սոց. վճար ՌԴ քաղաքացու համար

Բարև ձեզ։ Հարգելի հաշվապահներ, խնդրում եմ պատասխանեք. ՌԴ քաղաքացին ՀՀ-ում գրանցել է Ա/Ձ։ Պարտադիր կուտակային սոց. վճար կատարելու է, թե՞ ոչ։ 1974 թվականից հետո է ծնվել։

Կանխավ շնորհակալ եմ։

Ծառայության ստացում ոչ ռեզիդենտից

Աստղ․

Խնդրում եմ պատասխանել՝ ճի՞շտ եմ հասկանում․

ԱԱՀ–ով աշխատող կազմակերպությունը ստացել է ծրագրային ապահոմվան ծառայություններ ոչ ռեզիդենտ ընկերությունից: Այս դեպքում պե՞տք է կատարել հետևյալ քայլերը.

1) դուրս ենք գրում ինքնահաշիվ (հարկային հաշիվ մատակարարի անունից՝ դուրսգրման նախորդ օրվա ՀՀ ԿԲ-ի փոխարժեքով)

2) եթե ունենք կրկնակի հարկման համաձայնագիր, և ներկայացնում է ռեզիդենտության տեղեկանք, ներկայացնում ենք ոչ ռեզիդենտի շահութահարկի հաշվետվություն, սակայն դրանից հարկ չի առաջանում

3) ԱԱՀ-ի հաշվետվության մեջ ինքնահաշվի մասով և դեբետ է առաջանում և կրեդիտ, որը հաշվանցվում է և դառնում 0

Պե՞տք է գրել ինքնահաշիվ

Թինա․

Բարև Ձեզ։ ԵՏՄ երկրներից ձեռքբերված ծառայություններն ինչպե՞ս ենք ձևակերպում ԱԱՀ հաշվետվության և ոչ ռեզիդենտի շահութահարկի առումով: Պե՞տք է գրել ինքնահաշիվ, գումարը հարկե՞լ։

Հեռավար աշխատանք

Մանե.

Բարև ձեզ: Կազմակերպությունը աշխատում է ՏՏ ոլորտում: Գրանցել է ոչ ռեզիդենտ ֆիզիկական անձին որպես աշխատող (ունի սոց. քարտ), սակայն աշխատողը վերադարձել է ՌԴ և աշխատանքը կատարում է այնտեղից: Կարո՞ղ է այդ փաստը կազմակերպության համար առաջացնել այլ հարկային պարտավորություններ, բացի աշխատողի աշխատավարձը։

ԱԱՀ հաշվարկի լրացում

Տիրուհի․

Բարև Ձեզ։ ԱԱՀ-ով աշխատող Ընկերությունը գրել է ինքնահաշիվ ՝ արտերկրից ստացված ծառայության մասով։ ԱԱՀ-ի հաշվետվության 10-րդ կետում լրացվում է ԱԱՀ-ի գծով լրացուցիչ պարտավորություն։ Հարցս հետևյալում է․ իսկ որպես ստացված ծառայություն պետք է լրացնել 18-րդ տողու՞մ և համապատասխան ԱԱՀ-ի դեբետը 18ա-ու՞մ։

ՀԴՄ կտրոն հաշվի փոխարեն

Նորայր․

Բարև Ձեզ։ ՀՕ հոդված 16-ի համաձայն՝ եթե ծառայություններ ենք մատուցում ոչ ՀՀ քաղաքացու / ընկերությանը ԱՐՏԱՐԺՈՒՅԹՈՎ, ապա հաշվարկային փաստաթղթում գրում ենք դրամով` հաշվելով տվյալ օրվա ԿԲ փոխարժեքը։ Հարցս հետևյալն է` կարո՞ղ ենք հաշվարկային փաստաթղթի փոխարեն ՀԴՄ կտրոն տրամադրել։ Խնդրում եմ նշեք նաև համապատասխան օրենսդրական կարգավորումը։

Հաշիվ ոչ ռեզիդենտին

Գոհար․

Հարգելի հաշվապահներ, եթե ոչ ռեզիդենտին (ՌԴ) հաշվարկային հաշիվ ենք գրում, պիտի ռուսերե՞ն գրենք, թե՞ հայերեն։

Հաշվետվությունների վերջնաժամկետներ

Լուսինե․

Հարգելի հաշվապահներ, խնդրում եմ գրել հետևյալ հաշվետվությունների վերջնաժամկետները․

  • 165. Տեղեկություններ՝ ֆիզիկական անձանց եկամուտների և եկամտային հարկի մասին
  • 240․ Հաշվարկ՝ ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի
  • 244․ Հաշվարկ՝ անհատ ձեռնարկատիրոջ և նոտարի սոցիալական վճարի
  • 273. Այլ պետություններում գրանցված կազմակերպություններին վճարված եկամուտների, եկամուտների վճարման ամսաթվի, այդ եկամուտներից հաշվարկված և պահված շահութահարկի վերաբերյալ տեղեկություններ

Ապրանքանիշի ներմուծում

Լիլիթ․

Բարև ձեզ, օգնեք խնդրում եմ․ եթե ՌԴ-ից առանց կրիչի՝ մեիլով ապրանքանիշ ենք ներմուծելու Հայաստան և արտահանելու ենք էլի օնլայն ԵԱՏՄ երկրներ, հարցս այն է, որ իմ մոտ կառաջանա՞ արդյոք ոչ ռեզիդենտի շահութահարկ, և երկրորդ հարցս՝ արդյո՞ք այս պարագայում ներմուծելուց 20 % ԱԱՀ և արտահանելուց 0%, ես ճի՞շտ եմ հասկանում։

Իրական շահառուն Հայաստանում չէ

Անահիտ․

Խդրում եմ պատասխանել․ իրական շահառուն ռուս է, Հայաստանում չէ, չունի սոց քարտ, չունի տեղեկանք այն չունենալու մասին։ Ի՞նչ անեմ։ Կանխավ շնորհակալ եմ։