Լիլիթ.
Բարև ձեզ: Խնդրում եմ օգնել: Տնօրենս հրամանագրքով աշխատողին ազատել է ամսի 4-ին, այդ օրը նա չի աշխատել: Ազատման հայտում ամսի քանի՞սն է նշվում աշխատանքային հարաբերությունների ավարտ, եթե նշվում է 4-ը, աշխատողը վճարվու՞մ է այդ օրվա համար:
Հաշվապահություն ԵՎ ավելին
Հրամանագրքով ինչ օր գրվել է, դա է նշվում: Ազատման հայտը տալիս են 3 աշխատանքային օրվա ընթացքում: Այդ օրի հաշվելը հարաբերական է: Օրինակ՝ եթե ամսի 1 է գրվում, տվյալ ամսվա աշխատողների ցանկում մնում է: Ստացվում է, որ համակարգը ազատման օրը համարում է աշխատանքային: Ես այդ օրվա համար չէի վճարի:
Երեք աշխատանքային օր կարող եք հետ գնալ ազատման դեպքում, այսինքն՝ կարող եք գրանցման հայտ տալ ամսի 4-ին, բայց աշխատանքային հարաբերությունների ավարտ նշեք 3 աշխատանքային օրով հետ: Քանի որ ամսի 4-ը աշխատողի համար աշխատանքային չէ, հետևաբար այդ օրվա համար չի վճարվի:
Ազատման հայտում նշվում է այն օրը, որը նա աշխատել է: Ինչ վերաբերում է վարձատրությանը, ապա նա վարձատրվում է այդ օրվա համար, եթե նա աշխատել է այդ օրը և ազատվել է օրվա վերջում:
Համաձայն ՀՀ ԱՕ 29-րդ հոդվածի 8-րդ մասի՝ գործողության ժամկետը ավարտվում է նշված օրվա ժամը 24-ը, իսկ կազմակերպության դեպքում՝ այդ կազմակերպության աշխատանքի ավարտման ժամին: Այսինքն՝ աշխատողը այդ օրվա համար վարձատրվում է: