Անձը ցանկանում է զբաղվել բջջային հեռախոսների, պլանշետների և դյուրակիր համակարգիչների վերանորոգմամբ

Կարող եք գրանցվել միկրոձեռնարկատեր ֆիզիկական անձ, առանց Ա/Ձ գրանցվելու: Հարկային ներկայացնում եք միկրոձեռնարկատիրության սուբյեկտ համարվելու վերաբերյալ հայտարարություն, գործունեության տեսակ նշում համակարգչային տեխնիկայի, հեռուստացույցների, լվացքի մեքենաների, օդորակիչների և այլ կենցաղային տեխնիկայի նորոգում, ծրագրային սպասարկում: Հայտարարությունը ներկայացնելու օրվան հաջորդող մեկ աշխատանքային օրվա ընթացքում հարկայինը կտրամադրի միկրոձեռնարկատիրության սուբյեկտ համարվելու վերաբերյալ արտոնագիր: Իսկ փոխանցումները կարող են կատարվել Ձեր անձնական բանկային/քարտային հաշվին: