Առաքման գրքի հետ կապված

28-ի հետ պրոբլեմ չի լինի, եթե.
1. Ձեզ դուրս գրված հարկային հաշվում բացի պարտադիր տվյալներից նշված է տեղափոխման վայրը, այսինքն այն հասցեն, ուր բեռնաթափվելու է շինանյութը, և
2. Ձեր կողմից դուրս գրված հարկային հաշվում (բեռնագրում) հղում կատարեք Ձեզ դուրս գրված հարկային հաշվի (բեռնագրի) վրա, ուր նշված են համապատասխան առաքման գրքի համարը, էջը, տողը, և հետևաբար այդ առաքման գրքում գրանցվում է առաքման վայրը, մեքենայի համարը ամսաթիվը, ժամը … : Սրանով ամբողջությամբ բացառվում է հարկային մարմնից որևէ բան թաքցնելու միտումը: Կամ
3. Առաքման գիրք ստացեք բեռնատար մեքենայի համար (եթե վերջինս Ձեր տնօրինության ներքո է / սեփականություն, վարձակալություն …)
Ավելացնեմ, որ ՀՀ գործող օրենսդրությամբ Ձեր կողմից իրականացվող գործարքները արքելված չեն, իսկ հարկային օրենսդրությամբ հստակ կարգավորված չեն: Եվ եթե ոմանք պնդում են, որ Դուք խախտում եք որևէ նորմատիվ իրավական ակտ, ապա մեղմ ասածˋ առկա է հակասություն օրենսդրության դրույթներում: Համաձայն հարկերի մասին օրենքիˋ հակասության դեպքում վիճելի հարցերը լուծվում են ի օգուտ հարկատուի:
Եթե այս պատասխանը Ձեզ վստահություն չի ներշնչում, նամակով դիմեք հարկային մարմին: Իրենք անմայման կպատասխանեն: