Նառա.
Կարո՞ղ եք ինձ օգնել հետևյալ հարցի հետ կապված: Առհասարակ ուսուցիչներին ամենամյա արձակուրդը տրամադրվել է հուլիսի 1-ից՝ 48 օրով։ Ինձ հետաքրքրում է՝ կա՞ արդյոք այդպիսի օրենք, որի հիման վրա տնօրենի ժամանակավոր պաշտոնակատարը աշխատակիցների մի մասին հունիսի 1-ից ուղարկի արձակուրդ՝ անկախ նրանից աշխատակիցը դա ուզում է, թե ոչ։ Շնորհակալություն:
Բարև Ձեզ: Նման հարցերը կարող են կարգավորվել գործատուի և աշխատողի միջև կնքված պայմանագրով: Աշխատանքային պայմանագրում հնարավոր է լինի կետ, որտեղ նշված լինի. «Սույն կետով կողմերը համաձայնվում են, որ աշխատողին ամենամյա արձակուրդը տրամադրվում է Գործատուի կողմից հաստատված ամենամյա արձակուրդների տրամադրման հերթականությամբ»: Սա նշանակում է, որ գործատուն կարող է ձևակերպել աշխատողի արձակուրդը՝ ըստ իր կողմից հաստատված արձակուրդների հերթականության: