Կայք հաշվապահների համար և ոչ միայն…
Մերի.
Բարև ձեզ:
Ես լուսանկարչական և տեսանյութերի պատրաստման ծառայություններ եմ մատուցում: Ցանկանում եմ որպես ԱՁ գրանցվել: Ուզում էի իմանալ՝ ինչ վճարներ պետք է անեմ և որքան հարկ պետք է վճարեմ: Այդ ոլորտը համարվու՞մ է միկրոձեռնարկատիրություն:
Եվս մեկ հարց. ցանկանում էի իմանալ՝ տուրիստական ընկերության՝ ԱՊԸ-ի գնման գործընթացը ինչպես է ընթանում: Ընկերուհիս ուզում է տուրիստական ընկերությունը գնել և անվանափոխել տնօրենի պաշտոնը:
Նախապես շնորհակալություն:
on Ոչ ռեզիդենտի եկամուտների հայտարարագիր: “Ոչ, կարիք չկա, որովհետև ՍՊԸ-ն որպես հարկային գործակալ արդեն իսկ ներկայացրել է 165ձևը:” Apr 18, 10:36
on Հաշվապահական խնդիր: “Ներկայացնում եմ մեր արհեստական բանականությամբ աշխատող հաշվապահի պատասխանը. Բացեք հղումը, փորձեք. https://chat.openai.com/g/g-NR9SIk18j-hashvapah Երբ մեկ ավտոմեքենան պոկանակվում է նմանատիպ մեկ այլ…” Apr 17, 18:56
on ԱՁ համարվել է ԱԱՀ վճարող: “Եթե հայտ չեք ներկայացրել շրջհարկով աշխատելու համար համակարգը ավտոմատ գցում է ԱԱՀ-ի դաշտ։ Այս տարի ստիպված ԱԱՀ-ով պետք է աշխատեք,…” Apr 17, 17:10 on Ո՞ր օրվա փոխարժեքը կիրառել: “Հիմք ընդունեք ինվոյսի ամսաթվի նախորդ օրվա ԿԲ-ի փոխարժեքը։” Apr 17, 17:06 on Ակցիզային հարկի հաշվարկ: “Բարև Ձեզ, Սոնա։ Ակցիզային հարկի հաշվարկը մրգային օղիների համար, եթե համաձայն եք շահագործվող սպիրտի ծավալին և սպիրտայնության աստիճանին, հետևյալ կերպով…” Apr 17, 16:34
on Հանրային հատվածի հաշվապահի որակավորում: “ամեն դեպքում մեր հետևորդներից եթե կլինեն մարդիկ որ ունեն, խնդեմ ուղարկեք վերը նշված էլ հասցեին։ կանխավ շնորհակալ եմ” Apr 17, 15:31
Որպես ԱՁ աշխատելու եք շրջանառության հարկի դաշտում, հասույթից վճարելու եք 5 % հարկ, վճարելու եք ամսական 5 000 դրամ ԱՁ շահութահարկ և 5 000 դրամ սոց. վճար, տարեկան 12 000 դրամ դրոշմանիշային վճար։ Եթե ունենաք աշխատող, համապատասխանաբար յուրաքանչյուր աշխատողի աշխատավարձից վճարելու եք 23 % եկամտային հարկ, 2,5 % սոց. վճար և 1 000 դրամ դրոշմանիշային վճար։
Ընկերությունը գնելու համար՝ մյուս բաժնետերը վաճառում է իր բաժնեմասերը նոր սեփականատիրոջը նոտարով, և այդ ամենը գրանցվում է պետական ռեգիստրով։
1. Լուսանկարչական և տեսանյութերի պատրաստման ծառայությունների գործունեության հաշվով հստակ ամրագրված է օրենքով, որ չեք կարող գործել միկրոբիզնեսի ռեժիմում, դիտարկվում է որպես դիզայներականին համանման գործունեություն: Պետք է գործեք շրջ. հարկի ռեժիմում: Շրջ. հարկի դրույքաչափը Ձեր դեպքում 5 տոկոս է: Նաև պետք է վճարեք ամսական 5 000 դրամ շահութահարկ, ամսական 5 000 դրամ սոց. վճար, տարեկան 12 000 դրամ զինծառայողների ֆոնդին, եթե աշխատող չունեք:
2. Տուրիստական ընկերությունը գնելու և անվանափոխելու համար թող այդ ընկերության հիմնադրի հետ գնան պետ. ռեգիստր՝ անձնագրով ու սոց. քարտով, պայմանագիր կնքեն և անվանափոխեն, սակայն փոփոխությունների գրանցման համար պետք է վճարի:
Միկրոձեռնարկատիրություն կարող է համարվել, այդ դեպքում հարկեր չկան, եթե աշատող չկա: Տուրիստականը վաճառվում և գնվում է բոլոր ՍՊԸ-ների նման: Պետ. ռեգիստրում հիմնադիրի փոփոխություն է կատարվում, ինչպես նաև պետ. ռեգիստրում տնօրենի փոփոխություն է կատարվում, որից հետո հարկայինով ազատում են հին տնօրենին և ընդունում նորին:
74.20.0 Լուսանկարչության բնագավառում գործունեությունը ներառում է և առևտրային նպատակներով լուսանկարչական գործունեություն, և դիզայն…
Նմանապես և 59 դասի մասով չեք բավարարում սահմանված պահանջներին:
Ըստ դասակարգչի Ձեր գործունեության 2 մասով էլ միկրոձեռնարկատիրության համակարգով չեք կարող աշխատել:
Իսկ ընկերության հիմնադրի փոփոխությունը կատարվում է պետ. ռեգիստրում:
Ձեզ կոնկրետ օգնելու համար կարող եք զանգել +374 43 00 30 60։
Հարգելի գործընկերներ, դիզայներական և լուսանկարչական գործունեությունները միմյանց համանման գործունեություններ չեն, քանի որ ընդգրկված են տարբեր դասերում։ Աշխատանքը կամ ծառայությունը համարվում է այլ աշխատանքի կամ ծառայությանը համանման, եթե դրանք ընդգրկված են նույն դասում։ Համաձայն տնտեսական գործունեության դասակարգիչների (2013 թ. սեպտեմբերի 19-ի N 874-Ն հրաման), լուսանկարչության բնագավառում գործունեությունը ընդգրկված է M74.20 դասում, իսկ դիզայներական մասնագիտացված գործունեությունը՝ M74.10 դասում։
Թեկուզ դրանք ընդգրկված են իրար հաջորդող խմբերում (M74.1 և M74.2), այդ գործունեությունները միմյանց համանման չեն, այնպես որ լուսանկարչական գործունեությունը կարող է համարվել միկրոձեռնարկատիրություն։
Ոչ, չեք կարող, աշխատելու եք շրջհարկի դաշտում:
Կարող եք հանդիսանալ միկրոձեռնարկատիրության սուբկետ: Անհրաժեշտ է իրավաբանական անձանց պետական ռեգիստրում հաշվառվել որպես ԱՁ:
Կարող եք որպես ԱՁ հաշվառման օրվան հաջորդող 20-րդ օրը ներառյալ հարկային մարմին ներկայացրել հարկային մարմնի հաստատած ձևով 257. հաշվետվաձևատեսակը և մինչև 24 միլիոն դրամ իրացման շրջանառությունը տարեկան վճարել միայն 12 000 դրամ դրոշմանիշային վճար: Մինչև հարկային տարվան հաջորդող հարկային տարվա փետրվարի 1-ը ներառյալ հարկային մարմին պետք է ներկայացնեք հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ: