Բյուլետենի հաշվարկ

Լիլիթ.

Բարև Ձեզ, հարգելի գործընկերներ: Եթե որևէ մեկը առնչվել է միկրոձեռնարկատիրության համակարգում ներգրավված վարձու աշխատողին մայրության նպաստ հաշվարկելու հարցի հետ՝ խնդրում եմ արձագանքել: Հարցս հետևյալն է, եթե տվյալ ամսում 15-20-ից հետո աշխատողը բերում է բյուլետենը, և ամսվա վերջ կազմակերպությունը անցնում է միկրոյի շեմը և դառնում շրջհարկ վճարող, ո՞րն է այս դեպքում հաշվարկի ճիշտ կատարումը: Ինձ հարկավոր է հստակ և օրենքով հաստատված հաշվարկ:

Ֆեյսբուքյան մեկնաբանություններ

Accountant.am
Author: Accountant.am

1 thought on “Բյուլետենի հաշվարկ

  1. Առիթ չեմ ունեցել, սակայն հաշվարկելիս հաշվի առեք հնգօյա է, թե վեցօրյա աշխ. ռեժիմը:
    Վարձու աշխատողի և ինքնուրույնաբար իրեն աշխատանքով ապահոված անձի մայրության նպաստը հաշվարկվում է սույն օրենքով սահմանված կարգով հաշվարկված միջին ամսական աշխատավարձից (եկամտից):
    7. Վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված (վճարման ենթակա) եկամուտը տասներկուսի բաժանելու միջոցով: Սույն մասի իմաստով եկամուտ են համարվում սույն օրենքով սահմանված նպաստը, ինչպես նաև եկամտային հարկի հաշվարկման օբյեկտ համարվող՝ Հայաստանի Հանրապետության օրենսդրությամբ սահմանված աշխատավարձը և դրան հավասարեցված այլ վճարումները:
    10.1. Սույն հոդվածի 7-րդ, 8-րդ, 10-րդ մասերով սահմանված կարգով միջին ամսական աշխատավարձը հաշվարկելիս վարձու աշխատողի` միկրոձեռնարկատիրության մեջ ներգրավված լինելու ժամանակահատվածի յուրաքանչյուր ամսվա համար որպես տվյալ գործատուի կողմից վարձու աշխատողին վճարված (վճարման ենթակա) եկամուտ ընդունվում է ժամանակավոր անաշխատունակությունն առաջանալու օրվա դրությամբ սահմանված նվազագույն ամսական աշխատավարձի հիսուն տոկոսը:
    Այսինքն շրջհարկի հայտարարությունը ներկայացնելուց հետո, երբ հաշվարկեք միջին աշխատավարձը ապա միկրոյի ամիսների դեպքում, պետք է ամսեկան եկամուտը ընդունեք 34000դրամ կամ 68000/2, իսկ շրջհարկի ամսվանից սկսած ինչքան որ աշխատավարձի չափն է, սակայն 12 ամինները պետք է վերցնեք: Եթե գնում է դեկտեմբերից ֆիզ, ու շրջհարկի հայտարարությունը ներկայացվել է, 2020-ի աշխատած 11 ամիսների դեպքում վերցնելու եք 34000 դրամ, եթե այն էլ իրոք 11 ամիսը նորմալ աշխատել եք թե նաև կանգ եք ունեցել: Հաշվարկը աշխատողի օգտին լավ չի ստացվելու: Կարծում եմ հնարավորինս հասկանալի եմ գրել:

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *