Ի՞նչ վճարումներ պետք է կատարվեն աշխատակցին

Արտակ.

2019թ. հունվարի 1-ից մինչև 2020թ. մարտի 20-ը աշխատել եմ և մարտի 20-ին ստացել եմ ծանուցում, որ գրասենյակի փակման պատճառով ապրիլի 30-ին լուծվելու է իմ հետ կնքված պայմանագիրը: Տեղեկացնեմ, որ այդ ընթացքում ես չեմ օգտվել հերթական արձակուրդից: Ես ստացել եմ միայն մարտ ամսվա աշխատավարձ: Խնդրում եմ, ասեք՝ ի՞նչ վճարումներ և վերջնահաշվարկներ պետք է կատարի գործատուն:

1+

Ֆեյսբուքյան մեկնաբանություններ

Accountant.am
Author: Accountant.am

5 thoughts on “Ի՞նչ վճարումներ պետք է կատարվեն աշխատակցին

  1. Եթե արձակուրդ չեք գնացել, ապա կատարվում է վերջնահաշվարկ չօգտագործված արձակուրդի օրերով, համապատասխան միջին աշխատավարձի գումար:

    0
  2. Բարև Ձեզ, Արտակ: Եթե կազմակերպությունը լուծարվում է, ապա, համաձայն Աշխատանքային օրենսգրքի 129-րդ հոդվածի, Ձեզ պետք է վճարվի արձակման նպաստ՝ Ձեր մեկ ամսվա միջին աշխատավարձի չափով: Եվ այդ դեպքում գործատուն պետք է գրավոր ծանուցեր Ձեզ ոչ ուշ, քան երկու ամիս առաջ: Ծանուցման ժամկետը չպահպանելու դեպքում գործատուն պարտավոր է վճարել տուժանք` ծանուցման յուրաքանչյուր ժամկետանց օրվա համար, որը հաշվարկվում է` հիմք ընդունելով աշխատողի միջին օրական աշխատավարձի չափը: Ինչպես նաև Ձեզ հետ պետք է կատարեն վերջնահաշվարկ, և վճարվի չօգտագործած արձակուրդի օրերի գումարը:

    1+
  3. Կստանաք ապրիլ ամսվա աշխատավարձը և 2019թ. հունվարի 1-ից մինչև 2020թ ապրիլի 30-ը ընկած ժամանակահատվածի համար վերջնահաշվարկ, այսինքն այդ ժամանակահատվածի համար հատկացման ենթակա արձակուրդային գումարը։

    0
  4. Բացի վերը նշվածներից տեսեք չունեք արդյոք հնարավորություն օգտվելու նաև պետական աջակցության գործիքներից ելնելով նրանից թե ինչ ոլորտում եք աշխատել, իսկ գործատուն հաստատ ձեր ազատումը ներկայացրել է հարկային մարմին հարցրեք:

    0
  5. Սկզբից պետք է ստանաք ծանուցում լուծարման վերաբերյալ 2 ամիս շուտ, ապա արձակման նպաստ մեկ ամսվա միջին աշխատավարձի չափով, աշխատած օրերի աշխատավարձը և բոլոր չօգտագործված արձակուրդային օրերի դիմաց փոխհատուցում:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *