Ճիշտ կլինի՞ հաշիվ դուրս գրել խանութին հանձնված բոլոր ապրանքների համար

Վարդան.

Բարև Ձեզ։
ԱՁ-ն ցանկանում է հանձնել ապրանքներ խանութին, որ վաճառի։ Վաճառվելու դեպքում գումարը կտա, չվաճառվելու դեպքում հետ կվերադարձնի ապրանքները։
Հարց 1. Հարկային հաշվապահության տեսանկյունից ճիշտ կլինի՞ e-invoicing-ով հաշիվ դուրս գրել այդ խանութին հանձնված ԲՈԼՈՐ ապրանքների մասով: Հաշիվ դուրս գրելու արդյունքում ԱԱՀ պետք է վճարի ԱՁ-ն, քանի որ ԱԱՀ-ով է հարկվում։
Հարց 2. Իսկ, երբ ապրանքների վերադարձ լինի՝ ինչպե՞ս պետք է վարվել: Նախորդ դուրս գրված հաշիվը ճշգրտե՞լ, թե՞ կա հետվերադարձի ինչ-որ մեխանիզմ:

Շնորհակալություն։

3+

Ֆեյսբուքյան մեկնաբանություններ

Accountant.am
Author: Accountant.am

6 thoughts on “Ճիշտ կլինի՞ հաշիվ դուրս գրել խանութին հանձնված բոլոր ապրանքների համար

  1. Կա վերադարձի մեխանիզմ: Եթե վերադարձվում է վաճառված ապրանքների մի մասը, ապա կատարվում է վերադարձված ապրանքներին համարժեք գումարի վերադարձ, հարկ վճարողը սահմանված կարգով դուրս է գրում ճշգրտող հաշվարկային փաստաթուղթ:
    Ճշգրտված գործարքի մասով նախկինում դուրս գրված հաշվարկային փաստաթուղթը շարունակում է համարվել վավեր փաստաթուղթ, սակայն ճշգրտված գործարքի մասով ապրանք մատակարարողը դուրս է գրում համապատասխան ճշգրտող հաշվարկային փաստաթուղթ:
    Գործարքի ճշգրտման դեպքում գործարքի կողմեր համարվող հարկ վճարողները պարտավոր են գործարքի ճշգրտման արդյունքները՝
    1) ԱԱՀ-ի և ակցիզային հարկի մասով արտացոլել համապատասխան ճշգրտող հաշվարկային փաստաթղթի դուրս գրման օրը ներառող հաշվետու ժամանակաշրջանների համար Օրենսգրքի 52-րդ և 53-րդ հոդվածներով սահմանված կարգով իրենց կողմից կազմվող և հարկային մարմին ներկայացվող հարկային հաշվարկներում, եթե գործարքի ճշգրտման արդյունքում նվազում են գործարքից առաջացած հարկային պարտավորության և հաշվանցման (պակասեցման) ենթակա հարկի գումարները.
    2) ԱԱՀ-ի և ակցիզային հարկի մասով արտացոլել հիմնական գործարքի կատարման օրը ներառող հաշվետու ժամանակաշրջանների համար Օրենսգրքի 52-րդ և 53-րդ հոդվածներով սահմանված կարգով իրենց կողմից կազմվող և հարկային մարմին ներկայացվող հարկային հաշվարկներում, եթե գործարքի ճշգրտման արդյունքում ավելանում են գործարքից առաջացած հարկային պարտավորության և հաշվանցման (պակասեցման) ենթակա հարկի գումարները:

    0
  2. 1. Այո, անպայման պետք է դուրս գրել հաշիվ ապրանքագիր բոլոր ապրանքների մասով:
    2․ Ապրանքների վերադարձի ժամանակ երկրորդ կողմն է Ձեզ հ/ա դուրս գրելու վերադարձվող ապրանքների մասով, կամ Դուք անվավեր եք ճանաչելու Ձեր դուրս գրած հաշիվը։

    1+
  3. 1. Այո, բոլոր ապրանքների համար հաշիվ դուրս գրելը ճիշտ է:
    2. Իսկ վերադարձի դեպքում դուրս կգրեք ճշգրտող հաշիվ ու համպատասխան ճշգրտումներ կանեք ԱԱՀ միասնական հաշվարկում:

    0
  4. 1. Այո, ապրանքների վաճառքի դեպքում ԱԱՀ վճարողները պետք է դուրս գրեն հարկային հաշիվ:
    2. Գործարքը ճշգրտման դեպքերը սահմանված են ՀՕ-ի 42-րդ հոդվածի 1-ին մասով:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *