Վահե.
Բարև ձեզ, հարգելի հաշվապահներ:
Կազմակերպությունն իրականացնում է միջազգային բեռնափոխադրումներ, աշխատում է շահութահարկով: Ըստ նոր օրենքի՝ 2018 թվականի շահույթից չենք կարող նվազեցնել արտերկրում գնված վառելիքի չեկերը: Սակայն կազմակերպության բանկային բիզնես քարտերի միջոցով են կատարվել գնումները, և քաղվածքով հստակ երևում է դա: Խնդրում եմ, օգնեք հասկանալ, արդյո՞ք քարտից գնված վառելիքը նվազեցում կարող ենք անել, թե՞ ոչ: Շնորհակալ եմ:
Բարև Ձեզ, հարգելի Վահե: Ծախսը հիմնավորելու համար պետք է տվյալ օտարերկրյա ընկերությունը Ձեր կազմակերպության անունով հաշիվ դուրս գրի: Բանկային քարտով գնելու դեպքում միևնույն է տրամադրվում է կտրոն, որը ծախսը հիմնավորող փաստաթուղթ չի հանդիսանում:
Նշեմ սակայն, որ ներկայումս քննարկվում է հարցը` բեռնափոխադրող ընկերություններին թույլ տալ ծախսը հիմնավորող փաստաթուղթ ճանաչել ՀԴՄ կտրոնները: