Ռեզյումեի օրինակ ․ ինչպե՞ս կազմել ռեզյումե

Այս հոդվածում կդիտարկենք, թե ինչպես կազմել ռեզյումե, կներկայացնենք ռեզյումեի օրինակ ։

1. Գրագիտություն

Սխալների, տառասխալների բացակայությունը ռեզյումե գրելու անհրաժեշտ և, թերևս, ամենակարևոր պայմանն է։ Ամենակարևորը, քանի որ եթե փաստաթղթում շատ սխալներ կան, այն կարելի է պարզապես դեն նետել՝ առանց ուշադրություն դարձնելու մնացած ամեն ինչին:

Ռեզյումեն ճիշտ կազմելու համար նախ անհրաժեշտ է գրել այն գրագետ։

2. Համապատասխանություն թափուր աշխատատեղին

Պետք է հստակ պատկերացում ունենաք, թե ինչով եք ցանկանում զբաղվել տվյալ ընկերությունում, և ռեզյումեն կազմեք դրան համապատասխան։ CV-ում ավելորդ տեղեկատվության առկայությունը կարող է շփոթեցնել պոտենցիալ գործատուին։

Օրինակ, եթե պատրաստվում եք աշխատել որպես հաշվապահ, ապա պետք չէ նշել դիզայնի դասընթացներ անցնելու մասին:

3. Ռեզյումեի ողջամիտ չափերը

Կես էջը քիչ է, երեք էջը շատ է, 1-2 էջը՝ օպտիմալ։ Իհարկե, ցանկալի է մեկ էջի սահմաններում պահել, բայց միշտ չէ, որ դա հնարավոր է իրականացնել։ Երբեմն, ռեզյումե ճիշտ գրելու համար, ավելի լավ է ավելի մանրամասն նկարագրել Ձեր փորձն ու ձեռքբերումները, և երկու էջանոց ամփոփում անել, քան խնայել բառերի վրա և փորձել նկարագրել Ձեր պրոֆեսիոնալիզմը մի երկու աննշան արտահայտություններով։

Եթե կասկածում եք որևէ փորձի կամ հմտության մասին գրելու կամ չգրելու հարցում՝ գրեք։ Ավելի լավ է հարցազրույցի ժամանակ պատասխանել գործատուի հարցերին, քան ընդհանրապես մնալ առանց հարցազրույցի հրավերի։

4. Հասկանալի և պարզ կառուցվածքով ռեզյումեի օրինակ

Աշխատանքի համար ռեզյումեի ճիշտ պատրաստումը ներառում է Ձեր և Ձեր մասնագիտական փորձի մասին տեղեկատվության ճիշտ կառուցվածքը:

Կա 2 սովորաբար օգտագործվող ռեզյումեի օրինակ.

ա) ռեզյումեի շապիկից հետո գալիս է աշխատանքային փորձը․

Անուն, Ազգանուն, Հայրանուն, կոնտակտային և անձնական տվյալներ
Աշխատանքային փորձը
Կրթությունը
Մասնագիտական հմտությունները
Լրացուցիչ տեղեկություններ

կամ

բ) ռեզյումեի շապիկից հետո նշվում են մասնագիտական հմտությունները․

Անուն, Ազգանուն, Հայրանուն, կոնտակտային և անձնական տվյալներ
Մասնագիտական հմտությունները
Աշխատանքային փորձը
Կրթությունը
Լրացուցիչ տեղեկություններ

Ռեզյումեի օրինակ ՝ ուղեկցող նամակով

Շատ դեպքերում ուղեկցող նամակը պատասխանի նախապայման չէ: Բայց հենց դա է այն դարձնում արժեքավոր, և դրանով Դուք կարող եք առանձնանալ մյուս թեկնածուներից:

Եթե ցանկանում եք լրացուցիչ ուշադրություն գրավել Ձեր ռեզյումեի վրա և լավ տպավորություն թողնել և մեծացնել աշխատանքի առաջարկ ստանալու հնարավորությունը՝ պետք է գրեք գրագետ ուղեկցող նամակ:

Ուղեկցող նամակի կառուցվածքը կարող է լինել հետևյալը.

Ողջունեք աշխատանք առաջարկողին
Գրեք, թե ինչ թափուր աշխատատեղի համար եք դիմում
Բացատրեք, թե ինչու եք հետաքրքրված այս պաշտոնով
Նկարագրեք համապատասխան փորձը, իսկ եթե չկա՝ պատմեք այս պաշտոնում հաջող աշխատանքի համար անհրաժեշտ հմտությունների և անձնական որակների մասին։ Նշեք այլ տեղեկություններ, որոնք կարող են հետաքրքրել գործատուին և համոզել նրան ընտրել Ձեզ: Հիմնավորեք, թե ինչու Ձեր փորձն ու գիտելիքները Ձեզ թույլ կտան հաջողությամբ աշխատել:
Շնորհակալություն հայտնեք ուշադրության համար
Ստորագրություն թողեք և տրամադրեք կոնտակտային տվյալներ, որոնց միջոցով հնարավոր է կապվել Ձեզ հետ:
Եթե գործատուն գրում է աշխատանքի պահանջների մեջ պորտֆոլիոյի անհրաժեշտության մասին՝ լրացրեք ուղեկցող նամակը Ձեր կողմից կատարված աշխատանքների հղումներով:

Լրացուցիչ տեղեկություններ

Այս բաժնում կարող եք նշել այն ամենը, ինչը ներառված չէր նախորդ բաժիններում, բայց կարող է կարևոր լինել տվյալ թափուր աշխատատեղի համար: Այստեղ Դուք կարող եք նշել ձեր անձնական որակները, ձեր անձնական հաջողությունները, ձեր հոբբիները և գործատուին հետաքրքիր այլ մանրամասներ:

Միևնույն ժամանակ, կարևոր է ևս մեկ անգամ հիշեցնել, որ անհրաժեշտ է լրացնել բաժինները տվյալ թափուր աշխատատեղին համապատասխան։

Արդյո՞ք անհրաժեշտ է լուսանկար կցել ռեզյումեին

Գործատուները հաճախ ներկայացնում են լուսանկարի առկայությունը ռեզյումեում որպես պարտադիր պահանջ մի շարք պաշտոնների համար, օրինակ՝ ադմինիստրատորների, ընդունարանի աշխատողների համար, որտեղ հաճելի, գրավիչ տեսքը կարևոր է: Սակայն եթե գործատուի կողմից նման պահանջ չկա, ապա լուսանկար կցելը պարտադիր չէ։

Ռեզյումեի լուսանկարը ավելի շատ լրացում է, քան պարտադիր բաղադրիչ: Հետևաբար, անկախ նրանից, թե որքան հաջող է ձեր լուսանկարը, գործատուն, այնուամենայնիվ, կգնահատի ձեզ՝ ելնելով այն բանից, թե որքան լավ և գրագետ է լրացված ձեր ռեզյումեն: