Աննա.
Հարգելի հաշվապահներ, եթե ՍՊԸ-ն ալիքների հեռարձակման կամ ինտերնետ ծառայություն է մատուցում ֆիզ. անձ բաժանորդների, իսկ վճարումներն ընդունում է թել-սել կամ այլ վճարային համակարգով, եկամուտը ե՞րբ և ի՞նչ փաստաթղթի հիման վրա պետք է ճանաչել։ Ու եթե մինչ այժմ վճարը ստացել ենք կանխիկ և միանգամից ճանաչել հասույթ (դտ 2511, կտ6114), արդյո՞ք դա սխալ չի։ Թե՞ պետք էր յուրաքանչյուր ամիս բաժանորդների քանակով դեբիտորական պարտք ձևակերպել, հետո նոր ցույց տալ վճարումը։ Շնորհակալ կլինեմ, եթե արձագանքեք։
Դուք հաշիվներ դուրս չե՞ք գրում։
Ամեն ֆիզ բաժանորդի համա՞ր։ Ոչ, մինչև այժմ հդմ-ով էր կանխիկ, հիմա թելսելով։
Թել սելի հետ դուք պետք է ունենաք գործակալության պայմանագիր: Եթե մինչ այժմ վճարը ստացել եք կանխիկ և միանգամից ճանաչել հասույթ, հարց դրամարկղային գրքի վարմանպահանջները պահպանել եք:Իսկ հաշվարկային փաստաթղթերի դուրսգրման հատուկ ծրագրեր (բիլինգային համակարգեր) կիրառում եք թե ոչ:
Հ.56
2. Մանրածախ առևտրի, բնակչության համար աշխատանքների կատարման և (կամ) բնակչությանը ծառայությունների մատուցման գործարքների մասով հաշվարկային փաստաթղթերի դուրսգրման հատուկ ծրագրեր (բիլինգային համակարգեր) կիրառող կամ Օրենսգրքի 74-րդ գլխով սահմանված կարգով հսկիչ դրամարկղային մեքենա շահագործող ապրանք մատակարարողը, աշխատանք կատարողը և (կամ) ծառայություն մատուցողը կարող է հարկային հաշիվ կամ հաշիվ վավերագիր դուրս չգրել, եթե ապրանքի գնորդը, աշխատանքն ընդունողը և (կամ) ծառայությունն ստացողը չի պահանջում դուրս գրել հարկային հաշիվ կամ հաշիվ վավերագիր:
Այո պետք էր յուրաքանչյուր ամիս բաժանորդների քանակով դեբիտորական պարտք վաճառքի գծով ձևակերպել, հետո նոր ցույց տալ վճարումները/մարումները: Իսկ դրա համար պետք է նաև ԱԱՀ վճարող հանդիսանաք:
Հարգելի Տիգրան, շրջհարկով ենք աշխատում, կանխիկի ժամանակ ստացված հասույթը օրվա վերջում դրամարկղի մուտքի օրդերով մուտք է եղել դրամարկղ, հիմա ունենք թելսելի հետ պայմանագիր, և բաժանորդների հետ, թելսելից մեզ փոխանցված գումարը ինչպե՞ս փաստաթղթավորել։
Դուք պայմանագրի հիման վրա թելսելին պետք է վճարեք իրենց հասանելիք միջնորդավճարների գումարը, իրենք էլ հաշիվ պետք է գրեն ձեզ մատուցված ծառայության դիմաց, փոխադարձ հաշվարկների ակտ էլ դրան զուգահեռ կարող եք կազմել: Ամեն դեպքում բիլինգային համակարգ կամ ծրագիր պետք է կիրառեք, ինչպես ձեր նման մյուս կազմակերպությունների մոտ է: Ֆինանսական տեսանկյունից պետք է վճարված միջնորդավճարը ձևակերպեք ծախս, իսկ հարկային տեսանկյունից դեռ չեք կարող, ԱԱՀ-ի համակարգով գործելու դեպքում կարող եք:
Շնորհակալ եմ շատ, Տիգրան ջան, մեծահոգաբար բոլոր հարցերին պատասխանում եք և ուղղություն ցույց տալիս։ Իսկ սխա՞լ է, որ միանգամից հասույթը դրամարկղում ճանաչել եմ, առանց ԴՊ, արդյո՞ք խնդիրներ չի լինի։
Ոչինչ, եթե կարող եք, հետին թվով ուղղեք, եթե ոչ, ապա սեփական սխալների վրա էլ պետք է սովորել, հաջորդ ամսվանից կամ այս ամսվանից սկսած արդեն վարեք դեբիտոր-կրեդիտոր հաշիվները:
Մերսի շատ։