ՍՊԸ-ն որպես բաժանորդ գրանցելու համար

Վարդան.

Հարգելի կոլեգաներ: Խնդրում եմ օգնել քանդել այս Գորդյան հանգույցը:
ՍՊԸ-ի հիմնադիրը հանդիսանում է 100% բաժնետեր: Տարածքը, որտեղ գրանցված և գործունեություն է ծավալում ՍՊԸ-ն կադաստրի վկայականի հիման վրա, պատկանում է հիմնադիրին: Պետ. ռեգիստրի վկայականի մեջ այլ տեղեկություններում հիմնադիր որոշման հիման վրա նշված է տնօրենի անունը: Ծառայություններում` գազ, ջուր, էլ., ՍՊԸ-ն անվանափոխելու համար պահանջում են, տարածքի վարձակալության պայմանագիր: Ի՞նչ օրենքներ են այստեղ գործում, և ի՞նչ է անհրաժեշտ կատարել ՍՊԸ-ն որպես բաժանորդ գրանցելու համար: Նախապես նշեմ, որ նշված տարածքում բոլոր ծառայությունները առկա են եղել մինչև տարածքի ձեռքբերումը:
Նախապես շնորհակալ եմ խորհուրդների համար:

Ֆեյսբուքյան մեկնաբանություններ

Accountant.am
Author: Accountant.am

3 thoughts on “ՍՊԸ-ն որպես բաժանորդ գրանցելու համար

  1. Միգուցե համաձայնագիր ներկայացնեք, որ հիմնադիրը համաձայն է, որ այդ տարածքը ՍՊԸ-ն անհատույց օգտագործի տնտեսակական գործունեություն իրականացնելու համար:

  2. Համաձայն քաղաքացիական օրենսգրքի 135 հոդվածի` անշարժ գույքի նկատմամբ ցանկացած իրավումք ենթակա է պետական գրանցման, ինչի համար անհրաժեշտ է նորարի կողմից վավերացված պայմանագիր: Որքան ես հասկացա Ձեր հարցի ձևակերպումից, ՍՊԸ-ն իրավաբանական հասցեն պետ.ռեգիստրում նշված է Ընկերության միակ մասնակցին սեփականության իրավունքով պատկանող տարածքը: Միգուցե սա օրենքի բացթողում է: Սակայն տվյալ հասցեով կոմունալ և այլ ծախսերի անվանափոխման համար հիմք է հանդիսանում անշարժ գույքի օգտագործման իրավունքը հավաստող վկայականը, որը Ձեզ կտրամադրվի գույքի նկատմամբ համապատասխան իրավունքը պետ. կադաստրում գրանցումից հետո:

  3. Որպեսզի տարածքի հետ կապված ծառայությունները իրավաբանական անձը կարողանա դիտարկել որպես նվազեցվող ծախս, ապա անհրաժեշտ է այդ ծառայությունների ստացողը լինի իրավաբանական անձը: Դրա հիմնավորումը կլինի այդ տարածքը ՍՊԸ-ի կողմից օգտագործելու հանգամանքը: Դրա համար անհրաժեշտ կլինի վարձակալության պայմանագիր (հատուցումով կամ անհատույց դա ուրիշ հարց է): Խորհութրդ կտամ կնքել վարձակալության պայմանագիր, որը պարտադիր գրանցման ենթակա է կադաստրում (տրվում է տարածքի վարձակալության վկայական): Այդ վկայականի հիման վրա կարող եք անվանափոխել ստացվելիք ծառայությունները աբոնենտ դարձնելով ՍՊԸ-ն: Դրանից հետո նոր կարող եք ծախսագրել այդ վճարները ՍՊԸ-ում:

    Ինչ վերաբերվում է պետ. ռեգիստրում գրանցման հասցեին, ապա ըստ օրենսդրության որպես գրանցման հասցե կարելի է նշել կամայական հասցե: Օրենքը չի պարտադրում ունենալ ինչ-որ առնչություն գրանցման հասցեի հետ:

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *