Գայանե.
Բարև Ձեզ:
Ես աշխատում եմ համալսարանում, իսկ հիմա աշխատանքի պետք է անցնեմ մեկ այլ կազմակերպությունում: Նոր կազմակերպությունում աշխատանքը պետք է դառնա հիմնական, իսկ համալսարանի աշխատանքը` երկրորդային, համատեղության կարգով: Խնդրում եմ օգնել հետևյալ հարցում`
1. Ինչպե՞ս պետք է կատարվի ընդունման կարգը այդ նոր կազմակերպությունում
2. Ի՞նչ դիմում պետք է գրել
3. Աշխատանքային գրքույկը որտե՞ղ պետք է մնա
4. Իսկ հնարավոր է 1-ին աշխատատեղից չազատվել և 2-րդ աշխատատեղ ներկայացնել նոր գրքույկ
Շնորհակալություն
Հարգելի Գայանե,
ոչ մի խնդիր կամ դժվար բան չկա, ոչ մի տեղից չեք ազատվում:
Հիմնական աշխատավայրում` համալսարանում դիմում եք գրում, որպեսզի աշխատանքը այնտեղ դառնա համատեղությամբ: Դիմումից հետո կստորագրեք համաձայնագիր կամ հրաման: Նոր աշխատավայրում կնքում եք հիմնական աշխատանքային պայմանագիր: Աշխատանքային գրքույկը համալսարանից վերցնում եք և տալիս եք հիմնական գործատուին, ինչպես և պահանջում է օրենքը:
Ազատվել ոչ մի կազմակերպությունից պետք չի:
Վիկտորիա, իսկ այդ դեպքում աշատանքային գրքույկում ի՞նչ է գրվում:
Գիտեք, ես նման դեպքի հանդիպել եմ: Մեզ մոտ աշխատակցի համար աշխատանքը հիմնականն էր, բայց երբ ցանկացավ համատեղել` այսինքն ցանկացավ մի այլ տեղ անցնել հիմնական աշխատանքի, իսկ մեզ մոտ համատեղել, այնտեղ աշխատողին ասել էին, որ պիտի ազատվի հիմնական աշխատանքից, գա մեզ մոտ, ընդունենք հիմնական աշխատանքի, հետո նորից դուք ձեզ մոտ ընդունեք` այսինքն աշխատանքային գրքույկում ես պիտի ազատեի աշխատողին և նորից ընդունեի, իհարկե արդեն աշխատողի ցանկությամբ, որովհետև համատեղությամբ աշխատանքը աշխ. գրքույկում նշվում է աշխատողի ցանկությամբ:
Ինձ համար նույնպես այս հարցը բաց մնաց: