Նունե.
Բարև Ձեզ: Ես աշխատում եմ և մի օր ինձ մեր կադրերից տնօրենը տեղեկացրեց, որ ես կրճատվել եմ և ինձ անընդհատ ստիպում է, որ ես ազատման դիմում ներկայացնեմ: Ես 43 տարեկան եմ թոշակի տարիքի էլ չեմ: Հեռախոսով ինձ ասաց. “հարգելիս մենք Ձեզ հետ այլ կերպ կվարվենք”: Ինձ կարո՞ղ է դիմում չգրելու դեպքում հեռացում տալ։ Եվ ինձ վերջնահաշվարկ հասնու՞մ է, եթե արձակուրդային ստացել եմ։ Նախապես շնորհակալություն:
Որպես կանոն Դուք գործատուի հետ պետք է ունենաք աշխ. պայմանագիր, որով հստակեցված է Ձեր իրավունքները և պարտականությունները: Հետևաբար, դա բարդ ընթացակարգ է և պետք է հիմնավորեն ազատման հիմքերը: Ձեզ պարտավոր են վճարել արձակման նպաստ և վերջնահաշվարկ ազատման դեպքում: Թեժ գիծ 114:
Ձեզ վերջնահաշվարկ հասնում է, եթե բացի արձակուրդայինից նաև աշխատած օրերի գումար էլ ունեք ստանալու կամ հնարավոր արձակման նպաստ:
Պետք է հստակ նշեն Ձեր ազատման հիմքերը, պետք է նախօրոք Ձեզ ծանուցեին համապատասխան ԱՕ հոդվածների համաձայն: Կան պայմանագրի լուծման հոդվածներ, որոնց դեպքում վճարվում է արձակման նպաստ, իսկ վերջնահաշվարկ վճարվում է բոլոր դեպքերում։ Դուք կարող եք բողոքարկել և պաշտպանել Ձեր իրավունքները, թող ներկայացնեն հոդվածները, որոնց համաձայն Ձեզ ազատում են։
Վերջնահաշվարկը ոչ մի կապ չունի ազատման հետ անկախ ամեն ինչից, թե որ տարբերակով կազատվեք աշխատանքից: Եթե հաստիքի կրճատման տարբերակով է լինելու, ապա նաև արձակման նպաստ կարող եք պահանջել:
Աշխատանքի պայմանների փոփոխման, ԳՈՐԾԱՏՈՒԻ ՆԱԽԱՁԵՌՆՈՒԹՅԱՄԲ ԱՇԽԱՏԱՆՔԱՅԻՆ ՊԱՅՄԱՆԱԳԻՐԸ ԴԱԴԱՐԵՑՆԵԼՈՒ կամ աշխատանքային պայմանագիրը լուծելու հետ համաձայն չլինելու դեպքում աշխատողը համապատասխան անհատական իրավական ակտը (փաստաթուղթը) ստանալու օրվանից հետո` երկու ամսվա ընթացքում, իրավունք ունի դիմելու դատարան: Եթե պարզվում է, որ աշխատանքի պայմանները փոփոխվել են, աշխատողի հետ աշխատանքային պայմանագիրը լուծվել է առանց օրինական հիմքերի կամ օրենսդրությամբ սահմանված կարգի խախտումով, ապա աշխատողի խախտված իրավունքները վերականգնվում են: Այդ դեպքում աշխատողի օգտին գործատուից գանձվում է միջին աշխատավարձը` հարկադիր պարապուրդի ամբողջ ժամանակահատվածի համար, կամ աշխատավարձի տարբերությունը այն ժամանակահատվածի համար, որի ընթացքում աշխատողը կատարում էր նվազ վարձատրվող աշխատանք: Միջին աշխատավարձը հաշվարկվում է աշխատողի միջին օրական աշխատավարձի չափը համապատասխան օրերի քանակով բազմապատկելու միջոցով: