Կայք հաշվապահների համար և ոչ միայն…
Nelly.
Բարև ձեզ:
Ես գտնվում եմ հղիության և ծննդաբերության արձակուրդի մեջ 1-ին երեխայի համար, նա 2,7 տարեկան է: Հիմա նորից հղի եմ, հղիությունը 30 շաբաթ, հիվանդանոցից գործատուին ներկայացրել եմ անաշխատունակության թերթիկը, գործատուն չի վճարում` պարզաբանելով, որ պիտի աշխատեի գոնե 6 ամիս, այդ պատճառով նպաստ չի հասնում: Խնդրում եմ պարզաբանեք:
Կանխավ շնորհակալ եմ:
on Ակցիզային հարկի դրույքաչափ: “Շնորհակալ եմ պատասխանի համար, իմ խնդիրը հենց համապատասխան դասակարգիչը գտնելու մեջ է։” May 2, 12:20
on Ինչպե՞ս պետք է լրացնել աշխատաժամանակի հաշվարկման տեղեկագրիրը: “2 տողով լրացրեք,և 8 ժամ,և 4 ժամ, :” May 2, 10:49 on Ակցիզային հարկի դրույքաչափ: “ավելի լավ է դասակարգչով նայեք խաղողի օղին, կարող է սպիրտային խմիչքներից է ,” May 2, 10:47 on Ծախսերի փոխհատուցում: “պետական վճարումների մասով կարող եք կազմակերպության հաշվից էլ փոխանցել,” May 2, 10:44 on Տաքսոպարկը համագործակցում է Yandex – ի հետ: “Տվյալ դեպքում պարկի շրջանառությունը 1000-ն է,” May 2, 10:41
on Անձը դեռ գրանցված է որպես աշխատող: “ցանկանում եմ իմանալ ես գրանցված աշխատող եմ թե ոչ, կա արդյոք որևէ կայք ստուգելու համար?” May 1, 21:17 on Հաշվապահական խնդիր: “38000-28500,2. 1. Երեք տարվա ընթացքում կառուցված շենքի անմիջապեu շահագործման հանձնում դտ 111 821 2. Հիմնադիրների կողմից կազմակերպության կանոնադրական կապիտալ կատարվելիք…” Apr 30, 20:48 on Շահութահարկի հաշվարկ ՀԿ համար: “միևնույն է լրացման կետեր կան 240-ում, օրինակ բաժին 8-ը, նաև այդ տվյալները 246-ում էլ պետք էներկայացնել,” Apr 30, 20:40
Խնդրում եմ գրեք այս հարցի պատասխանը` նշելով օրենքը, ինձ էլ է պետք, շնորհակալություն:
Բարև Ձեզ, հարգելի Նելլի:
Եթե Դուք գտնվում եք մինչև երեք տարեկան երեխայի խնամքի արձակուրդում և գործատուին ներկայացնում եք անաշխատունակության թերթիկ` հղիության և ծննդաբերության նպաստ ստանալու համար, ապա գործատուն պարտավոր է Ձեզ վճարել այդ նպաստը:
Այսպես. համաձայն “Ժամանակավոր անաշխատունակության նպաստների մասին” ՀՀ օրենքի 13-րդ հոդվածի 2-րդ մասի, “Չվճարվող արձակուրդում կամ մինչև երեք տարեկան երեխայի խնամքի արձակուրդում գտնվելու ժամանակահատվածում վարձու աշխատողներին հղիության և ծննդաբերության նպաստը տրվում է ընդհանուր հիմունքներով` հղիության և ծննդաբերության արձակուրդի ժամանակահատվածի աշխատանքային օրերի համար”:
Ինչ վերաբերում է այդ դեպքում միջին աշխատավարձի հաշվարկման, ապա նույն օրենքի 22-րդ հոդվածի համաձայն,
միջին ամսական աշխատավարձը հաշվարկվում է ժամանակավոր անաշխատունակությունը առաջանալու ամսվան նախորդող տասներկու հերթական օրացուցային ամիսների համար գործատուի կողմից վճարված եկամուտը տասներկուսի բաժանելու միջոցով:
Այդ տասներկու ամիսների այն ամիսների փոխարեն, որոնց ընթացքում վարձու աշխատողը եղել է մինչև երեք տարեկան երեխայի խնամքի արձակուրդում, հաշվի է առնվում մինչև երեք տարեկան երեխայի խնամքի արձակուրդն սկսվելու ամսվան նախորդող` համապատասխան թվով հերթական օրացուցային ամիսների համար վճարված եկամուտը:
Շատ կարևոր է նաև իմանալ, որ այդ նպաստը գործատուն վճարում է ոչ թե սեփական գրպանից, այլ պետական բյուջեից: Ավելի կոնկրետ, գործատուն այդ գումարները վճարում է տվյալ ամսվա համար իր կողմից վճարվելիք եկամտային հարկի հաշվին: Իսկ, եթե եկամտային հարկի գումարը ավելի փոքր է վճարվող նպաստից, ապա պակասող մասը գործատուն վճարում է սեփական միջոցներից, որը այնուհետև ևս փոխհատուցվում է պետական բյուջեից: