Կայք հաշվապահների համար և ոչ միայն…
Արթուր.
Բարև Ձեզ:
Հղիության և ծննդաբերության նպաստի հաշվարկման համար հիվանդաթերթիկում նշված ժամանակահատվածի ո՞ր օրերն ենք հաշվի առնում: Արդյո՞ք օրենքով սահմանված տոնական ոչ աշխատանքային օրերը ևս ներառվում են: Ի՞նչ հաշվետվություն է պետք ներկայացնել, եթե տվյալ ամսին առկա է նման նպաստ:
Շնորհակալություն:
on Հաշվապահական խնդիր: “Ներկայացնում եմ մեր արհեստական բանականությամբ աշխատող հաշվապահի պատասխանը. Բացեք հղումը, փորձեք. https://chat.openai.com/g/g-NR9SIk18j-hashvapah Երբ մեկ ավտոմեքենան պոկանակվում է նմանատիպ մեկ այլ…” Apr 17, 18:56
on ԱՁ համարվել է ԱԱՀ վճարող: “Եթե հայտ չեք ներկայացրել շրջհարկով աշխատելու համար համակարգը ավտոմատ գցում է ԱԱՀ-ի դաշտ։ Այս տարի ստիպված ԱԱՀ-ով պետք է աշխատեք,…” Apr 17, 17:10 on Ո՞ր օրվա փոխարժեքը կիրառել: “Հիմք ընդունեք ինվոյսի ամսաթվի նախորդ օրվա ԿԲ-ի փոխարժեքը։” Apr 17, 17:06 on Ակցիզային հարկի հաշվարկ: “Բարև Ձեզ, Սոնա։ Ակցիզային հարկի հաշվարկը մրգային օղիների համար, եթե համաձայն եք շահագործվող սպիրտի ծավալին և սպիրտայնության աստիճանին, հետևյալ կերպով…” Apr 17, 16:34
on Հանրային հատվածի հաշվապահի որակավորում: “ամեն դեպքում մեր հետևորդներից եթե կլինեն մարդիկ որ ունեն, խնդեմ ուղարկեք վերը նշված էլ հասցեին։ կանխավ շնորհակալ եմ” Apr 17, 15:31
Հարգելի Արթուր,
ժամանակավոր անաշխատունակության նպաստը (այսուհետ` հղիության ու ծննդաբերության նպաստ) վարձու աշխատողին հղիության ու ծննդաբերության նպաստը տրվում է Հայաստանի Հանրապետության աշխատանքային օրենսգրքով սահմանված` հղիության և ծննդաբերության արձակուրդի ժամանակահատվածի բոլոր աշխատանքային օրերի համար: (տես` ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ՆՊԱՍՏՆԵՐԻ ՄԱՍԻՆ ՀՀ ՕՐԵՆՔԻ 11-րդ հոդված ) օրենքով սահմանված տոնական ոչ աշխատանքային օրերի հաշվարկման համար օրենսդիրը առանձնահատկություն է սահմանել «ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ՆՊԱՍՏՆԵՐԻ ՄԱՍԻՆ» ՀՀ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ ՄԱՍԻՆ 14 հուլիսի 2011 թվականի N 1024-Ն ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԱՆ 2-րդ հավելվածի 8-րդ կետով Գործատուն նպաստը հաշվարկում է ժամանակավոր անաշխատունակության ժամանակահատվածի աշխատանքային (ընդհանուր հանգստյան օրեր չհանդիսացող) օրերի համար: Ընդ որում, հղիության և ծննդաբերության նպաստը հաշվարկելիս ընդհանուր հանգստյան օր է համարվում կիրակին, իսկ հնգօրյա աշխատանքային շաբաթվա դեպքում` շաբաթը և կիրակին` անկախ Հայաստանի Հանրապետության աշխատանքային օրենսգրքի 155-րդ հոդվածի համաձայն կազմակերպության կամ տվյալ վարձու աշխատողի համար այլ հանգստյան օր սահմանված լինելու հանգամանքից: Ժամանակավոր անաշխատունակության մյուս տեսակի նպաստները հաշվարկելիս` հանգստյան օր են համարվում կազմակերպության կամ տվյալ վարձու աշխատողի համար Հայաստանի Հանրապետության աշխատանքային օրենսգրքի 155-րդ հոդվածի համաձայն սահմանված հանգստյան օրերը:
Միայն հղիության և ծննդաբերության նպաստը հաշվարկելիս հաշվի են առնվում բոլոր օրերը, բացի շաբաթը և կիրակին (եթե հնգօրյա աշխատանքային գրաֆիկով է աշխատում) կամ միայն կիրակին (եթե վեցօրյա աշխատանքային գրաֆիկով է աշխատում): Ներկայացնում եք տվյալ ամսվա եկամտային հարկի հաշվարկը էլեկտրոնային եղանակով, որտեղ տվյալ աշխատակցի համապատասխան տողում գրում եք նպաստի գումարը: