Ինչքա՞ն կկազմի մայրության նպաստը

Ավելի լավ կլինի հարցնեք դեկտեմբերին, քանի որ Ձեր միջին աշխատավարձը հնարավոր է այսօրվա թվից տարբերվի, քանի որ հաշվարկը կատարվում է ելնելով, թե վեցօրյակ է, թե հնգօրյակ ու միջին աշխատավարձից: 100 000-ի դեպքում մաքուրը 78 000 չպետք է կազմի, այլ 73 500:

Վարձու աշխատողի մայրության նպաստը հաշվարկելու համար հիմք ընդունվող միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկուերորդ ամսվա 1-ից մինչև ժամանակավոր անաշխատունակությունն առաջանալու ամսվան նախորդող ամսվա վերջին օրն ընկած ժամանակահատվածի համար գործատուի կողմից վարձու աշխատողին վճարված (հաշվարկված) եկամուտը տասներկուսի բաժանելու միջոցով:
Մայրության նպաստի չափը հաշվարկելու համար միջին ամսական աշխատավարձը բաժանվում է 30.4-ի (մեկ ամսվա միջին օրերի) և բազմապատկվում հղիության և ծննդաբերության արձակուրդի ժամանակահատվածի օրացուցային օրերի թվով:
Ձեր դեպքում, եթե վերցնենք, որ Ձեր միջին մաքուր աշխատավարձը կազմում է 78 000 դրամ և ենթադրենք, որ Ձեր դեկրետը 140 օրացույցային օր է, ապա 78 000 / 30,4 = 2 565 դրամ՝ Ձեր միջին օրական գումարն է, որը պետք է բազմապատկեք 140 օրացուցային օրվա մեջ ընկած Ձեր աշխատանքային օրերի քանակով, այսինքն, եթե Ձեր աշխատանքային շաբաթը հնգօրյա է, ապա հաշվեք աշխատանքային օրերի քանակը, ընդունելով շաբաթ և կիրակին որպես հանգստյան օրեր, և համապատասխանաբար հաշվեք վեցօրյաի դեպքում։