Մանե.
Բարև Ձեզ։ Եթե էլեկտրոնային ներկայացման համակարգում օգոստոս ամսվա հաշվետվությունը ուղարկել եմ ու ուզում եմ նորից ուղարկեմ ճշգրտված ձևով, ի՞նչ որ տուգանք կգա, թե՞ ոչ։ Կանխավ շնորհակալություն։
Հաշվապահություն ԵՎ ավելին
Հաշվապահական ծառայություններ
091 088 349
Եթե ավելացնելու եք հարկը, այդ ժամանակ կառաջանա տույժ, եթե պակասեցնեք հարկը՝ ոչ մի բան էլ չի առաջանում, իսկ, եթե ունեք ավել վճարված գումար տվյալ ժամանակաշրջանում, ապա ոչինչ էլ չի առաջանում, հանգիստ ուղղում տվեք:
Հանգիստ կարող եք ներկայացնել ճշտված հաշվարկը նորից, տուգանք դրա համար չի հասնում, միայն կարող են տույժեր առաջանալ:
ՀՕ Հոդված 54.Հարկային հաշվարկի ճշտումըՀարկ վճարողի կողմից հարկային մարմին ներկայացված հարկային հաշվարկում սխալների ինքնուրույն հայտնաբերման դեպքում դրանց ճշտման արդյունքներով կարող են ներկայացվել ճշտված հարկային հաշվարկներ: Եթե ճշտված հարկային հաշվարկի ներկայացման արդյունքում առաջանում է հարկային պարտավորություն կամ ավելանում է նախկինում առաջացած հարկային պարտավորությունը, ապա հարկ վճարողն ազատվում է հարկի գումարը պակաս ցույց տալու համար Օրենսգրքով սահմանված տուգանքի կիրառումից:
Անկախ տույժի չափից ճշտված հաշվետվությունը ներկայացրեք։
Հարգելի Մանե,
եթե օգոստոս ամսվա հաշվետվությունը ուղարկել եք օրենքով սահմանված ժամկետում, այսինքն՝ մինչև հաջորդող ամսվա 20-ը ներառյալ, ապա տվյալ հաշվետվությունը ճշտում տալու համար ոչ մի վարչական տուգանքի չեք ենթարկվի։
Հարգելի Մանե,
ավելին ասեմ՝ նույն հաշվետվության համար կարող եք ճշտում ներկայացնել բազմաթիվ անգամներ, որևէ սահմանափակում չկա։