Մարինա.
Խնդրում եմ մանրամասն գրեք միջանկյալ շահաբաժնի ձևակերպումների մասին: Ասեք խնդրեմ` տարին քանի՞ անգամ կարելի է միջանկյալ շահաբաժին բաշխել և ի՞նչ գումարի չափով, սահմանափակումներ կա՞ն:
Բազմակի հաշվապահներ պնդում են, որ տարին մեկ անգամ (տարվա վերջ) կարող ես տալ շահաբաժինը, միջանկյալ շահաբաժին հասկացողություն չկա:
Խնդրում եմ հղում անել, թե որ օրենքի հիման վրա հիմնվենք միջանկյալ շահաբաժին բաշխելիս:
Կանխավ շնորհակալություն:
Հարգելի Մարինա, ֆինանսական հաշվառման տեսանկյունից նախատեսված է, որ ընկերությունները կարող են հայտարարել միջանկյալ շահաբաժիններ: Այդ դեպքում կտրվեն հետևյալ ձևակերպումները.
դ-տ կ-տ
344 529 100 միավոր (միջանկյալ շահաբաժնի հայտարարում)
529 252 100 միավոր (շահաբաժնի վճարում)
Տարվա վերջում`
342 529 230 միավոր (տարեկան շահաբաժնի հայտարարում)
529 344 100 միավոր (միջանկյալ շահաբաժնի դուրսգրում)
529 252 130 միավոր (տարեկան շահաբաժնի վճարում)
Սակայն ի նկատի ունեցեք, որ “Սահմանափակ պատասխանատվությամբ ընկերություննրի մասին” ՀՀ օրենքի հոդված 24-ի համաձայն ընկերությունն իրավունք ունի տարեկան մեկ անգամ իրականացնել իր շահույթի բաշխում ընկերության մասնակիցների միջև: