Մելինե.
Բարև ձեզ: Եթե աշխատողի մայրության նպաստի թերթիկը (կեսարյան 15օր) բերել են 19.01.2022-ին, դա ցույց է տրվելու հունվար ամսվա եկամտային հաշվարկու՞մ: Եվ այդ 15 օրվա թերթիկը ևս պետք է տանե՞լ հարկային, եթե եկամտային հարկը չի բավականացնում:
Կայք հաշվապահների համար և ոչ միայն
Այո, 15 օրվա թերթիկը ևս պետք է տեղեկանքի հետ ներկայացնել հարկային, եթե եկամտային հարկը չի բավականացնում:
Իսկ 15 օրվա հաշվարկը նու՞յն ձևով է արվում, ինչ 140 օրվանը, պարզապես միջին օրականը բազմապատկվում է 15 օրո՞վ: ՈՒ կապ չունի՞ չէ, որ ես հունվարին եմ ցույց տալու 15 օրվանը, իսկ 140 օրվանը եղել է նոյեմբերին: Մեկ է ես 140 օրվա միջին օրականն եմ վերցնում:
Այո, հաշվարկի համար նույն միջին օրականը վերցրեք։ Այդ նպաստի գումարն էլ կարեղ եք ցույց տալ հունվար ամսվա եկ հարկի հաշվարկի մեջ (եթե վճարումն էլ եք կատարել հունվարին)։
Այո, միջինի թիվը նույնը պետք է վերցնել ու հաշվել 15 օրվա հաշվով:
Նպաստի դեպքում հաշվառումը կատարվում է դրամարկղային մեթոդով, այսինքն` որ ամսում, որ վճարումը կատարում եք, այդ ամսվա եկ. հարկի հաշվարկում պիտի ներառեք։ Այո, այդ թերթիկը նույնպես պիտի ներկայացնեք հարկային։
Հաշվարկված նպաստը պետք է արտացոլել վճարման ամսվա եկամտային հարկի հաշվարկում։ Իսկ եկամտային հարկը չբավականացնելու դեպքում, այո, 15 օրվա անաշխատունակության թերթիկը նույնպես պետք է ներկայացնել հարկային մարմին, թերթիկի հետ միասին նաև՝ գործատուին փոխհատուցման ենթակա գումարների մասին տեղեկանքը (2 օրինակից), դիմումը և աշխատողի անձը հաստատող փաստաթղթի և սոց. քարտի պատճենները (ըստ պահանջի)։
Եթե եկամտային հարկը հերիքում է, այդ դեպքում էլի անպայմա՞ն է թերթիկը ներկայացնել հարկային։
Ոչ, այդ դեպքում փաստաթղթերի փաթեթը չի ներկայացվում հարկային, և ամբողջ գումարը փոխհատուցվում է եկամտային հարկի հաշվին։