Աննա․
Բարև Ձեզ, կուզեի իմանալ՝ քաղիրավական պայմանագրով աշխատողներին արդյո՞ք տրվում է ֆիզ. արձակուրդ և վճարվու՞մ է այնպես, ինչպես աշխատանքային պայմանագրով աշխատողների ֆիզ. արձակուրդը։
Կայք հաշվապահների համար և ոչ միայն
Կայք հաշվապահների համար և ոչ միայն
Ոչ, քաղ-իրավական պայմանագրի շրջանակում աշխատողը չի կարող ունենալ արձակուրդ, անաշխատունակության նպաստ, վերջնահաշվարկ, և այլն։
Ոչ, նույն կերպ չի, ինչպես աշխատանքային պայմանագրով աշխատողներինը, սակայն մայրության նպաստ ստանալ կարող են որպես չաշխատողի մայրության նպաստ:
Այստեղ սահմանված են քաղիրավական և աշխ. պայմանագրով աշխատողների տարբերությունները։
«Պետական նպաստների մասին» ՀՀ օրենքի հոդված 23.1. Մայրության նպաստի իրավունքը
1. Մայրության նպաստի իրավունք ունեն՝
3) Հայաստանի Հանրապետության բնակության վայրի հասցեով հաշվառված՝ հղիության և ծննդաբերության արձակուրդի իրավունք ունենալու ժամանակահատվածի առաջին օրվա դրությամբ վարձու աշխատող կամ ինքնուրույնաբար իրեն աշխատանքով ապահոված անձ չհանդիսացող անձը (այսուհետ՝ չաշխատող անձ): Սույն օրենքի 23.1-ին և 23.2-րդ հոդվածների իմաստով՝ չաշխատող անձ է համարվում նաև, բացառապես միկրոձեռնարկատիրության սուբյեկտ համարվող՝ անհատ ձեռնարկատեր չհանդիսացող ֆիզիկական անձը, քաղաքացիաիրավական պայմանագրի հիման վրա աշխատանքների կատարման (ծառայությունների մատուցման) դիմաց գործատուից եկամուտ ստացող անձը:
Այս հոդվածի համաձայն՝ Դուք կստանաք մայրության նպաստ որպես չաշխատող անձ, և նպաստը կհաշվարկվի ու կվճարվի Հայաստանի Հանրապետության կառավարության լիազորած մարմնի կողմից։
Ներեցեք մեկ հարց ունեմ։ Ես քաղ. իրավական պայմանագրով աշխատող եմ, արդեն ձեզնից ստացա պատասխան, որ մայրության նպաստ կստանամ, որպես չաշխատող մայր։ Բայց կուզեի իմանալ` կոնկրետ ժամկետ կա՞, որ այդ ընթացքում ես պիտի համարվեմ չաշխատող, թե՞ ցանակացած ժամանակ, օրինակ` 8 ամսականից կարող եմ ազատվել աշխատանքից ու համարվել չաշխատող և կստանա՞մ արդյոք պետության կողմից սահմանված 156 000 դրամը։ Թե պարտադիր պետք է 7 ամսականից համարվեմ չաշխատող: Շնորհակալություն: