Ալինա.
Խնդրում եմ, եթե կարող եք, պարզաբանեք՝ հոդված 1. Հայաստանի Հանրապետության 2004 թվականի նոյեմբերի 9-ի աշխատանքային օրենսգրքի 192-րդ հոդվածի 2-րդ մասը լրացնել հետևյալ բովանդակությամբ նոր նախադասությունով.
«Երևան քաղաքում գործունեություն ծավալող 10 և ավելի աշխատող ունեցող գործատուն աշխատավարձի վճարումները կատարում է անկանխիկ եղանակով»:
Օրինակի համար՝ 10-ի մեջ քաղաքացիաիրավական պայմանագրով աշխատողները ներառվու՞մ են, թե՞ ոչ։ Շնորհակալություն:
Աշխատանքային օրենսգիրքը կարգավորում է աշխատանքային պայմանագրով նախատեսված գործատուի և վարձու աշխատողի հարաբերությունները, քաղաքացիաիրավական պայմանագրով աշխատանքները կարգավորվում են Քաղաքացիական օրենսգրքով, ուստի ծառայությունների դիմաց կատարված վճարումները կարող են վճարվել նաև կանխիկ։
Քաղիրավական պայմանագրով աշխատող անձը հիմնական աշխատող չէ, այդ պատճառով կանխիկ, թե անկանխիկ, ինչպես հարմար է Ձեզ, այդպես էլ վճարեք:
– Տասը և ավելի աշխատող ունեցող պատվիրատուն քաղաքացիաիրավական պայմանագրով նախատեսված գումարը կատարողին կարող է վճարել թե՛ կանխիկ, և թե՛ անկանխիկ եղանակով, քանի որ ՀՀ աշխատանքի և սոցիալական հարցերի նախարարի, ՀՀ ֆինանսների նախարարի և ՀՀ կառավարությանն առընթեր ՊԵԿ-ի նախագահի համատեղ հրամանով հաստատված աշխատավարձի և դրան հավասարեցված այլ վճարումների ցանկում քաղաքացիաիրավական պայմանագրով նախատեսված գումարը ներառված չէ: